ગાંધીનગર: ધરોઈ ડેમ (Dharoi Dam) અને લાકરોડા બેરેજ (Lakroda barrage)માંથી પાણી છોડાતાં ગાંધીનગરમાં સાબરમતી નદી (Sabarmati River) બે કાંઠે થઈ છે. ગાંધીનગરના સંત સરોવર પાસે આજે પરોઢે પાંચ વાગે ૫,૫૪૮ ક્યુસેક્સ પાણીની આવક થઈ રહી છે. પરંતુ લાકરોડા બેરેજમાંથી ૬૬,૨૧૫ ક્યુસેક્સ પાણી છોડાતાં સંત સરોવર (Sant Sarovar) પાસે સવારે 7.30 પછી આ મોટી માત્રામાં પાણી આવવાની સંભાવના છે. ત્યારે સંત સંત સરોવરના તમામ 21 દરવાજા ખોલીને પાણી વાસણા બેરેજ તરફ છોડવામાં આવશે.

આજે સવારે 5.00 વાગ્યે ધરોઈ ડેમમાંથી ૩૯,૦૫૬ ક્યુસેક્સ પાણી છોડવામાં આવી રહ્યું છે. એટલે ધરોઈના ઉપરવાસમાં પાણીની આવક ઓછી થઈ છે. ગાંધીનગરમાં પાણીનો આવરો વધવાની સંભાવનાને પગલે ગાંધીનગર મામલતદાર અને એક્ઝિક્યુટિવ મેજિસ્ટ્રેટ તરફથી સંત સરોવર અને હેઠવાસના 10 ગામ ઇન્દ્રોડા, શાહપુર, ધોળાકુવા, રાંદેસણ, રાયસણ, રતનપુર, વલાદ, જુના કોબા, કરાઈ અને નભોઈના નાગરિકો તથા તાલુકાના તમામ નાગરિકોને સંત સરોવર અને નદી કિનારે નહીં જવાની સૂચના આપવામાં આવી છે. સલામતી અને સાવચેતીના પગલાં માટે અમદાવાદના વહીવટી તંત્રને પણ તાકીદ કરવામાં આવી છે.

આ પણ વાંચો: કચ્છ-સૌરાષ્ટ્રમાં વરસાદે બોલાવી સટાસટી! નદીઓમાં ઘોડાપુર
નર્મદા ડેમની સપાટી
બીજી તરફ ગુજરાતની જીવાદોર સમાન નર્મદા ડેમની સપાટીમાં વધારે થયો છે. સરદાર સરોવર ડેમની જળ સપાટી વધીને 135.20 મીટર થઈ છે. ડેમમાં હાલ 7 લાખ 45 હજાર ક્યુસેક પાણીની આવક થઈ રહી છે. ઉપરવાસમાં આવેલા ઇન્દિરા સાગર અને ઓમકારેશ્વર ડેમમાંથી સતત પાણી છોડાતા આવક વધી છે. ડેમના કુલ 23 દરવાજા 3.5 મીટર સુધી સતત ચાર દિવસથી ખુલ્લા છે. સરદાર સરોવર ડેમમાંથી કુલ 5 લાખ 60 હજાર ક્યુસેક પાણી નદીમાં છોડવામાં આવી રહ્યું છે. સરદાર સરોવર ડેમની કુલ સપાટી 138.68 મીટર છે. પાણી છોડવમાં આવતા ડેમના તમામ પાવર હાઉસ શરૂ કરવામાં આવ્યા છે.

આ પણ વાંચો: બનાસકાંઠામાં વરસાદી તબાહી! કેટલાક ગામ પાણીમાં ડૂબ્યા તો કેટલાક સંપર્ક વિહોણા

રિવરફ્રન્ટ વોક વે બંધ કરાયો
ધરોઈ ડેમમાંથી છોડવામાં આવેલ પાણી ગુરુવારે સવારે નવ વાગ્યાની આસપાસ અમદાવાદ સુભાષબ્રિજ સુધી પહોંચવાની શક્યતા છે. જેના ભાગરૂપે રિવરફ્રન્ટનો વોક વે જનતા માટે બંધ કરાયો છે. સાબરમતીમાં પાણીની સપાટી વધવાની સંભાવનાને પગલે અમદાવાદના નદી કાંઠાના વિસ્તારો તથા ધોળકા તાલુકાના સાત ગામોના નાગરિકોને નદી કિનારે નહીં જવાની સૂચના આપવામાં આવી છે.

ધરોઈમાંથી પાણી છોડાતા સાબરમતી નદી બે કાંઠે થઈ, રિવરફ્રન્ટ વોક વે બંધ

અમદાવાદ : ગુજરાતમાં વરસાદ અંગે આગામી પાંચ દિવસ હવામાન વિભાગે (Meteorological department) આગાહી કરી છે. અમદાવાદ હવામાન વિભાગના ડિરેક્ટર ડોક્ટર મનોરમા મોહંતી (Dr Manorama Mohanty)ના જણાવ્યા પ્રમાણે ગુજરાતમાં હજી વરસાદ રહેશે. 18મી ઓગસ્ટથી એટલે આજથી વરસાદનું જોર ઘટી જશે. સૌરાષ્ટ્રમાં 19મી ઓગસ્ટથી વરસાદનું જોર ઘટશે.

ગુજરાતમાં અત્યારસુધી પડેલા વરસાદની વિગત જોઈએ તો સરેરાશ 93.32 ટકા વરસાદ પડ્યો છે. જેમાં કચ્છમાં 143.22 ટકા, ઉત્તર ગુજરાતમાં 90.49 ટકા, પૂર્વ-મધ્ય ગુજરાતમાં 77.78 ટકા, સૌરાષ્ટ્રમાં 84.44 ટકા અને દક્ષિણ ગુજરાતમાં 104.42 ટકા વરસાદ પડ્યો છે.

&amp;nbsp;

&amp;nbsp;

&amp;nbsp;

Gujarat Weather live Updates : ગુજરાતીઓને મળશે રાહત? આજથી વરસાદનું જોર ઘટી શકે છે

મેષ : 21 માર્ચ-19 એપ્રિલ

જો તમે કંઈક નવીન પ્રયાસ કરી રહ્યાં છો, તો તે કરવા માટે આજે સારો દિવસ છે. તે નવો વ્યવસાય, પ્રોજેક્ટ અથવા કામ હોઈ શકે છે. તમે જે પોતાને આંકો છો તેના કરતાં તમારી ક્ષમતા ઘણી વધારે છે.

લકી સાઇન - અરીસાની છબી

વૃષભ : 20 એપ્રિલ-20 મે

જીવનમાં તમારા નિયમોને વળગી રહેવું, ખૂબ મદદરૂપ સાબિત થશે. તમે જે મૂળભૂત બાબતોનો અભ્યાસ કરી રહ્યાં છો તેના પર તમારે ધ્યાન કેન્દ્રિત કરવું જોઈએ. થોડા સમય માટે નિર્ણયો ટાળવા જોઈએ.

લકી સાઇન - ચાંદીની મીણબત્તી

મિથુન : 21 મે - 21 જૂન

જો તમે કોઈની સાથે સારી રીતે ભાગીદારી કરવાનું વિચારી રહ્યા છો, તો હવે સમય યોગ્ય છે. જાહેરમાં દરેક વસ્તુ અને દરેક યોજનાને શેર ન કરવાની સલાહ આપવામાં આવે છે. તમારે બિનજરૂરી રીતે વધુ પડતો તણાવ પણ ન લેવો જોઈએ.

લકી સાઇન - રત્ન

કર્ક : 22 જૂન-22 જુલાઈ

તમને સમજી શકતી વ્યક્તિ માટે તમારી છુપાયેલી લાગણીઓ બહાર આવી શકે છે. તમે કોઈ બીજા પર ભાવનાત્મક રીતે ખૂબ નિર્ભર છો જેની જરૂર નથી. તમારે તમારી જાતને તેમાંથી અલગ કરી અને સ્વતંત્ર રીતે આગળ વધવાની જરૂર છે.

લકી સાઇન - પીળો પથ્થર

સિંહ : 23 જુલાઈ- 22 ઓગસ્ટ

તમને કોઈ એવી વ્યક્તિ દ્વારા અત્યંત સારી રીતે આવકારવામાં આવે જેને તમે કેટલાક સમયથી મળ્યા ન હોવ. તમને કદાચ લક્ઝરી વસ્તુઓમાં મન લગાવી શકો છો તમારામાંથી કેટલાક વિદેશમાં વેકેશનનું આયોજન પણ કરી રહ્યા હશે.

લકી સાઇન - મીણબત્તી

કન્યા : 23 ઓગસ્ટ-22 સપ્ટેમ્બર

જો તમે કોઈ એવી વ્યક્તિ સાથે છો જે કદાચ પહેલાની સરખામણીમાં અત્યારે વધુ વ્યસ્ત છે, તો કદાચ તમે આટલી જલ્દી લાગણીઓથી છૂટકારો મેળવી શકશો નહીં. જો તમે જાહેરમાં કામ કરી રહ્યાં છો, તો તમારે સાવચેત રહેવું પડશે કારણ કે શક્ય છે તમારું નિરીક્ષણ થઈ રહ્યું હોય.

લકી સાઇન - બુદ્ધ પ્રતિમા

તુલા: 23 સપ્ટેમ્બર-23 ઓક્ટોબર

તમારી વાટાઘાટોની સ્કિલ્સ હવે કામમાં આવી શકે છે. તમે બારીક વિગતો અને પરફેક્શન પર ધ્યાન આપો છો, તમે કામને વાળું સારી રીતે કરવા માટે તેનો ઉપયોગ કરો તેવી સંભાવના છે. કોઈ દૂર રહીને તમારા વિશે વિચારે છે.

લકી સાઇન - ઇન્ડોર પ્લાન

વૃશ્ચિક: 24 ઓક્ટોબર - 21 નવેમ્બર

અગાઉ કામ પરના તમારા વલણ સામે વાંધો ઉઠાવનારા કેટલાક લોકો હવે તે બાબતે પુનર્વિચાર કરી શકે છે. કેશમાં વધારો થવાનો છે. તમે બહુ જલ્દી નવા પ્રોજેક્ટ માટે સાઇન અપ કરી શકો છો.

લકી સાઇન - ચેમ્બર

ધન: 22 નવેમ્બર - 21 ડિસેમ્બર

તમારી માનસિક સ્કિલ્સથી તમે જે પ્રભાવ સર્જ્યો હશે તે પ્રશંસાને પાત્ર છે. જો તમે કોઈ નવા કાર્ય વિચાર વિશે વિચારી રહ્યાં છો, તો તે ખૂબ જ જલ્દી શક્ય બનશે. ટૂંક સમયમાં પ્રવાસનું આયોજન કરવાની સલાહ આપવામાં આવે છે.

લકી સાઇન - આરોહી

મકર : 22 ડિસેમ્બર - 19 જાન્યુઆરી

દિવસ ખૂબ જ મિશ્ર વાઇબ્સ ધરાવે છે. તમે જેનો ખુબ વિશ્વાસ કરો છો તેની વફાદારી વહેંચાયેલી છે. તમે તેમના પર તમારી નિર્ભરતા ઘટાડવાનો પ્રયાસ કરી શકો છો. તમે બહુ જલ્દી રોડ ટ્રીપ માટે જઈ શકો છો.

લકી સાઇન - બટરફ્લાય

કુંભ: 20 જાન્યુઆરી-18 ફેબ્રુઆરી

તમે તમારા કાર્યને અપગ્રેડ કરવાની યોજના બનાવી રહ્યા છો, તેમાં થોડો વધુ સમય લાગી શકે છે. પ્રયાસ કરતા રહો અને યોગ્ય સમયની રાહ જુઓ. તમારા જીવનસાથી તરફથી આવતી કોઈ સલાહ તમારા માટે યોગ્ય ન લાગે.

લકી સાઇન - કેનવાસ

મીન : 19 ફેબ્રુઆરી - 20 માર્ચ

તમે તમારી ભૂતકાળના કામોને લઈને હાલમાં ઘણો પસ્તાવો અનુભવી શકો છો. કોઈ વ્યક્તિ જેણે તમારી સાથે તે કામો કર્યા હતા તે પણ તમને તે જ યાદ કરાવે છે. એવું લાગે છે કે ભાગ્ય તમને ટૂંક સમયમાં બીજી તક આપશે.

લકી સાઇન - બે પીંછા

Rashifal 18 ઓગસ્ટ:  આ રાશિના જાતકોને ધંધામાં થઈ શકે છે નુકસાન, જાણો આજનું રાશિફળ

નંબર 1 (1, 20,19 અને 28 તારીખે જન્મેલા લોકો)

રસોડામાં ગેસ સ્ટવની ઉપર જ ભગવાન સૂર્યનું ચિત્ર ચોંટાડો. તમારા બધા વિચારોને આજે અમલમાં રાખો, કારણ કે તમારા સ્વપ્ન સાકાર થઇ શકે છે. એક યોદ્ધાની જેમ સ્પર્ધા જીતવા માટે સક્ષમ રહેશો. તમારી કુશળતા પ્રસ્તુત કરવી જોઈએ, ગ્રુપનું નેતૃત્વ કરવું જોઈએ. તમારી બોલવાની રચનાત્મક શૈલી, અન્ય લોકો પર તેજસ્વી છાપ પાડશે. સરકારી અધિકારીઓ, ડોકટરો, સંગીતકારો અને ગ્લેમોર ઉદ્યોગના લોકોને સફળતા મળશે.

માસ્ટર કલર – ઓરેન્જ અને ગ્રીન

લકી દિવસ – મંગળવાર અને રવિવાર

લકી નંબર – 1 અને 3

દાન – બાળકોને ઓરેન્જ પેનનું દાન કરો

નંબર 2 (2,11, 20 અને 29 તારીખે જન્મેલા લોકો)

તમારા કાર્ય સ્થળે ડેકોરેશન પીસ રાખો. પરીવાર અને મિત્રોનો સહકાર મળશે. મોટી સમસ્યાઓ હલ થશે. વાતચીતમાં પ્રામાણિકતા દાખવો. બાળકો અને સંબંધીઓ સાથે પસાર કરવા બેસ્ટ દિવસ. કન્સલ્ટન્સી ફર્મ્સને ખાસ નસીબનો સાથ મળશે. સ્ટોક માર્કેટમાં રોકાણ કરો અને એક્સપોર્ટ બિઝનેસ ડિલ્સ માટે આગળ વધો. સંબંધોમાં રોમાન્સ જળવાશે.

માસ્ટર કલર – ગુલાબી

લકી દિવસ – સોમવાર

લકી નંબર – 2

દાન – ગરીબોને દહીંનું દાન કરો

નંબર 3 (3, 12, 22 અને 30 તારીખે જન્મેલા લોકો)

પ્રવાસનો પ્લાન બની શકે છે. પબ્લિક ફીગર્સને વધુ લોક ચાહના મળશે. ક્રિએટીવ આર્ટિસ્ટ માટે સારી તક આવી શકે છે. પાકની લણણી કરીને તેમાંથી પૈસા કમાવવાનો ઉત્તમ સમય. તમારી યોજનાઓ અમલ કરવા માટે કાગળ પર તૈયાર હોવી જોઈએ. ખાસ કરીને અભિનેતાઓ, ડિઝાઇનરો, સંગીતકારો, લેખકો, રાજકારણીઓ અને વકીલો માટે ખૂબ જ પ્રભાવશાળી દિવસ છે.

માસ્ટર કલર – લાલ

લકી દિવસ – ગુરૂવાર

લકી નંબર -3 અને 9

દાન – મંદિરમાં ચંદનનું દાન કરો

નંબર 4 (4, 13, 22, 31 તારીખે જન્મેલા લોકો)

ભાગ્ય ધીમે ધીમે તમારા પક્ષમાં બદલાય છે અને કારકિર્દીમાં નવી શરૂઆત શક્ય છે. ધંધાકીય ડીલ્સ વિલંબ વિના પૂર્ણ થશે. ફાઇનાન્સ બુકમાં લેવામાં આવેલા મોટા નિર્ણયો નફો કરાવશે. થિયેટર કલાકાર અથવા અભિનેતાઓ, એન્કર અને ડાન્સર્સ ઓડિશન માટે જઇ શકે છે. ધાતુ અને વસ્ત્રોના ઉત્પાદકોને મોટો નફો થશે. આરોગ્યને જાળવવા લીલા પાંદડાવાળા શાકભાજીનો ખોરાક લો.

માસ્ટર કલર – પર્પલ

લકી દિવસ – મંગળવાર

લકી નંબર – 9

દાન – મેટલનો ટુકડો મંદિરમાં દાન કરો

નંબર 5 (5, 14, 23 તારીખે જન્મેલા લોકો)

નાણાંકીય નફો મેળવવા માટે અને નિકાસ આયાતમાં રોકાણ પર વળતર પ્રાપ્ત થવાની સંભાવના છે. તમારે તમારી આંખો ખોલવાની અને તમારા જીવનસાથી દ્વારા આપવામાં આવેલા પ્રેમ અને આદરને સ્વીકારવાની જરૂર છે. આજે શેર બજાર, રમતગમત, પ્રસંગો, સ્પર્ધાત્મક પરીક્ષાઓ અને ઇન્ટરવ્યુમાં નસીબ અજમાવવું જ જોઇએ.

માસ્ટર કલર – ગ્રીન અને રેડ

લકી દિવસ – બુધવાર

લકી નંબર – 5

દાન – પશુઓને લિક્વિડનું દાન કરો

નંબર 6 (6, 15, 24 તારીખે જન્મેલા લોકો)

આજે ભગવાન વિષ્ણુ લક્ષ્મીજી પૂજા કરો. તમે આજે તમારા જીવનસાથીનું સારું વર્તન અનુભવશો જે સંબંધોને મજબૂત બનાવશે. એક વૈભવી દિવસ જે જીવનમાં સમૃદ્ધિ અને સંપૂર્ણતા લાવશે. જીવનસાથી સાથેના પ્રશ્નોનું નિરાકરણ લાવવાનો અને ખરીદી માટે બહાર જવાનો દિવસ. ડિઝાઇનર્સ, ઇવેન્ટ મેંગેનીઝ, બ્રોકર્સ, શેફ્સ, સ્ટુડન્ટ્સને નવી એસાઇન્મેન્ટ્સ પ્રાપ્ત કરશે જે ગ્રોથ વધારે છે. રોમેન્ટિક સંબંધ ઘરે પાછા ખુશીઓ લાવશે.

માસ્ટર કલર – વાયોલેટ

લકી દિવસ – શુક્રવાર

લકી નંબર – 6

દાન – ગરીબોને સફેદ ચોખાનું દાન કરો

નંબર 7 (7, 16, 25 તારીખે જન્મેલા લોક)

તમારા દિવસની શરૂઆત તમારી માતાના આશીર્વાદથી કરો અને વિજય મેળવો. કોઇ પણ જવાબદારી સોંપવા માટે તમે આજે તમારા ભાગીદારો અને સાથીદારો પર વિશ્વાસ કરી શકો છો. ઓફર કરેલા પડકારને સ્વીકારો તમે તેને જીતી શકશો. માતા, બહેન અથવા પત્નીના સૂચનો સ્વીકારો. સમસ્યાને હલ કરવા માટેનો અસામાન્ય અભિગમ આજે જાદુઈ રીતે કાર્ય કરશે. કોઈ પ્રસ્તાવ, કર્મચારી અથવા વ્યવસાય ઓફર કરી રહ્યું છે, તે આવકાર્ય હોવું જોઈએ કારણ કે ભવિષ્યમાં તમને ફાયદો થશે. વકીલો, થિયેટર કલાકાર, સીએ, સોફ્ટવેર લોકોને વિશેષ નસીબન સાથ મળશે.

માસ્ટર કલર – ઓરેન્જ

લકી દિવસ – સોમવાર

લકી નંબર – 7 અને 9

દાન – કોપર મેટલનો નાનો ટુકડો દાન કરો

નંબર 8 (8, 17, 26 તારીખે જન્મેલા લોકો)

તમારે હંમેશાં પ્રાણીઓને ખવડાવવું જોઈએ અને તેમની સામે હિંસા કરવાનું ટાળવું. જો તમે સરકારી અધિકારીઓ, સેલ્સ પ્રોફેશનલ્સ, પ્રોપર્ટી બિલ્ડર્સ, મીડિયા કર્મચારીઓ અને ટેકીઝ છો, તો આ બધાને તેમની કંપની દ્વારા બઢતી અથવા વળતરની દ્રષ્ટિએ લાભ આપવામાં આવશે. જો કે કાનૂની વિવાદોના સમાધાનમાં હજી સમય લાગશે. ડોકટરો અને ઉત્પાદકો સિદ્ધિઓથી સન્માનિત અનુભવશે. ભાગીદારો સાથે રૂબરૂમાં દલીલો થવાની સંભાવના હોવાથી મગજને ઠંડુ રાખો. અનાજનું દાન કરવું અને સાઇટ્રસ ખાવું એ આજે આવશ્યક છે.

માસ્ટર કલર – ડીપ પર્પલ

લકી દિવસ – શુક્રવાર

લકી નંબર – 6

દાન – ગરીબોને સોલ્ટેડ ફૂડનું દાન કરો

નંબર 9 (9, 18, 27 તારીખે જન્મેલા લોકો)

પરીવાર અને સંબંધીઓ સાથે સમય વિતાવો. ભાવિ લાભ અને લોકપ્રિયતા બંને નસીબ સાથે મળશે. આજે આનંદ, ભાગ્ય, ધન, સ્થિરતા અને વૈભવ-વિલાસનો અનુભવ કરશો. પ્રેમમાં પડેલા લોકો માટે લાગણીઓ જાહેર કરવાનો દિવસ. ગ્લેમર ઉદ્યોગ અને મીડિયાના લોકો ખ્યાતિનો આનંદ માણશે અને રાજકારણીઓ આજે મોટી તકો પૂરી કરશે.

માસ્ટર કલર – રેડ

લકી દિવસ – મંગળવાર

લકી નંબર – 9

દાન – લાલ મસૂરનું દાન કરો

18 ઓગસ્ટે જન્મેલી હસ્તીઓ – ગુલઝાર, નિર્મલા સીતારમણ, સંદિપ પાટિલ, બાજી રાઓ, વિજ્યા લક્ષ્મી પંડિત, દલેર મહેંદી

Numerology 18th August : જાણો તમારી જન્મતારીખ પરથી આજે કેવો રહેશે તમારો દિવસ અને ધંધાકિય બાબતો

Russia Ukraine war: રશિયા અને યુક્રેન વચ્ચે ચાલી રહેલા યુદ્ધ દરમિયાન ભારત રશિયા પાસેથી તેલ ખરીદી રહ્યું છે. આ કારણે અમેરિકા સહિત ઘણા દેશો ભારતના આ નિર્ણયની ટીકા કરી રહ્યા છે. (Ukraine on India Russia Oil deal) બીજી તરફ આજે થાઈલેન્ડમાં ભારતના વિદેશ મંત્રીએ ટીકાકારોને જડબાતોડ જવાબ આપ્યો છે. આ પ્રકરણમાં યુક્રેનના વિદેશ પ્રધાન દિમિત્રી કુલેબાએ રશિયા અને ભારત વચ્ચેના તેલ સોદા અંગે તીખી ટિપ્પણી કરી છે. (S jaishankar on Russian oil deal) યુક્રેનના વિદેશ મંત્રીએ કહ્યું કે રશિયાથી ભારતમાં જેટલા પણ બેરલ ઓઈલ લઈ જવામાં આવે છે તેમાં યુક્રેનના લોકોનું લોહી ભળેલું છે. વિદેશ મંત્રીએ ભારતને યાદ અપાવવાના શૂરમાં કહ્યું કે તેમણે યુદ્ધ દરમિયાન યુક્રેનમાંથી ભારતીય વિદ્યાર્થીઓને પરત મોકલવામાં મદદ કરી હતી. (Ukraine foreign Minister comment on India)

બુધવારે વર્ચ્યુઅલ પ્રેસ કોન્ફરન્સ કરતી વખતે, યુક્રેનના વિદેશ પ્રધાન દિમિત્રોએ કહ્યું કે અમે હંમેશા કૃષિ ઉત્પાદનો ખાસ કરીને સરસવ(રાય)ના તેલના ખૂબ જ પ્રતિબદ્ધ સપ્લાયર છીએ. એ પણ કહ્યું કે અમે ભારત તરફથી યુક્રેનને મજબૂત સમર્થનની અપેક્ષા રાખીએ છીએ. વિદેશ મંત્રીએ કહ્યું કે યુક્રેન હંમેશા ભારતનું ભરોસાપાત્ર ભાગીદાર રહ્યું છે, પરંતુ રશિયા પાસેથી તેલ ખરીદીને ભારત યુક્રેનના લોકોનું લોહી ખરીદી રહ્યું છે. તે જ સમયે, એક કાર્યક્રમ દરમિયાન, વિદેશ મંત્રી એસ જયશંકરે તમામ ટીકાઓ સામે જોરદાર જવાબ આપ્યો.

આ પણ વાંચો: વિશ્વ યુદ્ધ 3ની ચેતવણી! ઉશ્કેરાયેલુ ચીન 'કિલર' મિસાઇલોનું કરશે પરીક્ષણ

રશિયા પાસેથી ઓઇલ ખરીદવાના ભારતના નિર્ણયને યોગ્ય ઠેરવતા વિદેશ મંત્રી એસ જયશંકરે ધારદાર નિવેદન આપ્યું હતું. વિદેશ મંત્રી એસ જયશંકરે કહ્યું કે તમામ દેશો ઊર્જાની વધતી કિંમતોને ઘટાડવા માટે વધુ સારા સોદા કરવાનો પ્રયાસ કરે છે અને ભારત પણ તે જ કરી રહ્યું છે. તેમજ તેમણે એમ પણ કહ્યું કે તેલ અને ગેસની કિંમતો ગેરવાજબી રીતે ઊંચી છે અને ઘણા જૂના સપ્લાયર્સ યુરોપને તેલ વેચી રહ્યા છે કારણ કે યુરોપ રશિયા પાસેથી ઓછું તેલ ખરીદી રહ્યું છે.

રશિયા પાસેથી ભારતે સસ્તું તેલ ખરીદતા યુક્રેન ભડક્યું , કહ્યું- તેલના દરેક ટીપામાં યુક્રેનનું લોહી

અમદાવાદ

સુરત

વડોદરા

રાજકોટ

ગાંધીનગર

ભાવનગર

જામનગર

જુનાગઢ

કચ્છ - ભુજ

મહેસાણા

પંચમહાલ

આણંદ

વલસાડ

સાબરકાંઠા

બનાસકાંઠા

અમરેલી

સુરેન્દ્રનગર

પોરબંદર

ભરૂચ

અમદાવાદ: ધરોઇનું પાણી સવારે 4 વાગ્યે પહોંચશે, રિવરફ્રન્ટ વોક વે બંધ, અનેક ગામો એલર્ટ

બનાસકાંઠા તબાહી! કેટલાક ગામ પાણીમાં ડૂબ્યા તો કેટલાક ગામ સંપર્ક વિહોણા બન્યા

દમણ કોસ્ટ ગાર્ડનું દિલધડક રેસ્ક્યૂ: તોફની દરિયામાં બોટ ફસાઇ, 11ને બચાવ્યા

ગુજરાતીઓને મળશે રાહત? આજથી વરસાદનું જોર ઘટી શકે છે

Rashifal 18 ઓગસ્ટ:  આ રાશિના જાતકોને ધંધામાં થઈ શકે છે નુકસાન

Numerology 18th August : જાણો તમારી જન્મતારીખ પરથી આજે કેવો રહેશે તમારો દિવસ

રશિયા પાસેથી ભારતે સસ્તું તેલ ખરીદતા યુક્રેન ભડક્યું , કહ્યું- તેલના દરેક ટીપામાં યુક્રેનન

iphone-12

તમારો જિલ્લો પસંદ કરો

જિલ્લો

iphone 12

આ માપદંડ સાથે મેળ ખાતી કોઈ વાર્તાઓ મળી નથી

તાજેતરના સમાચાર