વીમાની (Insurance)રકમ માટે પતિએ પત્નીની હત્યા (Murder)કરી દેવાનો મામલો સામે આવ્યો છે. વીમાની રકમથી પોતાના પર ચડી ગયેલું દેવું ઉતારી શકાય તે માટે પતિએ પત્નીની હત્યા (husband murder wife)કરાવી નાખી છે. ખાસ વાત એ છે કે પત્નીની હત્યા પહેલા પતિએ જ પત્નીનો 35 લાખ રૂપિયાનો વીમો કરાવ્યો હતો.

આ ઘટના મધ્ય પ્રદેશના રાજગઢ જિલ્લામાં સામે આવી છે. રાજગઢ જિલ્લાના એડિશનલ એસપી મનકામના પ્રસાદના મતે 26 જુલાઇની રાત્રે ભોપાલ રોડ સ્થિત માના જોડ ગામ પાસે મહિલા પૂજા મીણા (27)ની તે સમયે હત્યા કરી દેવામાં આવી હતી જ્યારે તે બાઇક પર પોતાના પતિ બદ્રીપ્રસાદ મીણા સાથે બેસીને જઇ રહી હતી.
પોલીસે શરુ કરી તપાસ
પતિએ પોલીસને જણાવ્યું કે તેણે ચાર લોકો પાસે પૈસા લીધેલા હતા. તે પરત કરવા માટે સતત દબાણ કરતા હતા. પોતાની પત્ની સાથે બાઇક પર નેશનલ હાઇવેથી પસાર થઇ રહ્યો હતો તો ચાર લોકોએ હુમલો કર્યો હતો. દરમિયાન પત્ની વચ્ચે બચાવવા આવી તો આરોપીઓએ તેને ગોળી મારીને ફરાર થઇ ગયા હતા. પોલીસે મહિલાના પતિના નિવેદનના આધારે તપાસ શરુ કરી હતી.

આ પણ વાંચો - રક્ષાબંધન પહેલા સગી બહેનોએ સોપારી આપી ભાઇની કરી હત્યા, કારણ જાણી ચોકી જશો

આ દરમિયાન માહિતી સામે આવી કે પત્નીનો થોડા દિવસો પહેલા જ વીમો કરાવ્યો હતો. જે પછી તપાસ તે દિશામાં શરૂ કરી હતી. આ પછી હત્યા મામલે પતિની જ ધરપકડ કરવામાં આવી હતી. પોલીસે મૃતક મહિલાના પતિની કોલ ડિટેલ કાઢી તો જાણ થઇ કે એક જ નંબર પતિ છેલ્લા કેટલાક દિવસોથી વાત કરતો હતો. તે નંબર ઘટનાવાળી રાત્રે ઘટનાસ્થળ પર હતો. આ પછી પોલીસે પતિની પૂછપરછ કરી તો તેણે પોતાનો ગુનો કબુલી લીધો હતો.
ઇન્ટરનેટ પર વીડિયો જોઇને પત્નીને હત્યાનો પ્લાન બનાવ્યો
એડિશનલ એસપી મનકામના પ્રસાદે જણાવ્યું કે મૃતકાના પતિએ ગુનો કબુલી લીધો છે. આરોપીએ જણાવ્યું કે તેના ઉપર 50 લાખ રૂપિયાનું દેવું હતું. તેણે દેવું ઉતારવા માટે પહેલા પત્નીનો 35 લાખ રૂપિયાનો દુર્ઘટના વીમો કરાવ્યો અને પછી ઇન્ટરનેટ પર વીડિયો જોઇને પત્નીને હત્યાનો પ્લાન બનાવ્યો હતો. 5 લાખ રૂપિયામાં પત્નીની હત્યાની સોપારી આપી હતી. એક લાખ રૂપિયા એડવાન્સ આપ્યા હતા અને કહ્યું હતું કે બીજા પૈસા વીમાની રકમ આવ્યા પછી આપશે.

35 લાખ રૂપિયા વીમાની રકમ માટે પતિએ પત્નીની કરાવી હત્યા, 5 લાખમાં આપી હતી સોપારી

અમદાવાદ: શહેરમાં રહેતા એક યુવકે આપઘાત (Suicide) કરી લેતા તેના પિતાએ મૃતકની પત્ની, સાસુ સસરા અને સાળા તથા સાળી સામે દુષ્પ્રેરણાની ફરિયાદ (Abetment to suicide complaint) નોધાવતા પોલીસે તપાસ શરૂ કરી છે. મૃતકને તેની પત્ની માતાપિતા કે અન્ય પરિવારજનોને ફોન ન કરવા દેતા યુવક નોકરીએ જતો હતો ત્યારે છૂપાઈને ઘરના લોકો સાથે વાતચીત કરતો હતો. આટલું જ નહીં સાસરિયાઓ મકાનના પૈસા માંગી ત્રાસ આપતા યુવકે મોતને વ્હાલું કર્યું હતું.

હરિયાણામાં રહેતા વાસદેવ શર્મા (Vasbhai Sharma) રેલવેમાંથી નિવૃત્ત થયા બાદ નિવૃત્ત જીવન ગુજારે છે. તેઓને સંતાનમાં ત્રણ દીકરા તથા બે દીકરીઓ છે. જેમાં એક દીકરો વિપન (Vipan Sharma)ના લગ્ન વર્ષ 2013માં રશ્મી નામની યુવતી સાથે થયા હતા. વર્ષ 2014થી વિપન તેની પત્ની સાથે નારોલ ખાતે રહેવા આવ્યો હતો અને કાપડની ફેક્ટરીમાં સુપરવાઇઝરની નોકરી કરતો હતો.

વિપન લગ્ન બાદ તેના પરિવારજનો સાથે ફોન પર વાત કરતો હતો. પરંતુ સમય જતાં તેની પત્નીએ પરિવારજનો સાથે વાતચીત કરવાની ના પાડતા વિપન નોકરી ઉપર જાય ત્યારે પત્નીથી છૂપાઈને પરિવારજનો સાથે વાતચીત કરતો હતો. વિપનનો સાળો પણ તેની સાથે રહેતો હતો. થોડા સમયથી તેને અલગ મકાન લઈને રહેવાનું કહેતા વિપનના સાસુ-સસરા તથા સાળી તેના ઘરે આવીને રોકાયા હતા.

આ પણ વાંચો:  'મારા પરિવારની સલામતી માટે મેં આ પગલું ભર્યું છે'
સાસરિયાના લોકો કરતા હતા પરેશાન
ગત જુલાઈ મહિનામાં વાસદેવભાઈ દિલ્હી ખાતે હાજર હતા તે દરમિયાન વહેલી સવારે કૌટુંબિક ભાઈ દિલ્હી ખાતે આવ્યા હતા અને તે દરમિયાન તેઓને જાણવા મળ્યું કે વિપનની તબિયત ખરાબ થતા તેને એલજી હોસ્પિટલમાં લઈ ગયા છે. જ્યાં ડોક્ટરે સારવાર દરમિયાન તેને મૃત જાહેર કર્યો છે. જેથી તેઓ દિલ્હીથી ફ્લાઇટ મારફતે અમદાવાદ આવી ગયા હતા. બાદમાં અંતિમવિધિ કરી હતી. તે દરમિયાન સગા સંબંધીઓની વાતચીતથી જાણવા મળ્યું કે વિપનને તેની સાસુ-સસરા સાળો અને સાળી ભેગા થઈ મકાન લેવાનું હોવાથી જબરજસ્તીથી પૈસાની માંગણી કરતા હતા અને પૈસા બાબતે તેને હેરાન પરેશાન કરતા હતા.

આ પણ વાંચો: રાજ્યમાં વરસાદના પળેપળના સમાચાર વાંચવા ક્લિક કરો
અનાજમાં નાખવાની ગોળીઓ ગળી આપઘાત
વિપનની પત્ની પણ વિપનને પરિવારજનો સાથે વાતચીત ન કરવા દબાણ કરી માનસિક ત્રાસ આપી મરી જવા મજબૂર કરતા વિપને પોતાના મકાનમાં રૂમ બંધ કરી અનાજમાં નાખવાની ગોળીઓ ખાઈ આપઘાત કર્યો હતો. જેથી સમગ્ર બાબતને લઈને વીપનના પિતાએ પાંચ લોકો સામે ફરિયાદ આપતા નારોલ પોલીસે મૃતકના પિતાની ફરિયાદ દાખલ કરી તપાસ શરૂ કરી છે.

અમદાવાદની માથાભારે પત્ની! પતિને માતાપિતા સાથે ફોન પર વાત કરવાની મનાઈ ફરમાવી; કંટાળેલા યુવકનો આપઘાત

Parth patel, Ahmedabad: શ્રાવણ મહિનો ભગવાન ભોળા નાથનો મહિના ગણાય છે.શ્રાવણ મહિનામાં ભગવાન શિવની આરાધના કરવાથી ભગવાન શિવની ભક્તો પર વિશેષ મહિમાં વર્ષે છે.શ્રાવણ મહિનામાં ભક્તો પોતાના વ્રત પ્રમાણે શિવની (Shiv) પૂજા કરે છે. કેટલાક પંચામૃતથી (Panchamrit) અભિષેક કરી રહ્યા છે. તો કેટલાક અંશ અને ધતુરાથી ભગવાનની ભક્તિમાં મગ્ન છે. આ બધાની વચ્ચે સાવન મહિનામાં દેશ શિવની ભક્તિમાં ડૂબી જાય છે. પરંતુ આ વખતે સાવનનો મહિનો ભક્તો માટે ખાસ છે. જ્યાં ઈન્દ્રદેવ (Indradev) વરસાદ વરસાવી કૃપા કરી રહ્યા છે. આવી સ્થિતિમાં ઘાટલોડિયામાં શિવભક્તોએ 51,000 પંચમુખી રુદ્રાક્ષમાંથી (Panchmukhi Rudraksha) અદ્ભુત શિવલિંગ બનાવ્યા છે.

51,000 રુદ્રાક્ષમાંથી બનાવેલા છે પંચમુખી મહા શિવલિંગ

અમદાવાદના (Ahmedabad) ઘાટલોડિયા વિસ્તારમાં 51,000 રુદ્રાક્ષમાંથી બનાવેલા પંચમુખી મહા શિવલિંગની સ્થાપના કરવામાં આવી છે. ઘાટલોડિયામાં આ સૌપ્રથમ શિવલિંગ (Shivling) હશે જે પંચમુખી રુદ્રાક્ષમાંથી બનાવવામાં આવ્યું છે. આ શિવલિંગ બનાવવા માટે 51,000 પંચમુખી રુદ્રાક્ષનો ઉપયોગ કરવામાં આવ્યો છે. આ અનોખા શિવલિંગને જોવા અને જલાભિષેક (Jalabishek) કરવા માટે લોકોની ભારે ભીડ ઉમટી રહી છે. ત્યારથી આ શિવલિંગ ચર્ચાનો વિષય બની રહ્યું છે.

7 ભૂદેવોએ 7 દિવસની મહેનતથી આ મહા શિવલિંગ બનાવ્યું

શાસ્ત્રી શ્રી આશિષભાઈ દવેએ પંચમુખી મહાદેવના (Mahadev) પ્રાંગણમાં આ શિવલિંગનું આયોજન કર્યું છે. તેને બનાવવા માટે 7 ભૂદેવો (Bhudev) એ 7 દિવસની મહેનતથી આ મહા શિવલિંગ બનાવ્યું છે. તેમની સાથે વાત કરતા જાણવા મળ્યું કે તેઓ દર વર્ષે પંચમુખી રુદ્રાક્ષમાંથી આ પ્રકારના મહા શિવલિંગ અલગ અલગ જગ્યાએ બનાવે છે. આ બનાવવાનો હેતુ લોકોની ભગવાન મહાદેવ પ્રત્યેની આસ્થા જાળવી રાખવાનો અને શ્રાવણ (Shravan) મહિનામાં અનોખા શિવલિંગ બનાવી તેની ભક્તિ કરવાનો છે.

આ પણ વાંચો : GTUના પ્રોફેસરે પ્લાસ્ટિક બાબતે કર્યું આવુ સંશોધન: તેમના સંશોધન વિશે દરેકે જાણવું જરૂરી

દરેક ભક્તોને પ્રસાદરૂપે પંચમુખી રુદ્રાક્ષ આપવામાં આવશે

આ ઉપરાંત તેમણે જણાવ્યું કે આ પંચમુખી રુદ્રાક્ષમાંથી બનાવેલા શિવલિંગ પર રૂદ્રાભિષેક (Rudrabhishek) કરવા દરરોજ 200થી વધુ લોકો આવે છે. શ્રદ્ધાળુઓ મનની શાંતિ અને કલ્યાણ માટે ભગવાન શંકરને (Shankar) જળ અર્પણ કરે છે. સવાર-સાંજ તેની આરતીનો લાભ લઈને લોકો પોતાને ભાગ્યશાળી માની રહ્યા છે. શ્રાવણ માસના અંતે પંચમુખી રુદ્રાક્ષમાંથી બનાવેલા શિવલિંગનું વિસર્જન (Dissolution) કરી દરેક ભક્તોને પ્રસાદરૂપે પંચમુખી રુદ્રાક્ષ આપવામાં આવશે.

પંચમુખી રુદ્રાક્ષના લાભ

પંચમુખી માળા (Mala) અથવા પંચમુખી રુદ્રાક્ષ દરેક વ્યક્તિ માટે સલામત અને સારી છે. તે સામાન્ય સુખાકારી, આરોગ્ય અને સ્વતંત્રતા માટે છે. તે તમારું બ્લડ પ્રેશર (BP) ઘટાડે છે. તમારી ચેતાને શાંત કરે છે અને તમારી નર્વસ સિસ્ટમમાં ચોક્કસ શાંતિ અને સતર્કતા લાવે છે.

પંચમુખી રુદ્રાક્ષના સામાન્ય લાભ

પહેરનારને સ્વાસ્થ્ય અને શાંતિ (Santi) મેળવવામાં મદદ કરે છે.

મનને પરિવર્તન કરવામાં મદદ કરે છે અને સકારાત્મક ઉર્જા લાવે છે.

સારા નસીબ (Luck) લાવે છે અને મનને શાંતિ આપે છે.

પંચમુખી રુદ્રાક્ષના આધ્યાત્મિક લાભ

ગુરુ ગ્રહના અશુભ પ્રભાવોને શાંત કરે છે.

આધ્યાત્મિકતા, શાંતિ, સારા સ્વાસ્થ્ય અને માનસિક શક્તિમાં (Shakti) વધારો કરે છે.

&amp;nbsp;

આ પણ વાંચો :ગર્ભાશયનું ટ્રાન્સપ્લાન્ટ થશે આ રીતે! ડોક્ટરે કહ્યું આવું

&amp;nbsp;

પંચમુખી રુદ્રાક્ષના આરોગ્ય લાભ

સ્થૂળતા, હૃદયની સમસ્યાઓ, બ્લડ પ્રેશર, માનસિક વિકલાંગતા, તાણ, ગુસ્સાનું સંચાલન, ન્યુરોટિક, ખોડખાંપણની સમસ્યાઓ, ડાયાબિટીસ અને પાઈલ્સ વગેરેથી પીડાતા લોકોના રોગ (Disease) મટાડે છે.

પગ, લીવર, આંખો, અસ્થિ મજ્જા, કિડની વગેરે જેવી સમસ્યાઓ મટાડે છે.

સુગર લેવલ અને વધારાની ચરબી (Fat) ઘટાડે છે.

આરતીનો સમય

સવારે 6.00 વાગ્યે મંગળા આરતી

સવારે 9.00 વાગ્યે આરતી

સાંજે 7.00 વાગ્યે સંધ્યા આરતી

Ahmedabad:  અહી 51,000 પંચમુખી રુદ્રાક્ષમાંથી બનાવામાં આવ્યું છે મહા શિવલિંગ; દર્શન માત્રથી જ થાય છે દૂ:ખ દૂર

ગૌતમ સેન : દિલ્હી વિધાનસભાની ચૂંટણી (Delhi Assembly election)દરમિયાન આમ આદમી પાર્ટી (Aam Aadmi Party)એ મતદાતાઓને આકર્ષવા માટે વીજળી સહિતની કેટલીક સુવિધાઓ વિનામૂલ્યે આપવાનું વચન આપ્યું હતું. આ વચન પાળ્યું પણ છે. પણ હવે મતદારોને મફતમાં લ્હાણી કરવાના વચનોનો મુદ્દો કોર્ટમાં ગયો છે. જોકે, આ બાબત સંસદ અને ચૂંટણી પક્ષ સાથે વધુ ગાઢ સંકળાયેલી હોવાથી કોર્ટમાં તેનો ઉકેલ આવે તેવી શક્યતા ઓછી છે.

રસપ્રદ રીતે સરકાર પોતે આ માટે ઉત્સુક છે અને તેણે ચૂંટણી પંચને તેનો ઉકેલ લાવે તેવું સૂચન કર્યું હતું. મતદારોને વિનામૂલ્યે લ્હાણીની બાબતો માત્ર લાંચ-રુશ્વત વિશે જ નથી, પરંતુ તે ભારતીય રાજકારણના હાર્દના મુદ્દાને વ્યક્ત કરે છે. ફ્રીબીઝ એટલે કે વિનામૂલ્યે લ્હાણીનો મુદ્દો માત્ર ભારત પૂરતો સીમિત કે આજકાલનો નથી. તે આંતરરાષ્ટ્રીય અને ઐતિહાસિક રાજકીય તથા આર્થિક બાબતે રસપ્રદ જટિલ બૌદ્ધિક મુદ્દો છે.

ઈ.સ. પહેલી સદીમાં વિનાશક આગને કારણે રોમના એક શહેરનો નાશ થયો હતો. તે સમયે સમ્રાટ નીરોએ રોમન લોકોને નિઃશુલ્ક અનાજ વહેંચી દીધું હતું, જોકે તેણે બાકીના રોમન સામ્રાજ્યને લૂંટ્યું હતું અને લૂંટનો એક ભાગ પોતાના માટે પણ રાખ્યો હતો. આ રીતે વિનામૂલ્યે વહેંચણીમાં વિતરણકારો પણ તેમાંથી લાભ મેળવે છે. ત્યારે આવી વિનામૂલ્યે વહેંચણીનો બોજ કોના પર આવે છે તે મોટો પ્રશ્ન છે.

લોકોને વિનામૂલ્યે વહેંચણી એક પ્રકારનું સબસિડીકરણ છે. એક રીતે જોઈએ તો દિલ્હીમાં મફત પરિવહન, વીજળી અને પાણી પુરવઠાનો ખર્ચ દેશના MSP અને ખાતર સબસિડીનો એક ભાગ હતો. આવી સેવાઓ સંપૂર્ણપણે મફત નથી, તેમાં ગ્રાન્ટના પાસાનો સમાવેશ થાય છે.

મફતમાં થતી લ્હાણીનો ભાર કોના પર આવે છે અને અંતે તેના શું પરિણામ આવે છે તે પ્રશ્નો અવારનવાર ઉઠતા હોય છે. સામાન્ય રીતે આવા મફત વહેંચણીના પ્રોગ્રામનો ખર્ચ ઘણા રાજ્યોમાં મોટો મુદ્દો બની રહ્યો છે. આવા પ્રોગ્રામના કારણે પંજાબ, પશ્ચિમ બંગાળ અને આંધ્રપ્રદેશ પર નાદારીનો ભય તોળાઈ રહ્યો છે અને અન્ય રાજ્યોમાં ગંભીર અંદાજપત્રીય કટોકટીનો સંકેત પણ આપે છે હાલની સ્થિતિએ જોઈએ તો પંજાબની સમસ્યા મોટી છે. પંજાબમાં વીજળીની સબસિડી અને સરકારી તિજોરી પરનો તેનો વધતો જતો ખર્ચ કુલ આવકના 16 ટકા કરતાંયે વધારે છે. આવા મહેસૂલી ખર્ચ લાંબા ગાળાના વિકાસ માટે જરૂરી નાણાંની ફાળવણીમાં ગાબડું પાડે છે.

આ બાબતો ઉદ્યોગ પર નકારાત્મક અસર કરે છે. પંજાબમાં આ એક મુદ્દો છે. ઔદ્યોગિક વપરાશકારો માટે ત્યાં પ્રતિ યુનિટ વીજળીના દર તમિલનાડુ જેવા જ છે. એટલે કે ગુજરાત કરતા લગભગ 50 ટકા વધારે છે. બંને રાજ્યોમાં ઘરેલું વપરાશકર્તાઓને સબસિડી આપવાની નીતિને કારણે પંજાબ અને તમિલનાડુ બંને ડિસ્કોમ્સ પર મોટું દેવું છે.

નિઃશુલ્ક સેવાઓ અને સબસિડીઓ અંદાજપત્રીય ફાળવણીને અસર કરે છે અને સૌથી વધુ સમસ્યારૂપ બાબત એ છે કે ભવિષ્યના વિકાસ માટે આજના મૂડી રોકાણનું બલિદાન આપવામાં આવે છે. આવા રોકણ સ્પર્ધાત્મક વિશ્વમાં ભારતને સશક્ત બનાવવા જરૂરી હોય છે. પડોશી હરીફ ચીનના સ્તર સુધી પહોંચવા, 10 ટ્રિલિયન ડોલરના બેન્ચમાર્ક સુધી ભારતે પહોંચવું હોય તો આવા મૂડીરોકાણ જરૂરી બાબત છે.

આ પણ વાંચો - શું ભારતના આ પાડોશી દેશમાં પણ શ્રીલંકા જેવું સંકટ છે? પેટ્રોલના ભાવમાં 51.7 ટકાનો વધારો

રાજકીય રીતે વધુ ધગધગતો મુદ્દો ક્રોસ-સબસિડીનો છે. કેટલાક રાજ્યો આડેધડ મફત સેવાઓ અને સબસિડીઓ ફાળવે છે. જેના કારણે તે નાદાર થઈ શકે તેવો ભય તો છે જ આ સાથે આ રાજ્યોને મુશ્કેલીમાંથી બહાર કાઢવા વધુ ફંડ આપવું પડશે જેના કારણે રાજ્યો-રાજ્યો વચ્ચે વિભાજનકારી નારાજગી પેદા થવાની સંભાવના છે

મફતમાં આપવાનું ચલણ અને સબસિડી સાર્વત્રિક હોય છે. બ્રિટનમાં તે નેશનલ હેલ્થ સર્વિસના નામે છે. આ સાથે મોટાભાગના વિકસિત દેશોમાં બેરોજગારો અને અપંગોને કલ્યાણકારી લાભો અપાય છે. જોકે, દરેક કિસ્સામાં આવી યોજનાના ભંડોળ પૂરું પાડવું એ મોટો મુદ્દો છે. એક તરફ મર્યાદિત બજેટના સંસાધનો મર્યાદિત હોય છે. ત્યારે તેના વૈકલ્પિક ઉપયોગો વચ્ચે મુશ્કેલ પસંદગીઓ કરવી પડે છે.

મફત ફાળવણીના કિસ્સામાં કેટલાક મુદ્દાઓ ભારતની જેમ અન્ય ગરીબ દેશોમાં પણ ચિંતાનું કારણ છે. ઓછામાં ઓછા 300 યુનિટ મફત વીજળીની ભેટ આપવી એ નૈતિક રીતે નિંદનીય નથી. પણ, તેનો અર્થ એ છે કે વર્તમાન સમયે સબસિડી પાછળ મોટા ખર્ચના કારણે ભવિષ્યનું બલિદાન આપવું. જો કે રાજકારણીઓ ભાગ્યે આ વાતની કાળજી લેતા હોય છે.

હાલની સ્થિતિમાં ગરીબો જીવનનિર્વાહ માટે સંઘર્ષ કરી રહ્યા છે. ખોરાક અને રહેવા માટે પૂરતી સુવિધા નથી. ત્યારે ખોરાક અને રહેઠાણની બાબતો વીજળી અને ઊર્જા પુરવઠા માટેની તેમની આવશ્યક જરૂરિયાતથી પણ વધારે મહત્વપૂર્ણ છે. જેથી તેમની સામે ભાવિ ફાયદાઓ વિશે સમજાવવા માટે દલીલ કરવી ખૂબ મુશ્કેલ છે.

અંતમાં બેદરકાર રાજકારણીઓ પોતાના રાજકીય હિતોને આગળ વધારવા માટે આવા વચનો આપશે જ. 'આપ' એ બતાવ્યું છે કે તે ચૂંટણી જીતવા માટેનું આ અસરકારક સાધન બની શકે છે. ગંભીર જોખમ એ છે કે, ભારતના દુશ્મનો દ્વારા મદદ મેળવતા કેટલાક વિશ્વાસઘાતી રાજકારણીઓ ભારતની અંદરની રાજકીય સત્તાને કબજે કરવામાં આવા મફતની વસ્તુઓનો વાયદાનો ઉપયોગ કરી શકે છે. તેઓ રાષ્ટ્ર હિતને નબળું પાડી શકે છે. જેના જોખમોને 2008માં ભારતીય કોંગ્રેસ અને ચાઇનીઝ કમ્યુનિસ્ટ પાર્ટીના એમઓયુ અને દેશની ચૂંટણીઓમાં વિદેશી હસ્તક્ષેપ તરીકે જોયા જ છે.

મફતમાં સેવાઓ આપવાના વચનો સામે કાયદો બનાવવો ઉપયોગી હોઈ શકે છે. પણ તે રાજકીય રીતે અસંભવિત અને બંધારણીય રીતે અસમર્થનીય હશે. કારણ કે દરેક જગ્યાએ અસંખ્ય કાયદેસર યોજનાઓ દ્વારા ગરીબોને લાભ પુરા પાડવામાં આવે છે. એક લિમિટ પછી ઋણ માટે રાજ્યોને મંજૂરી આપવી એ પણ સમસ્યા સર્જી શકે છે, તેની સ્પષ્ટ નીતિ માર્ગદર્શિકા પહેલેથી અસ્તિત્વમાં છે.

જો મફત ચીજવસ્તીઓ અને સબસિડીના વિતરણમાં કેટલીક તર્કસંગતતા લાવવી હોય, તો ભારતીય રાજકારણીઓએ સૌ પ્રથમ મતદારો સાથે તેમની વિશ્વસનીયતા સુધારવાની જરૂર પડશે. તેઓને ગેરરીતિ અને ભ્રષ્ટાચારને કારણે ભારતીય રાજનીતિમાં દેખીતી રીતે પ્રવતતી અવિશ્વાસની સ્થિતિ પર કામ કરવાની જરૂર પડશે. લોકોના વિચાર બદલવાનું કામ રાજકારણીઓએ જ કરવું પડશે.

નરેન્દ્ર મોદીએ ગુજરાતમાં કરી બતાવ્યા પ્રમાણે નાગરિકોનું વર્તન બદલવું શક્ય છે. જેમ કે 24 કલાકના અવિરત વીજ પુરવઠાના બદલામાં મતદારોને વીજ ચોરી ન કરવા માટે સમજાવવામાં આવ્યા હતા. આ જ મતદારોએ તાજેતરમાં ગુજરાતમાં વોટ જીતવા માટે AAPની મફત વીજળીની લાંચની ઓફરોને ફગાવી દીધી હતી. ભારતમાં એક દિવસ લોકો ઓફર થતી લાલચ પ્રત્યે જાતે જ સંયમ રાખે તેવી આશા રાખી શકાય, જોકે, કદાચ તે પહેલા ભારતે સમૃદ્ધ થવાના અને $10 ટ્રિલિયન જીડીપીના ધ્યેયને પાર પાડવાની જરૂર છે.

(લેખકે લંડન સ્કૂલ ઓફ ઇકોનોમિક્સ એન્ડ પોલિટિકલ સાયન્સમાં બે દાયકાથી વધુ સમય સુધી આંતરરાષ્ટ્રીય રાજકીય અર્થવ્યવસ્થાનું શિક્ષણ આપ્યું છે. આ લેખમાં વ્યક્ત કરેલા મંતવ્યો લેખકના છે અને તે આ પ્રકાશનના વલણને રજૂ કરતા નથી.)

OPINION: વીજળી સહિતના મફતમાં આપવાના વચનો ભારતને આર્થિક રીતે કઈ રીતે નુકસાન પહોંચાડે છે?

GSBTM Recruitment 2022: ગુજરાત સરકારના (Gujarat Government) વિવિધ વિભાગોમાં અત્યારે સરકારી નોકરીઓની (sarkari naukri) બમ્પર તક ઊભી થઈ રહી છે. ત્યારે ગુજરાત રાજ્ય બાયોટેકનોલોજી મિશન, GSBTM એ તાજેતરમાં મેનેજર, ડેપ્યુટી મેનેજર અને ટાઈપિસ્ટ-ક્લાર્ક ભરતી 2022 માટે અરજી આમંત્રિત કરી છે, લાયક ઉમેદવારો 25/08/2022 પહેલાં ઓનલાઈન અરજી કરે છે.
GSBTM ભરતી 2022
ગુજરાત રાજ્ય બાયોટેકનોલોજી મિશનમાં મેનેજર, ડેપ્યુટી મેનેજર અને ટાઈપિસ્ટ-ક્લાર્કની નોકરીઓ શોધી રહેલા તમામ રસ ધરાવતા ઉમેદવારો માટે આ એક સારી તક છે. શૈક્ષણિક લાયકાત, વય માપદંડ, પસંદગી પદ્ધતિ, મહત્વપૂર્ણ તારીખ અને અન્ય પાત્રતા પ્રક્રિયા સંબંધિત વધુ માહિતી માટે કૃપા કરીને નીચેનો લેખ ધ્યાનથી વાંચો. અરજી કરતા પહેલા સત્તાવાર જાહેરાત પણ વિગતવાર વાંચવી આવશ્યક છે.



સંસ્થા
GSBTM


કુલ ખાલી જગ્યા
04


વિવિધ પોસ્ટ
મેનેજર, ડેપ્યુટી મેનેજર અને ટાઈપિસ્ટ-ક્લાર્ક


એપ્લિકેશન મોડ
ઓનલાઇન


ઓનલાઈન અરજી કરવાની છેલ્લી તારીખ
25/08/2022


નોટિફઇકેશન
નોટિફિકેશન જોવા અહીં ક્લિક કરો


સત્તાવાર વેબસાઇટ
અરજી કરવા માટે અહીં ક્લિક કરો


વયમર્યાદા
વધુમાં વધુ 40 વર્ષ



મહત્વની વિગતો
સંસ્થા GSBTM
કુલ ખાલી જગ્યા 04
વિવિધ પોસ્ટ
એપ્લિકેશન મોડ ઓનલાઇન
ઓનલાઈન અરજી કરવાની છેલ્લી તારીખ 25.08.2022
સત્તાવાર વેબસાઇટ btm.gujarat.gov.in
પોસ્ટ મુજબની વિગતો
મેનેજર (ગ્રુપ 2): 01
ડેપ્યુટી મેનેજર (ગ્રુપ 3): 02
ટાઇપિસ્ટ - કારકુન (જૂથ 3): 01
શૈક્ષણિક લાયકાત
મેનેજર
કેન્દ્ર અથવા રાજ્ય અધિનિયમ દ્વારા સ્થાપિત અથવા સમાવિષ્ટ કોઈપણ યુનિવર્સિટીઓમાંથી ઓછામાં ઓછા 50% ગુણ સાથે આ જાહેરાતના પરિશિષ્ટ-I માં ઉલ્લેખિત કોઈપણ વિષયમાં વિજ્ઞાન/એન્જિનિયરિંગ/ટેક્નોલોજી/વેટરનરી સાયન્સ/ફાર્મસીમાં માસ્ટર ડિગ્રી ભારતમાં અથવા યુનિવર્સિટી ગ્રાન્ટ કમિશન એક્ટ, 1956 ની કલમ 3 હેઠળ યુનિવર્સિટી તરીકે માન્યતા પ્રાપ્ત અથવા યુનિવર્સિટી તરીકે જાહેર કરાયેલી કોઈપણ અન્ય શૈક્ષણિક સંસ્થા અથવા
આ પણ વાંચોઃ-SMC Recruitment 2022: સુરત મહાનગરપાલિકામાં વિવિધ પદો પર ભરતી, અહીં વાંચો સંપૂર્ણ વિગતો
ઓછામાં ઓછા 50% ગુણ સાથે મેનેજમેન્ટમાં માસ્ટર ડિગ્રી, અને ભારતમાં કેન્દ્રીય અથવા રાજ્ય અધિનિયમ દ્વારા અથવા તે હેઠળ સ્થાપિત અથવા સમાવિષ્ટ કોઈપણ યુનિવર્સિટીઓમાંથી ઓછામાં ઓછા 60% માર્ક્સ સાથે આ જાહેરાતના પરિશિષ્ટ-I માં ઉલ્લેખિત કોઈપણ વિષયમાં સ્નાતકની ડિગ્રી, અથવા યુનિવર્સિટી ગ્રાન્ટ કમિશન એક્ટ, 1956 ની કલમ 3 હેઠળ યુનિવર્સિટી તરીકે માન્યતા પ્રાપ્ત અથવા યુનિવર્સિટી તરીકે જાહેર કરાયેલી કોઈપણ અન્ય શૈક્ષણિક સંસ્થા,

અનુભવ: રાજ્ય અથવા કેન્દ્ર સરકાર / સ્થાનિક સંસ્થા / સરકારી ઉપક્રમ / બોર્ડ / કોર્પોરેશન / સોસાયટી / રાજ્યની શૈક્ષણિક અથવા સંશોધન સંસ્થામાં વિજ્ઞાન વહીવટ, વિજ્ઞાન પ્રમોશન અને સંચાર / વૈજ્ઞાનિક સંશોધન અને વિકાસના ક્ષેત્રમાં લગભગ બે વર્ષનો અનુભવ ધરાવે છે. અથવા કેન્દ્ર સરકાર / કંપની એક્ટ 2013 હેઠળ સ્થપાયેલી લિમિટેડ કંપની અને વાર્ષિક ટર્નઓવર રૂ. 10 કરોડ અથવા તેથી વધુ;

ઉંમર મર્યાદા: 40 વર્ષથી વધુ નહીં.

પગાર ધોરણ: 44,900 - 1,42,400
ડેપ્યુટી મેનેજર
કેન્દ્ર અથવા રાજ્ય અધિનિયમ દ્વારા સ્થાપિત અથવા સમાવિષ્ટ કોઈપણ યુનિવર્સિટીઓમાંથી ઓછામાં ઓછા 50% ગુણ સાથે આ જાહેરાતના પરિશિષ્ટ-I માં ઉલ્લેખિત કોઈપણ વિષયમાં વિજ્ઞાન/એન્જિનિયરિંગ/ટેક્નોલોજી/વેટરનરી સાયન્સ/ફાર્મસીની માસ્ટર ડિગ્રી ભારતમાં; અથવા યુનિવર્સિટી ગ્રાન્ટ કમિશન એક્ટ, 1956 ની કલમ 3 હેઠળ યુનિવર્સિટી તરીકે માન્યતા પ્રાપ્ત અથવા યુનિવર્સિટી તરીકે જાહેર કરાયેલી કોઈપણ અન્ય શૈક્ષણિક સંસ્થા; અથવા
આ પણ વાંચોઃ-GSRTC Recruitment: મહેસાણા GSRTC માં ભરતી, ધો.10, 12 અને ITI પાસ માટે નોકરીની સુવર્ણ તક
ઓછામાં ઓછા 50% ગુણ સાથે મેનેજમેન્ટમાં માસ્ટર ડિગ્રી; અને ભારતમાં કેન્દ્રીય અથવા રાજ્ય અધિનિયમ દ્વારા અથવા તે હેઠળ સ્થાપિત અથવા સમાવિષ્ટ કોઈપણ યુનિવર્સિટીઓમાંથી ઓછામાં ઓછા 60% માર્ક્સ સાથે આ જાહેરાતના પરિશિષ્ટ-I માં ઉલ્લેખિત કોઈપણ વિષયમાં સ્નાતકની ડિગ્રી; અથવા યુનિવર્સિટી ગ્રાન્ટ કમિશન એક્ટ, 1956 ની કલમ 3 હેઠળ યુનિવર્સિટી તરીકે માન્યતા પ્રાપ્ત અથવા યુનિવર્સિટી તરીકે જાહેર કરાયેલી કોઈપણ અન્ય શૈક્ષણિક સંસ્થા;

ઉંમર મર્યાદા: 38 વર્ષથી વધુ નહીં.

પગારઃ 38,090/- પાંચ વર્ષ માટે ફિક્સ

પગાર ધોરણ: 39,900 - 1,26,600/-
ટાઇપિસ્ટ - કારકુન
માધ્યમિક અને/અથવા ઉચ્ચતર માધ્યમિક શિક્ષણ બોર્ડ દ્વારા લેવામાં આવતી ઉચ્ચતર માધ્યમિક શાળા પ્રમાણપત્ર પરીક્ષા પાસ કરી હોય અથવા સરકાર દ્વારા માન્ય સમકક્ષ લાયકાત ધરાવતા હોય

અંગ્રેજી અને ગુજરાતીમાં ડેટા એન્ટ્રીના કામ માટે પ્રતિ કલાકની ચોકસાઈ સાથે 6500 કી અવમૂલ્યન કરતાં ઓછી ઝડપ નથી,

ઉંમર મર્યાદા: 34 વર્ષથી વધુ નહીં.

પગારઃ રૂ.19,950/- પાંચ વર્ષ માટે ફિક્સ.

પગાર ધોરણ: 19,900 - 63,200/-
GSBTM ભરતી 2022 કેવી રીતે અરજી કરવી?
રસ ધરાવતા ઉમેદવારો સત્તાવાર વેબસાઈટ દ્વારા ઓનલાઈન અરજી કરી શકે છે
GSBTM ભરતી 2022 અરજી કરવાની છેલ્લી તારીખ શું છે?
છેલ્લી તારીખ 25/08/2022 છે
GSBTM ભરતી 2022 માટે પસંદગી પ્રક્રિયા શું છે?
લેખિત પરીક્ષા / CPT ટેસ્ટ / ઇન્ટરવ્યુ.

GSBTM Recruitment 2022: ગુજરાત સ્ટેટ બાયોટેક્નોલોજી મિશનદ્વારા ભરતી, અહીં વાંચો સંપૂર્ણ વિગત

અમદાવાદ

સુરત

વડોદરા

રાજકોટ

ગાંધીનગર

ભાવનગર

જામનગર

જુનાગઢ

કચ્છ - ભુજ

મહેસાણા

પંચમહાલ

આણંદ

વલસાડ

સાબરકાંઠા

બનાસકાંઠા

અમરેલી

સુરેન્દ્રનગર

પોરબંદર

ભરૂચ

જૂનાગઢ: શ્રાવણ માસમાં આ વૃદ્ધનો આઇડિયા જાણીને તમે પણ થઇ જશો ખુશ

અહીં સૂતેલી મુદ્રામાં જોવા મળે છે શિવલિંગ આ છે મંદિરની ખાસિયત

જલ્દી નજર લાગતી હોય તો પહેરો કાળો દોરો, ક્યારે અને કઇ રીતે ધારણ કરવો, જાણો

રક્ષાબંધન પહેલા આ ગ્રહે બદલી પોતાની ચાલ, આ 4 રાશિઓની ખૂલી જશે કિસ્મત

તાપસી પન્નુએ વ્હાઈટ ડ્રેસમાં બોલ્ડ ફોટોશૂટ કરાવ્યું, ફોટો જોઈ ફેન્સ થઈ ગયા ફિદા

અમદાવાદની માથાભારે પત્ની! પરિવારજનો સાથે વાતચીત ન કરવા દેતા પતિનો આપઘાત

51,000 પંચમુખી રુદ્રાક્ષથી બનેલા શિવલિંગના દર્શન કરવા માત્રથી જ થઈ જાય છે ભક્તોના દૂ:ખ દૂર

વરસાદની મોસમમાં આ સરળ ટિપ્સ વડે લેપટોપને રાખો સુરક્ષિત

સસ્તી કિંમતમાં આવી બ્લુટૂથ કૉલિંગવાળી શાનદાર BoAt Smartwatch, જુઓ ફીચર્સ

SALE: 12GB RAM વાળા Realmeના નવા ફોન પર મળી રહ્યું છે 5 હજાર રૂપિયાનું કેશબેક

આ અઠવાડિયે લોન્ચ થશે Oneplus 10R, Xiaomi 12 Pro સહિતના સ્માર્ટફોન, જુઓ લિસ્ટ

Realme GT2 Pro આજે પહેલી વાર સેલમાં ખરીદવાની તક, Photosમાં જુઓ દમદાર લુક

gadgets-news

તમારો જિલ્લો પસંદ કરો

જિલ્લો

gadgets news

gadgets news - ના સમાચાર

વરસાદની મોસમમાં આ સરળ ટિપ્સ વડે લેપટોપને રાખો સુરક્ષિત

સસ્તી કિંમતમાં આવી બ્લુટૂથ કૉલિંગવાળી શાનદાર BoAt Smartwatch, જુઓ ફીચર્સ

SALE: 12GB RAM વાળા Realmeના નવા ફોન પર મળી રહ્યું છે 5 હજાર રૂપિયાનું કેશબેક

આ અઠવાડિયે લોન્ચ થશે Oneplus 10R, Xiaomi 12 Pro સહિતના સ્માર્ટફોન, જુઓ લિસ્ટ

Realme GT2 Pro આજે પહેલી વાર સેલમાં ખરીદવાની તક, Photosમાં જુઓ દમદાર લુક

તાજેતરના સમાચાર