Father Son Video: ભલે લોકો માટે સેકન્ડ હેન્ડ કાર ખરીદવી સામાન્ય વાત છે, પરંતુ આજે પણ કેટલાક લોકો એવા છે જેમના માટે જૂની વસ્તુઓ ખરીદવી એ મોટી વાત છે. જ્યારે ઘરમાં નવી વસ્તુઓ આવે છે ત્યારે હંમેશા ખુશીનો અનુભવ થાય છે, પરંતુ શું તમે કોઈને જૂની વસ્તુઓ ખરીદીને ઉજવણી કરતા જોયા છે? જો નહીં, તો તમારે આ વિડિયો અવશ્ય જોવો જોઈએ. જેમાં એક બાળક આવી જ એક વાત પર ખૂબ જ ખુશ થઈ ગયો હતો. તેના પિતાએ તેના માટે એક સેકન્ડ હેન્ડ સાયકલ ખરીદી હતી. આ વિડીયો ઈન્ટરનેટ પર ખુબ વાયરલ થઈ રહ્યો છે, જે અનેક ઈન્ટરનેટ યુઝર્સની જેમ જ તમારું દિલ પણ જીતી લેશે. આ વિડીયો IAS ઓફિસરે પોતાના ટ્વિટર એકાઉન્ટ પર ટ્વીટ કર્યો હતો, જેને ખુબ લોકો દ્વારા જોવાઈ રહ્યો છે. આ વિડીયો એક પિતા- પુત્ર સાથે જોડાયેલો છે.
સેકન્ડ હેન્ડ સાયકલ જોઈને દીકરો ખુશ થઈ ગયો
સોશિયલ મીડિયા પર વાયરલ થઈ રહેલો વિડીયો જોઈને તમે પણ ભાવુક થઈ જશો. તેમાં જોઈ શકાય છે કે પિતા પોતાના દીકરા માટે સેકન્ડ હેન્ડ સાયકલ ખરીદે છે અને ઘરે લાવે છે. આ જોઈને તેનો દીકરો એટલો ખુશ થાય છે કે જાણે પિતાએ કોઈ મોંઘી કાર ખરીદી હોય. આ પછી, તે આ સાઇકલને હાર ચઢાવે છે અને તેની પૂજા કરતા પણ જોવા મળે છે. જો તમે સાઇકલ જોશો તો તે ખૂબ જૂની લાગે છે. વળી ત્યાં તેનો પુત્ર પણ હાથ જોડીને ઉભો છે અને ખૂબ ખુશ દેખાઈ રહ્યો છે. બાપ-દીકરાના ચહેરા પરની ખુશી જોઈને તમારું હૈયું ભાવવિભોર થઇ જશે.

It’s just a second-hand bicycle. Look at the joy on their faces. Their expression says, they have bought a New Mercedes Benz.❤️ pic.twitter.com/e6PUVjLLZW
— Awanish Sharan (@AwanishSharan) May 21, 2022

વિડીયોએ હજારો લોકોના દિલ જીતી લીધા
બંનેની ખુશી જોઈને એવું લાગે છે કે તેણે સેકન્ડ હૅન્ડ સાઈકલ નહીં પણ જાણે મર્સિડીઝ કાર ખરીદી છે. આ વિડીયો IAS ઓફિસર અવનીશ શરણે થોડા દિવસો પહેલા પોતાના ઓફિશિયલ ટ્વિટર એકાઉન્ટ પર શેર કર્યો હતો. આ સાથે તેમણે કેપ્શનમાં લખ્યું હતું કે, “'આ માત્ર સેકન્ડ હેન્ડ સાયકલ છે. તેમના ચહેરા પરની ખુશી જુઓ. તેમની લાગણીઓ એવી છે કે જાણે તેમણે નવી મર્સિડીઝ બેન્ઝ ખરીદી હોય”. તેને એક મિલિયનથી વધુ એટલે કે 10 લાખથી વધુ વખત જોવામાં આવ્યો છે.

&amp;nbsp;

Viral Video: સેકન્ડ હેન્ડ સાઇકલ ખરીદ્યાની ખુશી પણ મર્સિડીઝ ખરીદ્યા કરતાં વધારે છે, આ વીડિયોએ જીત્યા લાખોના દિલ

હાલનો સમય ખૂબ ઝડપી છે. સમયની આ ઝડપ સાથે સંતુલન ન જાળવે તેવા સંબંધો સરળતાથી તૂટી જતા હોય છે. આ કારણે આજના યુવક યુવતીઓ વધુ મુક્ત વિચારસરણી ધરાવે છે અને તેમને સેક્સ જેવા શબ્દોનો આજની પેઢીને છોછ નથી. હવે પશ્ચિમી દેશોની (Western countries)જેમ ભારતમાં (India)પણ સેક્સ કરવા માટે લગ્ન (marriage)થયા છે કે નહીં? તે વાતને ધ્યાનમાં લેવાતી નથી. જોકે, ખૂબ ઓછા લોકો આજે પણ લગ્ન પહેલા સેક્સ કરવા માંગતા નથી. 35 વર્ષની ભારતીય-અમેરિકન મહિલાના વિચાર પણ કંઈક આવા જ છે. તેમનું કહેવું છે કે, તેમની ઉંમર ભલે ગમે તેટલી થઈ જાય, તે લગ્ન પહેલા સેક્સ નહીં જ કરે, તે પોતાના મૂલ્યો અને શરતો પર જ સંબંધોમાં આગળ વધશે.
વન નાઈટ સ્ટેન્ડ જેવા શબ્દો મને ડરાવે છે
તેઓ કહે છે કે, વન નાઈટ સ્ટેન્ડ જેવા શબ્દો મને ડરાવે છે. ફ્રેન્ડ વિથ બેનિફિટ અને નો સ્ટ્રીનગ્સ એટેચ રિલેશનશિપ મારા માટે નથી. હું મારા જીવનસાથીની શોધમાં છું. ભારતના પારંપરિક મૂલ્યોને અપનાવીને મને ખુશી થઈ રહી છે. ભારતમાં મારા માતાપિતા મોટા થયા છે અને લગ્ન પહેલા સેક્સ ભારતમાં હજી પણ વર્જિત છે. તેઓ વધુમાં કહે છે કે, હું મોટી થઈ રહી હતી, ત્યારે મારા માતાપિતાએ ક્યારેય સેક્સ વિશે વાત કરી ન હતી. હું અને મારી બહેન 90ના દાયકાની બોલિવૂડ ફિલ્મો જોઈએ છીએ. અમને તે પસંદ છે. હું રટગર્સ યુનિવર્સિટીમાંથી સ્નાતક થઈ છું. તે સમયે હું મારા પરિવાર સાથે રહેતી હતી. મારા પિતા પૂછતા કે કૉલેજ કેમ્પસમાં શું થાય છે? શું વિદ્યાર્થીઓ એકબીજાની સાથે ઊંઘે છે?

તેઓ વધુ કહે છે કે, વર્ષ 2009માં હું ગ્રેજ્યુએશન કરી રહી હતી, ત્યારે મારા પિતા મને કૉલેજથી ઘરે આવતી વખતે મારા એરેન્જ્ડ મેરેજ પ્લાન્સ કહેતા હતા. હું માત્ર 23 વર્ષની હતી અને કહેતી કે, તમે મને ક્યારેય બોયફ્રેન્ડ પણ બનાવવા નથી દેતા. તે કહેતા કે, હું તારા માટે કોઈકને શોધી કાઢીશ. અત્યારે તમામ પ્રકારની ભારતીય મેટ્રિમોનિયલ વેબસાઇટ્સ છે. આ વાતમાં હું ના પાડી દેતી હતી.

આ પણ વાંચો - શું બ્રા પહેરવાથી બ્રેસ્ટ કેન્સર થાય છે? જાણો નિષ્ણાંત પાસેથી તેનો જવાબ

તેઓ કહે છે કે, મારા પિતા ઇચ્છતા હતા કે હું ડેટિંગ વેબસાઇટ પર મારી પ્રોફાઇલ પર લખું કે હું ભારતીય મૂળની છું. મારા પિતાએ નક્કી કર્યું કે તેઓ મારા માટે અમેરિકામાં ભારતીય મૂલ્યો હોય તેવો કોઈ જીવનસાથી શોધી કાઢશે. તેમણે ન્યૂ જર્સીમાં અમારા ઘરે ડોકટરો અને વકીલો સાથે મારો પરિચય કરાવવાનો પ્રયત્ન કર્યો પણ હું તેમને ક્યારેય મળી નહીં. તેઓ મારા માટે જીવનસાથી નક્કી કરી શકે તે બાબતે મને મારા પિતા પર વિશ્વાસ ન હતો. તે પોતાના જેવા કોઈને પસંદ કરવા માગતા હતા. મારા પિતાએ અરેન્જ મેરેજ કર્યા હતા અને તેમાં ઘણી મુશ્કેલીઓ હતી. તેઓ ઉમેરે છે કે, હું બંગાળી મૈટ્રીમની ડોટ કોમ જેવી સાઇટ પર મારી પ્રોફાઇલ પોસ્ટ કરવા માંગતી ન હતી.
ઘણા યુવાનો મારા તરફ આકર્ષિત થયા
તેઓ વધુ કહે છે કે, મેં લગભગ 24 થી 29 વર્ષની ઉંમર સુધી વોલ સ્ટ્રીટમાં કામ કર્યું હતું. યુવાનો મારા તરફ આકર્ષિત થયા પણ મને લાગ્યું કે તે પુરુષો ફક્ત મને પથારીમાં લઈ જવા માંગે છે. જો તેઓએ મારો ઉપયોગ ફક્ત સેક્સ માટે કર્યો હોત અને મૂકીને ચાલ્યા ગયા હોત તો મને ખૂબ અપમાનિત લાગ્યું હોત.

તેઓ પોતાના અનુભવ વર્ણવતા કહે છે કે, હું 26 વર્ષની હતી ત્યારે મેં પહેલી વાર ચુંબન કર્યું હતું અને તે અનુભૂતિ અદ્ભુત હતી. પરંતુ બાદમાં વાત આગળ વધી ન હતી. મને લાગે છે કે મારા આદર્શોને કારણે રોમાંસ ક્યારેય આગળ વધ્યો નથી. હું ચાર વર્ષ પહેલાં એક અન્ય વ્યક્તિને મળી હતી. મને તે ખૂબ જ ગમ્યો. એક રાત્રે અમે હોટલના બારમાં ડ્રિન્ક લઈ રહ્યા હતા અને તે રાત માટે એક રૂમ ભાડે લેવા માંગતો હતો. મેં તેને કહ્યું કે, આ મારુ પ્રથમ સેક્સ હશે. આ બાબતે તેણે કહ્યું કે, તને એવી વ્યક્તિ જોઈએ છે જે હંમેશા તમારી સાથે હોય પરંતુ હું તમારી સાથે રહી શકું નહીં. ત્યારબાદ તેણે ક્યારેય મારા ફોન અથવા ટેક્સ્ટનો જવાબ આપ્યો નહીં. આ થયા બાદ હું કોઈ એવા વ્યક્તિ સાથે સેક્સ ન કરું જે મારાથી એકાએક દૂર થઈ જાય તેવી મારી થિયરીને બળ મળ્યું હતું.

તેઓ પોતાના ભૂતકાળના સંબંધો અંગે કહે છે કે, મારા જીવનમાં મેં જે નવ લોકોને ડેટ કર્યા છે તે બધા બેવકૂફ નીકળ્યા. વર્ષ 2017માં હું લોસ એન્જલસ શિફ્ટ થઈ ગઈ, જ્યાં મેં ઇક્વિનોક્સ જિમમાં ફ્રન્ટ ડેસ્ક મેનેજર તરીકે કામ કર્યું હતું. તે સમયે મેં મારી જાતને કહ્યું, બહુ થયું, હવે હું ફક્ત મારા કામને જ પ્રેમ કરીશ. તે કહે છે કે, મેં મારા જીવનમાં નવ લોકોને ડેટ કર્યા હતા. તેઓ મારા દેખાવને જોઈને મારો સંપર્ક કરતા, પરંતુ હું તેમને મારા મૂલ્યો વિશે કહેતી, તો તેઓ ગાયબ થઈ જતા હતા. આમાંના ત્રણ લોકોને તો યુ.એસ. માં કામ કરવા માટે વિઝાની જરૂર હતી, તેના કારણે મને પ્રપોઝ કર્યું હતું. આ વાત મને ખૂબ રમુજી લાગી. આ વાત મારા માટે સ્ટેન્ડ-અપ કોમેડીના કન્ટેન્ટ જેવી હતી.
હું જાન્યુઆરીથી સ્ટેન્ડ અપ કોમેડી કરી રહી છું
હું જાન્યુઆરીથી સ્ટેન્ડ અપ કોમેડી કરી રહી છું. હું મારી જાત પર પણ હસું છું કારણ કે હું મિલેનિયલ અને વર્જિન છું. ભારતમાં એક કહેવત છે ક, તમે જે રીતે નૃત્ય કરો છો તે બતાવે છે કે તમે કેવી રીતે પ્રેમ કરશો. હું ખૂબ સારી ડાન્સર છું, તેથી હું પ્રેમની દ્રષ્ટિએ અદ્ભુત બનીશ. તેઓ કહે છે કે, મારે પણ પાર્ટનરની જરૂર છે. હું એકલતામાં રડું છું. હું છેલ્લા એક દાયકાથી મારો દરેક જન્મદિવસ એકલા જ ઉજવું છું. મને ક્યારેક પ્રશ્ન થાય છે કે, મારા મૂલ્યોને કારણે પુરુષો મારાથી અંતર રાખતા હોવાના કારણે મારા ક્યારેય લગ્ન નહીં થાય. જ્યારે હું મોટી થઈ રહી હતી, ત્યારે કૌમાર્યને ગુણ માનવામાં આવતું હતું

મેં હજી સુધી લગ્ન કર્યા નથી તે વાત મારા પિતા માટે શરમજનક છે. આ વર્ષે માર્ચમાં દિલ્હીમાં મારી દાદીના અંતિમ સંસ્કારમાં અમારો પરિવાર એકસાથે હતો. એ વખતે મારા પિતાએ બધાને મારા લગ્ન અમેરિકામાં થઈ ગયા હોવાનું જૂઠું કહ્યું હતું. તેઓ અંતમાં ઉમેરે છે કે, મારા જેવા લોકોની મજાક ઉડાવવામાં આવે છે, પરંતુ હું યુવતીઓ અને યુવકોને સમાજના દબાણ સામે હથિયાર મૂકે નહીં તે માટે પ્રેરિત કરવા માંગુ છું.

35 વર્ષની વર્જિન યુવતીએ કહ્યું- ‘લગ્ન પહેલા તો શારીરિક સંબંધ નહીં જ બાંધુ...

અમદાવાદ: અમદાવાદમાં અકસ્માતના એક બનાવના સીસીટીવી ફૂટેજ (Ahmedabad accident CCTV footage) સામે આવ્યા છે. જેમાં એસ.ટી. બસના ચાલકે અકસ્મામ સર્જ્યો હોવાનું જણાઈ રહ્યું છે. અકસ્માતના આ બનાવમાં રિક્ષા ચાલક વૃદ્ધનું મોત થયું છે. મળતી માહિતી પ્રમાણે 60 વર્ષીય નિલેશભાઈની રિક્ષાને એસ.ટી. બસ (ST bus)ના ચાલકે ટક્કર મારતા તેમનું મોત થયું છે. આ સમગ્ર અકસ્માત નજીકમાં લાગેલા સીસીટીવીમાં કેદ થઈ ગયા છે. સીસીટીવી ફૂટેજમાં જોઈ શકાય છે કે બસની ટક્કર બાદ રિક્ષા પલટી ગઈ હતી. આ મામલે એમ ડિવિઝન ટ્રાફિક પોલીસ સ્ટેશનમાં ગુનો દાખલ કરવામાં આવ્યો છે.

એસટી બસ ચાલકે રિક્ષાને મારી ટક્કર, ચાલકનું મોત #Ahmedabad #CCTV pic.twitter.com/d2zmBAaeM4
— News18Gujarati (@News18Guj) August 10, 2022

એસ.જી. હાઇવે નજીક દુર્ઘટના
અકસ્માતના બીજા એક બનાવમાં એક કાર ચાલકે એક સિનિયર સિટીઝનને અડફેટે લીધા હતા. આ બનાવ એસ.જી. હાઇવે નજીક બન્યો છે. અકસ્માત બાદ કાર ચાલક ફરાર થઈ ગયો હતો. આ મામલે પોલીસે કાર ચાલક વિરુદ્ધ ગુનો નોંધ્યો છે. મળતી માહિતી પ્રમાણે ઈજાગ્રસ્ત બાઇક ચાલકની હાલત હાલ ગંભીર છે.

એસટી બસ ચાલકે રિક્ષાને મારી ટક્કર, ચાલકનું મોત #Ahmedabad #CCTV pic.twitter.com/d2zmBAaeM4
— News18Gujarati (@News18Guj) August 10, 2022


અમદાવાદ એસજી હાઈવે નજીક દુર્ઘટના
કાર ચાલકે સિનિયર સિટીઝનને લીધા અડફેટે

કાર ચાલક અકસ્માત સર્જ્યા બાદ થયો ફરાર

ઇજાગ્રસ્ત બાઈક ચાલકની હાલત ગંભીર

પોલીસે કાર ચાલક સામે ફરિયાદ નોંધી #Ahemdabad #Gujarat #Accident pic.twitter.com/1LZYVtpGTx

— News18Gujarati (@News18Guj) August 10, 2022

ગુજરાતના અન્ય અપડેટ્સ:
અથાણાના પાર્સલમાંથી નીકળ્યા બિયરના ટીન
દારૂની હેરાફેરી માટે બુટલેગરો (Bootlegger) એક બાદ એક નવી મોડ્સ ઓપરેન્ડી અપનાવી રહ્યા છે. તાજેતરમાં જ અમદાવાદ ઝોન 2 એલસીબી (LCB)એ ગંદા પાણીમાંથી વિદેશી દારૂની અનેક બોટલ શોધી કાઢી હતી. ત્યારે હવે ઇ કોમર્સ કંપનીની ઓફિસે આવેલા પાર્સલમાંથી બિયરના ટીન મળી આવ્યા છે. આ પાર્સલમાં અથાણાનો ઓર્ડર (Pickle online order) હતો પણ તેના પેકિંગના પૂઠાં ભીના થઈ ગયા હોવાથી તેને ફરીથી પેકિંગ કરવામાં આવી રહ્યું હતું. આ દરમિયાન અંદરથી બિયરના 45 ટીન મળી આવતા પોલીસે ગુનો નોંધી તપાસ શરૂ કરી છે. (વાંચો સંપૂર્ણ અહેવાલ...)
'ગુજરાત બેંક લૂંટીને ભાગવામાં જ ગોલ્ડ મેડલિસ્ટ છે'
: ભારતે આ વખતે કોમનવેલ્થ ગેમ્સ 2022માં (Commonwealth Games 2022) 22 ગોલ્ડ મેડલ જીતીને દુનિયાને બતાવી દીધું છે કે, હમ ભી કીસી સે કમ નહીં. ત્યારે દિલ્હીના કોંગ્રેસ નેતા નતાશા શર્માએ (Natasha Sharma tweet) ગુજરાત અંગે એક વિવાદિત નિવેદન ટ્વિટ કર્યું છે. જોકે, એની થોડી જ મિનિટોમાં તેમણે ગુજરાતની માફી માંગતી ટ્વિટ કરી છે. (વાંચો સંપૂર્ણ અહેવાલ...)

Ahmedabad CCTV Footage: અમદાવાદમાં એસટી બસે રિક્ષાને મારી ટક્કર, અકસ્માતની ઘટના સીસીટીવીમાં કેદ

રક્ષાબંધન તહેવારનો ઈતિહાસ હજારો વર્ષ જૂનો છે અને તેની સાથે અસંખ્ય પૌરાણિક કથાઓ જોડાયેલી છે. સંસ્કૃતમાં રક્ષા બંધન એટલે રક્ષાની દોરી બંધાવી જ્યાં ભાઈ તેની બહેનને રક્ષણનું વચન આપે છે. આ શુભ દિવસે બહેનો ધાર્મિક રીતે તેમના ભાઈઓના કાંડા પર રાખડી બાંધે છે અને તેમની સમૃદ્ધિ અને સુખી જીવનની કામના કરે છે. બદલામાં, ભાઈ દરેક સંજોગોમાં તેની બહેનનું રક્ષણ કરવા અને તેની સંભાળ રાખવાનું વચન આપે છે.

રાખડી બાંધવાની વિધિ એક અનન્ય અનુભવ છે, જેને તેના અન્ય મહત્વની સાથે જ ભાઈ-બહેનોમાં નાની ઉંમરથી જ જવાબદારીની ભાવના પેદા કરે છે. આ દિવસે એક ભાઈ તેની બહેનને માત્ર ભેટ જ નથી આપતો, પરંતુ તેની સફળતા અને પ્રગતિ માટે શક્ય તે કરવાનો સંકલ્પ પણ કરે છે. આ અનુભવ સંબંધોને ગાઢ બનાવવાની ભાવના ધરાવે છે અને પરસ્પર વિશ્વાસ અને નિર્ભરતાની ભાવના પણ પ્રદાન કરે છે. વધુમાં તે પારિવારિક સંબંધોમાં સુખની ક્ષણોની મીઠાશ લઇ આવે છે. પરિણામે રક્ષાબંધન જાતિ, સંપ્રદાય અને ધર્મને ધ્યાનમાં લીધા વિના પિતરાઈ ભાઈઓ, દૂરના સંબંધીઓ તેમજ બનવેલા ભાઈઓ અને બહેનો વચ્ચે પણ ઉજવવામાં આવે છે.

Parle-G Biscuitનું પેકેટ આજે પણ રૂ.5માં કઈ રીતે મળે છે? સમજો તેના પાછળની ટેક્નિક

બહેનને રક્ષાબંધન પર ગિફ્ટ આપવા માટે સામાન્ય રીતે જે વસ્તુઓનો વ્યક્તિ વિચાર કરે છે, તે છે હેન્ડબેગ, ઘડિયાળ, ઘરેણાં, કપડાં, મીઠાઈનું બોક્સ, ચોકલેટ અથવા ડ્રાય ફ્રૂટ્સ. જોકે, નાણાંકીય જોખમથી બહેનને બચાવવા અને ફાઇનાન્શિયલ સિકયુરિટી આપવાની ભાવના ધરાવો છો, તો અહીં કેટલીક બાબતો છે જે તમારે ધ્યાનમાં લેવી જોઈએ:

વીમા યોજના (Term/Health plan)

લાંબો સમય કામ, તણાવ, શારીરિક વ્યાયામનો અભાવ, અવ્યવસ્થિત ભોજન, બિનઆરોગ્યપ્રદ આહાર વગેરે સહિતની વર્તમાન જીવનશૈલીને ધ્યાનમાં લેતા બીમારીઓ થવાનો ખતરો હંમેશા રહે છે. તમારી બહેનની સુખાકારી અને સુરક્ષાની બાંયધરી આપવા માટે તમે તેમના વતી આરોગ્ય વીમા પ્રિમીયમ ભરવાનું વિચારી શકો છો.

તેના માટે આરોગ્ય વીમો ખરીદીને તમે તેના હોસ્પિટલના ખર્ચની જવાબદારી ઉઠાવો છો અને જરૂર પડ્યે તે હોસ્પિટલના ખર્ચાળ બીલ અને તબીબી સારવાર બાબતે સુરક્ષિત છે તે સુનિશ્ચિત કરો છો. તમે તમારી બહેનને યોગ્ય પ્લાનને શોર્ટલિસ્ટ કરવામાં અને તેને ખરીદવામાં મદદ કરવા માટે રોકડ કેશ પણ ગિફ્ટમાં ઓફર કરી શકો છો.

શું મફતની વસ્તુઓ સાચે મફત છે? જાણો, દેશના ખજાના પર કેવી પડે છે તેની અસર

SIP શરૂ કરો - તેના સપના પુરા કરવા માટે મદદ કરો

જ્યારે બચતની વાત આવે છે ત્યારે SIP અથવા સિસ્ટમેટિક ઇન્વેસ્ટમેન્ટ પ્લાન(Systematic Investment Plan)એ એક ઉત્તમ પદ્ધતિ છે. જોકે કે બેસ્ટ મ્યુચ્યુઅલ ફંડ પસંદ કરવું મહત્વનું છે. કારણ કે તે લાંબાગાળે ઇએક્ટિવ પોર્ટફોલિયો મલ્ટીપ્લાયર ની મદદથી ફાયદાકારક સાબિત કરી શકે છે. જેમ તમારા જીવનમાં પૈસાને લઈને કેટલાક ટાર્ગેટ છે તેમ તમારી બહેનના પણ હશે. અને એક કર્તવ્યનિષ્ઠ ભાઈ તરીકે તમે તેને નાણાંકીય સુરક્ષાની ભાવનામાં ફાળો આપીને તેમાંથી કેટલાક સપના પૂર્ણ કરવામાં મદદ કરી શકો છો.

તેના માટે સેવિંગ્સ બેંક એકાઉન્ટ ખોલો

તમારી બહેન પાસે બેંક ખાતું ન હોય તો તેના નામે સારી બેંકમાં એક ખાતું ખોલો. તમે જે રોકડ ભેટ આપવા માંગો છો તે આ સેવિંગ એકાઉન્ટમાં જમા કરી શકાય છે. આ રીતે તેણીને રોકડ પૈસા પણ મળશે અને તેનું વ્યાજ મેળવવામાં પણ મદદ થશે. કદાચ પોકેટ મની તરીકે પૈસા જમા કરી શકો છો, જેને તે ઈચ્છા મુજબ ખર્ચ કરી શકશે. તેવી જ રીતે તેણીને નેટ અને મોબાઈલ બેંકિંગથી પરિચિત કરો, જે તેને સરળ અને સુવિધાજનક બેંકિંગનો લાભ લેવામાં મદદ કરશે.

'હું રતન ટાટા બોલી રહ્યો છું, શું આપણે મળી શકીએ?', એક ફોન કોલે બદલી નાખી 'Repos Energy'ની કિસ્મત

તેના નામે ફિક્સ્ડ ડિપોઝિટ શરૂ કરો

બેંક બચત ખાતું ખોલવા ઉપરાંત તમે તમારી બહેન માટે બેંકમાં ફિક્સ્ડ ડિપોઝિટ શરૂ કરવાનું વિચારી શકો છો. બચત ખાતા(saving Account)ની સરખામણીએ FDમાં વ્યાજના વધુ સારા દર હોવાથી તમારી બહેનની ભવિષ્યની નાણાંકીય સુરક્ષામાં ઉમેરો થશે.

તેને ગિફ્ટ કાર્ડ આપો

ગિફ્ટ કાર્ડ એ એક પ્રીપેડ કાર્ડ છે જે બેંકો દ્વારા ઓફર કરવામાં આવે છે અને મર્ચેન્ડાઈઝ આઉટલેટ્સ અને ઓનલાઈન શોપિંગ પોર્ટલ પર મોટા પાયે સ્વીકારવામાં આવે છે. ગિફ્ટ કાર્ડ રૂ. 500થી રૂ. 50,000 સુધીના મૂલ્યના આવે છે અને તે થૉડા કલાકમાં જ એક્ટિવ થઇ જાય છે. ઈ-ગિફ્ટ કાર્ડ તરત જ એક્ટિવ થઇ જાય છે.

છોટા પેક બડા ધમાકા! માર્કેટ નિષ્ણાતોએ તગડી કમાણી માટે આ સ્મોલકેપ્સ પર નજર ટેકવી

તમારી બહેન માટે આ ફાઇનાન્શિયલ ગિફ્ટસ માત્ર તેમાં માટે તમારો પ્રેમ જ નહીં, પરંતુ તેણીને નાણાંકીય સુરક્ષા અને સ્વતંત્રતામાં પણ આપશે, જે એક જવાબદાર એન પ્રેમાળ ભાઈ તરીકે તમે હંમેશા ઈચ્છો છો.

આ નાણાંકીય પદ્ધતિઓ તમારી બહેનને પૈસાને બચાવવા, સુરક્ષિત રાખવા અને રોકાણ કરવામાં મદદ કરે છે. અત્યારે અને ભવિષ્યમાં આર્થિક રીતે સ્વતંત્ર બનવામાં તમારા પ્રયત્નોને કારણે તમારી બહેનને ઇમર્જન્સીની સ્થિતિમાં લોન પર આધાર રાખવાની જરૂર પડશે નહીં. આખરે ભાઈ બહેનનું આ બંધન જીવનભર એકબીજાની સુરક્ષા અને પ્રગતિમાં સહકાર આપવા વિશે તો છે!

&amp;nbsp;

આ રક્ષાબંધન પર બહેનને આપો આ ફાઇનાન્શિયલ ગિફ્ટ્સ, આ રીતે સુરક્ષિત કરો તમારી બહેનનું ભવિષ્ય!

ધીરજ ધૂપર અને વિન્ની અરોરા પેરેન્ટ્સ બની ગયા છે. વિન્નીએ આજે સવારે (10 ઓગસ્ટ) એક બેબી બોયને જન્મ આપ્યો છે. ‘કુંડલી ભાગ્ય’ ફેમ ધીરજે સોશિયલ મીડિયા પર આ ખુશખબરી ફેન્સની સાથે શેર કરી છે. ધીરજે આ પોસ્ટને પત્ની વિન્નીને પણ ટેગ કરી છે. આ કપલનું પહેલું બેબી છે. ધીરજે એક સુંદર બેકગ્રાઉન્ડવાળા કાર્ડ પર લખ્યું છે, અમને જણાવતા ખુશી થઈ રહી છે કે અમારા ઘરે બેબી બોયનો જન્મ થયો છે. ધીરજે તેમાં આજની તારીખ 10-08-2022 લખી છે અને વિન્ની અને પોતાને પ્રાઉડ પેરેન્ટ્સ ગણાવ્યા છે.

તે સાથે જ ધીરજે એક નવી તસવીર શેર કરી છે. આ બ્લેક એન્ડ વ્હાઈટ તસવીર છે, જેમાં વિન્ની અને ધીરજ ફોટોશૂટ કરાવી રહ્યા છે. તેમાં વિન્નીનો બેબી બમ્પ દેખાય રહ્યો છે. ધીરજે આ પોસ્ટને શેર કરતા ‘ઈટ્સ અ બોય’ એટલે કે ‘છોકરાનો જન્મ થયો છે’ લખ્યું છે. તેણે પોતાના કેપ્શનમાં હાર્ટવાળુ ઈમોજી મૂક્યું છે.



&amp;nbsp;




View this post on Instagram




&amp;nbsp;
A post shared by Dheeraj Dhoopar (@dheerajdhoopar)




ધીરજ કપૂરની આ પોસ્ટ પર તેના ફેન્સ, ફોલોઅર્સ અને ઈન્ડસ્ટ્રી સાથે જોડાયેલા મિત્રો તેને શુભેચ્છા પાઠવી રહ્યા છે, પરંતુ તેની પત્ની વિન્ની અરોરાની કમેન્ટ લોકોનું ધ્યાન ખેંચી રહી છે. તેણે એક બેબીવાળા ઈમોજીની સાથે લખ્યું, એક નાનકડા ચહેરામાં ભગવાનની કૃપા. એક્ટ્રેસ રિધિમા પંડિતે તેની પોસ્ટ પર પ્રતિક્રિયા આપતા લખ્યું, વાહ તમને બંનેને શુભેચ્છા.

ધીરજ અને વિન્નીના મિત્રોએ શુભેચ્છા આપી

‘કુંડલી ભાગ્ય’માં ધીરજની કો-એક્ટ્રેસ સુપ્રિયા શુક્લાએ પણ કપલને શુભેચ્છા પાઠવી છે અને બેબીને આશીર્વાદ આપ્યા છે. તેણે બ્લેસિંગવાળા ઈમોજીની સાથે લખ્યું, ભગવાન ભલુ કરો...તમને ત્રણેયને પ્રેમ...મમ્મી-પપ્પા...અને બેબી બોયને. ટીવીની શાઈની દોશીએ લખ્યું, શુભેચ્છા મિત્રો, બેબીને ઘણો બધો પ્રેમ. જલ્દી મળીએ છીએ. તે સિવાય ટીના દત્તા, અદા ખાન, દૃષ્ટિ ધામી અને અન્ય ઘણા સેલેબ્સે પણ કપલને શુભેચ્છા પાઠવી છે.

‘પતિ પત્ની ઔર વો’માં જોવા મળી હતી વિન્ની

વિન્ની અરોરા છેલ્લે વેબ સિરીઝ ‘પતિ પત્ની ઔર વો’માં જોવા મળી હતી. તે ‘ઉડાન’, ‘યે હૈ આશિકી’, ‘શુભ વિવાહ’, ‘કુછ ઈસ તરહ’, અને ‘આઠવાં વચન’ જેવા ઘણા ટીવી શોમાં જોવા મળી છે.

'કુંડલી ભાગ્ય'  ફેમ એક્ટર ધીરજ ધૂપરના ઘરે કિલકારી ગુંજી, પત્ની વિન્ની અરોરાએ બેબી બોયને જન્મ આપ્યો

અમદાવાદ

સુરત

વડોદરા

રાજકોટ

ગાંધીનગર

ભાવનગર

જામનગર

જુનાગઢ

કચ્છ - ભુજ

મહેસાણા

પંચમહાલ

આણંદ

વલસાડ

સાબરકાંઠા

બનાસકાંઠા

અમરેલી

સુરેન્દ્રનગર

પોરબંદર

ભરૂચ

આ ગામમાં અનોખી રીતે મનાવવામાં આવે છે રક્ષાબંધન, વૃક્ષોને બાંધવામાં આવે છે રાખડી

અમદાવાદની આર્ટ ગેલરીમાં રજૂ કરાશે મહિલા અભિવ્યકિને લઈ પેઈન્ટિંગ, આવા છે ચિત્રો

PM મોદીના મુસ્લિમ બહેન તેમને વર્ષોથી બાંધે છે રાખડી, તસવીરોમાં જુઓ પત્રમાં શું લખ્યું છે?

રક્ષાબંધન પર બહેનને આપેલી આ ગિફ્ટ તેનું આર્થિક ભવિષ્ય સુરક્ષિત બનાવશે

'કુંડલી ભાગ્ય'  ફેમ એક્ટર ધીરજ ધૂપરના ઘરે કિલકારી ગુંજી, પત્નીએ બાળકને જન્મ આપ્યો

પાળતુ કૂતરાની એવી અંતિમયાત્રા નીકળી કે તમારી આંખો પણ ભીની થઇ જશે, જુઓ વીડિયો

હર ઘર તિરંગા કાર્યક્રમ અંતર્ગત વડોદરામાં 4 લાખથી વધુ રાષ્ટ્રીય ધ્વય લહેરાશે

લમ્પીથી બચાવવા ગાયોને અપાય છે ઔષધીય લાડવા; જાણો લાડવા બનાવવાની રીત

આ ત્રણ રાજ્ય માટે અમિત શાહે બનાવ્યો માસ્ટરપ્લાન

ગોરખપુર સીટ માટે યોગી આદિત્યનાથે બનાવ્યો આ માસ્ટર પ્લાન

મોદી સરકારનો રામ મંદિર બનાવવાનો આ છે માસ્ટર પ્લાન!

કર્ણાટક ઈલેક્શન : કેવી રીતે બચશે યેદિયુરપ્પા સરકાર, આ રહ્યો બીજેપીનો માસ્ટરપ્લાન?

કર્ણાટક ચૂંટણી માટે BJPનો માસ્ટર પ્લાન, PM મોદી જ કરશે બેડો પાર

રાજકોટ: પાણીની સમસ્યાને પહોંચીવળવા જિલ્લા કલેક્ટરનો 'માસ્ટર પ્લાન'

ભાજપને ઘેરવાનો કોંગ્રેસનો માસ્ટર પ્લાન, ધારાસભ્યોને આપશે તાલીમ

master-plan

તમારો જિલ્લો પસંદ કરો

જિલ્લો

master plan

master plan - ના સમાચાર