Langya Henipavirus: 2019 ના અંતમાં કોરોના વાયરસ (Corona Virus) ચીનમાંથી વિશ્વમાં ફેલાવા લાગ્યો હતો. તે સમયે કોઈને અંદાજ નહોતો કે આ વાયરસ આટલો ખતરનાક સાબિત થશે. પરંતુ આવતા વર્ષે માર્ચ સુધીમાં આ વાયરસે ભારતમાં પણ લોકડાઉન કર્યું. એવું કહેવાય છે કે આ વાયરસ ચીન (China)માંથી આવ્યો છે. પરંતુ ચીને આજ સુધી આ વાત સ્વીકારી નથી. કેટલાક લોકો માને છે કે ચીને આ વાયરસ લેબમાં બનાવ્યો છે. જ્યારે ઘણા નિષ્ણાતોના મતે, આ વાયરસ ચીનના વુહાન મીટ માર્કેટમાં વેચાતા ચામાચીડિયાથી માનવ શરીરમાં આવ્યો હતો.

સત્ય ક્યારેય બહાર આવ્યું નથી, પરંતુ તેનાથી ચીનની દુનિયામાં ઘણી મુશ્કેલી ઊભી થઈ છે. ચાઇના મીટ માર્કેટ થોડા સમય માટે બંધ હતું. પરંતુ તે પછી ફરીથી આ ધંધો ત્યાં આડેધડ શરૂ થયો. હવે ફરી એકવાર ચીનમાંથી નવા વાયરસના પ્રકોપના સમાચાર સામે આવી રહ્યા છે. આ વાયરસ આ વખતે ઉંદરના માંસમાંથી માણસોમાં આવ્યો છે, આવી વાત સામે આવી રહી છે. જો કે, હજુ સુધી એ નિશ્ચિત નથી કે શું આ વાયરસ પણ કોરોનાની જેમ વ્યક્તિથી બીજામાં સંક્રમિત થશે?

35 લોકો ભોગ બન્યા 
આ નવા વાયરસને લઈને ચીનમાં ચેતવણી જારી કરવામાં આવી છે. એવું માનવામાં આવે છે કે તે ઉંદરોથી માણસોમાં ફેલાય છે. તેનું નામ ધ લોંગ્યા હેનિપાવાયરસ અથવા લોંગ્યા છે. ચીનમાં અત્યાર સુધીમાં કુલ 35 લોકો તેનો શિકાર બન્યા છે.

આ પણ વાંચો: એ ભૂતિયા મકબરો... જ્યાં આપમેળે મૃતકોની શબપેટીઓ નાચતી-ડોલતી રહે છે!

તાઈપેઈ ટાઈમ્સના સમાચાર અનુસાર, આ 35માંથી કોઈ પણ અત્યાર સુધી ગંભીર રીતે બીમાર નથી થયું. તેમજ કોઈનું મૃત્યુ થયું નથી. દરેક વ્યક્તિને શરદી અને ઉધરસ જેવા લક્ષણો હોય છે. તેના દર્દીઓ ચીનના શેનડોંગ અને હેનાન પ્રાંતમાં જોવા મળ્યા છે. માનવ-થી-માનવ સંક્રમણના પુરાવા હજુ સુધી મળ્યા નથી.

આ પણ વાંચો: 2032 સુધીમાં આકાશમાં મહેલ બનાવશે ચીન, લોકોને રજાઓ મનાવવા આપશે આમંત્રણ!

આ છે નવા વાયરસના લક્ષણો 
ચીનમાં ફેલાયેલા લોંગ્યા વાયરસના લક્ષણો સામાન્ય ફ્લૂ જેવા જ છે. 26 કેસોમાં લોકોએ માથાનો દુખાવો, ઉધરસ, ભૂખ ન લાગવી, શરીરમાં દુખાવો અને ઉલ્ટી જેવા લક્ષણો જોયા છે. આ સિવાય આ વાયરસની ઝપેટમાં આવેલા લોકોના શરીરમાં શ્વેત રક્તકણો ઘટી જાય છે. પ્લેટલેટ કાઉન્ટ ઘટી જાય છે. કેટલાક કિસ્સાઓમાં લીવર અને કિડની ફેલ્યોર પણ જોવા મળે છે. CDC નિષ્ણાતોના જણાવ્યા અનુસાર, આ વાયરસ ઉંદરથી માણસમાં ફેલાય છે. અત્યાર સુધી, માનવથી માણસને ચેપ લાગ્યો નથી. આવી સ્થિતિમાં સંરક્ષણ માટે ઉંદરોથી અંતર રાખો.

Langya Henipavirus: ચીનમાં જાનવરમાંથી ફરી ફેલાયો વાયરસ, ઉંદર ખાવાથી માણસના શરીરમાં પ્રવેશ્યો

નવી દિલ્હીઃ મુંબઈ ઈન્ડિયન્સની માલિક રિલાયન્સ ઈન્ડસ્ટ્રીઝ લિમિટેડે આજે મુંબઈ ઈન્ડિયન્સ #OneFamily માં સામેલ થનાર બે નવી ફ્રેન્ચાઈઝીના નામ અને બ્રાન્ડની ઓળખનું અનાવરણ કર્યું છે. જેમાં 'MI Emirates' ટીમ UAEની ઇન્ટરનેશનલ લીગ T20માં સામેલ થશે. જ્યારે 'MI Cape Town' ટીમ ક્રિકેટ દક્ષિણ આફ્રિકા T20 લીગમાં ભાગ લેશે. મુંબઈ ઈન્ડિયન્સની સાથે સાથે રિલાયન્સ ઈન્ડસ્ટ્રીઝ પાસે હવે ત્રણ T20 ટીમો છે.

રિલાયન્સ ઇન્ડસ્ટ્રીઝના ડિરેક્ટર નીતા એમ. અંબાણીએ જણાવ્યું હતું કે, “અમારા #Onefamily માં સૌથી નવા સભ્ય તરીકે 'MI Emirates' અને 'MI Cape Town'ને આવકારતાં મને ખૂબ જ આનંદ થાય છે. અમારા માટે, MI ક્રિકેટ કરતાં પણ ઘણું આગળ છે. તે સ્વપ્ન જોવાની, નિર્ભય બનવાની અને જીવનમાં સકારાત્મક દૃષ્ટિકોણને પ્રોત્સાહન આપવાની ક્ષમતાનું પ્રતીક છે. મને ખાતરી છે કે એમઆઈ એમિરેટ્સ અને એમઆઈ કેપ ટાઉન બંને સમાન અભિગમ અપનાવશે અને એમઆઈના વૈશ્વિક ક્રિકેટ વારસાને વધુ નવી ઊંચાઈએ લઈ જશે.”



Presenting @MICapeTown &amp;amp; @MIEmirates #OneFamily #MIemirates #MIcapetown @EmiratesCricket @OfficialCSA pic.twitter.com/6cpfpyHP2H
— Mumbai Indians (@mipaltan) August 10, 2022


'MI એમિરેટ્સ' અને 'MI કેપ ટાઉન' - આ નામો એટલા માટે પસંદ કરવામાં આવ્યા હતા કારણ કે તેઓ ચોક્કસ પ્રદેશોથી સંબંધિત છે જ્યાંથી આ ટીમો રમશે. બંને ટીમો, 'MI અમીરાત' અને 'MI કેપ ટાઉન' બોલવામાં 'માય અમીરાત' અને 'માય કેપ ટાઉન' જેવા લાગે છે. આ બંને અમીરાત અને કેપટાઉનના ચાહકોને સમર્પિત છે.

બંને નવી ટીમો આઇકોનિક મુંબઇ ઇન્ડિયન્સની ઓળખ ધરાવે છે, પરંતુ તે જ સાથે સ્થાનિક પ્રભાવ પણ દેખાય છે. #OneFamilyનું વૈશ્વિક વિસ્તરણ લીગમાં એવા મૂલ્યો લાવશે જેણે મુંબઈ ઈન્ડિયન્સને ફ્રેન્ચાઈઝી ક્રિકેટમાં સૌથી વધુ લોકપ્રિય ટીમોમાંની એક બનાવામાં મદદ કરી છે.

રિલાયન્સ ઇન્ડસ્ટ્રીઝ ક્રિકેટ ફ્રેન્ચાઇઝીની માલિકી, ભારતમાં ફુટબોલ લીગ, સ્પોર્ટ્સ સ્પોન્સરશિપ, કન્સલ્ટન્સી અને એથ્લેટ ટેલેન્ટ મેનેજમેન્ટ દ્વારા સ્પોર્ટ્સ ઈકોસિસ્ટમ વિકસાવવામાં મહત્વની ભૂમિકા ભજવી રહી છે.

(Disclaimer: નેટવર્ક18 અને ટીવી18 કંપનીઓ ચેનલ/વેબસાઈટનું સંચાલન કરે છે. જેનું નિયંત્રણ ઇન્ડિપેન્ડેન્ટ મીડિયા ટ્રસ્ટ કરે છે, જેમાં રિલાયન્સ ઇન્ડસ્ટ્રીઝ એકમાત્ર લાભાર્થી છે.)

રિલાયન્સ ઇન્ડસ્ટ્રીએ UAEમાં Mi Emitrates અને દ.આફ્રિકામાં Mi Cape Town ટીમ ખરીદી

વર્ષ 2022માં ગુજરાત વિધાનસભાની ચૂંટણી યોજવા જઇ રહી છે આ વખતે ભાજપ કોંગ્રેસની સાથે આમ આદમી પાર્ટી પણ ચૂંટણી જંગમાં સામેલ થવા જઈ રહ્યું છે ગુજરાતના રાજકારણ નો સમીકરણ સુરતથી બદલાઈ રહ્યો છે. એ વાત સૌ જાણે છે કે આમ આદમી પાર્ટીની એન્ટ્રી ગુજરાતમાં સુરતથી થઈ છે અને સુરતના નામાંકિત ચહેરાઓ આમ આદમી પાર્ટીમાં જોડાયા છે.

સુરત વિધાનસભાની 12 બેઠક પર આમ આદમી પાર્ટીના સુરતના ચહેરાઓ કોંગ્રેસ માટે મુશ્કેલીઓ ઉભી કરી શકે છે કારણ કે જે પાલિકાની 27 બેઠક પર આમ આદમી પાર્ટીએ વિજય મેળવી છે આ તમામ કોંગ્રેસની બેઠક છે જેથી આમ આદમી પાર્ટી ભાજપ કરતાં કોંગ્રેસને નુકસાન પહોંચાડે તેવી સ્થિતિનું નિર્માણ થયું છે. શહેરમાં બાર વિધાનસભાની બેઠક આવે છે જેમાંથી આજે અમે તમને સૌથી મહત્વની ગણાતી કામરેજ વિધાનસભા બેઠક વિશે જણાવવા જઇ રહ્યા છીએ.

કામરેજ પરથી આપ બગાડી શકે છે ખેલ

સુરતની બારમાંથી ચાર કામરેજ, કરંજ, વરાછા અને કતારગામ વિધાનસભા મતવિસ્તારમાં આમ આદમી પાર્ટી ભાજપનો ખેલ બગાડી શકે છે. આમ તો વર્ષ 2002થી કામરેજ બેઠ પર ભારતીય જનતા પાર્ટીને કોઇ હટાવી શક્યું નથી. રાજકીય વિશ્લેષકોનું માનવું હતું કે, પાટીદાર અનામત આંદોલનની અસર વિધાનસભાની આ બેઠક પર થઈ શકે છે અને ભાજપને સીટ ગુમાવવાનો પણ વારો આવી શકે છે પરંતુ પરિણામ તેનાથી વિપરીત ગયું હતું અને ભાજપને પાટીદારોના આંદોલન વચ્ચે પણ પાટીદારોનો સાથ મળ્યો હતો.

પાટીદારોનો મિજાજ

વિધાનસભા બેઠક છે કે જ્યાં પાટીદાર સમાજના લોકો નિશ્ચિત કરે છે કે કયા પક્ષના ઉમેદવાર વિજય મેળવશે. આ બેઠક પર હળપતિ મતદારોનું સારું એવું પ્રભુત્વ છે. જેમાં શહેરી વિસ્તારમાં પાટીદારો અને ગ્રામ્ય વિસ્તારમાં હળપતિ મતદારો વહેંચાયેલા છે. વર્ષ 2017 વિધાનસભા ચૂંટણી દરમિયાન આ ચાર બેઠક પર દેશભરની નજર હતી.

વર્ષ 2017માં પાટીદાર અનામત આંદોલન ચરમસીમા પર હતું તે સમયે પાસના પૂર્વ નેતા અને કોંગ્રેસના કારોબારી અધ્યક્ષ હાર્દિક પટેલે ચાર વિધાનસભા બેઠક (વરાછા રોડ, કરંજ, કામરેજ અને કતારગામ) પર કોંગ્રેસના ચારેય ઉમેદવારોને લઈ હજારોની સંખ્યામાં કાર્યકરોને લઈ રોડ શો પણ કર્યો હતો. પરંતુ સરકાર સામે ભારે વિરોધ બાદ પણ આ ચારેય બેઠક પર પાટીદાર સમાજના લોકોએ ભારતીય જનતા પાર્ટીના ઉમેદવારોને મત આપી વિજય બનાવ્યા હતા. આંદોલનની ભારે અસર જોવા મળી હતી તેમ છતાં હાર્દિક ફેક્ટર વિધાનસભા ચૂંટણી વખતે આ ચારે બેઠક પર જોવા મળી નહોતી.

આપ બની શકે છે નવો વિકલ્પ

વર્ષ 2022માં ગુજરાત વિધાનસભાની ચૂંટણી યોજવામાં આવશે પરંતુ આ વખતે સુરતમાં ભાજપ કોંગ્રેસની સાથે સાથે આમ આદમી પાર્ટી પણ ઉત્સાહભેર વિધાનસભાની ચૂંટણી લડવા જઈ રહી છે. જે કોંગ્રેસ અને ભાજપ બંને માટે માથાનો દુ:ખાવો સાબિત થઇ શકે છે. કારણ કે, જે રીતે પાટીદાર મત વિસ્તાર ગણાતા વરાછા, કરંજ ,કામરેજ વિસ્તારના વૉર્ડમાં આમ આદમી પાર્ટીના 27 જેટલા ઉમેદવાર ચૂંટાઈને આવ્યા છે. તેનાથી સ્પષ્ટ થઇ જાય છે કે, ભાજપથી નારાજ અને કોંગ્રેસને નહીં પસંદ કરનારા લોકો માટે આમ આદમી પાર્ટી એક વિકલ્પ તરીકે સામે આવી છે.

2017ની ચૂંટણી પરીણામો પર એક નજર

કામરેજ વિધાનસભા બેઠક પર વર્ષ 2017માં પણ ભારે રસાકસી ભરી સ્થિતિ હતી. સુરતની મોટા ભાગની બેઠકોમાં પાટીદાર ફેક્ટર સૌથી મોટું પરીબળ છે તે વાત સૌ કોઇ જાણે છે. ત્યારે 2017માં સત્તાના સંગ્રામમાં ભાજપે વીડી ઝાલાવડીયાને મેદાને ઉતાર્યા હતા. જ્યારે કોંગ્રેસ તરફથી અશોક જીરાવાલાએ ઉમેદવારી નોંધાવી હતી. જોકે, આ બેઠક પર ભાજપના વી.ડી ઝાલાવડીયાએ 1,47,371 મતોથી જીત મેળવી હતી. જ્યારે અશોક જીરાવાલાને 1,19,180 મત મળ્યા હતા.

કામરેજ બેઠક પર યોજાયેલી ચૂંટણીઓ



ચૂંટણી વર્ષ
વિજેતા ઉમેદવાર
પક્ષ


2017
વી ડી ઝાલાવડીયા
ભાજપ


2012
પ્રફુલભાઇ પાનશેરીયા
ભાજપ


2007
ભારતીબેન રાઠોડ
ભાજપ


2002
પ્રવિણભાઇ રાઠોડ
ભાજપ


1998
રમણભાઇ રાઠોડ
કોંગ્રેસ


1995
ધનજીભાઇ રાઠોડ
ભાજપ


1990
ડાહીબેન રાઠોડ
કોંગ્રેસ


1985
નારણભાઇ રાઠોડ
કોંગ્રેસ


1980
નારણભાઇ રાઠોડ
કોંગ્રેસ


1975
ધનજીભાઇ રાઠોડ
એનસીઓ



ઉલ્લેખનિય છે કે, 3000થી વધુ અનાથ દીકરીઓના પાલક પિતા અને શહેરના ઉદ્યોગપતિ મહેશ સવાણી આમ આદમી પાર્ટીમાં જોડાયા હતા અને વિધાનસભાની ચૂંટણીને લઇ તેઓ આપમાં મહત્વપૂર્ણ ભૂમિકા ભજવવા માંગતા હતા. પણ થોડા સમયમાં જ તેમનો હરિરસ ખાટો થઈ ગયો હતો.

ભૂતકાળની વાત કરવામાં આવે તો તેઓએ વર્ષ 2019માં લોકસભા સુરતની બેઠક માટે ભારતીય જનતા પાર્ટીથી ટિકિટ માંગી હતી એટલું જ નહીં વર્ષ 2016માં જ્યારે પાટીદાર અનામત આંદોલન ચાલી રહ્યું હતું ત્યારે તેઓએ કામરેજ વિસ્તારમાં ભાજપના વરિષ્ઠ નેતા અને કેન્દ્રીય નેતા અમિત શાહના સભાનું આયોજન પણ કર્યું હતું, જેમાં પાસના કાર્યકરોએ હોબાળો મચાવ્યો હતો. હાર્દિક જેલમાં હતો ત્યારે સરકાર અને હાર્દિક વચ્ચે મધ્યસ્થતા કરનાર મહેશ સવાણી જ હતા. હવે કામરેજ અથવા વરાછા વિધાનસભા બેઠક પર આપ અન્ય ચહેરો શોધી રહી છે.

કામરેજ બેઠક પર વિવાદ

- ગુજરાત વિધાનસભાની વર્ષ 2017ની ચૂંટણીમાં કામરેજ બેઠક પરથી કોંગ્રેસના બે ઉમેદવાર નોંધાતા ભારે વિવાદ સર્જાયો હતો. અહીં નિલેશ કુંભાણી અને અશોક જીરાવાલાએ ઉમેદવારી ફોર્મ નોંધાવતા કોંગ્રેસનો આંતરિક ડખો સપાટીએ આવ્યો હતો.

- ભાજપ શહેર પ્રમુખ નિરંજન ઝાંઝમેરાએ કહ્યું હતું કે ભારતીય જનતા પાર્ટી તમામ ચૂંટણીની અંદર ખૂબ જ પરિશ્રમ કરીને મતદારો સુધી પહોંચવાનો પ્રયાસ કરે છે. ગુજરાતની પ્રજાને ભારતીય જનતા પાર્ટીમાં દૃઢ વિશ્વાસ છે. અમારી રણનીતિ આમ આદમી પાર્ટી કે કોંગ્રેસની સામે લડવા કરતાં લોકો સુધી અમે કરેલાં કામોને પહોંચાડવાની છે. આમ આદમી પાર્ટી અમારી સામે કોઈપણ પ્રકારનો પડકાર નથી.

- ભાજપના કોર્પોરેટર વૃજેશ ઉનડકટે જણાવ્યું હતું કે નિખીલ સવાણીએ વરસાદી દેડકા છે. પક્ષ બદલી નાખે છે. આમ આદમી પાર્ટીના જે 27 નગરસેવક છે તેમની કાર્યપ્રણાલી લોકો જાણી ગયા છે. પાટીદાર આંદોલન વખતે પણ સુરતમાં બેઠક ભારતીય જનતા પાર્ટીએ મેળવી હતી મહેશ સવાણીના આમ આદમી પાર્ટી માં જવાથી ભાજપ ફેર પડતો નથી પોતાના નેતા અરવિંદ કેજરીવાલની જેમ વીજળીના થાભલાની ખોટી તસવીરો મૂકે છે અને ડીલીટ કરે છે તેઓ ગુજરાતને બદનામ કરવાનો પ્રયાસ કરી રહ્યા છે.

ગુજરાત વિધાનસભા ચૂંટણી 2022 અંગે મહત્વના સમાચાર જાણવા નીચે આપેલી બેઠકોના નામ ઉપર કરો ક્લિક

| મહેમદાબાદ | વિસનગર  | મહેસાણા  | વડગામ  | અંજાર  |  વાવ  | દાહોદ  | દ્વારકા  |  વિજાપુર  | વલસાડ | સિધ્ધપુર  | ઘાટલોડિયા  | કડી  |  બાપુનગર  |  અમરેલી  |  સુરત પશ્વિમ  |  જસદણ  |  રાજકોટ દક્ષિણ  | નડિયાદ | | સોજિત્રા |  ખંભાત | ગઢડા  | બોરસદ |  આંકલાવ | આણંદ | ઉમરેઠ | માતર | પેટલાદ |   મહુધા  | કપડવંજ | ઠાસરા | કોડીનાર  | લાઠી  | સાવરકુંડલા |  ગારિયાધાર  | મહુવા |  પાલિતાણા | ઓલપાડ | ઉમરગામ|ચોર્યાસી|  વાઘોડિયા | ભાવનગર ગ્રામ્ય | પાદરા | કરજણ | છોટાઉદેપુર | સંખેડા | ડભોઈ | નાંદોદ | ભાવનગર પૂર્વ | જંબુસર | રાવપુુરા | વાઘરા |સાવલી | દેવગઢબારિયા | ઝાલોદ |હાલોલ | બાલાસિનોર | વાંસદા | નિઝર | ગણદેવી | ધરમપુર | વ્યારા | પારડી | લીમખેડા | સંતરામપુરા |  મહુવા એસટી | માંગરોળ એસટી | જલાલપોર | રાજુલા | ગરબાડા | વરાછા | વટવા |

&amp;nbsp;

&amp;nbsp;

કામરેજ બેઠક પર આપ બદલી શકે છે ભાજપ-કોંગ્રેસ માટે સીટની ગણતરી, જાણો ચૂંટણી સમીકરણો

જૂનાગઢ: જિલ્લામાં આયુર્વેદિક પીણા (Ayurvedic Drinks)ના નામે નશાનો વેપાર (Intoxicating drink) ચાલતો હોવાનું સામે આવતાં ચકચાર મચી જવા પામી છે. જૂનાગઢ જિલ્લામાં અનેક તાલુકાઓમાં આ વેપાર ચાલતો હતો. રેડ બાદ સ્ટેટ ડ્રગ લેબોરેટરીનો (state drug laboratory) રિપોર્ટ પણ સામે આવી ગયો છે. જેમાં આયુર્વેદિક પીણામાં 22% આલ્કોહોલ હોવાનું સામે આવ્યું છે. હાલ આ મામલે ગુનો નોંધી વધુ કાર્યવાહી હાથ ધરવામાં આવી રહી છે.

જેને લઇને એસઓજી પોલીસે અનેક જગ્યાએ દરોડા પાડ્યા હતા. ચોરવાડ, માળીયાહાટીના, વંથલી તેમજ જૂનાગઢમાં આ સંદર્ભે દરોડા પાડવામાં આવ્યા હતા અને 1501 જેટલી બોટલો સીઝ કરવામાં આવી હતી. જે બાદ તપાસ માટે સ્ટેટ ડ્રગ લેબોરેટરીમાં સેમ્પલ મોકલમાં આવ્યા હતા. જેનો રિપોર્ટ આવી ગયો છે. રિપોર્ટમાં ચોંકાવનારી બાબત સામે આવી છે. રિપોર્ટમાં, આયુર્વેદિક પીણામાં 22% આલ્કોહોલ હોવાનું સામે આવ્યું છે. આ હકિકત સામે આવ્યા બાદ ચોરવાડ, માળીયાહાટીના તેમજ વંથલીમાં આટ લોકો સામે ફરિયાદ નોંધવામાં આવી છે. આર્યુવેદિક પીણાના નામે નશાખોરો તેને બેફામ ઉપયોગ કરતા હતા.


આ પણ વાંચો: વડોદરા: ડ્રગ્સના ઓવરડોઝથી યુવકનું શંકાસ્પદ મોત, વીડિયોમાં થયો ચોંકાવનારો ઘટસ્ફોટ

જૂનાગઢ જિલ્લામાં આયુર્વેદિક પીણાના નામે ગેર કાયદેસર નશાયુક્ત પીણું પાનની દુકાને અથવા હર્બલ શોપમાં વેચાઈ રહ્યાની પોલીસને માહિતી મળી હતી આ મામલે જૂનાગઢ S.O.G પોલીસે જૂનાગઢ જિલ્લાના માળીયાહાટીના, ચોરવાડ અને વંથલીમાંથી અંદાજીત 1,200 બોટલો સીઝ કરી હતી અને પીણું વેચનારની અટક કરી હતી. સૌરાષ્ટ્રના અનેક વિસ્તારોમાં પાનની દુકાનોમાં આ પ્રકારના પીણા મળી રહ્યાના અહેવાલ છે.

આ પણ વાંચો: Gujarat Election 2022: સૌરાષ્ટ્રમાં આવશે રાજકીય ભૂકંપ? 6 ધારાસભ્યો છોડી શકે છે કોંગ્રેસનો હાથ

અગાઉ જૂનાગઢના પોશ વિસ્તાર જાંજરડા રોડ પર આવેલી કૈલાસ હર્બલ નામની દુકાન (Kailas herbal shop)માં એસ.ઓ.જી પોલીસે તપાસ હાથ ધરી હતી. દુકાનના દ્રશ્યો જોઈને પોલીસ પણ ચોંકી ઉઠી હતી. કેમ કે અહીં બીયર બારની માફક ટેબલ ખુરશી પર નશો કરતા આઠ યુવાનો ઝડપાયા હતા. દુકાન માલિક દ્વારા તેમને નાસ્તાથી લઈ તમામ સુવિધાઓ આપવામાં આવતી હતી. પોલીસે દુકાનમાં રહેલા ફ્રીઝની તપાસ કરતા નશાયુકત ગેરકાયદેસર 300થી વઘુ બોટલો મળી આવી હતી. પોલીસે તમામ બોટલો સીઝ કરી દુકાનદાર તેમજ તેના મેનેજરની અટક કરી હતી.

જૂનાગઢ: આયુર્વેદિક પીણાના નામે નશાનો વેપાર, લેબોરેટરીનો રિપોર્ટમાં થયો ઘટસ્ફોટ

બેઇજિંગ: ચીનના વુહાન (Wuhan)માંથી આવેલ કોરોના વાયરસને કારણે સમગ્ર વિશ્વમાં તબાહી મચી ગઈ છે. આ પરિસ્થિતિમાં ચીનમાં નવો એક વાયરસ લૈંગ્યા (Zoonotic Langya) સામે આવ્યો છે. આ વાયરસના કારણે લોકોમાં ચિંતા જોવા મળી રહી છે. અત્યારસુધીમાં આ વાયરસથી 35 લોકો સંક્રમિત થયા છે. ગ્લોબલ ટાઈમ્સ અનુસાર આ વાયરસથી હેનિપા વાયરસ લૈંગ્યાના કારણે ચીનના શેડોંગ અને હેનાન પ્રાંતમાં લોકો સંક્રમિત થયા છે. રિપોર્ટમાં જણાવવામાં આવ્યું છે કે, હેનિપા વાયરસને લૈંગ્યા હેનિપા વાયરસ (Langya henipavirus), LV પણ કહેવામાં આવે છે. ચીનમાં જે દર્દીઓને તાવ આવ્યો છે, તેમના ગળામાંથી આ સેમ્પલ લેવામાં આવ્યા છે અને તેમનામાં આ નવો વાયરસ મળી આવ્યો છે.
વાયરસ પ્રાણીઓમાંથી મનુષ્યમાં આવ્યો હોવાની આશંકા
રિસર્ચ કરતા વૈજ્ઞાનિકોએ જણાવ્યું કે, આ નવો હેનિપાવાયરસ જાનવરોમાંથી માણસોમાં આવ્યો હોઈ શકે છે. જે લોકો આ વાયરસથી સંક્રમિત થાય છે, તેમનામાં તાવ, થાક, ખાંસી અને અન્ય લક્ષણો જોવા મળે છે. રિપોર્ટમાં જણાવવામાં આવ્યું છે કે, શેડોંગ અને હેનાનમાં લૈંગ્યા હેનિપા વાયરસના 35માંથી 26 મામલાઓમાં તાવ, ચિડીયાપણું, ખાંસી, એનોરેક્સિયા, માયલગિયા, માથાનો દુ:ખાવાનો અને ઉલ્ટી જેવા લક્ષણો જોવા મળ્યા છે.

આ પણ વાંચો: Fruit Milkshake પીવાના શોખીન  થઇ જાઓ સાવધાન! કારણ જાણીને થઈ જશો હેરાન
કોઈ ઈલાજ નથી
આ હેનિપા વાયરસ માટે કોઈ વેક્સીન કે ઈલાજ નથી. સંક્રમિત વ્યક્તિઓની દેખભાળ કરવી તે જ માત્ર એક ઉપાય છે. નિષ્ણાતોએ દાવો કર્યો છે કે, હાલમાં આ વાયરસના કારણે ગભરાવાની જરૂર નથી અને આ વાયરસને નજર અંદાજ પણ ન કરવો જોઈએ.

તાઇવાનના CDCના ડેપ્યુટી ડાયરેક્ટર જનરલ ચુઆંગ ઝેન-હસિઆંગે જણાવ્યું હતું કે, સ્ટડીમાં સામે આવ્યુ છે કે, આ વાયરસ માનવથી માનવમાં ફેલાતો નથી. તેમણે વાયરસ વિશે વધુ માહિતી ન આવે ત્યાં સુધી સતર્ક રહેવા જણાવ્યું છે. પાળતુ પ્રાણીઓ પર કરવામાં આવેલા સર્વેની માહિતી આપતાં તેમણે કહ્યું કે, અત્યારસુધીમાં 2% કેસ બકરામાં અને 5% શ્વાનમાં જોવા મળ્યા છે.

આ પણ વાંચો:  ઉકાળેલું પાણી કે ફિલ્ટર્ડ, સ્વાસ્થ્ય માટે કયું પાણી વધુ લાભદાયી છે?

ડ્યૂક એનયૂએસ મેડિકલ સ્કૂલમાં સંક્રામક રોગોના પ્રોગ્રામમાં પ્રોફેસર વાંગ લિનફાએ આ નવા વાયરસ અંગે જાણકારી આપી છે. તેમણે જણાવ્યું કે, હેનિપા વાયરસના કેસને ધ્યાનથી જોવામાં આવે તો આ વાયરસ ઘાતક કે ગંભીર નથી. આ કારણોસર આ વાયરસથી ગભરાવાની જરૂર નથી. આ વાયરસનો ચેતવણી તરીકે સ્વીકાર કરવો જોઈએ. હાલમાં અનેક એવા વાયરસ છે, જેના કારણે લોકો સંક્રમિત થયા છે અને ગંભીર પરિણામોનો સામનો પણ કર્યો છે.

China New Virus: ચીનમાં મળી આવ્યો વધુ એક વાયરસ, જાણો લક્ષણો અને અસર; કોઈ ઈલાજ ન હોવાનો દાવો

અમદાવાદ

સુરત

વડોદરા

રાજકોટ

ગાંધીનગર

ભાવનગર

જામનગર

જુનાગઢ

કચ્છ - ભુજ

મહેસાણા

પંચમહાલ

આણંદ

વલસાડ

સાબરકાંઠા

બનાસકાંઠા

અમરેલી

સુરેન્દ્રનગર

પોરબંદર

ભરૂચ

અમદાવાદની મુસ્લિમ બહેનોએ પીએમ મોદીને બાંધી સોનાની શિવલિંગ - રુદ્રાક્ષની રાખડી

ઓગસ્ટમાં શુક્રનું થશે ગોચર, આ ત્રણ રાશિ પર થશે ધનવર્ષા

મારુતિની આ બે કારમાં થઈ રહ્યું છે ધનાધન બુકીંગ, એક લાખ લોકોએ કરી નાખી બુક

ચીનમાં જાનવરમાંથી ફરી ફેલાયો વાયરસ, ઉંદર ખાવાથી માણસના શરીરમાં પ્રવેશ્યો

રિલાયન્સ ઇન્ડસ્ટ્રીએ બે નવી Mi Emitrates અને Mi Cape Town T20 ટીમ ખરીદી

GE: કામરેજ બેઠક પર આપ બદલી શકે છે ભાજપ-કોંગ્રેસ માટે સીટની ગણતરી, જાણો ચૂંટણી સમીકરણો

ચીનમાં મળી આવ્યો વધુ એક વાયરસ, જાણો લક્ષણો અને અસર

શું એડલ્ટ ફિલ્મોથી સેક્સ અંગે માહિતી અને શિક્ષા મળી શકે?

મારી 8 વર્ષની દીકરી મને પુછે છે Pregnancy Kit શું હોય છે,  તેને શું કહેવું?

હું બીજી વખત ગર્ભવતી  છું, મારો 5 વર્ષનો દીકરો  પ્રેગ્નેન્સી અને બાળક જન્મ અંગે સવાલ કરે છ

મારો 6 વર્ષનો દીકરો ટીવીમાં કિસિંગ સીન જોઇને સવાલો કરે છે, તેને કેવી રીતે સમજાવું?

'અમારા રિલેશનમાં મારે આદેશ માનનારા પાર્ટનરની ભૂમિકા અદા કરવી છે'

જાતિય સમસ્યા અંગે યુવા છોકરીઓ આ રીતે મેળવી રહી છે સલાહ!

sexual-wellness

તમારો જિલ્લો પસંદ કરો

જિલ્લો

sexual wellness

sexual wellness - ના સમાચાર

શું એડલ્ટ ફિલ્મોથી સેક્સ અંગે માહિતી અને શિક્ષા મળી શકે?

મારી 8 વર્ષની દીકરી મને પુછે છે Pregnancy Kit શું હોય છે, તેને શું કહેવું?

હું બીજી વખત ગર્ભવતી છું, મારો 5 વર્ષનો દીકરો પ્રેગ્નેન્સી અને બાળક જન્મ અંગે સવાલ કરે છ

મારો 6 વર્ષનો દીકરો ટીવીમાં કિસિંગ સીન જોઇને સવાલો કરે છે, તેને કેવી રીતે સમજાવું?

'અમારા રિલેશનમાં મારે આદેશ માનનારા પાર્ટનરની ભૂમિકા અદા કરવી છે'

જાતિય સમસ્યા અંગે યુવા છોકરીઓ આ રીતે મેળવી રહી છે સલાહ!

તાજેતરના સમાચાર