નવી દિલ્હી : આઝાદીના અમૃત મહોત્સવ પ્રસંગે (Azadi Ka Amrit Mahotsav)પીએમ નરેન્દ્ર મોદીએ (PM Narendra Modi)દેશ સામે પાંચ પ્રણ લેવાનું આહ્વાન કર્યું છે. 15મી ઓગસ્ટના (Independence Day)દિવસે લાલ કિલ્લાની પ્રાચીરથી સંબોધિત કરતા પીએમ મોદીએ કહ્યું કે હવે દેશ મોટા સંકલ્પ લઇને ચાલશે અને તે મોટો સંકલ્પ છે વિકસિત ભારતનો. તેમાં કશું ઓછું થવું જોઈએ નહીં. આ માટે આપણે પંચ પ્રણ ( panchpran)લેવા જોઈએ. તેમણે કહ્યું કે આવનાર વર્ષોમાં આપણે પંચપ્રણ પર ધ્યાન આપવું પડશે. આ પંચપ્રણ આ પ્રમાણે છે - પ્રથમ- વિકસિત ભારતના મોટા સંકલ્પો અને સંકલ્પ સાથે આગળ વધવું, બીજું - દાસતાના બધા નિશાન મિટાવી દેવા, ત્રીજું- આપણી વિરાસત પર ગર્વ કરો, ચોથું- એકતાની તાકાત અને પાચમું- નાગરિકોનું કર્તવ્ય જેમાં પીએમ અને સીએમ સામેલ છે. આવનાર 25 વર્ષો માટે આપણે પંચ પ્રણ પર પોતાની શક્તિ, સંકલ્પો અને સામર્થ્યને કેન્દ્રિત કરવું પડશે.

પ્રથમ પ્રણ - ભારતે મોટા સંકલ્પો સાથે આગળ વધવાનું છે. હવે દેશ મોટા સંકલ્પને લઇને ચાલશે અને આ મોટો સંકલ્પ છે વિકસિત ભારત અને તેનાથી ઓછું થવું જોઈએ નહીં.

બીજું પ્રણ - કોઇપણ ખૂણામાં આપણા મનની અંદર ગુલામીનો એકપણ અંશ હોય તેને કોઇપણ હાલતમાં બચવા દેવાનો નથી. સેંકડો વર્ષની ગુલામીના કારણે ભારતને મોટી ચોટ લાગી છે. જોકે આપણે તેનાથી ઉબરવું જોઈએ.

ત્રીજુ પ્રણ - આપણે પોતાની વિરાસત પર ગર્વ હોવો જોઈએ. હિન્દુસ્તાનના દરેક ખૂણામાં તે બધા મહાપુરુષોને યાદ કરવાનો પ્રયત્ન કરવામાં આવ્યો જેમને કોઇના કોઇના કારણોસર ઇતિહાસામં સ્થાન ના મળ્યું, કે તેમનો ભૂલાવી દેવામાં આવ્યા હતા. આજે દેશે શોધી-શોધીને આવા મહાપુરુષો, બલિદાનીઓ, સત્યાગ્રહીયોને યાદ કર્યા, નમન કર્યા.

ચોથું પ્રણ - એકતા અને એકજુટતા. જો પુત્ર-પુત્રી એકસમાન ના હોય તો એકતાની ભાવના જાગૃત થઇ શકે નહીં. આ માટે ઇન્ડિયા ફર્સ્ટનું પાલન કરવું જોઈએ. તેમાં શ્રમિકોનું સન્માન જરૂરી છે.

પાંચમું પ્રણ - નાગરિકોનું કર્તવ્ય, તેમાં પ્રધાનમંત્રી પણ બહાર હોતા નથી. રાષ્ટ્રપતિ પણ બહાર નથી. આપણે દેશના નાગરિકના રૂપમાં પોતાના યોગ્ય કર્તવ્ય પુરો કરવા જોઈએ. દેશમાં આજે આપણે જોઇ રહ્યા છીએ કે નારી પ્રત્યે આપણું કર્તવ્ય યોગ્ય નથી. આપણે કોઇપણ સ્થિતિમાં ખતમ કરવું પડશે.

Independence Day 2022: લાલ કિલ્લાની પ્રાચીરથી પીએમ મોદીએ કર્યું પંચપ્રણનું આહ્વાન, જાણો શું છે આ

RRB Group D exam 2022: રેલવે ભરતી બોર્ડ, RRB એ ગ્રુપ D લેવલ 1 પરીક્ષાનું એડમિટ કાર્ડ બહાર પડ્યું છે. આરઆરબીની સ્થાનિક વેબસાઇટ્ પર એડમિટ કાર્ડ રિલીઝ કરવામાં આવ્યા છે. જેને ઉમેદવારો તેમના લોગીન ID દ્વારા ડાઉનલોડ કરી શકશે. તમને જણાવી દઈએ કે RRB ગ્રુપ D લેવલ 1 ની પરીક્ષા 17 થી 25 ઓગસ્ટ 2022 દરમિયાન યોજાવાની છે.

પરીક્ષા અલગ અલગ તબક્કામાં યોજાશે. અન્ય તબક્કાની પરીક્ષા તારીખો પછીથી જાહેર કરવામાં આવશે. હાલમાં, લેવલ 1 નું એડમિટ કાર્ડ કેવી રીતે ડાઉનલોડ કરવું તેની માહિતી અહીં જણાવાઈ છે.
એડમિટ કાર્ડ કેવી રીતે ડાઉનલોડ કરવું
સૌ પ્રથમ આરઆરબીની સત્તાવાર વેબસાઇટ્સની મુલાકાત લો.
હવે મુખ્ય પેજ પર ઉપલબ્ધ એડમિટ કાર્ડ લિંક પર ક્લિક કરો.
ત્યાર બાદ તમારું લૉગિન ID દાખલ કરો અને સબમિટ કરો.
એડમિટ કાર્ડ સ્ક્રીન પર દેખાશે.

RRB ગ્રુપ D લેવલ 1 ની પરીક્ષા કમ્પ્યુટર આધારિત મોડમાં હશે. જેમાં ઉમેદવારોને જનરલ સાયન્સ, મેથેમેટિક્સ, કરંટ અફેર્સ, જનરલ અવેરનેસ અને જનરલ ઈન્ટેલિજન્સ એન્ડ રિઝનિંગ જેવા વિષયોના પ્રશ્નો પૂછવામાં આવશે. પરીક્ષા કુલ દોઢ કલાકની રહેશે. તેમજ તેમાં નેગેટિવ માર્કિંગ પણ હશે.
BSNL Government Job 2022: પરીક્ષા વગર BSNLમાં સરકારી નોકરી, કેટલો મળશે પગાર?

ઉલ્લેખનીય છે કે ભારત સંચાર નિગમ લિમિટેડ દ્વારા કર્ણાટક વિભાગમાં ઇન્ટર્નશીપ ટ્રેઇનીઓની ભરતી માટે આવેદન અરજીઓ મંગવાઈ છે, પદ માટે ઇચ્છુક અને લાયક ઉમેદવાર ભરતી માટે BSNLની સત્તાવાર વેબસાઇટ પર જઇ અરજી કરી શકે છે. (Government job) આ પદ માટે અરજી પ્રક્રિયા હાલ શરૂ છે.(Career opportunity BSNL)

ઉપરાંત ઉમેદવાર અહીં આપેલી લિંકનો ઉપયોગ કરી http://karnataka.bsnl.co.in/ અરજી કરી શકે છે. આ ભરતી પ્રક્રિયા હેઠળ 100 ખાલી જગ્યા માટે ભરતી કરવામાં આવશે. ઉમેદવાર BSNL દ્વારા જાહેર કરેલી સત્તાવાર નોટોફિકેશન PDF દ્વારા વધુ માહિતી મેળવી શકે છે. વધુ માહિતી વાંચવા માટે અહીં ક્લિક કરો.

ICG Recruitment 2022: ICGમાં વિવિધ પદો પર આવી ભરતી, વાંચો સંપૂર્ણ વિગતો
ઉલ્લેખનીય છે કે ઇન્ડિયન કોસ્ટ ગાર્ડ (ICG Recruitment 2022) વિવિધ પોસ્ટ માટે પુરુષ અને મહિલા ઉમેદવારોને આસિસ્ટન્ટ કમાન્ડન્ટ (ગ્રુપ 'એ' ગેઝેટેડ ઓફિસર) તરીકે હાયર (Jobs) કરી રહ્યું છે. 02/2023 બેચ માટે જનરલ ડ્યુટી (GD), કોમર્શિયલ પાયલોટ લાઇસન્સ (SSA) અને ટેકનિકલ અને લો એન્ટ્રી માટે 71 વેકેન્સીઝ ઉપલબ્ધ છે. આઈસીજી (ICG) 17 ઓગસ્ટ 2022થી ઉપરોક્ત પોસ્ટ્સ માટે અરજીઓ મંગાવવાનું શરૂ કરશે. યોગ્ય લાયકાત અને રસ ધરાવતા ઉમેદવારો 07 સપ્ટેમ્બર 2022 સુધીમાં તેની વેબસાઇટ એટલે કે joinindiancoastguard.gov.inપર તેમની અરજી સબમિટ કરી શકશે.

Railway Recruitment: રેલવે ભરતી ગ્રુપ D લેવલ 1 એડમિટ કાર્ડ રિલીઝ, આ રીતે ડાઉનલોડ કરો

મુંબઈઃ શેરબજારના બિગબુલ કહેવાતા રાકેશ ઝુનઝુનવાલાનું 14 ઓગસ્ટના રોજ સવારે મુંબઈમાં નિધન થયું. તેમની રોકાણ પેટર્ન અમેરિકાના જાણીતા રોકાણકાર વૉરેન બફેટ જેવી જ રહી છે. આ કારણે જે તેમને ભારતના વૉરન બફેટ કહેવામાં આવતા હતા. આ સમાનતા ફક્ત રોકાણ પેટર્ન પૂરતી જ સિમિત નથી ક્રિપ્ટો કરન્સીથી લઈને આધુનિક યુગના સ્ટાર્ટઅપ મામલે પણ ઝુનઝુનવાલા અને બફેટના વિચારો એકબીજા સાથે ખૂબ મળે છે. રોકણની દ્રષ્ટીએ બિગ બુલ ક્રિપ્ટોકરન્સી અને સ્ટાર્ટઅપથી એક અંતર બનાવી રાખવાના પક્ષમાં હતા. આવો જાણીએ તેની પાછળનું કારણ શું હતું?

પોઝિટિવ કેશ ફ્લોનું મહત્વ

વોરન બફેટની જેમ ઝુનઝુનવાલા પણ કંપનીઓના પોઝિટિવ કેશ ફ્લો પર ખૂબ મહત્વ આપતા હતા. આ વર્ષે જ સીએનબીસી ટીવી-18ને આપેલા એક ઇન્ટર્વ્યુમાં રાકેશ ઝુનઝુનવાલાએ કહ્યું કે દુનિયાભરના બજારોમાં શેરના ભાવ તેની દશા અને દિશા કંપનીઓના કેશ ફ્લો અને કમાણી પર નિર્ભર કરે છે. એક ઇન્ટર્વ્યુમાં રાકેશે કહ્યું હતું કે વેલ્યુએશન પર બહુ વધારે ફોકસ ન કરતા કોઈ કંપનીની કારોબારી શક્યતાઓ તેની કાર્યક્ષમતા, તેનું કોર્પોરેટ ગવર્નન્સ, તેની ટેક્નિકલ કુશળતાઓ, તેમજ સમસ્યાઓ અને નવા ફેરફારો સામે ઉભા રહેવાની તેની ક્ષમતા પર નિર્ભર કરે છે. આ એક એવી દોડ છે જેમાં ધીમી પરંતુ લાંબી અને મજબૂત ચાલ ચાલતા કાચબા જ જીતે છે.

સ્ટાર્ટ અંગે વાત કરતા તેમણે કહ્યું હતું કે સ્ટાર્ટઅપે પોતાના બિઝનેસ મોડેલ પર વધુ ધ્યાન આપવું જોઈએ. મજબૂત બિઝનેસ મોડેલથી જ કેશ ફ્લો આવે છે. કંપનીઓએ વેલ્યુએશન વધારીને 2 અબજ ડોલર, 3 અબજ ડોલર કરવાની જગ્યાએ પોતાના બિઝનેસ મોડેલને મજબૂત બનાવવા પર ધ્યાન આપવું જોઈએ. પોતાના આ તર્કો સાથે જ રાકેશ ઝુનઝુનવાલા નવા જમાનાની ભારે રોકાણ માગી લેતી સ્ટાર્ટઅપ કંપનીઓથી દૂર રહેતા હતા.

સ્ટાર્ટઅપ

લગભગ 32000 હજાર કરોડના રાકેશ ઝુનઝુનવાલાના પોર્ટફોલિયોમાં નવા જમાનાની સ્ટાર્ટઅપ કંપનીઓની ભાગીદારી ખૂબ જ ઓછી છે. રાકેશ ઝુનઝુનવાલા ઝોમેટો, પોલિસી બજાર, નાયકા જેવા મલ્ટીમિલિયન ડોલર આઈપીઓથી દૂર રહ્યા હતા. જોકે વ્યક્તિગત રીતે તેઓ ભારતના ડિજિટલીકરણ અભિયાનને લઈને ખૂબ જ બુલિશ હતા.

ઝુનઝુનવાલાએ સ્ટાર્ટઅપ પર વાત કરતા એકવાર કહ્યું હતું કે સ્ટાર્ટઅપમાં ભાગ નથી લેવા મગાતો. તેનું હેંગઓવર ફક્ત 2 દિવસ સુધી જ રહેશે. સીએનબીસી ટીવી-18ને ગત સપ્તાહે આપેલા તેમના એક ઇન્ટર્વ્યુમાં કહ્યું કે પહેલાથી જ મલ્ટી ઈયર લો પર ચાલી રહેલા નવા જમાનાનાના સ્ટાર્ટઅપમાં હજુ વધુ ઘટાડો જોવા મળી શકે છે.

ક્રિપ્ટોકરન્સી

ઝુનઝુનવાલા ક્રિપ્ટો કરન્સીમાં રોકાણને લઈને હંમેશા બિયરિશ રહ્યા છે. તેમનું કહેવું હતું કે ક્રિપ્ટોકરંસીમાં દરરોજ થતા ભારે ઉતાર ચઢાવ તેમને પસંદ નથી. જો બિટકોઈન મને 5 ડોલરમાં મળે તો પણ હું તેમાં રોકાણ કરું નહીં. આ ઇન્ટર્વ્યુમાં તેમણે કહ્યું કે દુનિયામાં ફક્ત સંપ્રભુત્વ ધરાવતા દેશે જ કરન્સી પ્રિન્ટ કરવાનો અધિકાર ધરાવે છે. આ રીતે તો કાલે કોઈપણ 5 લાખ બિટોઈન બનાવી લે તો થોડું ચાલે. આ એક એવી કરન્સી છે જેમાં કોઈ દિવસ 5 ટકા તો બીજા દિવસે 10 ટકાનો ઉતાર ચઢાવ જોવ મળે છે. મને તેમાં કોઈ વિશ્વાસ નથી. જો ડોલર એક દિવસમાં 1 ટકા ઉપર જાય છે તો એ સમાચાર બની જાય છે. જ્યારે બિટકોઈનમાં દરરોજ 10-15 ટકાનો ઉતાર ચઢાવ આવે છે તો તે કોઈ સમાચાર નથી. મારું માનવું છે આ ફક્ત એક સટ્ટાબજારી છે. હું આમાં કોઈ રુપિયા લગાવી શકું નહીં. એક વધુ ઇન્ટર્વ્યુમાં તેમણે કહ્યું હતું કે ઈક્વિટી અને ક્રિપ્ટોકરન્સીમાં રોકાણ કરતા લોકોનો વર્ગ અલગ અલગ છે. એક દિવસ ક્રિપ્ટો કરન્સી ધડામ કરતી નીચે પડશે.

(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)

આજકાલ ઈન્સ્ટન્ટ કરોડપતિ બનવાના સપના જોતા રોકાણકારોની ફેવરિટ ક્રિપ્ટો કરન્સીથી કેમ દૂર રહેતા હતા ઝુનઝુનવાલા

ગાંધીનગર: દેશ આઝાદીના 75માં વર્ષની ઉજવણી (India @75) કરી રહ્યો છે ત્યારે કેવિડયા ખાતેથી ગુજરાતીઓ માટે આનંદના સમાચાર આવ્યા છે. ગુજરાતની જીવાદોરી સમાન સરદાર સરોવર ડેમ (Sardar Sarovar Dam)ની જળ સપાટી 135.29 મીટર પર પહોંચી છે. બીજી તરફ સરદાર સરોવર ડેમમાંથી 23 ગેટ ખોલી 1 લાખ 50 હજાર ક્યુસેક પાણી છોડવામાં આવી રહ્યું છે. વીજ મથક 24 કલાક કાર્યરત કરાતા 45 હજાર ક્યુસેક પાણી છોડવામાં આવી રહ્યું છે. આ રીતે ડેમમાંથી કુલ 1 લાખ 95 હજાર ક્યુસેક પાણી નર્મદા નદી (Narmada River)માં છોડવામાં આવી રહ્યું છે. સતત પાણી છોડવામાં આવી રહ્યું હોવાથી નર્મદા નદીના કાંઠાના ભરુચ, નર્મદા, વડોદરા જિલ્લાના ગામોને એલર્ટ કરવામાં આવ્યા છે. ડેમમાં હાલ 1,82,900 ક્યુસેક પાણીની આવક થઈ રહી છે. સોમવારે સવારે પુરા થતા 24 કલાક દરમિયાન રાજ્યના 194 તાલુકામાં વરસાદ નોંધાયો છે. જેમાં સૌથી વધારે છ ઇંચ વરસાદ સુરત જિલ્લાના ઉમરપાડા તાલુકામાં નોંધાયો છે. ઉલ્લેખનીય છે કે ડેમની કુલ સપાટી 138.68 મીટર છે.
ગુજરાતમાં છેલ્લા 24 કલાકમાં પડેલો વરસાદ
સોમવારે સવારે પુરા થતા 24 કલાક દરમિયાન રાજ્યના 194 તાલુકામાં વરસાદ નોંધાયો છે. જેમાં સૌથી વધારે છ ઇંચ વરસાદ સુરત જિલ્લાના ઉમરપાડા તાલુકામાં નોંધાયો છે. છેલ્લા 24 કલાકમાં રાજ્યના 33 તાલુકામાં એક ઇંચ કરતા વધારે વરસાદ પડ્યો છે.
રાજ્યમાં સરેરાશ વરસાદ
રાજ્યમાં પડેલા સરેરાશ વરસાદની વાત કરીએ તો અત્યારસુધી 85.56 ટકા વરસાદ પડ્યો છે. કચ્છમાં સૌથી વધારે 137.76 ટકા સરેરાશ વરસાદ પડ્યો છે. ઉત્તર ગુજરાતમાં 76.73 ટકા, પૂર્વ-મધ્ય ગુજરાતમાં 73.23 ટકા, સૌરાષ્ટ્રમાં 79.58 ટકા અને દક્ષિણ ગુજરાતમાં 95.36 ટકા વરસાદ પડ્યો છે.

આ પણ વાંચો: રાજ્યમાં વરસાદના પળેપળના સમાચાર વાંચવા ક્લિક કરો...
વરસાદની આગાહી
હવામાન વિભાગની આગાહી પ્રમાણે, આજે સ્વતંત્રતા દિવસે એટલે કે 15 ઓગસ્ટે નવસારી, વલસાડ, દમણ અને દાદરા નગર હવેલીમાં ભારેથી અતિભારે વરસાદની સંભાવના છે. જ્યારે બનાસકાંઠા, સાબરકાંઠા, મહેસાણા, અરવલ્લી, સુરત, ડાંગ અને તાપીમાં ભારે વરસાદ વરસી શકે છે.

જખૌ અને પિંગલેશ્વર દરમિયામાં કરેટ
અરબી સમુદ્રમાં સર્જાયેલા હળવા દબાણ વચ્ચે ગુજરાતના પશ્ચિમી છેડાના સાગરકાંઠાના વિસ્તારોમાં એટલે કે, સરહદી જખૌ અને પિંગલેશ્વરના દરિયામાં કરંટ જોવા મળ્યો હતો. રવિવારના અબડાસા તાલુકાના મત્સ્ય બંદર જખૌ ઉપર થોડીક ક્ષણો માટે દરિયાનું પાણી જેટી પર ચડી આવતાં માછીમારોના જીવ અધ્ધર થઈ ગયા હતા. ભારે પવન ફૂંકાવાની સાથે દરિયાનું પાણી જેટી તેમજ રહેણાંકવાળા વિસ્તારમાં આવી ગયું હતું.

આનંદો! સરદાર સરોવર ડેમની જળ સપાટી 135.29 મીટરે પહોંચી

Morning Health Tips: આમ જોવા જઈએ તો દૂધી અને ટમેટાનો ઉપયોગ આપણે જમવાની સાથે સલાડના રૂપમાં કરીએ છીએ. દૂધી અને ટમેટાના શરીરમાં અનેક રીતે ફાયદાઓ કરાવે છે (benefits of drinking bottle gourd and tomato juice). પરંતુ આપને જણાવી દઈએ કે સલાડના રૂપમાં લેવાતી દૂધી અને ટામેટાંનું જ્યુસનું સેવન કરવું પણ ઘણું ફાયદાકારક સાબિત થઈ શકે છે. શરીરમાંથી ઝેરીલા તત્વો બહાર કાઢવા માટે ઘણા મદદરૂપ થયા છે. દૂધીમાં વિટામિન, મિનિરલ્સ, કાર્બોહાઇડ્રેટ્સ, સોડિયમ કેલ્શિયમ, આયરન, પ્રોટીન અને ઝીંક જેવા ઘણા તત્વો જોવા મળે છે. જ્યારે ટમેટામાં પોટેશિયમ, વિટામિન સી, વિટામિન બી, લાઈકોપીન, કોલીન વિગેરે પ્ર્યાપ્ત માત્રામાં જોવા મળે છે. દૂધી અને જમેટાનું જ્યુસ પીવાથી આપનું પાચન તંત્ર  (Health Tips for constipation)એકદમ સ્વસ્થ રહે છે. હ્રદય સબંધિત બીમારીઓનું જોખમ ઘટાડવાનું પણ કામ કરે છે.
દૂધી અને ટામેટાંનો રસ પીવાના ફાયદા
દૂધી અને ટામેટામાં રહેલા પોષક તત્વો અને ગુણો શરીર માટે ખૂબ જ ફાયદાકારક છે. ટામેટાંનું સેવન કરવાથી હૃદયની બીમારીઓનો ખતરો ઓછો થાય છે અને કોલેસ્ટ્રોલ નિયંત્રણમાં રહે છે. તે જ સમયે, દૂધીમાં રહેલા ગુણો પાચન તંત્રને સારી રીતે જાળવવામાં ખૂબ જ ઉપયોગી છે. દૂધીમાં રહેલું વિટામિન સી શરીરની રોગપ્રતિકારક શક્તિ વધારવાનું કામ કરે છે.

આ પણ વાંચો: જો તમે પણ કરો છો બ્રેકફાસ્ટમાં આ 4 ભૂલો તો વધી શકે છે બ્લડ શુગરની સમસ્યા
ગરમીમાં શરીર માએ ફાયદારૂપ
ગરમીના વાતાવરણમાં દૂધી અને ટમેટાનું જ્યુસ શરીરને ઠંડુ રાખવામા ઘણું ફાયદારૂપ થાય છે. ગરમીઓમાં થતી ચામડીની સમસ્યામાં પણ ઘણું મદદરૂપ થાય છે. દૂધી અને ટમેટાના જ્યુસનું સેવન કરવાથી શરીરમાં રહેલા હાનિકારક ઝેરીલા પદાર્થોનો પણ નિકાલ થાય છે.
વજન ઘટાડવા માટે ફાયદાકારક
દૂધી અને ટામેટાંનો રસ પીવાથી વજન ઘટાડવામાં પણ ફાયદો થાય છે. તેના નિયમિત સેવનથી તમારું વજન નિયંત્રણમાં રહે છે. તેમાં હાજર ફાઈબર તમારી ભૂખને નિયંત્રિત કરવામાં ઉપયોગી છે. આ સિવાય દૂધી અને ટામેટામાં રહેલા ગુણો પણ શરીરના મેટાબોલિઝમને સુધારવામાં ખૂબ જ ફાયદાકારક છે.
કોલેસ્ટ્રોલ લેવલ ઘટાડવામાં ફાયદાકારક
શરીરમાં કોલેસ્ટ્રોલનું પ્રમાણ વધવાથી હૃદય રોગનો ખતરો વધી જાય છે. કોલેસ્ટ્રોલને કંટ્રોલ કરવા માટે દૂધી અને ટામેટાંનો રસ ખૂબ જ ફાયદાકારક માનવામાં આવે છે. ટામેટામાં 13-ઓક્સો-ઓડીએ હોય છે જે શરીરમાં કોલેસ્ટ્રોલનું સ્તર ઘટાડવાનું કામ કરે છે. તેનું સેવન કરવાથી હૃદયની બીમારીઓનું જોખમ ઓછું થાય છે.

આ પણ વાંચો:  ના હોય! આટલી વસ્તુઓ ખાવાથી ઘટે છે ઉંમર! એક અભ્યાસમાં થાય ચોંકાવનારા ખુલાસા
ડાયાબિટીસમાં ફાયદાકારક
શરીરમાં ગ્લુકોઝનું પ્રમાણ વધવાથી ડાયાબિટીસનો ખતરો વધી જાય છે. ડાયાબિટીસના દર્દીઓએ ગ્લુકોઝને કંટ્રોલ કરવું જોઈએ. ગ્લુકોઝ કે બ્લડ સુગરને કંટ્રોલમાં રાખવા માટે દૂધી અને ટામેટાંનો રસ ખૂબ જ ફાયદાકારક છે. તેનું નિયમિત સેવન ડાયાબિટીસમાં ખૂબ જ ઉપયોગી માનવામાં આવે છે.
દૂધી અને ટામેટાના રસનું સેવન કેવી રીતે કરવું?
તમાલપત્ર અને ટામેટાંનો રસ તૈયાર કરવા માટે સૌ પ્રથમ એક ટામેટા અને થોડા ટુકડા લો. હવે તેને સાફ કરી સારી રીતે મિક્સ કરી જ્યુસ તૈયાર કરો. આ રસનું રોજ સવારે સેવન કરવું ખૂબ જ ફાયદાકારક માનવામાં આવે છે. પરંતુ પ્રથમ વખત તેનું સેવન કરતા પહેલા ડૉક્ટરની સલાહ લેવી જરૂરી છે.

Health: રોજ સવારે પીવો દૂધી અને ટમેટાનું જ્યુસ, અદ્ભુત ફાયદા જાણીને ચોંકી જશો

અમદાવાદ

સુરત

વડોદરા

રાજકોટ

ગાંધીનગર

ભાવનગર

જામનગર

જુનાગઢ

કચ્છ - ભુજ

મહેસાણા

પંચમહાલ

આણંદ

વલસાડ

સાબરકાંઠા

બનાસકાંઠા

અમરેલી

સુરેન્દ્રનગર

પોરબંદર

ભરૂચ

આજના દિવસે આ રાશિઓના લોકોને થશે નાણાકીય લાભ

ઓસ્ટ્રેલિયાની ધરતી પર કીર્તિદાન ગઢવીએ લોકોને દેશપ્રેમમાં તરબોળ કર્યા, જુઓ તસવીરો

ગુજરાતમાં ફરી કોરોનાનાં કેસ વધ્યા, અમદાવાદ શહેરમાં એક દર્દીનું મોત

લાલ કિલ્લાની પ્રાચીરથી પીએમ મોદીએ કર્યું પંચપ્રણનું આહ્વાન, જાણો શું છે આ

આ રીતે ડાઉનલોડ કરો રેલ્વે ભરતી ગ્રુપ D લેવલ 1 એડમિટ કાર્ડ

બિગ બુલ ઝુનઝુનવાલાએ કેમ ક્યારેય ક્રિપ્ટોમાં રોકાણ ન કર્યું? જાણી તમે પણ બીજીવાર વિચાર કરશો

રોજ સવારે પીવો દૂધી અને ટમેટાનું જ્યુસ, અદ્ભુત ફાયદા જાણીને ચોંકી જશો

વર્ચ્યુઅલ ગ્લોબલ ઇન્વેસ્ટર રાઉન્ડટેબલ : વાંચો PM મોદીના ભાષણની 5 મોટી વાતો

VGIR 2020 Updates: પીએમ મોદીએ કહ્યું - કોરોના કાળમાં દુનિયાએ ભારતની અસલી તાકાત જોઈ

ઘરમાં રાખેલા સોનાની આપવી પડશે જાણકારી! મોદી સરકાર લાવી રહી છે નવી સ્કીમ

મોદી સરકારની મોટી જાહેરાત, વચગાળાના બજેટમાં આપેલી રાહત કાયમ રહેશે

સરકારે વધારી ઇમ્પોર્ટ ડ્યૂટી, મોંઘા થશે ટીવી, ફ્રિજ સહિત આ 19 વસ્તુ