Dhruvik gondaliya Bhavngar :રાજ્ય સરકાર દ્વારા કૃષિ ક્ષેત્રમાં ઉત્સાહી અને પ્રગતિશીલ ખેડૂતો કે જેઓ પોતાની આગવી કોઠાસુઝ અને સાહસવૃત્તિથી ખેતીના વિકાસમાં નવીનતા લાવવામાં અને ઉત્પાદનમાં વધારો કરવામાં તેમજ નવીન તકનીકો રજુ઼ કરવા માટે કાર્ય કરે છે. તેમની આ કૃષિ ઉત્પાદનલક્ષી શોધખોળને પ્રોત્સાહન મળે અને તેમાં વધુ વેગ આવે તે માટે તેમના યોગદાનની કદરરૂપે કૃષિના વિકાસમાં તેમના ફાળાને બિરદાવવા માટે રાજ્ય સરકાર  દ્વારા સરદાર પટેલ કૃષિ સંશોધન પુરસ્કાર આપવામાં આવે છે.

ભાવનગર જિલ્લાના મહુવા તાલુકાના તાવેડા ગામના પ્રગતિશીલ ખેડૂત શ્રી હિપાભાઇ બાલુભાઇ ભુંકણ દ્વારા કરવામાં આવેલ જીવામૃત, બિજામૃત અને અગ્નિહોત્રિ ના ઉપયોગ દ્વારા સેન્દ્રિય ખેતી પાકો જેવા કે મગફળી, ઘઉં અને ડુંગળીનું સારૂ ઉત્પાદન મેળવીને ઉપજનું પ્રોસેસીંગ/ મુલ્યવર્ધન કરેલું છે.  હિપાભાઇ બાલુભાઇ ભુંકણના આ ઉદારણીય રૂપ કાર્ય માટે રાજ્ય સરકાર દ્વારા તેઓને સરદાર પટેલ કૃષિ સંશોધન પુરસ્કાર આપવાનું નક્કી કરેલું છે.



આથી આગામી તા૨૬/૦૧/૨૦૨૩ ના રોજ તળાજા ખાતે યોજાનાર જિલ્લા કક્ષાના પ્રજાસત્તાક દિવસની ઉજવણી કાર્યક્રમમાં સરદાર પટેલ કૃષિ સંશોધન પુરસ્કાર વર્ષ ૨૦૨૨-૨૩ અંતર્ગત ઇનામ પેટે રૂ.૫૧,૦૦૦/- નો ચેક, પ્રશંસાપત્ર અને શાલ આપી બહુમાન કરવામાં આવ્યું હતું. જિલ્લાના તમામ ખેડૂતોને આ પ્રગતિશીલ ખેડૂતની મુલાકાત લેવા જિલા ખેતીવાડી અધિકારી, ભાવનગર દ્વારા અનુરોધ કરવામાં આવેલો છે.

Bhavnagar: આ ખેડૂતે એવું તે શું કર્યું કે સરકારે કર્યું સન્માન? ઇનામમાં મળ્યા 51 હજાર!

Dhruvik gondaliya Bhavngar : ગુજરાતની એક એવી પવિત્ર ભુમી છે કે જે ભુમિમાં અનેક સંતો થઈ ગયા છે. જેમનું ખાલી નામ પણ બોલીએ તો પણ મનમાં શાંતી થાય. એક એવા સન્ત કે જેમને “રાષ્ટ્રિય સંત” નુ બિરૂદ મળેલું છે. જેમને ભક્તિ ના પંથની સાથે-સાથે દેશની સેવા પણ કરેલી છે. એવા જ સૌરાષ્ટ્રના સંત કે જેમનો આશ્રમ ભાવનગર પાસે બગદાણામાં આવેલો છે.

જેમને ફકત ભારતમાં જ નહીં પણ આખી દુનિયામાં લોકો જાણે છે અને જેમના લીધેજ બગદાણા એક ધામ બની ગયું છે. જ્યાં લાખોની સંખ્યામાં ભાવિક ભક્તો પોતાની આસ્થા, શ્રદ્ધા લઇને આવે છે. બાપા બજરંગ બધાનાં જ દુખ મટાડતા હોવાની ભક્તોને શ્રદ્ધા છે. જેમને લોકો “બાપા સીતારામ” નાં હુલામણા નામથી પણ ઓળખે છે.



ઈ.સ. ૧૯૦૬ (ચોક્કસ તારીખ ની માહિતી નથી) નું વર્ષ હતું. ભાવનગરનાં અધેવાડા ગામમાં હિરદાસજી અને શીવકુંવરબા નામે રામાનન્દી કુટુંબ રહેતું હતું. શીવકુંવરબા સગર્ભા હતાં ત્યારે તેઓ પિયર જતાં હતાં અને રસ્તામાં તેમને પ્રસવની પીડા ઉપડી. ત્યાં બાજુમાં જ ઝાંઝરીયા હનુમાનજી નું મન્દીર હતું. આજુબાજુની બહેનો એમને લઇને મન્દીરની ઝુંપડીમાં લઈ ગયાં અને મંદીરમાં હનુમાનજી ની આરતી નાં ઝાલર રણકવા મંડ્યા અને એવા શુભ દી એ એક બાળકનો જનમ થયો.



રામાનન્દી સાધુ હોવાના કારણે નામ રાખ્યું, “ભક્તીરામ”. નાનપણથી જ ભક્તીરામનાં મનમાં માતા-પિતાનાં સંસ્કાર હતાં ખરેખર તેમનામાં નામ પ્રમાણેજ ગુણ પણ હતાં. એક સવારે ભક્તીરામ મોડે સુધી સુઈ રહ્યાં તો પિતા હિરદાસ અને માતા શીવકુંવરબા એ આવીને જગાડ્યા અને જુએ છે તો એમની બાજુમાં જાણે એમનો દોસ્ત હોય એમ એક સાપ પણ હતો. પછી એમને થયું કે જરુર ભક્તીરામ શેષ નારાયણનાં અવતાર હોવો જોઈએ. ભક્તીરામને ભક્તી ની એવી તો માયા લાગી ગઈ તી કે તેઓ ૨ ધોરણ સુધી જ ભણ્યા હતાં અને ૧૧ વરસની ઉંમરે તેઓ ખાખીની જમાતમાં કે જેમનાં ગુરુ હતાં સીતારામ બાપુ એમની પાસેથી દિક્ષા લઈને સમાધીમાં લીન થઈ ગયાં.



પરમતત્વ અને યોગસિદ્ધીનો સાક્ષાત્કાર થયો ત્યારે ગુરુ પાસે દક્ષિણાં આપવા ગયાં. ગુરુ શ્રી સીતારામ ભક્તીરામને ઓળખી ગયાં અને કહ્યું કે ખરાં ગુરુ તો તમે છો એટલે મારે તમને આપવાનું હોય. ત્યારે ભક્તીરામ બોલ્યાં કે ખરેખર જો તમે મને કઈંક આપવા જ ઈચ્છતા હોય તો એવું કઈક આપો કે મારા રુવે-રુવે રામનું રટણ ચાલું જ રે. ત્યારથી સીતારામજી એ એમને નવું નામ આપ્યું “બજરંગી” અને કહ્યું કે જાવ બજરંગી હવે તમે દુનીયામાં ભ્રમણ કરો અને દીન દુખીયાં ની સેવા કરો અને તમે આખા જગતમાં બજરંગદાસ તરીકે ઓળખાશો.



ભક્તીરામ આખા જગતમાં “બાપા બજરંગદાસ” અને “બાપા સીતારામ” ના નામથી ઓળખાવા લાગ્યાં. એક વાર ભ્રમણ કરતાં-કરતાં બાપા મુંમ્બઈ આવી પહોચ્યાં. ત્યાં જ લોકોને બાપાનો પરિચય થયો. બન્યું એવું કે એક ગોરો અમલદાર ત્યાંથી પોતાની ગાડીમાં નિકળ્યો અને રસ્તામાં બાપા અને બીજા સેવકો પાણીની ડોલો ભરીને એક જગ્યાએ ભેગુ કરતા હતા. તો ગોરો અમલદાર સંતો અને તેમની ભક્તિ વિશે ખરાબ બોલવા લાગ્યો અને કહ્યું કે જો તમે ખરેખર સંત હોય તો ચમત્કાર બતાવો. બાપા એ જ વખતે જ્યાં ઉભા તાં ત્યાં જ પલાઠી વાળીને બેસી ગયા અને ખાડો ખોદવા લાગ્યાં. અને જોત જોતાંમાં ત્યાં લોકોનું ટોળું આ કુત્તુહલ જોવા ભેગુ થઈ ગયું અને બાપાએ ખારા જળની જમીનમાંથી મીઠું પાણી કાઢ્યું તે જોઇને ગોરો અમલદાર પણ બાપાના પગમા પડી ગયો હતો.



બાપા ગુરુજીની આજ્ઞાને પાલન કરવા માટે ભ્રમણ કરવા લાગ્યા અને એમનો પહેલો મુકામ થયો સુરત, જ્યાં તેઓ બેગમપુરા સાવેરિયા રોડ પર આવેલ લક્ષ્મીનારાયણનાં મન્દીરમાં રહ્યાં ત્યાંથી તેઓ ચાલતાં ચાલતાં હણોલ ગામે રણજીત હનુમાનજીનાં મન્દીરમાં સાત વરસ રહ્યાં. તેમનાં ભ્રમણ દરમ્યાન તેઓ ભાવનગર જાડેજા ને ત્યાં પણ ગયાં હતાં ત્યાંથી તેઓ પાલીતાણા, જેસર અને કલમોદર ગયાં અને કળમોદર બાપા ત્રણ વરસ રહ્યાં. બાપાનાં ભ્રમણ દરમ્યાન એમનાં હાથે ઘણાં ચમત્કાર થયાં પણ બાપાતો ફકત એક જ વાકય બોલતાં જેવી મારાં વ્હાલાની મરજી. ભ્રમણ કરતાં-કરતાં બાપા બગદાણા આવ્યાં ત્યારે એમની ઉંમર હતી ૪૧ વરસ. ત્યાં બાપાએ ત્રિવેણી સંગમ જોયો. બગદાણામાં બાપાને ૫ મુળતત્વો જોવા મળ્યાં:



બગદાણા ગામ, બગડ નદી, બગડેશ્વર મહાદેવ, બગદાલમ ઋષિ, બજરંગદાસ બાપા પછી બાપા કાયમને માટે બગદાણામાં જ રહ્યાં. બાપાએ બગદાણામાં પણ ઘણો વિસ્તાર કર્યો. બાપા ૧૯૪૧ માં બગદાણા આવ્યાં. ૧૯૫૧ માં આશ્રમની સ્થાપના કરી. ૧૯૫૯ માં અન્નક્ષેત્ર ચાલું કર્યુ. ૧૯૬૦ માં ભુદાન હવન કર્યો. ૧૯૬૨ માં આશ્રમની હરાજી કરાવીને ભારત અને ચીનનાં યુદ્ધ્ વખતે લશ્કરને મદદ કરી.  ૧૯૬૫ માં ફરીથી આશ્રમની હરાજી કરાવીને ભારત અને પાકિસ્તાનનાં યુદ્ધ્ વખતે લશ્કરને મદદ કરી.  ૧૯૭૧ માં પણ આશ્રમની હરાજી કરાવીને ભારત અને પાકિસ્તાનનાં યુદ્ધ્ વખતે લશ્કરને મદદ કરી.

હાલ અહીં આ બગદાણા ધામમાં રહેવા જમવાની તમામ પ્રકારની સુવિધાઓ ઉપલબ્ધ છે અહીં ખાસ કરીને સેવાકીય સંસ્થાઓ દ્વારા રોજે લાખો રૂપિયાનું દાન પ્રદાન કરવામાં આવી રહ્યું છે.



વાહન વ્યવસ્થા

બગદાણા આવવા માટે મહુવાથી પણ એસટી બસ તથા પ્રાઇવેટ વાહનો મળી રહે છે. તળાજા થી પણ એસટી બસ સાથે પ્રાઇવેટ વાહનો મળી રહે છે અને ભાવનગરથી પણ વાહનો મળી રહે છે.



&amp;nbsp;

Bhavnagar News: 'બગદાણા ધામ' સૌરાષ્ટ્રના એક એવા સંત કે જેને મળ્યું હતું રાષ્ટ્રીય સંતનું બિરુદ!

Kishor chudasama, Jamnagar:  અમુખ વખત ખેડૂતની કોઠાસૂઝ એન્જિનિયરોને પણ વિચારતા કરી મૂકે ત્યારે જામનગર પંથકના માત્ર ચાર ચોપડી પાસ ખેડૂતે એવું મગજ વાપર્યું કે તંત્રએ પણ તેની નોંધ લેવી પડી! બેડ ગામના ખેડૂત જેન્તીભાઈ સોનાગરાએ મોટર સાયકલ સંચાલિત સાંતી મશીન વિકસાવ્યું છે જે મગફળી, કપાસ સહિત કોઈ પણ પાકમાં ઉપયોગમાં આવી શકે છે.ટ્રેક્ટરની સરખામણીએ ઇંધણમાં પણ બચત થાય છે.

જામનગર તાલુકાના બેડ ગામનાં પ્રગતિશીલ ખેડૂત જેન્તીભાઈ ભવાનભાઈ સોનગરા દ્વારા ખેડૂતોને ઓછા ખર્ચે વધુ કામ કરતુ મોટર સાયકલ સંચાલિત સાંતી વિકસાવ્યું હતું. ખેડૂત જેન્તીભાઈ દ્વારા વિકસાવવામાં આવેલ આ સાંતી દ્વારા ખેડકાર્ય તથા વાવણીની કામગીરી પણ સરળતાથી થઇ શકે છે તથા ટ્રેક્ટરની સરખામણીએ ઇંધણમાં પણ બચત થાય છે.

6 ખેડૂતોનું કરાશે સન્માન

આવી નવીન ટેકનોલોજી વિકસાવવા બદલ ચાલુ વર્ષ ૨૦૨૨-૨૩માં રાજ્ય સરકાર દ્વારા સરદાર પટેલ કૃષિ પુરસ્કાર યોજના અન્વયે ખેડૂત જેન્તીભાઈ ભવાનભાઈ સોનગરાનું ૨૬ જાન્યુઆરીના રોજ ભૂચર મોરી, ધ્રોલ ખાતેથી પ્રશંશાપત્ર આપી તથા શાલ ઓઢાડી સન્માન કરવામાં આવશે.



ઉપરાંત રમેશભાઈ સંતોકી, મોટા વાગુદડ, તા. ધ્રોલ, વિશાલભાઈ જેસડીયા, આણંદપર, તા. કાલાવડ, ગણેશભાઈ ભંડેરી, આણદા, તા. જોડિયા, કેશુભાઈ મોઢવાડિયા, ડેરા છિકારી, તા. લાલપુર તથા સુરેશકુમાર સુતરીયા, જામવાળી, તા. જામ જોધપુર તાલુકાના પ્રગતિશીલ ખેડૂતોનું કૃષિ ક્ષેત્રે નવીનતમ કામગીરી અન્વયે સન્માનિત કરવામાં આવશે.

Jamnagar News: ચાર ચોપડી પાસ ખેડૂતે એવું મગજ વાપર્યું માથું ખંજવાળતા રહી જશો,બાઇકને કરી મોડીફાઇડ!

Mehali tailor,surat: બે પગનો માનવી ધારે એ કરી શકે છે. પરંતુ જે માનવીને પગ નથી એ પણ ધારે એ કરી શકે છે. સુરતની આ મહિલા જે પગથી તો દિવ્યાંગ છે પરંતુ આજે તે પગભર છે. તેના પગ નથી પરંતુ તેની પાસે બે હાથ છે. જેના વડે આજે તે રોજગારી મેળવી રહી છે.
એક વર્ષ પહેલા બિહારથી સુરત આવેલ આ મહિલા આજે સુરતમાં એક અનોખું કામ કરી પોતે તો આત્મા નિર્બળ બની છે આ સાથે જ તે આજે આર્થિક રીતે પોતાના પરિવારને પણ મદદ કરી રહી છે.
  
એક વર્ષ પહેલાં જ બિહારથી ગુજરાત આવી ગુજરાતી હસ્તલેખન શીખી આત્મનિર્ભર બની
જન્મથી જ બે પગ ન હોવાને કારણે તે એક વર્ષની થઈ ત્યારે જ તેના પરિવારે તેને એનજીઓમાં મૂકી દીધી હતી. જ્યાં તે મોટી થઈ. જેમ જેમ તેની ઉંમર વધતી ગઈ તેમ તેમ તેને જાતે પગભર બનવાનું એક સપનું સેવ્યું હતું.જે સપનાઓ લઇ તે સુરત આવી હતી. એક વર્ષ પહેલા તે સુરત આવી. 

ત્યાં તે દિવ્યાંગો દ્વારા ચલાવવામાં આવતું એક ટ્રસ્ટમાં જોડાઈ. આ ટ્રસ્ટમાં જોડાયા બાદ તે અહીંયા ગુજરાતી હસ્ત લેખન શીખી. સુરત આવી ત્યારે તેને ગુજરાતી સમજણ પણ પડતી ન હતી. આમ છતાં તે ગુજરાતી હસ્તલેખન શીખી.હસ્તલેખન શીખ્યા બાદ આજે તે પત્રિકા પુસ્તકો અને ધાર્મિક ગ્રંથો પોતાના હાથેથી લખે છે. અને હવે હાથેથી લખેલી પત્રિકા આપવાનો ટ્રેન્ડ પણ વધુ જોવા મળે છે.

બે પગ નથી તો શું થયું? બે હાથ તો છે જ જેના વડે હું આત્મનિર્ભર બની શકું છું.
આજે આ મહિલા પોતે તો આત્માનિર્ભર બની જ સાથે આજે તે પોતાની આ હસ્તલેખનની કળા દ્વારા તે પોતાના પરિવારને પણ આર્થિક મદદ કરી રહી છે. આ મહિલા ભલે પગથી દિવ્યાંગ હતી પરંતુ તેનું મન ઘણું જ મજબૂત હતું તેનું કેહવું હતું કે,\&quot; ભલે મારી પાસે પગ નથી પરંતુ ભગવાને મને બે હાથ તો આપ્યા જ છે અને આ હાથ વડે હું કોઈપણ કામ કરી આત્મનિર્ભર બની શકું છું. અને મારે આ હાથ કોઈની પાસે આર્થિક મદદ માગવા ન લંબાવો પડે તે માટે આજે આ હસ્ત લેખનની કળા મને ઘણી મદદરૂપ થાય છે.\&quot;

Surat: આ દિવ્યાંગ મહિલા કરે છે આટલું સુંદર કામ, પગ ન હોવાથી પરિવારે તો ત્યજી દીધી હતી!

Dhairya Gajara, Kutch: કચ્છના ખેડૂતો બાગાયત પાકોમાં સતત અવનવા પ્રયોગ કરી નવા નવા ફળો આ રણપ્રદેશમાં ઉગાડી રહ્યા છે. બાગાયત થકી જામફળની ખેતી કચ્છમાં ખૂબ સારી થયા બાદ હવે ખેડૂતો ગુલાબી રંગના તાઇવાન પિંક જામફળની ખેતી કરતા થયા છે. તો બીજી તરફ કચ્છના એક ખેડૂતે મૂળ થાઇલેન્ડની પ્રજાતિ એવા લાલ જામફળની ખેતી શરૂ કરી છે. જામફળની દરેક પ્રજાતિઓમાંથી સૌથી વધારે મીઠાશ ધરાવતી આ લાલ જામફળની પ્રજાતિને હવે આ ખેડૂતે જ આશાપુરા રેડ નામ આપ્યું છે અને અન્ય જામફળ કરતા બે થી ત્રણ ગણા ભાવ મેળવી રહ્યા છે.

જામફળની ખેતીને કચ્છનું વાતાવરણ અનુકુળ આવતા ખેડૂતોએ વિશ્વના ખૂણે ખૂણેથી જામફળની વિવિધ પ્રજાતિઓ લાવી અહીં ખેતી શરૂ કરી છે. હવે કચ્છમાં સાદા દેશી જામફળ ઉપરાંત તાઇવાનના ગુલાબી જામફળ, થાઇલેન્ડના સફેદ જામફળ અને વીએના જામફળની ખેતી પણ થઈ રહી છે. કચ્છના એક પ્રગતિશીલ ખેડૂત જ્યારે થાઇલેન્ડ ગયા હતા ત્યારે ત્યાં લાલ જામફળની ખેતી જોઈ હતી.



સ્વાદમાં બધે જામફળથી વિશિષ્ટ મીઠાશ ધરાવતા આ લાલ જામફળને કચ્છના રેલડી ગામે આશાપુરા એગ્રો ફાર્મ ચલાવતા હરેશ ઠક્કર પોતાની સાથે લઈ આવ્યા અને પોતાની વાળી ખાતે જ તેનો ઉછેર કરી હવે તેં પાંચ હાજર રોપા વાવ્યા છે. આ પાંચ હાજર રોપામાં પહેલા રાઉન્ડમાં જ 72 હજાર જેટલા ફળ ફૂટી આવતા તેના પર બેગિંગ કરવામાં આવી હતી તો બીજા રાઉન્ડમાં 80 હજારથી વધારે ફળ ફૂટવાના શરૂ થઈ ગયા છે.



ખેડૂતે જણાવ્યું હતું કે અન્ય જામફળ બજારમાં રૂ. 15 થી 50 પ્રતિ કિલોના ભાવે વેચાતા હોય છે જ્યારે કે આ જામફળની આ નવી લાલ પ્રજાતિનો સ્વાદ બધેથી વિશેષ હોતાં ખેડૂતોને તેના પ્રતિ કિલો રૂ. 60 થી 100 સુધી મળી રહ્યા છે. કચ્છમાં ક્યારેય ન થઈ હોય તેવી ખેતી આ જામફળની થતાં હવે હરેશભાઇએ આ જામફળને કચ્છ ધણીયાણી માં આશાપુરાના નામ પરથી આશાપુરા રેડ નામ આપ્યું છે અને સમગ્ર કચ્છમાં હવે આ પ્રજાતિ આશાપુરા રેડના નામથી પ્રચલિત થઈ રહી છે.

Kutch: આ ખેડૂતે થાઇલેન્ડના લાલ જામફળ કચ્છમાં ઉગાડ્યા, નામ રાખ્યું 'આશાપુરા રેડ'!

અમદાવાદ

સુરત

વડોદરા

રાજકોટ

ગાંધીનગર

ભાવનગર

જામનગર

જુનાગઢ

કચ્છ - ભુજ

મહેસાણા

પંચમહાલ

આણંદ

વલસાડ

સાબરકાંઠા

બનાસકાંઠા

અમરેલી

સુરેન્દ્રનગર

પોરબંદર

ભરૂચ

News18 Gujarati

co operative-society-election

નવસારી

કચ્છ

ગીર સોમનાથ

મહીસાગર

બોક્સ ઓફિસ પર પહેલા જ દિવસે 100 કરોડ! તો પછી અહીં કેમ માર ખાઈ ગયો પઠાણ? લોચો પડી જશે

કાશ્મીરના લાલ ચોક પર લહેરાવ્યો ત્રિરંગો, 1990 બાદ આતંકવાદના મોઢા પર તમાચો...

કિસિંગ સીનથી ફેમસ બની અભિનેત્રી, લગ્ન પહેલા ધર્મ બદલ્યો અને પછી...

આ ખેડૂતે એવું તે શું કર્યું કે સરકારે કર્યું સન્માન? ઇનામમાં મળ્યા 51 હજાર!

'બગદાણા ધામ' સૌરાષ્ટ્રના એક એવા સંત કે જેને મળ્યું હતું રાષ્ટ્રીય સંતનું બિરુદ!

ચાર ચોપડી પાસ ખેડૂતે એવું મગજ વાપર્યું માથું ખંજવાળતા રહી જશો,બાઇકને કરી મોડીફાઇડ!

આ દિવ્યાંગ મહિલા કરે છે આટલું સુંદર કામ, પગ ન હોવાથી પરિવારે તો ત્યજી દીધી હતી!

આ ખેડૂતે થાઇલેન્ડના લાલ જામફળ કચ્છમાં ઉગાડ્યા, નામ રાખ્યું 'આશાપુરા રેડ'!

ગુજરાતની 100 જેવી સહકારી સંસ્થામાંથી 98 સંસ્થાઓ ભાજપની જીત- સી આર પાટીલ

તમારો જિલ્લો પસંદ કરો

co operative society election

All News

ગુજરાતની 100 જેવી સહકારી સંસ્થામાંથી 98 સંસ્થાઓ ભાજપની જીત- સી આર પાટીલ

તાજેતરના સમાચાર