મુનાફ બકાલી, રાજકોટ: રાજકોટ (Rajkot)માં દિનપ્રતિદિન અસામાજીક તત્વોનો આતંક (Rajkot Crime) વધતો જોવા મળી રહ્યો છે. કોટડાસાંગાણી તાલુકાના પડવલા ગામે ચારણ કન્યા સાથે પ્રેમ લગ્ન (love marriage) કરનાર પરપ્રાંતીય યુવાન પિયુષ પર યુવતીના નજીકના સગાઓએ ધોકા પાઈપ વડે હુમલો કરી બેરહેમીથી માર મારી મોત (Murder) ને ઘાટ ઉતારી દીધો હતો અને યુવતીને ઉપાડી ગયાની ઘટના પોલીસ ચોપડે નોંધાતા ખળભળાટ મચી જવા પામ્યો છે. ઓનર કિલીંગની આ ઘટના અંગે પોલીસે ત્વરીત કાર્યવાહી કરી અપહરણનો ભોગ બનેલી યુવતીને મુક્ત કરાવી ત્રણ આરોપીઓને સકંજામાં લઈ સઘન પુછપરછ હાથ ધરી છે.

પોલીસ ફરિયાદમાં જણાવ્યા પ્રમાણે ફરિયાદી મુળ ઉત્તર પ્રદેશના વતની છે. અને રાજકોટ નજીક ત્રણ વર્ષ પહેલા શાપર વેરાવળ શાંતિધામમાં રહેતા હોય અને મજુરી કામ કરતા હોય આ વખતે શાંતિધામમાં રહેતી એક કુંવર નામની યુવતી સાથે ફરિયાદીના પુત્ર મરણજનાર પિયુષની આંખ મળી જતા બન્ને શાપર વેરાવળથી નાશી જઈ રાજસ્થાન અને ત્યાંથી ઉત્તર પ્રદેશ જતા રહ્યા હતા. ત્યાર બાદ પોલીસમાં ફરિયાદ થતા શાપર વેરાવળ પોલીસે પિયુષની ધરપકડ કરી હતી. 9 માસ પિયુષ જેલમાં રહ્યા બાદ જામીન પર છુટીને આવ્યા બાદ યુવતીના સગાસબંધી અને પરિવારજનોને આ પ્રેમલગ્ન મંજુર ન હોવાથી પોતાની પત્ની કુંવરને સાથે લઈ પોતાના વતન ઉત્તર પ્રદેશ રહેવા જતો રહ્યો હતો.

આ પણ વાંચો- સાંબરકાંઠા જિલ્લામાં મેઘ તાંડવ, હિંમતનગરનું હુંજ ગામ બેટમાં ફેરવાયું

ત્રણ દિવસ પહેલા પિયુષ તેની પત્ની કુંવર અને એક પુત્ર સાથે પડવલા ગામે માતા-પિતા અને બહેનો પાસે રાખડી બંધાવવા અને મળવા માટે ઉત્તર પ્રદેશથી આવ્યો હતો. જેની જાણ ચારણના પરિવારજનોને થતા કુંવરની માતા નાથીબેન, ભાઈ કરણ 9 તારીખે મળવા માટે આવ્યા હતા. આ વખતે માતા અને પુત્રએ પ્રેમ લગ્ન કરનાર અલયને મોબાઈલ ફોન ગીફ્ટ આપ્યો હતો. ત્યાર બાદ બીજા દિવસે તારીખ 10 ઓગસ્ટના દિવસે ફરી વખત અલય ઉર્ફે કુંવરનો ભાઈ કરણ, કાનો સહિત ત્રણ શખ્સો ફરી વખત એક્ટીવા લઈ મળવા માટે આવ્યા હતા. એક કલાક સુધી બહેન પાસે રહ્યા બાદ બન્ને ભાઈઓ જતા રહ્યા હતા.

આ પણ વાંચો-અમદાવાદમાં મેટ્રો રેલ પ્રોજેકટના કામમાં બેદરકારી, લોખંડનો પિલર નમી પડ્યો

જોકે ગઈકાલે સવારે ફરિયાદીનો પુત્ર પિયુષ, તેની પત્ની અલય ઓફિસમાં બેઠા હતા ત્યારે સવારના સમયે અલ્ટ્રોકારમાં ચારણના મામા, માસીનો દીકરો સહિતના શખ્સો ધસી આવ્યા હતા અને સીધા જ ઓફિસમાં ઘુસી પિયુષને આડેધડ ધોકા-પાઈપ વડે માર મારવા લાગ્યા હતા. આ વખતે ફરિયાદી અને તેની પુત્રી આરતી બચાવવા જતા તેમના પર પણ હુમલો કરી ઓફિસની બાર જ તેમને રોકી દેવામાં આવ્યા હતા. પિયુષને બેરહેમીથી માર માર્યા બાદ આરોપીઓ અલય ઉર્ફે કુંવરનું અલ્ટો કારમાં અપહરણ કરી નાસી ગયા હતા. બીજી બાજુ ગંભીર રીતે ઘવાયેલા પિયુષને 108 મારફત સારવાર અર્થે રાજકોટની સિવિલ હોસ્પિટલમાં ખસેડવામાં આવતા તેનું સારવાર દરમિયાન મૃત્યુ નિપજ્યું હતું.

આ બનાવની જાણ થતા શાપર-વેરાવળના પોલીસ અને LCB નો કાફલો ઘટના સ્થળે દોડી આવ્યો હતો અને ઓનર કિલીંગની આ ઘટનાને ધ્યાને લઈ મોડી રાત સુધી કોમ્બીંગ કરી અપહરણનો ભોગ બનેલી અલય ઉર્ફે કુંવરને છેડાવી હતી. અને આરોપી વિહળ આલા માલાણી, રાદેવ જેહળ માલાણી અને સિનો વિભાભાઈ વાલાની અટકાયત કરી વિશેષ તપાસ હાથ ધરી હતી. પોલીસે ત્રણેય આરોપીઓને ઝડપી લેતા પોતે આચરેલા ગુનાહિત કૃત્યના કારણે અફસોસ પણ થઈ રહ્યો હોવાનું પોલીસ સૂત્રો દ્વારા જાણવા મળી રહ્યું છે. હાલ તો પોલીસ આરોપીઓના રિમાન્ડ મેળવી સમગ્ર બનાવનું રિકન્સ્ટ્રક્ટ કરવાની કામગીરી કરશે. હત્યાના બનાવથી 3 પરીવાર વિખેરાયા છે. એક પરીવારે પોતાનો દિકરો ગુમાવ્યો, મૃતકની પત્નીએ પોતાનો પતિ ગુમાવ્યો અને હત્યા કરનાર લોકો જેલમાં જવાથી તેમનો પરીવાર પણ નોધારો બન્યો છે.

Rajkot Crime: રાજકોટમાં રુવાંટા ઉભો કરી દે તેવો હત્યાનો કિસ્સો, દીકરી સાથે પ્રેમલગ્ન કરનાર યુવકની હત્યા

ઈંડા એક એવું ફૂડ છે, જેનાથી આરોગ્યને અનેક ફાયદાઓ થઈ શકે છે. નાશ્તાથી લઈને લંચમાં ઘણા લોકો ઈંડા ખાવાનું પસંદ કરે છે. પ્રોટીનથી ભરપુર હોવાની સાથે સાથે ઈંડા શરીરને ફિટ રાખવામાં પણ મદદ કરે છે. ઈંડાથી આમલેટ સહિત અનેક પ્રકારની અલગ અલગ વાનગી બનાવવામાં આવે છે. મોટાભાગના લોકોને ઈંડા બાફીને ખાવાનું પસંદ હોય છે. ઈંડાને બાફીને ખાવા ખૂબ જ સરળ છે. અનેક લોકો સવારે નાશ્તામાં ચાની સાથે બાફેલા ઈંડાનું સેવન કરે છે. પરંતુ ચા અને બાફેલા ઈંડા સાથે ખાવા તે આરોગ્ય માટે ખૂબ જ ખતરનાક છે.

બાફેલા ઈંડા ખાવાના અનેક ફાયદા છે અને તે પ્રોટીન મેળવવાનો એક સારો સ્ત્રોત છે. ઈંડામાં ફોલેટ, વિટામીન B5, B12, B2 ,D, ફોસ્ફરસ, સેલેનિયમ જેવા પોષકતત્વ રહેલા છે. ઈંડા શારીરિક, માનસિક સ્વાસ્થ્ય, ત્વચા અને વાળને સ્વસ્થ રાખવામાં મહત્વની ભૂમિકા ભજવે છે.

બાફેલા ઈંડાનું સેવન કરવાથી શરીરના વિકાસને પ્રોત્સાહન મળે છે. બાફેલા ઈંડામાં ભરપૂર માત્રામાં કેલ્શિયમ હોય છે, જેનાથી હાડકાને કેલ્શિયમ મળે છે અને હાડકા મજબૂત બને છે. ઈંડાથી મેટાબોલિઝમ વધવાથી વજન કંટ્રોલમાં પણ રહે છે.

આ પણ વાંચો: Health: તહેવારની સિઝનમાં ફૂડ પોઇઝનિંગનું વધી જશે જોખમ, જાણો શું કરવું શું ન કરવું?

જર્નલ ઓફ ન્યુટ્રીશનની એક સ્ટડીમાં જણાવવામાં આવ્યું છે કે, ઈંડા સાથે ચા પીવાથી ઈંડાથી મળતા પ્રોટીનની માત્રા 17 ટકા સુધી ઓછી થઈ જાય છે. ચામાં પોલીફેનોલ્સ નામના યૌગિક હોય છે, જે ઈંડામાં પ્રોટીનને બાંધી શકે છે, જેનાથી તમને પ્રોટીનને અવશોષિત કરી શકતા નથી. આ કારણોસર શરીરમાં પ્રોટીનની કમી થઈ શકે છે, જેનાથી શરીરમાં ગંભીર બિમારી ઉત્પન્ન થઈ શકે છે.
ઈંડા અને ચાનું સેવન સાથે શા માટે ન કરવું જોઈએ
ઈંડા પચવામાં ખૂબ જ ભારે હોય છે, તેની સાથે ચાનું સેવન કરવામાં આવે તો પાચન પ્રક્રિયા પર અસર થાય છે. ચામાં ટેનિન હોય છે. ઈંડાની સાથે કોઈપણ ટેનિન યુક્ત ફૂડનું સેવન કરવાથી પાચન પ્રક્રિયા પર અસર થાય છે. જેના કારણે ભોજન યોગ્ય રીતે પચી શકતું નથી અને શરીરમાં ફેટ તરીકે જમા થવા લાગે છે. આ કારણોસર ગેસ, અપચો, બ્લોટિંગ જેવી પેટ સંબંધિત સમસ્યા થવા લાગે છે. ઘણીવાર માથામાં દુખાવો, ઉલ્ટી અને છાતીમાં બળતરા જેવી સમસ્યાનો પણ થાય છે. આ કારણોસર ચા અને ઈંડાનું સાથે સેવન ન કરવું જોઈએ. ઈંડાનું સેવન કર્યાની 30 મિનિટ બાદ તમે ચાનું સેવન કરી શકો છો.
કબજિયાત
ચા અને ઈંડા એક એવું કોમ્બિનેશન છે, જે અનેક લોકો પસંદ હોય છે. આ કોમ્બિનેશનના કારણે કબજિયાતની સમસ્યા થઈ શકે છે અને શરીરમે ખૂબ જ નુકસાન થઈ શકે છે.
ત્વચા, વાળ અને નખની સમસ્યા
પ્રોટીનની ઊણપને કારણે ત્વચા, વાળ અને નખ પર અસર થઈ શકે છે. આ તમામ અંગ પ્રોટીનથી બનેલા હોય છે. આ કારણોસર જો શરીરમાં પ્રોટીનની ઊણપ સર્જાય તો ત્વચા પર લાલાશ પડવા લાગે, નખ તૂટવા લાગે છે, વાળ પતલા થઈ જાય છે અને વાળનો રંગ ફીકા થવા જેવી અનેક સમસ્યા થાય છે.
માંસપેશીઓને તકલીફ
શરીરમાં માંસપેશીઓ મોટાભાગે પ્રોટીનથી બનેલી હોય છે. જો તમારા શરીરમાં પ્રોટીનની ઊણપ છે, તો તમારી માંસપેશીઓમાં નબળાઈ આવી શકે છે. માંસપેશીઓ તકલીફ થાય તો તે શરીરમાં પ્રોટીન ના હોવાનો સંકેત આપે છે.
હાડકાં નબળા પડી શકે છે
શરીરને યોગ્ય માત્રામાં પ્રોટીન ના મળવાને કારણે હાડકા પણ નબળા પડી શકે છે. હાડકાને મજબૂત રાખવામાં પ્રોટીન મહત્વનો ભાગ ભજવે છે. પર્યાપ્ત માત્રામાં પ્રોટીન ના મળવાને કારણે હાડકા નબળા પડી શકે છે અને ફ્રેક્ચર થવાનું જોખમ રહે છે.
ઈન્ફેક્શનનું જોખમ વધી શકે છે
પ્રોટીનની ઊણપને કારણે રોગ પ્રતિકારક શક્તિ પર અસર થાય છે. ઈમ્યૂન પાવર નબળો પડી જવાથી શરીરની કોઈપણ પ્રકારના ઈન્ફેક્શન સામે લડવા માટે ક્ષમતા ઓછી થઈ શકે છે.

આ પણ વાંચો: કોલેસ્ટ્રોલ લેવલને કંટ્રોલ કરે છે આલ્કોહોલ? શું તમે પણ આ ગેરસમજનો શિકાર થયા છો? જાણો હકીકત
ફેટી લીવરનું જોખમ
ચા સાથે ઈંડા ખાવાથી શરીરમાં પ્રોટીનની ઊણપ થઈ શકે છે, જેના કારણે ફેટી લીવરનું જોખમ વધી શકે છે. જો તમે લીવર સહિત અન્ય અંગોને સ્વસ્થ અને મજબૂત બનાવવા ઈચ્છો છો, તો ચા સાથે બાફેલા ઈંડાનું સેવન ના કરવું જોઈએ.

જો સવારે ચા સાથે આ વસ્તુ ખાતા હોવ તો થઈ જાઓ સાવધાન! નહીં થશે ગંભીર નુકસાન

તાઇપે: અમેરિકી પ્રતિનિધિ સભાની અધ્યક્ષ નેન્સી પેલોસીની તાઇવાન યાત્રા બાદ ઊભા થયેલા વિવાદના બહાને ચીન તેની 'કેરિયર કિલર' મિસાઇલોના વધુ પરીક્ષણ કરવાની તૈયારીમાં છે. એક યુદ્ધ રણનીતિ નિષ્ણાંતે આ જાણકારી આપી છે. હેરી કાઝિયાનિસે કહ્યું કે, ચીનની DF21-D અને DF-26D (ડોંગ ફેંગ અથવા ઇસ્ટ વિંડ) એન્ટી-શિપ બેલિસ્ટિક મિસાઇલો સંભવિત રીતે અમેરિકી નૌસેના અને ખાસ કરીને તેના એરક્રાફ્ટ કેરિયરને 'ઘણું નુકસાન' પહોંચાડી શકે છે.

અમેરિકી મીડિયાની જાણકારી રાખનારા કાઝિયાનિસને રાષ્ટ્રીય સુરક્ષાના મુદ્દાઓ, ખાસ કરીને ચીનની સેનાના આધુનિકરણના નિષ્ણાત મનાય છે. 'દુષ્ટ રાજ્ય યોજના'ના અધ્યક્ષ કાઝિયનિસે હાલમાં જ ચેતવણી આપી હતી કે, પર્લ હાર્બલ પર વધુ એક હુમાલનું કારણ ચીન બની શકે છે. તેમનું માનવું છે કે, ચીનની વધતી શક્તિ તણાવનું કારણ બનશે. કેમ કે, તે પોતાની સરખામણીએ ઘટી રહેલા અમેરિકા સાથે સંઘર્ષ કરશે અને આનાથી ત્રીજું વિશ્વ યુદ્ધ શરૂ થઇ શકે છે.

આ પણ વાંચો: બાબા વેંગાએ 2022 માટે કરેલી 6 આગાહીઓમાંથી 2 સાચી પડી, જાણો શું કહ્યું છે તેમણે?

કાઝિયાનિસ વિચારે છે કે, ચીન વિરુદ્ધ તાઇવાનને બીજા વિશ્વ યુદ્ધ દરમિયાન ઉપયોગમાં લેવાયેલા હથિયારો સાથે લડવું પડશે અને એટલે જ તેણે રાષ્ટ્રને સેનાના આધુનિકરણ કરવાની હાકલ કરી છે. કાઝિયાનિસે 14 ઓગસ્ટે એક બ્રિટિશ ટેબ્લોઇડ એક્સપ્રેસને જણાવ્યું કે, ચીન પાસે ડોંગફેંગ મિસાઇલોની સંખ્યા એટલી વધારે છે કે અમેરિકી નૌસેના દ્વારા તે તમામને નષ્ટ કરવાની 'સંભાવના ઘણી ઓછી' છે.

પેલોસીની યાત્રા અંગે કાઝિયાનિસે કહ્યું કે, મને લાગે છે કે આપણે ઘણા વધુ મિસાઇલ પરીક્ષણો જોવા જઇ રહ્યા છે. તેમણે ચીન માટે DF21-D અને DF-26D મિસાઇલો વિશે જણાવ્યું હતું. આ મિસાઇલોને ઘણા નિષ્ણાતો 'કેરિયર કિલર મિસાઇલ' અથવા 'નેવી કિલર મિસાઇલ' કહે છે. તેમણે કહ્યું કે, આ મિસાઇલો ખાસ કરીને ચીનીઓ દ્વારા બનાવવામાં આવી હતી. આથી જો તાઇવાનને લઇને યુદ્ધની સ્થિતિ પેદા થાય અને અમેરિકી નૌસેના ચીનના તટથી 500 મીલ (805 કિલોમીટર)ના વિસ્તારમાં આવે છે તો તેમને ઘણું નુકસાન સહન કરવું પડશે.

વર્લ્ડ વોર 3ના ભણકારા! ભડકેલું ચીન 'કિલર' મિસાઇલોનું કરશે પરીક્ષણ

પરમ પૂજ્ય ગોસ્વામી 108 શ્રી દ્વારકેશલાલજી મહારાજ વડોદરાના રાજતિલક ગાદીપતિ છે. દ્વારકેશલાલજી મહારાજે વૈષ્ણવ ઈનરફેથ પુષ્ટીમાર્ગીય ઓર્ગેનાઈઝેશન (VIPO)ના સહ સ્થાપક છે. તેમનો જન્મ 1 ડિસેમ્બર, 1967ના રોજ થયો હતો. દ્વારકેશલાલજી મહારાજ શ્રી યદુનાથજીની 14 મી પેઢી છે. તેઓ વડોદરામાં મોહિની સ્વરૂપ શ્રી કલ્યાણરાયજીની રાજતિલકના રૂપમાં સેવા કરી રહ્યા છે.

જગદગુરુ શ્રીમદ વલ્લભાચાર્ય મહાપ્રભુજીએ વૈષ્ણવ ધાર્મિક વ્યવસ્થાની સ્થાપના કરી જેને પુષ્ટીમાર્ગ પણ કહેવામાં આવે છે. જગદગુરુ વલ્લભાચાર્યજીના બે પુત્ર હતા- શ્રી ગોપીનાથજી અને શ્રી વિઠ્ઠલનાથજી. શ્રી વિઠ્ઠલનાથજીને સાત પુત્રો હતા, જેમાં શ્રી યદુનાથજી તેમના છઠ્ઠ નંબરના પુત્ર હતા.

જો તેમના પરિવારની વાત કરવામાં આવે તો તેઓ નરેશ તૃતીયા ગૃહધિશ્વર પૂજ્ય પદ ગોસ્વામી 108 શ્રી વ્રજેશકુમારજી મહારાજના બીજા નંબરના પુત્ર છે. તેમની પત્નીનું નામ શ્રી જયતિ વાહુજિશ્રી છે અને તેમને બે પુત્ર અને એક પુત્રી પણ છે. તેમના પુત્રનું નામ શ્રી આશ્રયકુમારજી અને શ્રી શરણકુમારજી છે તથા પુત્રીનું નામ શ્રી સ્તુતિબેટીજી છે.

તેમણે વડોદરામાંથી પ્રાથમિક અને માધ્યમિક શિક્ષણ પ્રાપ્ત કર્યું છે તથા અનેક વિષયો પર કાયદા અને વ્યાકરણ પર સ્ટડી કરી છે. તેઓ સંસ્કૃત, અંગ્રેજી, હિન્દી, ગુજરાતી, વ્રજભાષા, મારવાડી અને ઊર્દુ ભાષાના જાણકારી છે. તેમણે મુંબઈમાંથી કમ્પ્યુટર વિષય પર પણ જ્ઞાન પ્રાપ્ત કર્યું છે. શિક્ષણની સાથે સાથે તેઓ સંગીત ક્ષેત્રે મૃદંગ વગાડવામાં અને ઠાકોરજી માટે આભૂષણ બનાવવામાં કુશળ છે. તેમણે ગુજરાતી, હિન્દી અને વ્રજ ભાષામાં અનેક કવિતાઓ તથા અનેક ધાર્મિક લેખ અને ગ્રંથની રચના પણ કરી છે.

વૈશ્વિક રીતે જોડાયેલ છે

તેઓ ભારતમાં ગુજરાત, ઉત્તરપ્રદેશ, રાજસ્થાન, મધ્ય પ્રદેશ, તેલંગાણા સહિત અમેરિકા, UKમાં રાજ-તિલક ગાદીપતિ છે. તેમજ સલાહકાર તરીકે સમગ્ર વિશ્વમાં વિભિન્ન ધાર્મિક પ્રતિષ્ઠાનોની સેવા કરી રહ્યા છે.

દ્વારકેશલાલજી મહારાજ પ્રસિદ્ધ પુષ્ટીમાર્ગીય પ્રચારક, ફિલોસોફર અને શિક્ષક છે. તેઓ દેશ-વિદેશમાં અનેક સામાજિક સંગઠનો સાથે સંકળાયેલા છે અને પોતાના વ્યાખ્યાનોથી અનેક વ્યક્તિઓને પ્રેરણા આપે છે. તેમણે વર્ષ 1990થી વૈશ્વિક રૂપે પુષ્ટી માર્ગના પ્રસારની શરૂઆત કરી. અત્યાર સુધીમાં તેમણે આફ્રિકા, સિંગાપોર, મલેશિયા, ઓસ્ટ્રેલિયા અને ન્યુઝીલેન્ડ જેવા દેશોની વિદેશ યાત્રા કરી છે.

હિંદુ સનાતન ધર્મ અને હિંદુ સંસ્કૃતિ અંગે યુવા વર્ગ અને પ્રવાસી ભારતીયોને પ્રેરિત કરવા માટે વર્ષ 1994માં આફ્રિકા દેશોમાં પ્રવાસ કર્યો. ન્યૂયોર્ક, ચાર્લોટ, ન્યૂ જર્સી, ઓરલેંડો અને શિકાગોમાં વ્યાખ્યાન આપીને યુવાઓમાં હિંદુ સંસ્કૃતિ તથા ધાર્મિક મૂલ્યોનું સિંચન કર્યું.

VIPO

VIPO નિ:સ્વાર્થ સેવા ભાવે કામ કરતી એક સંસ્થા છે. આ સંસ્થાની સ્થાપના વર્ષ ભારતમાં વર્ષ 1995માં ‘વૈષ્ણવ યુવા સંગઠન’ તરીકે કરવામાં આવી હતી. ત્યારબાદ આ સંસ્થા આંતરરાષ્ટ્રીય સ્તરે VIPO – Global તરીકે કાર્યરત થઈ. આ સંસ્થા જરૂરિયાતમંદ 200થી વધુ પરિવારને દર મહિને અનાજ પૂરું પાડે છે.

કેટલાક ખાસ પ્રસંગ

કાંકરોલીમાં 1 એપ્રિલ, 1976ના રોજ ચૈત્ર સુદ આઠમના દિવસે તેમના પિતા તૃતિય ગૃહધિશ્વર પૂજ્ય પદ ગોસ્વામીની હાજરીમાં તેમણે ગાયત્રી દીક્ષા લીધી હતી અને તેમના યજ્ઞોપવિત સંસ્કાર કરવામાં આવ્યા હતા.

વર્ષ 1982માં રાધા અષ્ટમીના દિવસે તેમને વલ્લભ વેદાંત આચાર્યની ઉપાધિ આપવામાં આવી.

ચૈત્ર વદ ત્રીજ એટલે કે, 16 એપ્રિલ 1987 ના રોજ સાત ગાદીપતિના છઠ્ઠા રૂપ તરીકે તેમનો અભિષેક કરવામાં આવ્યો અને તેમને ષષ્ઠ પીઠાધીશ્વરની ઉપાધિથી સમ્માનિત કરવામાં આવ્યા. તે સમયે તેઓ સૌથી નાની વયના યુવા ગાદી પતિ હતી. ઉપરાંત તેઓ પુષ્ટીમાર્ગમાં અત્યાર સુધીમાં સૌથી નાની વયે ગાદી પતિ બનનાર પહેલા ગાદી પતિ છે.

વર્ષ 1994 માં નરહરિ શતાબ્દી મહોત્સવે ષષ્ઠ પીઠાધીશ્વર દ્વારકેશ લાલજી મહારાજની એક વર્ષ માટે CEO તરીકે નિમણુંક કરી. CEOના કાર્યકાળ દરમિયાન વડોદરામાં અનેક મહોત્સવનું આયોજન કરવામાં આવ્યું.

સામાજિક ક્ષેત્રે યોગદાન

દ્વારકેશલાલજી મહારાજશ્રીએ નાની ઉંમરથી જ પોતાની પાસે જે કાંઈ હોય તેમાંથી જરૂરિયાતમંદને આપવામાં કદી પાછી પાની કરી નથી. વૈષ્ણવ સંપ્રદાયના યુવાઓમાં સાંસ્કૃતિક, સામાજિક, નૈતિક અને ધાર્મિક મૂલ્યો વિકસાવવા માટે તેમણે આંતરરાષ્ટ્રીય યુવા સંગઠનની સ્થાપના કરી. વડોદરામાં ખૂબ જ નજીવા દરે શૈક્ષણિક પ્રવૃત્તિઓ તથા ફિઝીયોથેરાપી, હોમિયોપેથી, ડેન્ટલ તથા અન્ય સેવાઓનો લાભ આપવા માટે ‘કલ્યાણ પ્રસાદ’ ની શરૂઆત કરી.

વર્ષ 2001માં ગુજરાતમાં ખૂબ જ ભારે ભૂકંપ આવ્યો હતો. ત્યારબાદ તેમણે ‘અમરાપુર’ ગામને દત્તક લીધું હતું. જ્યાં 180 નવા ઘરનું, આરોગ્ય કેન્દ્ર, કૂવાઓ, પોલીસ સ્ટેશન, કોર્ટ તથા પાણીની સુવિધાઓ ઊભી કરીને પુન:નિર્માણ કર્યું હતું અને ગામનું નામ બદલીને વલ્લભાચાર્ય કરી દેવામાં આવ્યું હતું.

તો 2003માં દ્રષ્ટીહીન અને દિવ્યાંગ વ્યક્તિઓ માટે મેગા ચિકિત્સા શિબિરનું આયોજન કરવામાં આવ્યું. જે બાદ વર્ષ 2004માં રાજસ્થાનમાં વૃદ્ધાશ્રમનું તથા પારણા ગૃહનું પણ નિર્માણ કર્યું.

રાજકીય નેતાઓ સાથે પણ છે સંબંધ

વર્ષ 2003માં ગુજરાતના પૂર્વ મુખ્યમંત્રી શ્રી નરેન્દ્ર મોદીની હાજરીમાં વડોદરામાં ગુજરાત ગૌરવ દિવસની ઊજવણી કરવામાં આવી હતી. સાથે જ અમદાવાદમાં કલ્યાણ પુષ્ટી હવેલીમાં પ્રાણ પ્રતિષ્ઠા મહોત્સવમાં પણ પૂર્વ મુખ્યમંત્રી નરેન્દ્ર મોદી હાજર રહ્યા હતા.

વર્ષ 2004માં રાજસ્થાનના પૂર્વ મુખ્યમંત્રી વસુંધરા રાજેની હાજરીમાં ઝાલારા પાટણ રાજસ્થાનમાં દ્વારકાધીશના ઐતિહાસિક મંદિરમાં શ્રીમદ ભાગવત સપ્તાહ યોજવામાં આવી હતી.

વર્ષ 2018માં અમદાવાદમાં VIPO દ્વારા યોજાયેલ ક્રિષ્ના પંચામૃત મહોત્સવમાં કેન્દ્રીય ગૃહમંત્રી અમિત શાહ હાજર રહ્યા હતા. જેમાં ગૃહમંત્રી અમિત શાહે જણાવ્યું હતું કે, જગદગુરુ શ્રીમદ વલ્લભાચાર્ય મહાપ્રભુજીના પ્રત્યક્ષ વંશજ, પુષ્ટી ભક્તિ માર્ગના સંસ્થાપક અને હિંદુ ધર્મના મહાન આચાર્યોમાંથી એક છે. તેમણે કહ્યું હતું કે, વલ્લભાચાર્યજીના કારણે હિંદુત્વને વધુ પ્રોત્સાહન મળ્યું છે. ઉલ્લેખનીય છે કે, અમિત શાહ પણ હિન્દૂ વૈષ્ણવ સમાજમાંથી આવે છે. આ પ્રસંગે રાજેન્દ્ર ત્રિવેદી સહિત ભાજપ નેતાઓએ ગોસ્વામી 108 શ્રી દ્વારકેશલાલજી મહારાજના આશીર્વાદ મેળવ્યા હતા.

તાજેતરમાં જ રાવપુરા વિધાનસભા મહિલા મોરચા દ્વારા રક્ત દાન શિબિર યોજાઈ હતી. જેમાં ભાજપ નેતાઓ સહિત વૈષ્ણવ સંપ્રદાયનાં આચાર્ય પૂજ્ય શ્રી દ્વારકેશ લાલજી મહારાજ હાજર રહ્યા હતા.

ગુજરાત વિધાનસભા ચૂંટણી 2022 અંગે મહત્વના સમાચાર જાણવા નીચે આપેલી બેઠકોના નામ ઉપર કરો ક્લિક

| મહેમદાબાદ | વિસનગર  | મહેસાણા  | વડગામ  | અંજાર  |  વાવ  | દાહોદ  | દ્વારકા  |  વિજાપુર  | વલસાડ | સિધ્ધપુર  | ઘાટલોડિયા  | કડી  |  બાપુનગર  |  અમરેલી  |  સુરત પશ્વિમ  |  જસદણ  |  રાજકોટ દક્ષિણ  | નડિયાદ | | સોજિત્રા |  ખંભાત | ગઢડા  | બોરસદ |  આંકલાવ | આણંદ | ઉમરેઠ | માતર | પેટલાદ |   મહુધા  | કપડવંજ | ઠાસરા | કોડીનાર  | લાઠી  | સાવરકુંડલા |  ગારિયાધાર  | મહુવા |  પાલિતાણા | ઓલપાડ | ઉમરગામ|ચોર્યાસી|  વાઘોડિયા | ભાવનગર ગ્રામ્ય | પાદરા | કરજણ | છોટાઉદેપુર | સંખેડા | ડભોઈ | નાંદોદ | ભાવનગર પૂર્વ | જંબુસર | રાવપુુરા | વાઘરા |સાવલી | દેવગઢબારિયા | ઝાલોદ |હાલોલ | બાલાસિનોર | વાંસદા | નિઝર | ગણદેવી | ધરમપુર | વ્યારા | પારડી | લીમખેડા | સંતરામપુરા |  મહુવા એસટી | માંગરોળ એસટી | જલાલપોર | રાજુલા | ગરબાડા | વરાછા | વટવા | કામરેજ | ધંધૂકા | ભુજ | ગોધરા | પાવી | જેતપુર | વડોદરા  | કાલોલ | દેદિયાપાડા  | અંકલેશ્વર | ડાંગ| 

&amp;nbsp;

દ્વારકેશ લાલજી મહારાજની સામાજિક સફર, જેમને વિશ્વમાં ફેલાવ્યા વૈષ્ણવ સંપ્રદાયના મૂળ

Rainfall in Sabarkantha: સાંબરકાંઠા જિલ્લામાં મેઘ તાંડવ, હિંમતનગરનું હુંજ ગામ બેટમાં ફેરવાયું, હાથીમતી નદી ઓવરફ્લો

અમદાવાદ

સુરત

વડોદરા

રાજકોટ

ગાંધીનગર

ભાવનગર

જામનગર

જુનાગઢ

કચ્છ - ભુજ

મહેસાણા

પંચમહાલ

આણંદ

વલસાડ

સાબરકાંઠા

બનાસકાંઠા

અમરેલી

સુરેન્દ્રનગર

પોરબંદર

ભરૂચ

સાંબરકાંઠા જિલ્લામાં મેઘ તાંડવ, હિંમતનગરનું હુંજ ગામ બેટમાં ફેરવાયું, હાથીમતી નદી ઓવરફ્લો

નર્મદા ડેમના 23 દરવાજા ખોલાયા, ડેમમાંથી 4.95 લાખ ક્યુસેક પાણી છોડાયું

સૈફ અલી ખાને પરિવારની સાથે ધામધૂમથી બર્થ ડે સેલિબ્રેટ કર્યો, જુઓ ફોટોઝ

રાજકોટમાં રુવાંટા ઉભો કરી દે તેવો હત્યાનો કિસ્સો, દીકરી સાથે પ્રેમલગ્ન કરનાર યુવકની હત્યા

જો સવારે ચા સાથે આ વસ્તુ ખાતા હોવ તો થઈ જાઓ સાવધાન!

GE: વિશ્વમાં વૈષ્ણવ સંપ્રદાયને ફેલાવનાર દ્વારકેશ લાલજી મહારાજની સામાજિક સફર રાજકીય મહત્વ

Asia Cup : ભારત અને પાકિસ્તાન વચ્ચે થશે ફરી મુકાબલો, એશિયા કપનું શિડ્યુલ જાહેર

અમદાવાદી ક્રિકેટ પ્રેમીઓમાં જોરદાર જુસ્સો, 'ભારત જીતશે, પાકિસ્તાનીઓ ફરી ટીવી ફોડશે'

પાકિસ્તાનમાં પરિસ્થિતિ તંગ? ઇમરાન ખાને India-Pak મેચ જોવા ગયેલા ગૃહમંત્રીને પરત બોલાવ્યા

ઓવૈસીએ ભારત-પાક મેચનો કર્યો વિરોધ, કહ્યું- 9 સૈનિકો માર્યા ગયા, આપ T-20 રમશો?

ભારત-પાક મેચ પહેલા આવ્યો નવો Video,સોશિયલ મીડિયા પર ધૂમ

WORLD CUP 2019: ભારત-પાકિસ્તાન મેચ માટે 25 હજાર ટિકિટોના 4 લાખ દાવેદાર