ઈસ્લામમાં મોહરમનું ખૂબ મહત્વ છે. આ વખતે મોહરમની શરૂઆત 31 જુલાઈથી થઈ છે, જેની 10 તારીખને યૌમ-એ-આશુરા કહેવામાં આવે છે. આ દિવસે મુસ્લિમ બિરાદરો ઇમામ હુસૈનની શહાદત પર શોક મનાવે છે. આમ તો મુસ્લિમ સમુદાયને મોહરમ સાથે જોડવામાં આવે છે, પરંતુ બિહારના કટિહાર જિલ્લામાં હિન્દુ સમુદાયના લોકો દાયકાઓથી મોહરમ ઉજવણી કરે છે.

હિન્દૂઓ દ્વારા થતી મોહરમની ઉજવણી પાછળનો કિસ્સો ખૂબ જ રસપ્રદ છે. ગામલોકોનું કહેવું છે કે પૂર્વજોએ આપેલા વચનો આજ સુધી પાળવામાં આવે છે. તેમણે આશા વ્યક્ત કરી હતી કે, આવનારી પેઢી પણ કોમી એખલાસની આ પરંપરાને ચાલુ રાખશે અને એક હિન્દુ મિત્રએ એક મુસ્લિમ મિત્રને આપેલા વચનને પૂર્ણ કરશે

કટિહારના હસનગંજ બ્લોકના મોહમ્મદિયા હરિપુરમાં હિન્દુ સમુદાયના લોકો ડર વર્ષે મોહરમની ઉજવણી કરે છે. દાસકાઓથી આ પરંપરા છે. જેના પાછળનું કારણ જણાવતા સ્થાનિક ગ્રામજનો શંકર સાહ અને રાજુ સાહ કહે છે કે, તેમના પૂર્વજોએ તે સમયે ગામમાં રહેતી વકાલી મિયાંને દર વર્ષે મોહરમની ઉજવણી કરવાનું વચન આપ્યું હતું. એ જ વચન પાળવા હજી પણ મહોરમનું ઝુલુસ કાઢવામાં આવે છે.

ગામના રહેવાસી સદાનંદ તિર્કીના જણાવ્યા અનુસાર, તે સમયે લોકો બહારથી આવીને ગામમાં સ્થાયી થઈ રહ્યા હતા, ત્યારે એકમાત્ર મુસ્લિમ ઘર વકાલી મિયાંનું હતું. ધીરે ધીરે તેમના 7 પુત્રોનું બીમારીને કારણે અવસાન થયું હતું. જ્યારે વકાલી મિયાંએ આ દુઃખ સાથે ગામ છોડ્યું, ત્યારે ગામલોકોએ તેમને વચન આપ્યું કે આ મઝાર પર મોહરમ હંમેશા મનાવવામાં આવશે.

ઉલ્લેખનીય છે કે, આ ગામ હિન્દુ બહુમતી ધરાવતો વિસ્તાર છે અને વકીલ મિયાંના ગયા પછી 1200ની વસતી ધરાવતા આ ગામમાં કોઈ મુસ્લિમ પરિવાર બચ્યો નથી. આવી સ્થિતિમાં હિંદુઓ આ ગામમાં મોહરમની ઉજવણી કરી રહ્યા છે.

મહમદીયા હરિપુર ગામમાં હિન્દુ સમાજના લોકો મુસ્લિમોની જેમ જ મોહરમની ઉજવણી કરે છે. તેમાં મોટી સંખ્યામાં હિન્દુ મહિલાઓ પણ સામેલ થાય છે. હિન્દુ સમુદાયના લોકો મઝાર પર ચાદર ચઢાવે છે. ઈમામ હુસૈનની શહાદતને યાદ કરતા નારા પણ લગાવવામાં આવે છે અને ફતિહાનું પઠન પણ કરવામાં આવે છે. એટલું જ નહીં, સમગ્ર ગામમાં તાજીયાનું ઝુલુસ પણ કાઢવામાં આવે છે.

આ ગામના લોકો કહે છે કે અમે બધા અહીં એક સાથે મોહરમ ઉજવીએ છીએ. તેની ચર્ચા દૂર દૂર સુધી થાય છે. છેલ્લા બે વર્ષથી કોરોનાના કારણે આ પરંપરા સાદાઈથી નિભાવતા હતા. આ વખતે ફરીથી મોહરમ સમગ્ર પારંપારિક રીતે મનાવવામાં આવે છે.

&amp;nbsp;

બિહારના આ ગામમાં દાસકાઓથી હિન્દુઓ ઉજવે છે મોહરમ, કારણ છે રસપ્રદ

એક સમયે પાકિસ્તાનની આર્થીક રાજધાની કરાચી (Pakistan's economic capital Karachi)ને પાકિસ્તાનનું મુંબઈ કહેવાતું હતું. પણ હવે કંગાળ થઈ ચૂકેલા પાકિસ્તાને કરાચી (situation in Karachi)ને હાલત ખરાબ કરી દીધી છે. ઇકોનોમિસ્ટ ઇન્ટેલિજન્સ યુનિટ (Economist Intelligence Unit)ના તાજેતરમાં જાહેર થયેલા ગ્લોબલ લાઇવેબિલિટી ઇન્ડેક્સ (Global Liveability Index)માં રહેવાના મામલે કરાચીને 2022માં સૌથી ખરાબ શહેરોમાં સ્થાન આપવામાં આવ્યું છે.

કરાચીમાં એક સમયે ઉદારમતવાદી વિચારસરણી હતી, પણ બાદમાં કટ્ટરપંથીઓએ ભરડો લીધો અને આજે કરાચીની સ્થિતિ ખરાબ થઈ ચૂકી છે. કથિત ભ્રષ્ટાચાર અને રાજકીય અસ્થિરતાએ પણ તેના આંતરમાળખાને ખરાબ રીતે પાછળ ધકેલી દીધું છે. પરિણામે આ વર્ષે ભારે વરસાદે કરાચીના રસ્તાઓ નદીઓમાં ફેરવાઈ ગયા છે. આવી સ્થિતિમાં જો કરાચીને ખરાબ શહેરોની યાદીમાં સામેલ કરવામાં આવે તો તેમાં જરા પણ નવાઈ પામવા જેવું નથી

કંગાળ પાકિસ્તાનના શહેરોની હાલત કફોડી

ઇઆઇયુના ગ્લોબલ લાઇવેબિલિટી ઇન્ડેક્સે વિશ્વના 172 શહેરોનું મૂલ્યાંકન પાંચ માપદંડો પર કર્યું હતું, જેમાં ઇન્ફ્રાસ્ટ્રક્ચર, આરોગ્ય સુવિધાઓ, શિક્ષણ, સંસ્કૃતિ અને મનોરંજન મુજબ શહેરને માપવામાં આવ્યું હતું, પરંતુ કરાચી દરેક સ્કેલ પર પાછળ રહી ગયું હતું. નોંધપાત્ર વાત એ છે કે, પાકિસ્તાનના વિદેશી મુદ્રા ભંડાર (Pakistan's foreign exchange reserve)માં દિવસે ને દિવસે ઘટાડો થઈ રહ્યો છે અને તેના કારણે મોંઘવારી વધી રહી છે.

પાકિસ્તાનની સ્થિતિ શ્રીલંકા જેવી

પાકિસ્તાન ઐતિહાસિક આર્થિક સંકટના આરે છે. આર્થિક સંકડામણના કારણે વિકાસની યોજનાઓ આગળ વધી રહી નથી. કરાચી જેવા શહેરમાં ગટર વ્યવસ્થા પડી ભાંગી છે. જેના કારણે થોડા વધુ વરસાદમાં કરાચીના રસ્તાઓ પર પાણી ફરી વળ્યા છે. આરોગ્ય સેવાઓ તૂટી રહી છે. આતંકી હુમલાઓથી સામાન્ય લોકોના મનમાં ગભરાટ ફેલાયો છે અને તેઓ દિવસ-રાત પોતાની સુરક્ષા અને બાળકોની સુરક્ષાને લઈને ચિંતિત રહે છે.

કરાચીમાં ભયંકર અસ્થિરતા

આંકડાની વાત કરીએ તો પાકિસ્તાનના તાજેતરના આર્થિક ઈન્ડેક્સ ખરાબ સ્થિતિમાં છે. યુએનડીપીના જણાવ્યા અનુસાર, પાકિસ્તાન પર 250 અબજ ડોલરથી વધુનું દેવું છે. કરાંચી પાકિસ્તાનની આર્થિક રાજધાની હોવાથી તે ગંભીર અસ્થિરતાના સમયમાંથી પણ પસાર થઇ રહ્યું છે. જીવનના અસ્તિત્વને લગતી કટોકટીએ લાખો કરાચીવાસીઓને ગરીબીની ચપેટમાં ધકેલી દીધા છે.

આ પણ વાંચો- ગુજરાત પોલીસમાં પગાર વધારાની જાહેરાત થતા જ મહિલા પોલીસ સાથે હર્ષ સંઘવી પણ ગરબે ઘૂમ્યા

આર્થિક સંકટના કારણે દિવસમાં બે ટંક ભોજનની વ્યવસ્થા કરવી મુશ્કેલ છે અને ભૂખમરો વધવાનો દર ઝડપથી વધી રહ્યો છે. આ બધા કારણોસર સામાજિક અશાંતિનું જોખમ વધી રહ્યું છે. રહેણીકરણીની નબળી સ્થિતિ ઉપરાંત ચોરી, દાણચોરી, ડ્રગ પેડલિંગ અને હિંસાએ કરાચીના સામાજિક અને આર્થિક પાસાઓને ખૂબ જ નુકસાન પહોંચાડ્યું છે.

આતંકના ડરથી પ્રવાસીઓની સંખ્યામાં ઘટાડો

પાકિસ્તાનની ઝડપથી ઘટી રહેલું ફોરેન રિઝર્વ આવશ્યક ચીજવસ્તુઓની આયાત કરવામાં સક્ષમ નથી. જેના કારણે કરાચી સહિત પાકિસ્તાનના અન્ય શહેરોમાં સ્થિતિ વધુ ખરાબ થવાની દહેશત છે. પેટ્રોલ-ડીઝલ સહિત વીજળીના ભાવ આસમાને પહોંચી રહ્યા છે. આર્થિક સંકટના કારણે ફેક્ટરીઓ બંધ થઈ રહી છે અને શહેરોમાં લોકોને ભારે વીજ કાપનો સામનો કરવો પડી રહ્યો છે. મોંઘવારીનો દર બે આંકડામાં આવી ગયો હોવા પાછળ વિદેશી મુદ્રા ભંડારના અભાવને કારણ માનવામાં આવે છે.

આ પણ વાંચો- ગુજરાતમાં ફરી કોરોનાનાં કેસ વધ્યા, અમદાવાદ શહેરમાં એક દર્દીનું મોત

અહીં ઉલ્લેખનીય છે કે, છેલ્લા છ વર્ષમાં ફુગાવાનો સૌથી ઊંચો હતો. પ્રવાસીઓની ચહલપહલ બંધ થવાને કારણે વિદેશી હુંડિયામણ આવતું નથી. બીજી તરફ વિદેશી દેવું પણ સતત વધી રહ્યું છે. તેનાથી સામાન્ય જનજીવન સાથે સાથે લોકોની સામાજિક-આર્થિક સુરક્ષા પર પણ અસર પડી રહી છે.

રહેવા જેવા ટોચના 10 શહેરોમાં વિયેનાનો સમાવેશ

ઇઆઇયુના ગ્લોબલ લાઇવેબિલિટી ઇન્ડેક્સમાં યુરોપ અને કેનેડાના તમામ શહેરોનો સમાવેશ રહેવા જેવા શહેરોની યાદીમાં કરવામાં આવ્યો છે. આ શહેરોએ શ્રેષ્ઠ ઇન્ફ્રાસ્ટ્રક્ચર અને સ્થિરતાને કારણે આ સિદ્ધિ હાંસલ કરી છે. ત્યારે ઓસ્ટ્રિયાની રાજધાની વિયેનાનો વિશ્વના ટોપ 10 શહેરોમાં સમાવેશ થયો છે. વિયેનાએ 2018 અને 2019માં પણ આ સિદ્ધિ હાંસલ કરી હતી.

એક સમયે પાકિસ્તાનનું મુંબઈ ગણાતા કરાચી શહેરની હાલત કફોડી, રહેવા મામલે સૌથી ખરાબ શહેર

ગુજરાત વિધાનસભાની 2022ની ચૂંટણીનો માહોલ અત્યારથી જામવા લાગ્યો છે. થોડા સમયમાં જ ચૂંટણીની તારીખો પણ જાહેર કરી દેવામાં આવશે. જેમાં ભાજપ અને આપ દ્વારા જનસંપર્ક શરૂ કરાયો છે, તો હજુ કોંગ્રેસ માટે ચૂંટણીનો તખ્તો ઘડાયો હોય તેવું લાગી રહ્યું નથી. ગુજરાત વિધાનસભાનો જંગ જીતવા માટે ભાજપે જન આશીર્વાદ યાત્રા શરૂ કરી છે. બીજી તરફ આમ આદમી પાર્ટીના નેતાઓએ પણ ગામે ગામ જનસંપર્ક શરૂ કર્યો છે. સામે કોંગ્રેસ પ્રભારી, પ્રદેશ પ્રમુખ કે વિપક્ષી નેતાની નવી નિમણુંકો થઇ શકી નથી.

આ સંજોગોમાં કોંગ્રેસ 2022ની ચૂંટણીમાં કેવો દેખાવ કરશે તેના પર પ્રશ્નાર્થ લાગી ગયો છે. ગત વિધાનસભા ચૂંટણીમાં સત્તા ન મળવા છતાં કોંગ્રેસનો દેખાવ પ્રમાણમાં સારો હતો. ત્યારે આ વખતે કોંગ્રેસ બેકફૂટ પર દેખાઇ રહી છે. પક્ષોની આ તૈયારીઓ વચ્ચે આજે આપણે અંકલેશ્વર બેઠક વિશે ચર્ચા કરીશુ.

અંલકેશ્વર વિધાનસભા બેઠક

અંકલેશ્વર દક્ષિણ ગુજરાતના ભરૂચ જિલ્લાના અંકલેશ્વર તાલુકાનું મુખ્ય મથક છે. આ શહેર મુંબઇથી અમદાવાદ જતા રાષ્ટ્રીય ધોરી માર્ગ તેમજ રેલ્વે માર્ગ પર આવેલું છે. આ સાથે જ ગુજરાતની 182 વિધાનસભા સીટો પૈકી અંકલેશ્વર 154 નંબરની વિધાનસભા બેઠક છે. વર્ષ 2017 પ્રમાણે આ મતવિસ્તારમાં કુલ 220311 મતદારો છે, જેમાંથી 115421 પુરૂષ, 104884 મહિલા અને 6 અન્ય મતદારોનો સમાવેશ થાય છે.

અંકલેશ્વર બેઠક અંતર્ગત આવતા ગામડા-

 	અંકલેશ્વર તાલુકાના ગામો -સેંગપુર, જીતાલી, ધાધલ, ધંતુરીયા, તરીયા, માટીદ, હરીપુરા, સક્કરપોર, સરફુદ્દીન, બોરભાથા, બોરભાથા બેટ, સુરવાડી, દિવી, દિવા, પુંગમ, સજોદ, કણવા, નાંગલ, બોયદરા, ગડખોલ, પીરામાન આંબોલી, અડોલ, હજાત, સરથાણ, મોટવાણ, તેલવા, પીલુદરા, ઉમરવાડા, કાપોદરા, ભડકોદરા, કોસામડી, બાકરોલ, સફીપુરા, આલોંજ, પારડી ઇદ્રીસ, કરમાલી, પાનોલી, સંજેલી, ખારોદ, ભડી, રવિદ્રા, અડાદરા, સિસોદરા, ભાદરવા , અંકલેશ્વર
 	હાંસોટ તાલુકો

અંકલેશ્વર બેઠકની ખાસિયતો

અંકલેશ્વર રાજપીપળા, હાંસોટ, વાલિયા, માંગરોળ, ડેડીયાપાડા, ઝઘડીયા, ભરૂચ સાથે રાજ્યમાર્ગે અંકલેશ્વર જોડાયેલ છે. અહીંથી અંકલેશ્વર-ઝઘડીયા-રાજપીપળા તેમ જ અંકલેશ્વર-ઝઘડીયા-નેત્રંગ એમ બે જગ્યા પર નેરોગેજ રેલ્વે માર્ગ આઝાદી પહેલાંના સમયથી અસ્તિત્વ ધરાવે છે. અહીં એશિયા ખંડની સૌથી મોટી ઔદ્યોગિક વસાહત આવેલી છે. અંકલેશ્વરમાં GIDC અને ONGCના મથકો આવેલા છે. અંકલેશ્વરમાં 1500થી વધુ ઔદ્યોગિક એકમો કાર્યરત છે. આ ઉપરાંત અહીંના લોકો મુખ્યત્વે વ્યવસાયમાં ખેતી અને પશુપાલન કરે છે, જે પૈકી મુખ્ય ખેતી શેરડી, ડાંગર તેમ જ કપાસની થાય છે.
આ પણ વાંચો- Gujarat Elections: મધુ શ્રીવાસ્તવ ગણાય છે ગુજરાતના દબંગ નેતા, જાણો તેમની રાજકીય કારકિર્દી અને વિવાદો વિશે
રાજકીય સમીકરણ

2017ની ગુજરાત વિધાનસભાની ચૂંટણીમાં અંકલેશ્વર વિધાનસભા બેઠક પરથી ભાજપના ઈશ્વરસિંહ ઠાકોરભાઈ પટેલનો વિજય થયો અને કોંગ્રેસના અનિલકુમાર છીતુભાઈ ભગતની હાર થઈ હતી. AAPએ ક્ષેત્રપાલ દુર્ગાપ્રસાદને ટિકિટ આપી, બસપાએ ચતનભાઈ કાનજીભાઈને ટિકિટ આપી હતી.

2012ની વિધાનસભાની ચૂંટણીમાં વર્તમાન ઉમેદવાર ઈશ્વરસિંહ પટેલ ધારાસભ્ય તરીકે ચૂંટાયા હતા. તેમણે ગત વખતે કોંગ્રેસના મગનભાઈ બાલુભાઈ પટેલને હરાવીને આ બેઠક કબજે કરી હતી. આ દરમિયાન ઈશ્વરસિંહને 82645 મત મળ્યા હતા અને માત્ર 51202 મતદારોએ કોંગ્રેસના મગનભાઈ પર વિશ્વાસ વ્યક્ત કર્યો હતો. તેઓ લગભગ 20 હજાર મતોથી જીત્યા હતા.

અહી ઉલ્લેખનિય છે કે, આ સીટ પર 1990થી ભાજપનો કબજો છે અને ઈશ્વર સિંહ છેલ્લા ત્રણ વખતથી આ સીટ પરથી ધારાસભ્ય છે. આ વખતે પણ ભાજપે ઈશ્વરસિંહ પર વિશ્વાસ વ્યક્ત કર્યો છે. 2012, 2007, 2002માં ઇશ્વરસિંહ, 1998માં આયંતભાઇ જીણાભાઇ પટેલ, 1995માં રતનજીભાઇ બાલુભાઇ પટેલ જીત્યા હતા. અહીં કોંગ્રેસે છેલ્લી વખત 1985માં જીતનો સ્વાદ ચાખ્યો હતો.

ગત ચૂંટણીઓ



વર્ષ
વિજેતા ઉમેદવાર
પક્ષ


2017
ઈશ્વર પટેલ
BJP


2012
ઈશ્વર પટેલ
BJP


2007
ઈશ્વર પટેલ
BJP


2002
ઈશ્વર પટેલ
BJP


1998
પટેલ જયંતિભાઈ
BJP


1995
પટેલ રતનજીભાઈ
BJP


1990
પટેલ ઠાકોરભાઈ
BJP


1985
પટેલ નરોત્તમભાઈ
INC


1980
પટેલ નટુભાઈ
INC


1975
પટેલ ઠાકોરભાઈ
NCO


1972
એમ હરિસિંહ
INC


1967
એ એ પટેલ
INC


1962
જોશી કનૈયાલાલ
INC



પક્ષ પલટો

ભારતીય જનતા પાર્ટીના કારોબારીની કેવડિયા ખાતે બેઠક મળી રહી છે, ત્યારે જ રાજ્ય ના સહકાર મંત્રી અને અંકલેશ્વર – હાંસોટ વિધાનસભા બેઠકના ધારાસભ્ય ઈશ્વરસિંહ પટેલ ના ભાઈ કોંગ્રેસ માં જોડાયા છે. અમદાવાદ ખાતે પ્રદેશ કાર્યાલય પર પ્રદેશ કોંગ્રેસ પ્રમુખ અમિત ચાવડા ની હાજરી માં તેઓએ કોંગ્રેસનો ખેસ ધારણ કર્યો હતો. આમ આગામી વિધાનસભાની ચૂંટણી પૂર્વે રાજકીય દાવપેચ ચાલુ થઈ ગયા છે.

તેઓ હાંસોટ ખેતીવાડી ઉત્પન્ન બજાર સમિતિ ના પણ ચેરમેન રહી ચૂક્યા છે. વલ્લભ પટેલે થોડા સમય અગાઉ વડાપ્રધાન નરેન્દ્ર મોદી ને પત્ર લખી તેમના ભાઈ અને ભાજપ પર પણ ગંભીર આક્ષેપ કર્યા હતા. હવે તેઓએ કોંગ્રેસ નો ખેસ ધારણ કરતાં વિધાનસભાની ચૂંટણીમાં નવા સમીકરણો રચાયા છે.

વિકાસના કાર્યો

અંકલેશ્વરમાં એર કનેક્ટિવિટી માટે વર્ષ 2022માં 84 હેક્ટર જમીનની ફાળવણી થઇ હતી. જ્યાં ડિસેમ્બર 2021માં ગાંધીનગરથી વિધાનસભા હિસાબ સમિતિ આવી પહોંચી હતી. સ્થળ પર જ વિવિધ સરકારી વિભાગના અધિકારીઓની ટીમ સાથે બેઠક યોજી હતી. અંકલેશ્વર તાલુકાના અમરતપુરાથી માંડવા વચ્ચે હાઈવે ને અડીને આવેલી 84 હેક્ટર જમીનમાં વર્ષ 2002માં એરસ્ટ્રીપ સેવા શરૂ કરવા ગુજરાત સરકારે જાહેરાત કરી હતી.

જમીન સંપાદન થયા બાદ અનેક વહીવટી પ્રક્રિયામાં વિલંબ થતાં ભરૂચ જિલ્લાના ઉદ્યોગ જગતમાં ભારે ઉદાસીનતા જોવા મળી હતી. ઉડ્ડયનન મંત્રી પૂર્ણૅશ મોદીએ મે મહિનામાં અંકલેશ્વરમાં એર સ્ટ્રીપના ભૂમિપૂજનની જાહેરાત કરી છે. જે ઉદ્યોગોને કાર્ગો(Cargo) સેવા પૂરી પાડવામાં કારગર નીવડી શકે છે.

ગત વર્ષે ભરૂચ–અંકલેશ્વર વચ્ચે નર્મદા નદી ઉપર બંધાયેલ નર્મદા મૈયા બ્રિજનું લોકાર્પણ કરવામાં આવ્યું હતું. રૂપિયા 430 કરોડના ખર્ચે નિર્માણ પામેલ બ્રિજને નીતિન પટેલના હસ્તે ખુલ્લો મુકવામાં આવ્યો હતો. વર્ષ 2015માં શરૂ કરવામાં આવેલ અંદાજીત પાંચ કિમિ લાંબા આ બ્રિજનું નિર્માણ કાર્ય પૂર્ણ થતાં તેનું લોકાર્પણ કરવામાં આવ્યું હતું.

સમસ્યા

ડાઇંગ-પ્રોસેસિંંગ ઔધોગિક એકમોમાં ઉપયોગમાં લેવાતા કોલસાના ભાવોમાં તોતિંગ વધારાને કારણે દક્ષિણ ગુજરાત સહિત અંકલેશ્વરમાં ટેક્સટાઇલ ઉદ્યોગો બંધ થવા લાગ્યા હતા. અંકલેશ્વર ઔદ્યોગિક વસાહતના આઠ જેટલાં ડાઇંગ પ્રોસેસિંગ ઉદ્યોગ એકમો કોલસાના ભાવમાં 4 ગણા વધારાના કારણે બંધ થવાની કગાર પર ઉભા છે.

બે ત્રણ ઉદ્યોગોને બાદ કરતાં તમામ ડાઇંગ- પ્રોસેસિંગ ઉદ્યોગ એકમોના સંચાલકોએ શટ ડાઉન લેવાની ફરજ પડી છે. જેના કારણે અંદાજે 3000થી વધુ કામદારો બેરોજગાર બન્યા છે. ટેક્સટાઇલ ઉદ્યોગ સંચાલકોના જણાવ્યા પ્રમાણે કોલસો રૂ 4 પ્રતિ કિલોના ભાવે મળતો હતો તેના ભાવ હાલમાં રૂ 16 પ્રતિ કિલો થતા ઉત્પાદન પ્રક્રિયા બંધ કરવાની ફરજ પડી છે.

આ ઉપરાંત પ્રોસેસિંગ ઇન્ડસ્ટ્રિઝમાં રો મટિરિયલ તરીકે ઉપયોગમાં લેવાતા રંગ રસાયણના ભાવમાં 15 ટકા જેટલો વધારો નોંધાયો છે, જે ટેક્સટાઇલ ઉદ્યોગના માથે પડયા ઉપર પાટું સમાન બની રહ્યો છે.

ગુજરાત વિધાનસભા ચૂંટણી 2022 અંગે મહત્વના સમાચાર જાણવા નીચે આપેલી બેઠકોના નામ ઉપર કરો ક્લિક

| મહેમદાબાદ | વિસનગર  | મહેસાણા  | વડગામ  | અંજાર  |  વાવ  | દાહોદ  | દ્વારકા  |  વિજાપુર  | વલસાડ | સિધ્ધપુર  | ઘાટલોડિયા  | કડી  |  બાપુનગર  |  અમરેલી  |  સુરત પશ્વિમ  |  જસદણ  |  રાજકોટ દક્ષિણ  | નડિયાદ | | સોજિત્રા |  ખંભાત | ગઢડા  | બોરસદ |  આંકલાવ | આણંદ | ઉમરેઠ | માતર | પેટલાદ |   મહુધા  | કપડવંજ | ઠાસરા | કોડીનાર  | લાઠી  | સાવરકુંડલા |  ગારિયાધાર  | મહુવા |  પાલિતાણા | ઓલપાડ | ઉમરગામ|ચોર્યાસી|  વાઘોડિયા | ભાવનગર ગ્રામ્ય | પાદરા | કરજણ | છોટાઉદેપુર | સંખેડા | ડભોઈ | નાંદોદ | ભાવનગર પૂર્વ | જંબુસર | રાવપુુરા | વાઘરા |સાવલી | દેવગઢબારિયા | ઝાલોદ |હાલોલ | બાલાસિનોર | વાંસદા | નિઝર | ગણદેવી | ધરમપુર | વ્યારા | પારડી | લીમખેડા | સંતરામપુરા |  મહુવા એસટી | માંગરોળ એસટી | જલાલપોર | રાજુલા | ગરબાડા | વરાછા | વટવા | કામરેજ | ધંધૂકા | ગોધરા | પાવી જેતપુર | વડોદરા  | કાલોલ | દેદિયાપાડા  |

&amp;nbsp;

Gujarat election: જીઆઈડીસી હબ અને ભાજપનો ગઢ અંકલેશ્વર બેઠકને કોંગ્રેસ આંચકી શકશે?

Love Affair Murder : યુપી (UP) ના ઝાંસી (jhansi) શહેરમાં પ્રેમીએ તેની પ્રેમિકાને જન્મદિવસની પાર્ટીમાં બોલાવી તેનું ગળું કાપીને કરી નાખી હત્યા. (UP Jhansi Crime) ઘટના બાદ વિસ્તારમાં ચકચાર મચી ગયો છે. માહિતી મળતાં જ પોલીસે ઘટનાસ્થળે પહોંચી લાશનો કબજો મેળવીને પોસ્ટમોર્ટમ માટે મોકલી આપી હતી.(Boyfriend silt Girlfriend neck) પોલીસે આરોપીની ધરપકડ કરી લીધી છે. પોલીસને પૂછપરછમાં જણાવ્યું કે 4 વર્ષથી તેમનો પ્રેમ સંબંધ હતો. પૈસા અને ઘરેણાંની માંગથી કંટાળી ગયો હતો. તેથી પ્રેમિકાની હત્યા કરી હતી. ( UP Police Investigation)

આ બનાવ કોતવાલી શહેરના પોલીસ સ્ટેશનનો છે. મળતી માહિતી મુજબ તાલપુરામાં રહેતી મોનિકા ઉર્ફે મોના અહીરવાર (24) ના લગ્ન સાડા છ વર્ષ પહેલા લક્ષ્મીગેટ ખાતે રહેતા વિજય અહીરવાર સાથે થયા હતા. તેમને 5 વર્ષનો પુત્ર છે. 4 વર્ષથી મોનાનો ઓરછા ગેટ જુગિયાણા મોહલ્લામાં રહેતા નિખિલ પુત્ર રાધેશ્યામ ઉર્ફે નિક્કી સાહુ સાથે પ્રેમસંબંધ હતો. પતિએ જણાવ્યું કે, &quot;બે વર્ષ પહેલા તેને આ સંબંધ વિશે ખબર પડી હતી. તેણે ઘણી વખત છૂટાછેડા માટે કહ્યું, મોનાએ ત્યારે ના પાડી. મોનાને ઘરની બહાર જતી અટકાવતા ત્યારે તે લડતી. 3 મહિના પહેલા તે ઝઘડો કરીને તેના પિયર રહેવા ગઈ હતી.15 દિવસ પહેલા જયારે ફોન આવ્યો ત્યારે ઘરે આવવાનું કહેતાં તેણે થોડા દિવસ પછી આવવાનું કહ્યું. બાદ શનિવારે રાત્રે તેની હત્યાની જાણ થઈ.&quot;

આ પણ વાંચો-રક્ષાબંધનના બે દિવસમાં જ હચમચાવતી ઘટના, પાંચ ભાઈઓએ ભેગા થઈ બહેન અને તેના પ્રેમીની કરી હત્યા

મોનિકા ઉર્ફે મોનુ અહિરવારનો બારાગાંવ ગેટની બહાર નિક્કી સાહુ સાથે પ્રેમસંબંધની વાત સંબંધીઓએ જણાવી હતી.ગઈકાલે રાત્રે નિક્કીનો જન્મદિવસ હતો. તેથી નિક્કીએ મોનિકાને સાંજે કેક કાપવા બોલાવી હતી. મોનિકા તેની સંબંધી મહિલા સાથે નારાયણબાગ ગઈ હતી, ત્યાં નિક્કી સાથે તકરાર થતાં તેણે મોનિકાના ગળામાં છરી મારી દીધી હતી. મોનિકાને હોસ્પિટલમાં લઈ જવામાં આવી, જ્યાં તેનું મૃત્યુ થયું હતું. ઝાંસીના એસએસપી શિવ હરિ મીણાનું કહેવું છે કે પોલીસે હત્યારાને પકડી લીધો છે. હાલ પોલીસ આ સમગ્ર ઘટનાની તપાસ કરી રહી છે.

પ્રેમીએ પ્રેમિકાને બર્થ-ડે પર બોલાવી, કેક કાપવાની છરીથી જ પ્રેમીકાનું ગળુ કાપી નાખ્યુું, કારણ ચોંકાવનારૂ

Women Do Not Like These Habits Of Men: રિલેશનશિપમાં એવું જરૂરી નથી કે તમારી દરેક આદત તમારા પાર્ટનરને પસંદ આવે અથવા તમારી દરેક આદત તેમને પરેશાન કરે. પરંતુ, કેટલીક એવી આદતો છે જે તમારા ચારિત્ર્ય પર સવાલ ઉઠાવે છે અને તમે સરળતાથી તમારા પાર્ટનરની નજરમાં પડી શકો છો. આ ખરાબ આદતોના કારણે ઘણી વખત પાર્ટનર તમને શંકાની નજરે જોવા લાગે છે અથવા તમારી સાથે પારદર્શક બની શકતો નથી. આવી સ્થિતિમાં સંબંધ બોજ બની જાય છે અને સાથે રહેવું કોઈ સજાથી ઓછું નથી લાગતું. અહીં અમે પુરૂષોની તે આદતોનો (Bad Habits of man) ઉલ્લેખ કરવા જઈ રહ્યા છીએ, જે મહિલાઓ બિલકુલ સહન નથી કરી શકતી અને તમારા નાજુક તારમાં ગાંઠો બાંધવા લાગે છે. આવો જાણીએ તે આદતો વિશે.
મહિલાઓને માન સન્માન ન આપવું
ઘણા એવા પુરૂષો છે જેઓ સ્ત્રીઓ સાથે સારો વ્યવહાર કરતા નથી. આટલું જ નહીં, ઘણી વખત તેઓ પોતાની મહિલા પાર્ટનરને ડોમિનેટ કરવા માટે ઠપકો આપીને વાત કરે છે, પરંતુ અમે તમને જણાવી દઈએ કે મહિલાઓને તમારી આ આદત બિલકુલ પસંદ નથી. વાત વાત પર ઉતારી પાડતો પાર્ટનર કોઈને પણ પસંદ નથી.

આ પણ વાંચો: Hotel Booking Tips: ઓછા બજેટમાં હોટેલ બુક કરવા આટલી બાબતોનું રાખો ધ્યાન
ગંદા પુરુષો
ઘણા પુરુષો દરેક વસ્તુ માટે બીજા પર નિર્ભર હોય છે અને તેમને સ્વચ્છતામાં કોઈ રસ નથી હોતો. તેઓ ન તો પોતાની જાતને સારી રીતે ચોખ્ખી રાખે છે અને ન તો તેમની આસપાસની સ્વચ્છતામાં રસ દાખવે છે. સ્ત્રીઓને આવા પુરુષો બિલકુલ પસંદ નથી હોતા. સ્વચ્છતાના કારણે તેઓ અવારનવાર લડતા-ઝઘડા કરતા રહે છે અને મામલો સંબંધ તૂટવા સુધી આવે છે.
છોકરીઓ સાથે ફ્લર્ટ કરતાં પુરુષો
મહિલાઓને એવા છોકરાઓ પણ પસંદ નથી કે જેઓ રિલેશનશિપમાં હોવા છતાં અન્ય છોકરીઓ સાથે ફ્લર્ટ કરવાનો મોકો શોધે છે. આવી સ્થિતિમાં મહિલા પાર્ટનરને મેસેજ જાય છે કે તમે તમારા સંબંધને લઈને ગંભીર નથી. તેની આ આદત મહિલાઓને અસુરક્ષિત અનુભવે છે.
ફિમેલ પાર્ટનરના મિત્રની વાતને મહત્વ ન આપવું
કેટલાક પુરૂષો તેમની પત્ની અથવા ફિમેલ પાર્ટનરની મિત્ર સાથે વધુ કમ્ફર્ટેબલ અનુભવતા નથી અને તેમની સાથે કોંશિયસ બની જાય છે. પપરંતુ તેને એ ખબર નથી રહેતી કે આવું વર્તન તેના પાર્ટનરને દુખ પહોચાડી શકે છે. આવી સ્થિતિમાં તમારા પાર્ટનરના મિત્રોને ક્યારેય નજરઅંદાજ ન કરો.
ખોટું બોલવું
ઘણા પુરુષો વાત વાતમાં ખોટું બોલીને કોઈ પણ વાતને ટાળવાનું કરે છે. પરંતુ તમને જણાવી દઈએ કે આવું કરવાથી મહિલા પાર્ટનરનો વિશ્વાસ તૂટી જાય છે અને સંબંધોમાં પારદર્શિતા ઓછી થવા લાગે છે. મહિલાઓને આવી હરકતો બિલકુલ પસંદ નથી હોતી.

આ પણ વાંચો: ના હોય! આટલી વસ્તુઓ ખાવાથી ઘટે છે ઉંમર! એક અભ્યાસમાં થાય ચોંકાવનારા ખુલાસા

(નોંધ: આ લેખમાં આપવામાં આવેલી માહિતી અને સૂચનો સામાન્ય ધારણાઓ પર આધારિત છે. ન્યૂઝ 18 ગુજરાતી તેની પુષ્ટિ કરતું નથી. તેનો અમલ કરતા પહેલા કૃપા કરીને સંબંધિત નિષ્ણાતનો સંપર્ક કરો.)

&amp;nbsp;

પુરુષોની આ 5 આદતોથી મહિલાઓ કરે છે નફરત, સબંધો બચાવવા જલ્દી સુધારો આ ભૂલ

અમદાવાદ

સુરત

વડોદરા

રાજકોટ

ગાંધીનગર

ભાવનગર

જામનગર

જુનાગઢ

કચ્છ - ભુજ

મહેસાણા

પંચમહાલ

આણંદ

વલસાડ

સાબરકાંઠા

બનાસકાંઠા

અમરેલી

સુરેન્દ્રનગર

પોરબંદર

ભરૂચ

ગુજરાતમાં ફરી કોરોનાનાં કેસ વધ્યા, અમદાવાદ શહેરમાં એક દર્દીનું મોત

પગાર વધારાની જાહેરાત થતા જ મહિલા પોલીસ સાથે હર્ષ સંઘવી પણ ગરબે ઘૂમ્યા, જુઓ તસવીરો

ગુજરાતમાં ધોધમાર વરસાદની આગાહી, 8 જિલ્લામાં યલો એલર્ટ

એક સમયે પાકિસ્તાનનું મુંબઈ ગણાતા કરાંચીની હાલત કફોડી, રહેવા મામલે સૌથી ખરાબ શહેર

GE: જીઆઈડીસી હબ અને ભાજપનો ગઢ અંકલેશ્વર બેઠકને કોંગ્રેસ આંચકી શકશે?

પ્રેમીએ પ્રેમિકાને બર્થ-ડે પર બોલાવી, કેક કાપવાની છરીથી જ ગળુ કાપી નાખ્યુું

પુરુષોની આ 5 આદતોથી મહિલાઓ કરે છે નફરત

શું તમને પણ વારસામાં કે ભેટમાં મળ્યા છે શેર? તો આ રીતે વેચાણ પર થશે આવકવેરાની ગણતરી

અમદાવાદ : ચોમાસા પહેલાં મલેરિયાને ડામી દેવાની કવાયત, જુઓ મચ્છરોના શંકાસ્પદ બ્રિડીંગ સ્થાન

કપૂર અને લીમડાના આ ઉપાયથી ડેન્ગ્યૂ અને મેલેરિયાના મચ્છર ભાગશે

અમદાવાદ જિલ્લામાં કોરોનાના કહેર વચ્ચે રાહતના સમાચાર, મચ્છરજન્ય રોગચાળામાં 70 ટકાનો ઘટાડો

કોરોના તો હવે આવ્યું, મચ્છરજન્ય આ બીમારીઓ લાંબા સમયથી લઇ રહી છે લોકોના પ્રાણ

malaria

તમારો જિલ્લો પસંદ કરો

જિલ્લો

malaria

malaria - ના સમાચાર

અમદાવાદ : ચોમાસા પહેલાં મલેરિયાને ડામી દેવાની કવાયત, જુઓ મચ્છરોના શંકાસ્પદ બ્રિડીંગ સ્થાન

કપૂર અને લીમડાના આ ઉપાયથી ડેન્ગ્યૂ અને મેલેરિયાના મચ્છર ભાગશે

અમદાવાદ જિલ્લામાં કોરોનાના કહેર વચ્ચે રાહતના સમાચાર, મચ્છરજન્ય રોગચાળામાં 70 ટકાનો ઘટાડો

કોરોના તો હવે આવ્યું, મચ્છરજન્ય આ બીમારીઓ લાંબા સમયથી લઇ રહી છે લોકોના પ્રાણ

તાજેતરના સમાચાર