Abhishek Barad, Gandhinagar: આકાશવાણી અમદાવાદમાં ગુજરાતી ભાષા માટે કેઝ્યુઅલ સમાચાર વાચક સહ અનુવાદક માટે નિર્ધારિત સમયમાં ઓફલાઈન અરજીઓ મંગાવવામાં આવી છે.

આ જગ્યાનું નામ સમાચાર વાચક સહ અનુવાદક (Newsreader-cum-translator (Gujarati) છે. જેની માટેની લાયકાત કોઈપણ વિષય સાથે સ્નાતક તથા ગુજરાતી ભાષા લખવા બોલવા અને વાંચવામાં પ્રભુત્વ ધરાવનાર કરી શકે છે. આ જગ્યા માટેની વયમર્યાદા અરજી કરવાના છેલ્લા દિવસે 21 થી 50 વર્ષની છે. આ જગ્યા માટેની પસંદગી પ્રક્રિયા ત્રણ તબક્કામાં રહેશે. જેમાં (1) અરજદારોની 100 ગુણની લેખિત પરીક્ષા લેવામાં આવશે (તેમાં અંગ્રેજી ભાષામાંથી ગુજરાતીમાં અનુવાદ, સાંપ્રત બાબતો, રેડિયોલક્ષી મુસદ્દા લેખન તથા સામાન્ય જ્ઞાન વગેરે અભ્યાસક્રમ રહેશે). (2) અવાજ કસોટી (VOICE TEST) (100 ગુણ) (3) ઈન્ટરવ્યુ (100 ગુણ) રહેશે.



ફી બિન અનામત વર્ગના ઉમેદવારોએ અરજીપત્રકની સાથે રૂપિયા 354/-નો તથા અનામત વર્ગના ઉમેદવારોએ (આર્થિક રીત નબળા વર્ગો, સામાજીક અને શૈક્ષણિક રીતે પછાત વર્ગ અનુસૂચિત જાતિ અને અનુસૂચિત જનજાતિ)ના ઉમેદવારોએ રૂપિયા 267/- ડિમાન્ડ ડ્રાફ્ટ (DD) PRASAR BHARATI, ALL INDIA RADIO, AHMEDABAD ના નામે આપવાનો રહેશે.

આ પણ વાંચો : અહીં સ્મશાનમાં લાઇબ્રેરી કેમ બનાવી હશે? કારણ રસપ્રદ છે! 

અરજી પત્રકની સાથે પ્રમાણપત્રોની સ્વપ્રમાણિત નકલો સાથેની અરજી કેન્દ્રાધ્યક્ષ, આકાશવાણી, નવરંગપુરા, અમદાવાદ- 380009 ને 30 ઓગસ્ટ 2022 સુધી મળી રહે તે રીતે મોકલવાની રહેશે.

&amp;nbsp;

નોંધ : આ કોઈ સરકારી નોકરી નથી, પરંતુ દૈનિક કરાર આધારીત કામગીરી છે. સરકારી / અર્ધસરકારી કર્મચારી કે રાજકીય પક્ષના સભ્ય હોય તેમણે અરજી કરવી નહી. પ્રસાર ભારતીના નિયમ પ્રમાણે મહેનતાણુ ચૂકવામાં આવશે. અમદાવાદ અને આજુબાજુના વિસ્તારોમાં રહેતા ઉમેદવારોએ જ અરજી કરવી.(વધુ માહિતી અને અરજીપત્રક સમાચાર સેવા પ્રભાગ, આકાશવાણી અમદાવાદની ઓફિસમાંથી મેળવી શકાશે)

આકાશવાણીમાં Jobs: ગુજરાતી ભાષા માટે એન્કર જોઇએ છે, આવી રીતે કરો અરજી

આજે ભારતના અવકાશ કાર્યક્રમના જનક વિક્રમ સારાભાઈ (Vikram Sarabhai)ની જન્મજયંતિ છે. વિક્રમ સારાભાઈનો જન્મ (Vikram Sarabhai Birth Anniversary) 12 ઓગસ્ટ, 1919ના રોજ અમદાવાદમાં (Ahmedabad)થયો હતો. તેમના પિતા કાપડના વેપારી હતા. આવી સ્થિતિમાં સારાભાઈના ઉછેરમાં કોઈ પણ પ્રકારની કમી ન હતી. તેમણે પરિવાર દ્વારા સ્થાપવામાં આવેલી શાળામાં અભ્યાસ કર્યો હતો. જેમાં વિજ્ઞાન પ્રત્યે તેની જિજ્ઞાસા અને જ્ઞાનને વધુ તીવ્ર બનાવવા માટે વર્કશોપ પણ ઉપલબ્ધ હતું. 18 વર્ષની ઉંમરે તેઓ રવીન્દ્રનાથ ટાગોરની ભલામણ પર કેમ્બ્રિજ પહોંચ્યા. બીજા વિશ્વયુદ્ધ દરમિયાન તે દેશમાં પાછા ફર્યા હતા. તેમણે 1947માં પીએચડી પૂર્ણ કર્યું હતું.
ફિઝીકલ રીસર્ચ લેબોરેટરીની કરી સ્થાપના
ભારત આઝાદ થયા બાદ તેમણે 1947માં ફિઝીકલ રીસર્ચ લેબોરેટરી (PRL)ની સ્થાપના કરી હતી. ભારતમાં વ્યાવસાયિક વ્યવસ્થાપન શિક્ષણની જરૂરિયાતને સમજીને સારાભાઈએ 1962માં અમદાવાદ ખાતે ઈન્ડિયન ઈન્સ્ટિટ્યૂટ ઓફ મેનેજમેન્ટની સ્થાપનામાં મહત્વની ભૂમિકા ભજવી હતી. વૈજ્ઞાનિક સંશોધનમાં તેમની ભાગીદારી હોવા છતાં તેમણે ઉદ્યોગ, વ્યવસાય અને વિકાસના મુદ્દાઓમાં રસ લીધો હતો.

આ પણ વાંચો - આર્ટિસ્ટે અનોખી રીતે બતાવી દેશભક્તિ, પોતાની આંખમાં તિરંગો પેઇન્ટ કરાવ્યો
ઇસરોનો પાયો નાંખ્યો
વિક્રમ સારાભાઈ એક ભારતીય ભૌતિકશાસ્ત્રી અને ઉદ્યોગપતિ હતા. જેમણે અવકાશ સંશોધનની શરૂઆત કરી અને ભારતમાં પરમાણુ શક્તિ વિકસાવવામાં મદદ કરી. તેમના પ્રયાસોનું પરિણામ એ આવ્યું કે આજે આપણા દેશમાં ISRO જેવી વિશ્વસ્તરીય સંસ્થા છે. સારાભાઈએ 1963માં વૈજ્ઞાનિકો સાથે મળીને એક નાનું રોકેટ અવકાશમાં છોડ્યું હતું. આ માટે તે તિરુવનંતપુરમના એક ગામ થુંબા ગયા હતા. જ્યાં ન તો ઈન્ફ્રાસ્ટ્રક્ચર હતું કે ન તો ત્યાં બનેલી ઓફિસમાં છત હતી. આજે તે વિક્રમ સારાભાઈ સ્પેસ સેન્ટર તરીકે ઓળખાય છે. તેમણે NASAનો સંપર્ક કર્યો અને 1975માં સેટેલાઇટ ઇન્સ્ટ્રક્શનલ ટેલિવિઝન એક્સપેરિમેન્ટ (SITE)ની સ્થાપના કરી હતી. આ કારણે ભારતમાં કેબલ ટીવીનો યુગ શરૂ થયો. ભારત સરકારે તેમને 1966માં પદ્મ ભૂષણ અને 1972માં પદ્મ વિભૂષણથી સન્માનિત કર્યા હતા.
સારાભાઇના નિધન બાદ લોન્ચ થયો પ્રથમ સેટેલાઇટ
સારાભાઇના લગ્ન ક્લાસિકલ ડાન્સર મૃણાલિની સ્વામિનાથન સાથે થયા હતા. વિક્રમ સારાભાઇએ ઇન્ડિયન ઇન્સ્ટિટ્યૂટ ઓફ મેનેજમેન્ટ, અમદાવાદ, દર્પણ એકેડેમ ઓફ પર્ફોમિંગ આર્ટ્સ, નેશનલ ઇન્સ્ટિટ્યૂ ઓફ ડિઝાઇન સહિત અનેક સંસ્થાઓના પાયા નાંખ્યા હતા. 20 ડિસેમ્બર, 1971માં સારાભાઇ પોતાના સાથીઓ સાથે થુંબા ગયા હતા. ત્યાંથી તેમણે એક રોકેટ લોન્ચ કર્યુ હતું. ત્યાં દિવસભરની તૈયારીઓ જોઈને તે પોતાની હોટેલ પરત ફર્યા હતા. પરંતુ તે જ રાત્રે અચાનક તેનું મૃત્યુ થઈ ગયું હતું. તેમની પ્રેરણાથી દેશનો પ્રથમ ઉપગ્રહ આર્યભટ્ટ 19 એપ્રિલ, 1975ના રોજ લોન્ચ કરવામાં આવ્યો હતો.

ISROનો પાયો નાખનાર વિક્રમ સારાભાઇએ અંતરિક્ષમાં પણ છોડી હતી પોતાની છાપ, જાણો રોચક વાતો

કિંજલ કારસરીયા જામનગર : જામનગરમાં ટ્રાફિક બ્રિગેડના જવાને (TRB) દિવ્યાંગ વ્યક્તિને જાહેરમાં ફડાકો માર્યો હોવાની ઘટનાનો વીડિયો સોશિયલ મીડિયામાં વાયરલ (TRB Jawan viral video) થયો છે. જામનગર શહેરના રાજકોટ રોડ (Rajkot road) નજીક આવેલા નાગનાથ ગેટ વિસ્તારનો વીડિયો સોશિયલ મીડિયામાં વાયરલ થયો છે. વીડિયોમાં જોઈ શકાય છે કે દિવ્યાંગ વ્યક્તિ પોતાની ટુ વ્હીલર લઈને જતો હતો ત્યારે જ ટીઆરબી જવાને તેને લાફો મારી દીધો હતો. વાયરલ થયેલા વીડિયોમાં જોઈ શકાય છે કે ટીઆરબી જવાને ખેંચીને વાહન ચાલકને તમાચો મારે છે. વાહન ચાલક એક હાથથી વિકલાંગ હોવાનું જાણવા મળ્યું છે.

બનાવ સ્થળે હાજર લોકોએ આ ઘટનાને પોતાના કેમેરામાં કંડારી લીધી હતી. જે બાદમાં આ વીડિયો સોશિયલ મીડિયામાં વાયરલ થયો હતો. જે બાદમાં આ વાત પોલીસ સ્ટેશન સુધી પહોંચી હતી. સમગ્ર ઘટનાને લઈને ટ્રાફિક શાખાના પી.આઇ. વાય.જે.વાઘેલાએ જણાવ્યું હતું કે, ઘટનાનો વીડિયો સોશિયલ મીડિયામાં વાયરલ થયા બાદ દશરથસિંહ વાઢેર (Dasrathsinh Vadher) નામના ટીઆરબી જવાનને તાત્કાલિક અસરથી છૂટો કરી દેવાયો છે.

અવારનવાર સ્થાનિક રાહદારીઓ સાથે ટ્રાફિક નિયમન માટે રખાયેલા કેટલાક ટીઆરબી જવાનો દ્વારા અણછાજતા વર્તન કરતાં હોવાની પણ ક્યાંકને ક્યાંક લોકોમાં ચર્ચા થઈ રહી છે. આ પ્રકારની ઘટનાને લઈને લોકોમાં ભારે નારાજગી જોવા મળી રહી છે. જામનગરમાં બનેલી આ ઘટનાને લઈને રાહદારીઓ પણ ચોંકી ઉઠ્યા હતા.

આ પણ વાંચો: જામનગર : મોટી ખાવડી નજીક હોટલમાં ભીષણ આગ

જાહેરમાં માર મારવાની ઘટના બાદ લોકો ભોગ બનનાની યુવકને ન્યાય અપાવવાની માંગ કરી રહ્યા છે. આ સમગ્ર ઘટના બાદ ટીઆરબી જવાનને તો છૂટો કરી દેવાયો છે પરંતુ આ સમગ્ર ઘટના અંગે ટીઆરબીમાં નોકરી કરતા દશરથસિંહ વનરાજસિંહ વાઢેરે સિલ્વર કલરના GJ10BL 9843 નંબરના એક્સેસ મોટરસાયકલના ચાલક સામે ટ્રાફિકજામ કેમ થયો છે? તેમ કહી ગાળો ભાંડવી તેમજ ટ્રાફિકની કામગીરી દરમિયાન ફરજમાં રૂકાવટ કરવા અંગે સીટી બી ડિવિઝન પોલીસ સ્ટેશને ફરિયાદ નોંધાવી છે.

આ પણ વાંચો: દોઢ લાખથી વધુ મહિલાઓને આત્મનિર્ભર બનાવી રહ્યું છે જામનગરનું પિન્ક ફાઉન્ડેશન

વાયરલ થયેલા વીડિયોમાં જોઈ શકાય છે કે ટીઆરબી જવાને ખેંચીને વાહન ચાલકને તમાચો મારે છે. વાહન ચાલક એક હાથથી વિકલાંગ હોવાનું જાણવા મળ્યું છે. તમાચા બાદ વાહન ચાલકનો ગાલ લાલ થઈ ગયેલો જોઈ શકાય છે. એટલું જ નહીં, લોકો તેને ન્યાય મળે તેવી માંગણી પણ કરી રહ્યા છે.

ટ્રાફિક જવાનનો 'પાવર': જામનગરમાં TRB જવાને દિવ્યાંગને જાહેરમાં લાફો માર્યો, વીડિયો થયો વાયરલ

સોમનાથ મહાદેવથી લઈને મહાકાલેશ્વર સુધી પ્રસિદ્ધ ભગવાનના શૃંગાર દર્શન

કરોડપતિ (crorepati) બનવું દરેક વ્યક્તિનું સપનું હોય છે, પરંતુ આ સપનાને વાસ્તવિકતામાં બદલવામાં બહુ ઓછા લોકો સક્ષમ હોય છે. જો કે, આયોજન (management), બચત (saving) અને રોકાણ (investment) કરવામાં આવે તો કરોડપતિ બનવાનું સપનું આસાનીથી પૂર્ણ થઈ શકે છે.
આજે અમે તમને એક્સપર્ટને ધ્યાનમાં લઈને એવો જ એક ઉપાય જણાવવા જઈ રહ્યા છીએ, કે તમે તમારું ધનવાન બનવાનું સપનું (how to become rich) સાકાર કરી શકશો. ધારી લો કે જો તમે પહેલા પગારથી બચત કરવાનું શરૂ કરો તો આગામી 10 વર્ષમાં તમારી ગણતરી પણ કરોડપતિઓમાં થઈ જશે.
Syrma SGS Technology IPO: અઢી મહિના પછી આજે ખૂલી રહ્યો છે પહેલો ઈશ્યુ, જાણો ભરવો જોઈએ કે નહીં?
પહેલા પગાર સાથે જ શરૂ કરો રોકાણ
બિઝનેસ ટુડેના અહેવાલ મુજબ એપ્સિલન મનીના સહ-સ્થાપક અને સીઇઓ અભિષેક દેવે કરોડપતિ બનવાની ફોર્મ્યુલા આપી છે. દેવ કહે છે કે પ્રથમ પગારના રોકાણને શિસ્તનો ભાગ બનાવવાની શ્રેષ્ઠ તક છે. લાંબા ગાળામાં મોટી સંપત્તિ બનાવવા માટે પ્રથમ પગારમાંથી જ એક ભાગ અલગ રાખો. ખર્ચની બાબતમાં સાવધાની રાખો અને પગાર માત્ર જરૂરી વસ્તુઓ પર જ ખર્ચ કરો, જરૂરી ખર્ચ પછી પગારનો જે પણ ભાગ બાકી રહે તેને યોગ્ય રીતે પસંદ કરેલ ઇક્વિટી અને બેલેન્સ ફંડમાં SIP શરૂ કરો.
Stock Market: શેરબજારમાં આજે કમાણી કરવી હોય તો એક્સપર્ટ્સની આ સલાહ પર ધ્યાન આપો
આ બે વાતો તમને બનાવશે અમીર
અભિષેક દેવ સમજાવે છે કે, SIP માટે યોગ્ય ફંડ પસંદ કરવા માટે મ્યુચ્યુઅલ ફંડ વિતરક અથવા રોકાણ સલાહકારની મદદ લઈ શકાય છે. તેમણે કહ્યું કે, આ સાથે દર એક વર્ષે રોકાણની સમીક્ષા કરવી જોઈએ. તમે SIPની રકમ કેટલી વધારી શકો છો તે જોવું જોઈએ. તેમણે કહ્યું કે, આમ કરવાથી તમને તમે તમારા લક્ષ્ય પ્રમાણે સાચી દિશામાં ચાલી રહ્યા છો કે નહીં એ પણ ખબર પડી જશે. દેવે વધુમાં કહ્યું કે, ધનવાન બનવાના બે સરળ રહસ્યો છે, વહેલા રોકાણ કરવાનું શરૂ કરો અને નિયમિત રીતે રોકાણ કરો.
3 વર્ષની ટોચ પર પહોંચ્યો Coal Indiaનો શેર, રોકાણકારોએ શું કરવું? જાણો નિષ્ણાતોની સલાહ
આ રીતે 10 વર્ષમાં બની જશો કરોડપતિ
કરોડપતિ બનવાના સવાલ પર અભિષેક દેવ કહે છે કે, દર મહિને 45 હજાર રૂપિયાનું રોકાણ કરવામાં આવે તો 10 વર્ષમાં તમારું કુલ રોકાણ 54 લાખ રૂપિયા થઈ જશે. જો આના પર રિટર્ન 12 ટકા હોય તો પણ 10 વર્ષમાં તમારું રોકાણ વધીને 1.04 કરોડ રૂપિયા થઈ જશે. તેવી જ રીતે 12 ટકાના ચક્રવૃદ્ધિ વ્યાજ પર 10 વર્ષમાં રૂ. 33 લાખનું લમ્પ-મમ્પ રોકાણ પણ વધીને રૂ. 1.02 કરોડ થશે.
તેમણે અંતમાં કહ્યું કે, સંપત્તિનું નિર્માણ કરવા માટે શિસ્ત, યોગ્ય પસંદગી ખૂબ જ મહત્વપૂર્ણ છે. ધનવાન બનવા માટે બુદ્ધિ કરતાં શિસ્ત સાથે કરવામાં આવેલું રોકાણ વધુ મહત્વનું છે.
(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)

How to Invest: નોકરી મળતા જ શરૂ કરો આ કામ, 10 વર્ષમાં બની જશો કરોડપતિ

અમદાવાદ

સુરત

વડોદરા

રાજકોટ

ગાંધીનગર

ભાવનગર

જામનગર

જુનાગઢ

કચ્છ - ભુજ

મહેસાણા

પંચમહાલ

આણંદ

વલસાડ

સાબરકાંઠા

બનાસકાંઠા

અમરેલી

સુરેન્દ્રનગર

પોરબંદર

ભરૂચ

વન વિભાગનું હરિયાળું આયોજ,54 લાખથી વધુ રોપાઓનું વિતરણ થશે

વલસાડ: વરસાદી માહોલ વચ્ચે ઘર તૂટી પડ્યું, આઠ સભ્યનો આબાદ બચાવ

આકાશવાણીમાં ગુજરાતી ભાષા માટે એન્કર જોઇએ છે, આવી રીતે કરો અરજી

ISROનો પાયો નાખનાર વિક્રમ સારાભાઇએ અંતરિક્ષમાં પણ છોડી હતી પોતાની છાપ

જામનગરમાં TRB જવાને દિવ્યાંગને જાહેરમાં લાફો માર્યો, વીડિયો થયો વાયરલ

નોકરી મળતા જ શરૂ કરો આ કામ, 10 વર્ષમાં બની જશો કરોડપતિ

રાજકોટની રોલેક્સ રિંગ્સના શેરે લિસ્ટ થતા જ રોકાણકારો 38% ટકા નફો આપ્યો

rolex-rings-share-price

તમારો જિલ્લો પસંદ કરો

જિલ્લો

rolex rings share price

rolex rings share price - ના સમાચાર

રાજકોટની રોલેક્સ રિંગ્સના શેરે લિસ્ટ થતા જ રોકાણકારો 38% ટકા નફો આપ્યો

તાજેતરના સમાચાર