મુંબઈઃ બજારમાં આજે પણ બુલ રન યથાવત રહી છે અને સેન્સેક્સ 5 એપ્રિલ બાદ પહેલીવાર 60000ના પાર ગયો છે. છેલ્લા 1 મહિનામાં સેન્સેક્સ 5500 અંક એટલે કે લગભગ 12 ટકા જેટલો ચડ્યો. બજારના છેલ્લા 22 સેશનમાંથી 18 સેશનમાં તેજી જોવા મળી છે. તો નિફ્ટી પણ 6 એપ્રિલ બાદ પહેલીવાર 17900ના સ્તરને પાર કરવાની તૈયારીમાં છે.

આજે ગ્લોબલ માર્કેટથી પોઝિટિવ સંકેત મળી રહ્યા છે. જેમાં એશિયામાં નિક્કેઈની મજબૂત શરુઆત થઈ છે. SGX Niftyમાં પણ હળવી તેજી જોવા મળી રહી છે. ગઈકાલે અમેરિકામાં ડોઉ જોન્સ (DOW JONES) સતત પાંચમા દિવસે લીલા નિશાનમાં બંધ થયો હતો. જોકે યુએસ ફ્યુચર્સમાં એકદમ સુસ્ત કારોબાર જોવા મળી રહ્યો છે. મંગલવારે અમેરિકન બજારમાં મિશ્ર કારોબાર જોવા મળ્યો હતો. ડાઉ જોન્સ તેજી સાથે જ્યારે નાસ્ડેક (NASDAQ) ઘટીને બંધ થયો હતો. ડાઉ જોન્સમાં 239 અને S&amp;amp;Pમાં 8 અંકોની તેજી જોવા મળી હતી. S&amp;amp;P500 માં 88 ટકા શેર 50 DMAથી ઉપર ટ્રેડ થઈ રહ્યા છે. NASDAQ 25 અંક ઘટીને બંધ થયો હતો. જોકે તેની પાછળનું કારણ ટેક્નોલોજી શેરોમાં પ્રોફિટ બુકિંગ અને વેચવાલી હતી. જોકે આ વચ્ચે વોલમાર્ટ (Walmart) અને હોમ ડીપો (Home Depot) સારા પરિણામ આપે છે.

એશિયાઈ માર્કેટમાં કારોબાર મિશ્ર જોવા મળી રહ્યો છે. SGX Nifty 28 અંક ઉપર દેખાઈ રહી છે. તો નિક્કેઈ લગભગ 0.80 ટકાના વધારા સાથે 29099 આસપાસ દેખાઈ રહી છે. સ્ટ્રેટ ટાઇમ્સમાં પણ 0.44 ટકાની તેજી જોવા મળી રહી છે. તો તાઈવાનનું બજાર પણ 0.20 ટકાના વધારા સાથે 15450.13ના સ્તરે કારોબાર કરી રહ્યું છે. જ્યારે હેંગસેંગ 0.34 ટકાના વધારા સાથે 19897.54ના સ્તર પર નજર આવી રહ્યું છે. તો કોસ્પીમાં 0.51 ટકાનો ઘટાડો જોવા મળી રહ્યો છે. જ્યારે શંઘાઈ કમ્પોઝિટ 0.15 ટકાના ઘટાડા સાથે 3272.83 ના સ્તરે દેખાઈ રહ્યો છે.

(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)

શેરબજારમાં બુલ રન, Sensex ફરી 60000ના સ્તરે, Nifty 17850 આસપાસ

Sanjay Vaghela, Jamnagar: જામનગરને છોટાકાશી તરીકે ઓળખવામા આવે છે. જામનગરમાં આમ તો નાનામોટા અનેક મંદિરો આવેલા છે, તેમાંથી વિશ્વ પ્રસિદ્ધ એક મંદિર છે એક હજારેશ્વર મહાદેવનું મંદિર (Lord Shiva Temple) . અંદાજે 250 વર્ષ જૂના આ મંદિરમાં એક હજાર શિવલિંગની સ્થાપના કરવામાં આવી છે. આ શિવલિંગને કારણે આ મંદિરને હજારેશ્વર મંદિર (Ek Hajareshwar Temple, Jamnagar) તરીકે ઓળખવામાં આવે છે. આ મંદિરનો ઇતિહાસ પણ ખુબ જ રોચક છે. તો આવો આજે વાત કરીએ જામનગરના એક હજારેશ્વર મંદિર વિશે.

જામનગર શહેર છોટાકાશી તરીકે ખુબ જ ફેમસ છે. જામનગર શહેરમાં નાના-મોટા અનેક શિવના મંદિરો આવેલા છે, ઘણા પૌરાણિક મંદિરો પણ આવેલા છે. જેમાંનું એક મંદિર હજારેશ્વર મહાદેવ મંદિર છે. આ મંદિરમાં ભગવાન ભોળાનાથના એક બે નહીં પરંતુ એક હજાર શિવલિંગની સ્થાપના કરવામા આવી છે. કહેવાય છે કે આ મંદિર 250 વર્ષ જૂનું છે. આ એક હજારેશ્વર મંદિરની સ્થાપના સ્વામિ ચિંતાનંદજીએ કરી હતી, સ્વામી ચિતાનંદજીએ 12 વર્ષ સુધી હાથમાં શિવલિંગ લઈને તપ કર્યું હતું. જેના કારણે ભુતનાથ મહાદેવ પ્રસન્ન થયા હતાં. સ્વામીજી દ્વારા એક હજાર શિવલીંગની સ્થાપના કરવામાં આવી હતી.

જામનગરમાં હવાઈ ચોક પાસે પ્રાચીન પૌરાણીક હજારેશ્વર મહાદેવનું મંદિર આવેલ છે. આ મંદિરના ઈતિહાસ અંગે મંદિરના પુજારી કહે છે કે, 'ભૂતનાથ મહાદેવ બિરાજતા હતા. સ્વામી ચિતાનંદજી અહીંયા આવ્યા હતા. શિવાજીના પણ સહસ્ત્ર નામ છે એટલે સ્વામીજી એ મનોમન પ્રતિક્ષા લીધી કે અહીંયા એક હજાર શિવલિંગની સ્થાપના કરવી છે. પછી સ્વામીજી હાથમાં શિવલિંગ લઈને 12 વર્ષ ઉભા ઉભા તપ કર્યું હતું.

આ પણ વાંચો:   જામનગરના એસટી કર્મચારીને શ્રેષ્ઠ કામગીરી બદલ મળ્યું પ્રથમ ઈનામ

આ મંદિરે છેલ્લા 15 વર્ષથી દર્શનાર્થે આવતા શીતલબેનનું કહેવું છે કે હજારેશ્વર મંદિરે ભગવાન શિવજીના દર્શન કરવાથી મનને શાંતિ મળે છે. આ મંદિર પાછળનો ઇતિહાસ પણ ખુબ જ પૌરાણિક છે. અહીં બિરાજમાન શિવલિંગના દર્શન કરવાથી ભક્તોના તમામ દુઃખ-દર્દ મટી જાય છે. શ્રાવણ માસ દરમિયાન અમે દરરોજ શિવજીને ભોગ ચડાવવા આવીએ છીએ.શ્રાવણ માસ નિમિતે માત્ર જામનગરના જ નહીં પરંતુ દેશવિદેશમાથી ભક્તો એક હજારેશ્વર મહાદેવના દર્શન કરવા આવે છે. અહીં ભક્તોની ખુબ જ ભીડ જોવા મળી રહી છે. ખાસ ઝળ અને બીલીપત્રનો જળાભીષેક કરવામાં આવે છે.

Jamnagar: અદભૂત છે શિવજીનું આ મંદિર, એક હજાર શિવલિંગની કરવામાં આવી છે સ્થાપના

sales marketing Jobs: કોઈપણ કંપનીના સેલ્સ ડિપાર્ટમેન્ટને આગળ વધારવાની જવાબદારી સેલ્સ મેનેજરની છે.(sales manager career) સેલ્સ મેનેજર કંપનીની તમામ સર્વિસ અને પ્રોડક્ટ્સને ડિરેક્ટ કરે છે. (sales manager responsibility) તે સેલિંગ સ્ટ્રેટરજી બનવે છે, જેથી કંપનીને નુકસાન ન થાય. આજકાલ લગભગ દરેક મોટી કંપનીમાં સેલ્સ મેનેજરની જરૂર હોય જ છે. (commerce course for sales &amp;amp; Marketing)

સેલ્સ મેનેજર સેલ્સની આખી ટીમનું નેતૃત્વ કરે છે. તેમજ તે બધાને કામ કરવાની સ્ટ્રેટરજી સમજાવે છે. સેલ્સ મેનેજરની નોકરીમાં ઘણીવાર ક્વોટા સેટ, સેલ્સ ઍરિયા, ડેટા એનાલાયઝ, સેલિંગ ટ્રાઇંગ, સેલ્સ ટીમના સભ્યોને ગાઈડન્સ આપવું, સેલિંગ પ્લાન બનાવવા, તેમજ સેલ્સપર્સનને નોકરી પર રાખવાનો સમાવેશ થાય છે.
સેલ્સ મેનેજરના પ્રકાર
1. ઓપરેશન્સ સેલ્સ મેનેજર
2. એડમિનિસ્ટ્રેશન-કમ-ઓપરેશન્સ સેલ્સ મેનેજર
લાયકાત
1. ઉમેદવારે કોઈપણ માન્ય બોર્ડમાંથી 12મું કોમર્સ સ્ટ્રીમમાંથી પાસ કરેલ હોવું જોઈએ.
2. ઉમેદવાર પાસે કોઈપણ માન્ય યુનિવર્સિટીમાંથી BCom/BBA ડિગ્રી હોવી જોઈએ.
3. ઉમેદવાર પાસે સેલ્સ અને માર્કેટિંગ કોર્સમાં MBA ડિગ્રી હોવી જોઈએ.
4. જો ઉમેદવારે સર્ટિફિકેટ્સ કોર્ષ અથવા ડિપ્લોમા ઇન સેલ્સ કરેલ હોય તો તેમને પ્રાથમિકતા આપવામાં આવે છે.
5. જો ઉમેદવાર વિદેશમાં અભ્યાસ કરવા માંગે છે, તો તેને IELTS, TOEFL માર્કસની જરૂર છે.
સેલ્સ મેનેજર બનવા માટેના વિવિધ કોર્સ
1. ડિપ્લોમા ઇન સેલ્સ એન્ડ માર્કેટિંગ મેનેજમેન્ટ
2. માર્કેટિંગ &amp;amp; સેલ્સ મેનેજમેન્ટમાં પ્રોફેશનલ સર્ટિફિકેટ પ્રોગ્રામ
3. સર્ટિફાઈડ માર્કેટિંગ &amp;amp; સેલ્સ એનાલિટિક્સ પ્રોફેશનલ
4. સેલ્સ &amp;amp; માર્કેટિંગમાં BBA
5. બી.કોમ એકાઉન્ટન્સી
6. બી.કોમ ઇકોનોમિક્સ
7. સેલ્સ &amp;amp; માર્કેટિંગમાં MBA
8. પીજી ડિપ્લોમા ઇન સેલ્સ એન્ડ માર્કેટિંગ
કોર્સ કરવા માટે ઇન્ડિયન ઇન્સ્ટિટ્યુટ્સ
1. રાધા કૃષ્ણ ઇન્સ્ટિટ્યૂટ ઓફ ટેકનોલોજી એન્ડ મેનેજમેન્ટ ઇન્સ્ટિટ્યુટ્ - 11,250
2. ઇન્સ્ટિટ્યૂટ ઓફ મેનેજમેન્ટ એન્ડ ટેકનોલોજી - 1.27 લાખ
3. RIMT યુનિવર્સિટી- 1.41 લાખ
4. મેરઠ ઇન્સ્ટિટ્યૂટ ઓફ ટેકનોલોજી - 63,000
5. ક્રાઇસ્ટ યુનિવર્સિટી - 75,000
6. NLSIU- 2.19 લાખ
7. સેન્ટ ઝેવિયર્સ કોલેજ - 48,000
8. એમિટી યુનિવર્સિટી- 1.42 લાખ
9. ઇન્સ્ટિટ્યૂટ ઓફ મેનેજમેન્ટ સ્ટડીઝ - 1.99 લાખ
આ પણ વાંચોઃ-ONGC નોન-એક્ઝિક્યુટિવ પોસ્ટ્સ એડમિટ કાર્ડ રિલીઝ થયા, આ રીતે કરો ડાઉનલોડ
કોર્સ બાદ જોબ સેક્ટર
1. એક્સપોર્ટ ફર્મ
2. માર્કેટ રિસર્ચ
3. રીટેલિંગ
4. એડવર્ટાઇઝિંગ
5. આઇટી ફર્મ્સ
6. કન્સલ્ટન્સી
7. સરકારી સાહસો
8. હોસ્પિટાલિટી
આ પણ વાંચો:Career in commerce: 12 કોમર્સ બાદ વિદ્યાર્થીઓ માટેના બેસ્ટ કરિયર કોર્સ વિશે
જોબ પ્રોફાઇલ અને પગાર
યુકેમાં સેલ્સ મેનેજરનો વાર્ષિક પગાર આશરે 48.94 લાખ રૂપિયા છે. જ્યારે યુએસએમાં તે રૂ. 53.99 લાખ છે. ભારતમાં સેલ્સ મેનેજર્સનો પગાર નીચે આપેલ છે.
1. રિટેલ ટ્રેડ- 22-24 લાખ
2. ફાઇનાન્સ &amp;amp; ઇન્સ્યોરન્સ- 20-22 લાખ
3. પ્રોડક્શન- 25-27 લાખ
4. હોલસેલ ટ્રેડ- 25-27 લાખ

Sales Marketing Job: સેલ્સ મેનેજર બની મેળવો લાખોની સેલેરી, જાણો ક્યાં અને કયો કોર્સ કરવો

નર્મદા: ગુજરાતની જીવાદોરી સમાન નર્મદા ડેમમાંથી સતત પાણી છોડવામાં આવી રહ્યું છે. જેના પગલે ડેમની સપાટીમાં સામાન્ય ઘટાડો થયો છે. હાલ સરદાર સરોવર ડેમની સપાટી 134.32 મીટરે પહોંચી છે. ડેમમાં પાણીની આવક વધતા જાવક પણ વધારવામાં આવી છે. હાલ ડેમમાં 5,58,599 ક્યુસેક પાણીની આવક થઈ રહી છે. સરદાર સરોવરના ઉપરવાસમાં આવેલા ઓમકારેશ્વર ડેમમાંથી સતત પાણી છોડાવામાં આવી રહ્યું છે.
ડેમમાંથી પાણીની જાવક
હાલ સરદાર સરોવર ડેમના તમામ 23 દરવાજા 3.25 મીટર સુધી ખોલીને 5,28,464 ક્યુસેક પાણી નદીમાં છોડાઇ રહ્યું છે. બીજી તરફ રિવરબેડ પાવરહાઉસમાં 6 ટર્બાઇનથી વીજળી ઉત્પન્ન કરીને 44,000 ક્યુસેક પાણી નર્મદા નદીમાં છોડવામાં આવી રહ્યું છે. આ રીતે નર્મદા નદીમાં કુલ (દરવાજા + પાવરહાઉસ) 5,72,000 ક્યુસેક પાણીની જાવક છે. નદીમાંથી વધારે માત્રામાં પાણી છોડવામાં આવતા નીચાણવાળા વિસ્તારોને સતર્ક રહેવાની સૂચના આપવામાં આવી છે.
હવામાન વિભાગની આગાહી
હવામાન વિભાગ (Meteorological department) તરફથી ગુજરાતમાં (Gujarat rain update) આગામી પાંચ દિવસ માટે વરસાદની આગાહી (Gujarat Rain forecast) આપવામાં આવી છે. હવામાન વિભાગના જણાવ્યા પ્રમાણે રાજ્યમાં પાંચ દિવસ સુધી વરસાદી માહોલ યથાવત રહેશે. હવામાન વિભાગના જણાવ્યા પ્રમાણે આગમી 24 કલાકમાં કચ્છ, બનાસકાંઠા, પાટણ, જામનગર, રાજકોટ, પોરબંદર, સુરેન્દ્રનગરમાં ભારે વરસાદની આગાહી કરવામાં આવી છે. આ દરમિયાન માછીમારોને દરિયા ન ખેડવાની સૂચના આપવામાં આવી છે.

નર્મદા ડેમની જળ સપાટીમાં સામાન્ય ઘટાડો
નર્મદા ડેમની સપાટી 134.32 મીટરે પહોંચી

હાલ ડેમના 23 ગેટ 3.25 મીટર ખોલી પાણી છોડાઈ રહ્યું

ડેમમાંથી 5,28,464 ક્યૂસેક પાણી છોડાઈ રહ્યું છે

ડેમમાં આવક વધતા જાવક પણ વધારવામાં આવી#Nrmda #Gujarat #Dam pic.twitter.com/ln7WXbJQ4p

— News18Gujarati (@News18Guj) August 17, 2022

17મી ઓગસ્ટની આગાહી
આ દિવસે કચ્છમાં ભારેથી અતિભારે વરસાદ પડી શકે છે. બનાસકાંઠા, પાટણ, મોરબી, સુરેન્દ્રનગર, જામનગર, દેવભૂમિ દ્વારકા, પોરબંદર, રાજકોટ, ભરૂચ અને સુરતમાં ભારે વરસાદ પડી શકે છે.

આ પણ વાંચો: વરસાદના પળેપળના સમાચાર વાંચવા ક્લિક કરો...
ગુજરાતમાં પડેલો વરસાદ
ગુજરાતમાં અત્યારસુધી પડેલા વરસાદની વિગત જોઈએ તો સરેરાશ 93.32 ટકા વરસાદ પડ્યો છે. જેમાં કચ્છમાં 143.22 ટકા, ઉત્તર ગુજરાતમાં 90.49 ટકા, પૂર્વ-મધ્ય ગુજરાતમાં 77.78 ટકા, સૌરાષ્ટ્રમાં 84.44 ટકા અને દક્ષિણ ગુજરાતમાં 104.42 ટકા વરસાદ પડ્યો છે.

છેલ્લા 24 કલાકમાં પડેલો વરસાદ
ગુજરાતમાં છેલ્લા 24 કલાકમાં પડેલા વરસાદની વિગત જોઈએ તો 246 તાલુકામાં વરસાદ પડ્યો છે. જેમાં સૌથી વધારે વરસાદ તાપી જિલ્લાના સોનગઢ તાલુકામાં પોણા આઠ ઇંચ વરસાદ ખાબક્યો છે. છેલ્લા 24 કલાકમાં રાજ્યના 27 તાલુકામાં ચાર ઇંચ કરતા વધારે વરસાદ પડ્યો છે. 81 તાલુકા એવા છે જ્યાં બે ઇંચ કરતા વધારે વરસાદ પડ્યો છે. 134 તાલુકામાં એક ઇંચ કરતા વધારે વરસાદ પડ્યો છે.

Sardar Sarovar Dam: સરદાર સરોવર ડેમના 23 દરવાજા 3.25 મીટર સુધી ખોલાયા, નીચાણવાળા વિસ્તારોને સતર્ક રહેવા સૂચના

ONGC Admit Card 2022: ONGCએ તેની વેબસાઇટ ongcindia.com પર જાહેરાત નંબર 02/2022(R&amp;amp;P) થી નોન-એક્ઝિક્યુટિવ પોસ્ટ્સ માટે
એડમિટ કાર્ડ રિલીઝ કર્યા છે. (career at ONGC) ONGC નોન એક્ઝિક્યુટિવ પદ માટેની પરીક્ષા 20મી, 21મી અને 27મી ઓગસ્ટ 2022ના રોજ લેવામાં આવશે. ઉમેદવારો ONGC નોન એક્ઝિક્યુટિવના એડમિટ કાર્ડ ડાઉનલોડ કરી શકે છે અને તેમના શેડ્યૂલ મુજબ પરીક્ષા આપી શકે છે. (ONGC Admit Card)

આ પોસ્ટ માટે જો તમે એપ્લાય કર્યું છે તો, અહીં આપને ONGC નોન-એક્ઝિક્યુટિવ પોસ્ટ્સ માટે એડમિટ કાર્ડ કઈ રીતે ડાઉનલોડ કરવું તે વિષે સ્ટૅપ બાય સ્ટેપ માહિતી આપીશું-

ઉમેદવારો અહીં આપેલી લિંક પર ક્લિક કરીને ONGC કૉલ લેટર ડાઉનલોડ કરી શકે છે. એડમિટ કાર્ડની લિંક નીચે આપેલ છે.
ONGC એડમિટ કાર્ડ ડાઉનલોડ લિંક
ONGC એડમિટ કાર્ડ 2022 કેવી રીતે ડાઉનલોડ કરવું?

1. સૌ પ્રથમ ONGC ની સત્તાવાર વેબસાઇટ પર જાઓ, તેમની સત્તાવાર વેબસાઇટ છે- ongcindia.com
ત્યાં ‘career’ વિભાગની મુલાકાત લો.
આ પણ વાંચોઃ-Railway Recruitment: રેલવે ભરતી ગ્રુપ D લેવલ 1 એડમિટ કાર્ડ રિલીઝ, આ રીતે ડાઉનલોડ કરો
2. 'recruitment notification-2022' પર ક્લિક કરી કન્ટીન્યુ કરો.

3. 20મી, 21મી અને 27મી ઓગસ્ટ 2022ના રોજ યોજાનારી કમ્પ્યુટર આધારિત ટેસ્ટ (CBT) માટે 'જાહેરાત નંબર 2/2022 (R&amp;amp;P) સામે એડમિટ કાર્ડ' પર જાઓ.

4. હવે, 'એપ્લિકેશન નંબર' અને 'જન્મ તારીખ' વગેરે વિગતો ભરો.

5. ONGC કોલ લેટર ડાઉનલોડ કરો.
આ પણ વાંચોઃ-AIIMS recruitment 2022: આઇઆઇએમમાં વિવિધ શૈક્ષણિક પદો પર ભરતી, રૂ. 2,20,000 સુધીનો પગાર
ઓએનજીસી ઓનલાઈન મોડ દ્વારા આ પરીક્ષાનું આયોજન કરી રહી છે. જેમાં ઉમેદવારો ઓનલાઇન કમ્પ્યુટર બેસ્ડ ટેસ્ટ આપશે, આ ટેસ્ટ દ્વારા ઓએનજીસીમાં જુનિયર એન્જિનિયરિંગ આસિસ્ટન્ટ, જુનિયર સાયન્ટિફિક આસિસ્ટન્ટ, જુનિયર આસિસ્ટન્ટ (એકાઉન્ટ), જુનિયર ફાયર સુપરવાઈઝર, જુનિયર ટેક્નિકલ આસિસ્ટન્ટ (સર્વેઇંગ), જુનિયર ટેક્નિશિયન, જુનિયર ફાયરમેન, જુનિયર મરીન રેડિયો આસિસ્ટન્ટ, જુનિયર ડીલિંગ આસિસ્ટન્ટ, જુનિયરની જગ્યાઓ માટે ભરતી કરવામાં આવી રહી છે. મોટર વ્હીકલ ડ્રાઈવર (વિંચ ઓપરેશન્સ), જુનિયર આસિસ્ટન્ટ ઓપરેટર (હેવી ઈક્વિપમેન્ટ) અને જુનિયર સ્લિંગર કમ રિગર વગેરે ભારતીઓ કરવામાં આવશે.

ONGC નોન-એક્ઝિક્યુટિવ પોસ્ટ્સ એડમિટ કાર્ડ રિલીઝ થયા, આ રીતે કરો ડાઉનલોડ

અમદાવાદ

સુરત

વડોદરા

રાજકોટ

ગાંધીનગર

ભાવનગર

જામનગર

જુનાગઢ

કચ્છ - ભુજ

મહેસાણા

પંચમહાલ

આણંદ

વલસાડ

સાબરકાંઠા

બનાસકાંઠા

અમરેલી

સુરેન્દ્રનગર

પોરબંદર

ભરૂચ

પાલનપુરથી આબુરોડના હાઇવે પર ભરાયા ઘૂંટણસમા પાણી, 4-5 કિમી સુધી ટ્રાફિક જામ

સુરતમાં ધોધમાર વરસાદ: સાનિયા અહેમદ ગામમાં 20 લોકોને બસમાંથી રેસ્ક્યૂ કરાયા

આ રાશિના જાતકોની આર્થિક સ્થિતિમાં સુધારાના યોગ

શેરબજારમાં શાનદાર તેજી, Sensex ફરી 60000ને પાર, નિફ્ટી 17850ના સ્તરે

અદભૂત છે શિવજીનું આ મંદિર, એક હજાર શિવલિંગની સ્થાપના કરવામાં આવી છે સ્થાપના

સેલ્સ મેનેજર તરીકે કરિયર બનાવો જાણો કોર્સ, ઇન્સ્ટિટ્યૂટ્સ અને પગાર વિષે

સરદાર સરોવર ડેમના 23 દરવાજા ખોલાયા, નીચાણવાળા વિસ્તારોને સતર્ક રહેવા સૂચના

ડાઉનલોડ કરો ONGC નોન-એક્ઝિક્યુટિવ ટેસ્ટ એડમિટ કાર્ડ, લિંન્ક ઉપલબ્ધ

અમદાવાદમાં લઠ્ઠાકાંડ? બે મિત્રોનાં શંકાસ્પદ હાલતમાં મળ્યા મૃતદેહ, ક્રાઇમ બ્રાંચને સોંપાઇ તપાસ

spurious-liquor

તમારો જિલ્લો પસંદ કરો

જિલ્લો

spurious liquor

spurious liquor - ના સમાચાર

અમદાવાદમાં લઠ્ઠાકાંડ? બે મિત્રોનાં શંકાસ્પદ હાલતમાં મળ્યા મૃતદેહ, ક્રાઇમ બ્રાંચને સોંપાઇ તપાસ

તાજેતરના સમાચાર