Union Budget 2021 LIVE: નાણા મંત્રી નિર્મલા સીતારમણ આજે રજૂ કરશે મોદી સરકારનું નવમું બજેટ

Gold Silver Price Today: ભારતીય બજારોમાં ગુરૂવારે સોના અને ચાંદીના ભાવોમાં જોરદાર કડાકો જોવા મળી રહ્યો છે. મલ્ટી કમોડિટી એક્સચેન્જ (Multi Commodity Exchange- MCX) પર આજે સવારે 09:50 વાગ્યે સોનું વાયદો (Gold Price Today) 0.74 ટકા એટલે કે 344 રૂપિયાના ઘટાડા સાથે 46,328 રૂપિયા પ્રતિ 10 ગ્રામ પર ટ્રેડ થઈ રહ્યું છે. આ ઉપરાંત, ચાંદીમાં (Silver Price Today) પણ મોટો કડાકો જોવા મળ્યો છે અને MCX પર સિલ્વર વાયદો 1.08 ટકા એટલે કે 660 રૂપિયાના ઘટાડા સાથે 60,520 રૂપિયા પ્રતિ કિલોગ્રામ પર ટ્રેડ થઈ રહી છે.

આંતરરાષ્ટ્રીય બજારની વાત કરીએ તો, ગુરૂવારે US Fed વ્યાજ દરોને લઈ કરેલી જાહેરાત બાદ સોનું 0.3 ટકા ઘટીને 1,762.33 ડૉલર પ્રતિ ઔંસ પર ટ્રેડ થયું. ગોલ્ડ ફ્યૂચર પણ 0.9 ટકા ઘટીને 1,762.10 પર જોવા મળ્યું. ચાંદીમાં પણ 0.5 ટકાનો ઘટાડો જોવા મળતાં તેનો ભાવ 22.55 ડૉલર પ્રતિ ઔંસ પર પહોંચી ગયો.

9800 રૂપિયા સસ્તું સોનું ખરીદવાની તક

સોનું તેના ઓગસ્ટ 2020ના ઓલટાઇમ હાઇ ભાવ 56,200 પ્રતિ 10 ગ્રામથી 9800 રૂપિયા નીચે ટ્રેડ થઈ રહ્યું છે. MCX પર સોનું 46200ના લેવલ પર ટ્રેડ થઈ રહ્યું છે તેથી સસ્તું સોનું ખરીદવાની આ સુવર્ણ તક છે.

ગુજરાતના મુખ્ય શહેરોમાં સોના અને ચાંદીનો ભાવ

ગુડ રિટર્ન્સ (Good Returns) વેબસાઇટ મુજબ, ગુરૂવાર સવારે અમદાવાદમાં 24 કેરેટ સોનાની કિંમત (Ahmedabad 24 Carat Gold Price) 48,040 રૂપિયા પ્રતિ 10 ગ્રામ છે. આ ઉપરાંત સુરતમાં 24 કેરેટ સોનાની કિંમત (Surat 24 Carat Gold Price) 48,040 રૂપિયા અને વડોદરામાં 24 કેરેટ સોનાની કિંમત (Vadodara 24 Carat Gold Price) 48,040 રૂપિયા પ્રતિ 10 ગ્રામ છે. આ ઉપરાંત, આ ત્રણેય શહેરોમાં એક કિલોગ્રામ ચાંદીનો ભાવ 60,600 રૂપિયા છે.

આ પણ વાંચો, Earn Money: 1 લાખ રૂપિયાના રોકાણ સાથે આ બિઝનેસ શરૂ કરી મહિને કરો 8 લાખની બમ્પર કમાણી, સરકાર કરશે મદદ

આવી રીતે ચેક કરો સોનાની શુદ્ધતા

જ્યારે તમે સોના ચાંદીની ખરીદી કરવા નીકળો ત્યારે સોનાની શુદ્ધતા જાતે ચકાસી શકો છો. સરકારે આના માટે 'BIS Care app' એપ બનાવી છે. જેના દ્વારા સોનાની શુદ્ધતા ચકાસી શકાય છે. આ એપમાં લાઇસન્સ નંબર અથવા તો તપાસમાં હૉલમાર્ક ખોટો નીકળે તો તાત્કાલિક ગ્રાહકો ફરિયાદ કરી શકે છે. BIS Care Appમાં સામાનનું લાઈસેન્સ, રજીસ્ટ્રેશન અને હોલમાર્ક નંબર જો ખોટો જણાય તો, ગ્રાહક આ અંગેની ફરિયાદ કરી શકે છે. આ એપની (Gold) મદદથી તરત જ ગ્રાહકોની ફરિયાદ દાખલ કરવાની માહિતી પણ મળી જાય છે.

આ પણ વાંચો, Petrol-Diesel Price Today: સતત 18મા દિવસે પેટ્રોલ-ડીઝલના ભાવ સ્થિર, જાણો ગુજરાતના 4 શહેરોના રેટ્સ

મિસ્ડ કોલ કરીને જાણો સોનાનો ભાવ

સોનાનો ભાવ સરળતાથી ઘરે બેઠા પણ જાણી શકો છો. તેના માટે માત્ર આ નંબર 8955664433 પર મિસ્ડ કોલ કરવો પડશે અને આપના ફોન પર મેસેજ આવી જશે જેમાં તમે લેટેસ્ટ રેટ્સ ચેક કરી શકો છો.

Gold-Silver Price Today: સોના અને ચાંદીના ભાવમાં જોરદાર કડાકો, 9800 રૂપિયા સસ્તું ગોલ્ડ ખરીદવાની તક

વડોદરામાં (Vadodara) કોલેજિયન યુવતી પર દુષ્કર્મ કેસમાં (Vadodara college girl rape case) આરોપીઓ CA અશોક જૈન (CA Ashok Jain) અને પાવાગઢ મંદિરના ટ્રસ્ટી અને ઇન્વેસ્ટર રાજુ ભટ્ટને (Pavagadh Temple trustee Raju Bhatt) શોધવા પોલીસની બે ટીમોની મદદમાં ક્રાઇમ બ્રાન્ચ (Crime Branch) અને અન્ય શાખાની પોલીસ ટીમો પણ જોડાશે. આ આરોપીઓને ઝડપી લેવા પોલીસે બુધવારે પણ અલગ અલગ સ્થળોએ દરોડા પાડયા હતા પણ બંને મળી આવ્યા ન હતા. ફરિયાદ નોંધાવતી વખતે યુવતીએ તેના ઘરમાં એસીના પ્લગ સાથે લગાવેલો સ્પાય કેમેરો મળ્યો હોવાનું ફરિયાદમાં જણાવતાં પોલીસે સ્પાય કેમેરો રજુ કરવા યુવતીને જણાવ્યું હતું પણ બુધવારે રાત સુધી યુવતીએ સ્પાય કેમેરો રજુ ના કર્યો હોવાનું પોલીસ સુત્રોએ જણાવ્યું હતું.

અશોક જૈને પત્રમાં શું લખ્યું છે?

69 વર્ષના ફરાર આરોપી સીએ અશોક જૈને ગૃહરાજય મંત્રી તથા ડીજીપી સહિત તમામ ઉચ્ચ પોલીસ અધિકારીઓને પત્ર લખી પોતે નિર્દોષ હોવાનું જણાવી બુટલેગર અલ્પુ સિંધીએ બદનામ કરી પૈસા પડાવાનું ષડયંત્ર રચ્યું હોવાનો આરોપ લગાવ્યો છે. અશોક જૈને કહ્યુ છે કે, પોતે નાર્કો ટેસ્ટ, બ્રેઇન મેપીંગ ટેસ્ટ અને પોલીગ્રાફ ટેસ્ટ સહિતના તમામ ટેસ્ટ કરાવવા તૈયાર છે.

ગોત્રી દુષ્કર્મ કેસમાં આરોપી અશોક જૈને લખેલા પત્રમાં જણાવ્યુ છે કે, આ યુવતી પાંચ મહિના પહેલા તેમના મિત્ર પ્રણવ શુક્લાના રેફરન્સથી તેમની ઓફિસે આવી હતી. તે વખતે તેને ઓફિસમાં બેસી કામ કરી શકે છે તેમ કહ્યું હતું પણ કોરોનામાં યુવતી ઓફિસ આવતી ન હતી, ફરિયાદમાં આરોપી તરીકે રાજુ ભટ્ટનું નામ સંડોવાયેલું છે અને તેમણે રાજુ ભટ્ટ સાથે મિટીંગ કરાવ્યાનું જણાવેલું છે પણ તેઓ રાજુ ભટ્ટને ઓળખતા નથી અને ફોન પર પણ વાત થઇ નથી. ફ્લેટ તેમણે ભાડે અપાવ્યો હોવાનું જણાવ્યું છે પણ યુવતીએ બ્રોકર મારફતે વર્તમાનપત્રમાં જાહેરાત મારફતે શોધ્યો હતો અને તેના માલિકનું નામ રાહીલ રાજેશ જૈન હોવાનું જણાતા તેણે તેમનો સંપર્ક કરી તમારી અટક પણ જૈન હોવાથી તમે ભાડુ ઓછું કરાવી શકતા હોવાની વિનંતી કરી હતી. તેથી તેમણે રાહીલ જૈનને ફોન કરી ભાડુ ઓછું કરાવ્યું હતું.

ફ્લેટમાં તે તેના ભાઇ આસુ સાથે રહેતી હતી અને આસુ ના હોય ત્યારે તેનો બોયફ્રેન્ડ અલ્પેશ વાધવાણી ઉર્ફે અલ્પુ સિંધી સાથે રહેતી હોવાનું તેમને જાણવા મળ્યું છે. યુવતી દિલ્હી ગયા બાદ અલ્પુ સિંધીએ તેમને મોબાઇલમાં ફોટા મોકલ્યા હતા. જેમાં તેઓ યુવતીની બાજુમાં બેઠેલા હોવાનું જણાતુ હતું. અલ્પુ સિંધી દ્વારા મોકલેલા મેસેજમાં તેઓ કહે તે રીતે તમારે કરવું પડશે નહીંતર તે બળાત્કારના કેસમાં ફસાવી દેશે તેમ જણાવ્યું હતું.

આ સાથે તેમણે પત્રમાં તે પણ લખ્યુ છે કે, તેમણે તપાસ કરતાં અલ્પુ સિંધી માથાભારે અને ગુનાઇત ઇતિહાસ ધરાવતો હોવાનું અને જીદ પર આવી જાય તો કોઇ પણ ભોગે જઇ શકે તેવું તેમને જાણવા મળ્યું હતું. ત્યારબાદ તેમણે અલ્પુ સિંધીને ફોન કરતાં અલ્પુ સિંધીએ બળાત્કાર કર્યા હોવાના આરોપ લગાવી ફોટા તમે મોકલ્યા હોવાનું જણાવ્યું હતું. અલ્પુ સિંધી તેમને બદનામ કરી તોડપાણી કરી પૈસા પડાવવા ષડયંત્ર રચ્યું હતું અને તેમણે પૈસા ચુકવવાની તૈયારી ના બતાવતા ફરિયાદ કરાવી છે.

અલ્પુ સિંધી અને અશોક જૈન વચ્ચેનો ઓડિયો વાયરલ થયો હતો

આ કેસમાં પીડિતાના મિત્ર બુટલેગર અલ્પુ સિંધી અને આરોપી અશોક જૈન વચ્ચેની એક ઓડિયો ક્લિપ પણ વાયરલ થઇ છે. જેમાં નીચે પ્રમાણેની વાતો થઇ રહી છે.

અલ્પુ સિંધી: તમે 60 વર્ષની ઉંમરે 25 વર્ષની છોકરી સાથે બળાત્કાર કર્યો છે,ભાન છે?
અશોક જૈન: બળાત્કાર કોણે કર્યો બાપા, મેં ક્યાં બળાત્કાર કર્યો છે?
અલ્પુ સિંધી: તમે જે મને ફોટા મોકલ્યા તેને બદનામ કરવા માટે તે કેમ મોકલ્યા?
અશોક જૈન: મેં ક્યાં મોકલ્યા? મારી પાસે છે જ નહીં.
અલ્પુ સિંધી: તમે તેની સાથે કાંઇ કર્યું જ નથી?
અશોક જૈન: ના
અલ્પુ સિંધી: તમે જે ફોટા મોકલ્યા છે તેમાં તો તમે બતાવતા હતા મેં આવું કર્યું છે.
અશોક જૈન: મેં મોકલ્યા જ નથી.મારી પાસે ફોટા જ નથી.
અલ્પુ સિંધી: તમારા ફ્લેટ પર છોકરી ગઇ છે, તમે જે હરકતો કરી છે તે બધું જ મારી પાસે છે.
અશોક જૈન: મેં ક્યાં મોકલ્યા છે ફોટા,તમે કીધું હતું કે, આપણે બેસીને પતાવી દઇશું.
અલ્પુ સિંધી:મારે શું પતાવવાનું છે? પેલીને ફરિયાદ કરવી છે.
અશોક જૈન: મેં કાંઇ કર્યું જ નથી.
અલ્પુ સિંધી: મેડિકલમાં બધું આવશે.તમે જે ફોટા મોકલ્યા હતા તે બધું જ છે મારી પાસે.
અશોક જૈન: મેં ક્યાં મોકલ્યા જ છે?

&amp;nbsp;

બંને આરોપીઓ ભૂગર્ભમાં

આ બનાવમાં ભૂગર્ભમાં ઉતરી ગયેલા બંને આરોપીને શોધવા માટે પોલીસની ટીમો કામે લાગી છે અને સંભવિત આશ્રય સ્થાનો પર દરોડા પણ પાડયા છે. બીજીતરફ આ કેસમાં પોલીસ કમિશનરે પણ વિગતો મેળવી છે. જ્યારે, ગોત્રીના પીઆઇ એસ.વી. ચૌધરી દ્વારા ફરિયાદ સંબંધિત કેટલીક વ્યક્તિના નિવેદનો તેમજ સ્થળના પંચનામાની તજવીજ કરી હતી. આ ઉપરાંત પોલીસે સીસીટીવી ફૂટેજ તેમજ પીડિતા તેમજ અન્ય સબંધિત વ્યક્તિઓના કોલ્સ ડીટેલ મેળવવા પણ કાર્યવાહી કરી હોવાની વિગતો પ્રાપ્ત થઇ છે.

વડોદરા દુષ્કર્મ કેસ: CA અશોક જૈને ગૃહરાજ્ય મંત્રીને લખ્યો પત્ર, 'મને બદનામ કરીને પૈસા પડાવવાનું ષડયંત્ર છે'

અમદાવાદ: કોરોનાકાળમાં અભિનેતા સોનુ સૂદ (Actor sonu Sood) સાચો કોરોના વોરિયર્સ સાબિત થયો છે. તાજેતરમાં જ તેની ઓફિસો પર ઇન્કમ ટેક્સ ડિપાર્ટમેન્ટ (Income tax department)ના દરોડા પડ્યા હતા. સોનુ સૂદની ઓફિસ પર દરોડાની કાર્યવાહીને અભિનેતાની દિલ્હીના મુખ્યમંત્રી અરવિંદ કેજરીવાલ (Delhi CM Arvind Kejriwal)સાથેની મુલાકાત સાથે જોડવામાં આવી રહી છે. હવે એવા સમાચાર મળ્યા છે કે અભિનેતાએ બુધવારે અમદાવાદ ખાતે એક ખાનગી હોટલમાં આખો દિવસ ઉદ્યોગપતિઓ, જુદા જુદા અગ્રણીઓ અને અન્ય લોકો સાથે બેઠક કરી હતી. આખો દિવસ બેઠક બાદ અભિનેતા સાંજે જ રવાના થઈ ગયો હોવાની માહિતી મળી રહી છે. આ દરમિયાન અભિનેતાએ આપના ત્રણ મોટા પ્રદેશ નેતા સાથે બંધ બારણે બેઠક કરી હતી. આ મામલે અભિનેતા કે આમ આદમી પાર્ટી તરફથી કોઈ નિવેદન આપવામાં આવ્યું નથી.

સૂત્રોના જણાવ્યા પ્રમાણે અમદાવાદના સિંધુ ભવન (Sindhu Bhavan Road) ખાતે આવેલી એક હોટલ ખાતે સોનુ સૂદે બુધવારે આખો દિવસ જુદા જુદા લોકો સાથે બેઠક કરી હતી. જેમાં ગુજરાતના આમ આદમી પાર્ટી (Gujarat Aam Aadami Party)ના ત્રણ નેતા પણ સામેલ છે. સોનુ સૂદે આપના ઇસૂદાન ગઢવી (Isudan Gadhvi), મહેશ સવાણી (Mahesh Savani) અને ગોપાલ ઇટાલિયા (Gopal Italia) સાથે બેઠક કરી હતી. સૂત્રોનું કહેવું છે કે આપના નેતાઓ સાથે સોનુ સૂદે આશરે દોઢથી બે કલાક સુધી બેઠક કરી હતી. જે બાદમાં જુદા જુદા લોકો સાથે અભિનેતાએ બેઠક કરી હતી. આ લોકોમાં કેટલાક ઉદ્યોગપતિઓ પણ સામેલ હતા.

ગુજરાતમાં જે રીતે આમ આદમી પાર્ટીનું વર્ચસ્વ વધી રહ્યું છે ત્યારે જ અભિનેતાની આપના નેતાઓ સાથેની મુલાકાત ઘણી જ સૂચક છે. આ મુલાકાતના કેવા પરિણામ આવે છે એ તો આગામી સમય જ બતાવશે. આવતા વર્ષે આવી રહેલા ગુજરાત વિધાનસભાની ચૂંટણી દરમિયાન અભિનેતા સત્તાવાર રીતે આપ માટે પ્રચાર કરે છે કે નહીં તે જોવું રહ્યું. સોનુ સૂદ આપના નેતાઓ સાથે બેઠક કરવા માટે જ અમદાવાદ આવ્યો હતો કે કોઈ અન્ય કામથી આવ્યો હતો તે જાણી શકાયું નથી. પરંતુ હાલ અભિનેતાની આ મુલાકાતથી ચર્ચા જરૂરી જાગી છે.

સોનુ સૂદ પર IT વિભાગે લગાવ્યો 20 કરોડની કર ચોરીનો આરોપ

ઉલ્લેખનીય છે કે થોડા દિવસ પહેલા અભિનેતા સોનુ સૂદની ઓફિસ પર આવકવેરા વિભાગે સર્વે કર્યો હતો. જેમાં સૂત્રોએ દાવો કર્યો હતો કે ઈન્કમ ટેક્સ વિભાગે શરૂ કરેલી તપાસમાં કર ચોરીના (Tax Evasion) પાક્કા પુરાવાઓ મળ્યા છે. ઈન્કમ ટેક્સ વિભાગે મુંબઈ, લખનઉ, કાનપુર, જયપુર, દિલ્હી અને ગુરગ્રામ સ્થિત ઓફિસો પર દરોડા કર્યાં હતાં. ઈન્કમ ટેક્સ વિભાગ (Income Tax department) અનુસાર ટીમની તપાસ દરમિયાન 20 કરોડની ટેક્સ ચોરી કરી હોવાના પુરાવાઓ મળ્યા છે. મહત્ત્વનું છે કે, સર્ચ ઓપરેશનની દરમિયાન ઈન્કમટેક્સ ડિપાર્ટમેન્ટને 1 કરોડ 8 લાખ રૂપિયાની રોકડ મળી છે. જેમાં 11 લોકર પણ મળી આવ્યા છે.

આ પણ વાંચો: ઉત્તરાખંડની ચૂંટણી: કેજરીવાલની મોટી જાહેરાત, AAPની સરકાર બનશે તો તમામ બેરોજગાર યુવાનોને રોજગારી મળશે

સૂત્રોએ દાવો કર્યો છે કે, ઈન્કમ ટેક્સ વિભાગને આ સર્ચ ઓપરેશનમાં ટેક્સની હેરાફેરીના પાક્કા પુરવાઓ મળ્યા છે. ટેક્સની હેરાફેરી સોનુ સૂદેના પર્સનલ ફાઈનાન્સ સાથે જોડાયેલી છે. અત્યારસુધી મળી રહેલી જાણકારી અનુસાર ફિલ્મોમાંથી મળેલી રકમમાં પણ ટેક્સ ચોરી કરવામાં આવી છે.

અભિનેતા સોનુ સૂદે અમદાવાદમાં આપના નેતાઓ સાથે બંધ બારણે બેઠક કરતા અનેક અટકળો

Avika Gor Photos: ‘બાલિકા વધૂ’નો બોલ્ડ અવતાર જોઈને લોકોએ કહ્યું- ‘કેમ આટલી બદલાઈ ગઈ?’

Covid-19 Latest Updates, 23 September 2021: ભારતમાં કોરોના સંક્રમણના કેસોમાં (India Corona Cases) ગુરૂવારે ફરી ઉછાળો નોંધાયો છે. 24 કલાકમાં 31 હજારથી વધુ લોકો કોરોનાગ્રસ્ત થયા છે. બીજી તરફ, એક્ટિવ કેસોમાં (Covid Active Cases) સતત ઘટાડો નોંધાઈ રહ્યો છે. આજે 187 દિવસ બાદ સૌથી ઓછા કેસ નોંધાયા છે. નોંધનીય છે કે, કેરળમાં (Kerala Corona Cases) એક દિવસમાં 19,675 કેસ નોંધાયા છે અને 142 દર્દીઓએ જીવ ગુમાવ્યા છે. ગુજરાતમાં (Gujarat Corona Updates) પણ કોરોના કેસોમાં આંશિક વધારો જોવા મળ્યો છે.

કોરોના સંક્રમણના કેસોમાં ઉછાળો

કેન્દ્રીય આરોગ્ય વિભાગે ગુરૂવાર સવારે જાહેર કરેલા આંકડાઓ મુજબ, છેલ્લા 24 કલાકમાં દેશમાં 31,923 નવા (Corona Cases in India) પોઝિટિવ કેસો નોંધાયા છે. આ ઉપરાંત કોવિડ-19 (COVID-19)ના કારણે 282 દર્દીઓએ પોતાના જીવ ગુમાવ્યા છે. દેશમાં હવે કુલ સંક્રમિતોની સંખ્યા વધીને 3,35,63,421 થઈ ગઈ છે. આ ઉપરાંત, દેશમાં કુલ 83,39,90,049 કોરોના વેક્સીન (Covid19 Vaccine Campaign)ના ડોઝ આપવામાં આવ્યા છે. છેલ્લા 24 કલાકમાં 71,38,205 કોરોના વેક્સીનના ડોઝ આપવામાં આવ્યા છે.

કોરોના વાયરસ મહામારી સામે લડીને ભારતમાં 3 કરોડ 28 લાખ 15 હજાર 731 લોકો સાજા પણ થઇ ચૂક્યા છે. છેલ્લા 24 કલાકમાં 31,990 દર્દીઓ સાજા થયા છે. હાલમાં 3,01,604 એક્ટિવ કેસ છે. અત્યાર સુધીમાં કુલ 4,46,050 લોકોનાં કોરોના વાયરસના કારણે મોત થયા છે. આ ઉપરાંત, ઈન્ડિયન કાઉન્સિલ ઓફ મેડિકલ રિસર્ચ (ICMR)એ જાહેર કરેલા આંકડાઓ મુજબ, 22 સપ્ટેમ્બર, 2021 સુધીમાં કુલ 55,83,67,013 કોરોના સેમ્પલનું ટેસ્ટિંગ કરવામાં આવ્યું છે. બુધવારના 24 કલાકમાં 15,27,443 સેમ્પલનું ટેસ્ટિંગ કરવામાં આવ્યું છે.



આ પણ વાંચો, Corona: બ્રિટને Covishield વેક્સીનને આપી મંજૂરી, નવી ટ્રાવેલ એડવાઇઝરી જાહેર

ગુજરાતમાં 24 કલાકમાં 20 કેસ નોંધાયા

ગુજરાતમાં છેલ્લા 24 કલાકમાં કોરોના વાયરસના (Coronavirus Cases in Gujarat) નવા 20 કેસ નોંધાયા છે. જેની સામે 20 દર્દીઓ સાજા થયા છે. છેલ્લા 24 કલાકમાં રાજ્યમાં કોવિડ-19ના કારણે એકપણ દર્દીનું મોત થયું નથી. રાજ્યમાં કુલ મૃત્યુઆંક 10082 થયો છે. રાજ્યમાં સાજા થવાનો દર 98.76 ટકા છે. રાજ્યમાં ફક્ત 133 એક્ટિવ કેસ છે આ પૈકીના 03 દર્દીઓ વેન્ટિલેટર પર છે જ્યારે 130 દર્દીઓ સ્ટેબલ છે. અત્યારસુધીમાં રાજ્યમાંથી 8,15,536 દર્દીઓ ડિસ્ચાર્જ થઈ ગયા છે જ્યારે કુલ 10082 દર્દીનાં મૃત્યુનો આંક યથાવત છે. છેલ્લા ઘણા દિવસોથી રાજ્યમાં એક પણ મોત થયું નથી.

આ પણ વાંચો, કોરોના મૃતકના પરિવારજનોને મળશે 50 હજાર રૂપિયા સહાય, કેન્દ્રએ સુપ્રીમ કોર્ટમાં આપ્યો આ જવાબ

ગુજરાતમાં બુધવારની સાંજે 28 જિલ્લા અને 5 મનપામાં કોરોનાનો એક પણ કેસ નોંધાયો નથી જ્યારે બાકીના નવા કેસ ફક્ત 5 જિલ્લા અને 4 શહેરમાં નોંધાયા છે, જેમાંથી સુરત શહેરમાં 5, ભાવનગર જિલ્લામાં 3, અમદાવાદ શહેરમાં 2, ભાવનગર શહેરમાં 2, નવસારીમાં 2, વડોદરા શહેરમાં 2, વલસાડમાં 2, જામનગરમાં 1, વડોદરા જિલ્લામાં 1 કેસ નોંધાયો છે. રાજ્યમાં આજે 22મી સપ્ટેમ્બરના રોજ રાજ્યમાં સાંજે 4.00 લાગ્યા સુધીમાં 6,35,197 લોકોને રસી આપવામાં આવી છે. આ પૈકીનું સૌથી વધુ રસીકરણ અમદાવાદ શહેરમાં 1,07,6000 લોકોનું રસીકરણ થયું છે.

Coronavirus Latest Updates: ફરી વધ્યો કોરોનાનો ગ્રાફ, 24 કલાકમાં 31,923 નવા કેસ, 282નાં મોત

અમદાવાદ

સુરત

વડોદરા

રાજકોટ

ગાંધીનગર

ભાવનગર

જામનગર

જુનાગઢ

કચ્છ - ભુજ

મહેસાણા

પંચમહાલ

આણંદ

વલસાડ

PHOTOS: સલમાનથી લઇ રિયા સુધી.. જેલ ગયા બાદ ઇમેજ સુધારવાં ખુબ મહેનત કરી છે આ સેલેબ્સે

દ્વારકાની કૃપાએ જીત્યો ગોલ્ડ મેડલ, 1500 મીટરની દોડ 5. 13 મિનિટમાં પૂરી કરી

સોના અને ચાંદીના ભાવમાં જોરદાર કડાકો, 9800 રૂપિયા સસ્તું ગોલ્ડ ખરીદવાની તક

વડોદરા દુષ્કર્મ કેસ: CA અશોક જૈને ગૃહરાજ્ય મંત્રીને લખ્યો પત્ર,'પૈસા પડાવવાનું ષડયંત્ર છે'

ફરી વધ્યો કોરોનાનો ગ્રાફ, 24 કલાકમાં 31,923 નવા કેસ, 282નાં મોત

ગાજિયાબાદ વીડિયો મામલામાં સ્વરા ભાસ્કર અને Twitter Indiaના અધિકારી વિરુદ્ધ ફરિયાદ

twitter-india

તમારો જિલ્લો પસંદ કરો

twitter india

twitter india - All Results

તસવીરો

ટૉપ ન્યૂઝ