Mustufa Lakdawala, Rajkot: અમરેલી જિલ્લાના યુવાનો સંરક્ષણ ક્ષેત્રે (Jobs in Indian Army) ઉજ્જવળ કારકિર્દીનું ઘડતર કરી શકે તેવા હેતુસર આગામી 20 ઓક્ટોબરથી 12 નવેમ્બર દરમિયાન રાજકોટમાં સૌરાષ્ટ્ર યુનિવર્સિટી (Saurashtra University) સ્પોર્ટસ ગ્રાઉન્‍ડમાં શારીરિક અને માનસિક રીતે સક્ષમ અને નિયત માપદંડો પૂર્ણ કરતા યુવાનો માટે અગ્નિવીર સોલ્જર (Agniveer Soldier) જનરલ ડ્યુટી, અગ્નિવીર સોલ્જર ટેકનીકલ, અગ્નિવીર સોલ્જર કલાર્ક/સ્ટોર કીપર, અગ્નિવીર સોલ્જર ટ્રેડમેન (હાઉસકીપર અને મેસકીપર સિવાય) તેમજ અગ્નિવીર સોલ્જર ટ્રેડમેન હાઉસકીપર અને મેસકીપર કક્ષાઓ માટે આર્મી ભરતી કાર્યાલય, જામનગર દ્વારા લશ્કરી ભરતીમેળો (Government Jobs) યોજાનાર છે.

કોણ આ ભરતી મેળામાં ભાગ લઇ શકશે

આ ભરતીમેળામાં ભાગ લેનાર યુવાન તા.1/10/1999થી તા.1/4/2005 વચ્ચે જન્મેલા હોય તેમજ ભરતીની કક્ષાવાર નક્કી કરવામાં આવેલી શૈક્ષણિક લાયકાત અને શારીરિક માપદંડ ધરાવતા હોય તેવા પુરુષ ઉમેદવારો જ આ ભરતીમેળામાં ભાગ લઈ શકશે.

આ પણ વાંચો:   IAFમાં ફ્લાઈંગ ઓફિસર કેવી રીતે બનવું? જાણો તમામ માહિતી એક ક્લિકમાં

ઓનલાઇન રજીસ્ટ્રેશન કઈ રીતે કરવું

આ લશ્કરી ભરતીમેળામાં ઉમેદવારી નોંધાવવા માટે ઓનલાઇન અરજી કરવા માટે નિયત વેબસાઈટ  www.joinindianarmy.nic.in  પર રજિસ્ટ્રેશન કરવું ફરજિયાત છે. આ ભરતી માટે ઓનલાઈન રજીસ્ટ્રેશન 5 ઓગસ્ટથી 3 નવેમ્બર સુધી થઈ શકશે. આર્મીમાં જોડાવા ઇચ્છુક યુવાનોએ રજિસ્ટ્રેશન તેમજ આર્મી ભરતી મેળા વિષયક માહિતી અને માર્ગદર્શન માટે નીચે આપેલા નંબર પર સંપર્ક કરવાનો રહેશે.

જિલ્લા રોજગાર વિનિમય કચેરી, અમરેલી કોલ સેન્‍ટર નંબર +91 6357390390.

આર્મી ભરતી કાર્યાલય હેલ્પલાઈન નં. 0288-255073.

મો.નં. +91 8866976188 પર પણ સંપર્ક કરી શકાશે.

Rajkot: રાજકોટમાં યોજાશે આર્મી ભરતી મેળો, જાણો વિગતવાર માહિતી

એપલ (Apple) સપ્ટેમ્બરમાં iPhone 14 લોન્ચ કરી શકે છે. એપલ (Apple) પ્રેમીઓ iPhone 14 ના લોન્ચની આતુરતાથી રાહ જોઈ રહ્યા છે. જોકે, એપલના ચાહકો સ્માર્ટફોનની કિંમતને લઈને ચિંતિત છે. નોંધનીય છે કે છેલ્લા કેટલાક વર્ષોથી એપલે ફ્લેગશિપ આઇફોન સિરીઝની કિંમતોમાં મોટા પ્રમાણમાં ફેરફાર કર્યો નથી. આવી સ્થિતિમાં આઈફોનની કિંમત વધુ હોવાની અટકળો લગાવવામાં આવી રહી છે.

આ દરમિયાન એક રિપોર્ટ સામે આવ્યો છે, જેમાં કહેવામાં આવ્યું છે કે iPhone 14ની કિંમત iPhone 13 કરતા $100 (લગભગ 8000 રૂપિયા) વધુ હોઈ શકે છે. રિપોર્ટમાં, વેડબુશના વિશ્લેષક ડેન ઇવેસે જણાવ્યું છે કે iPhone 14 Pro અને iPhone 14 Pro Maxની કિંમતમાં છેલ્લી પેઢીના મોડલની સરખામણીમાં $100 (આશરે રૂ. 8,000)નો વધારો જોવા મળી શકે છે.

Ives અનુસાર, ફોનની કિંમતમાં વધારો ઘટકોની કિંમતમાં વધારો અને નવી લાઇનઅપની વધારાની કાર્યક્ષમતાને કારણે કરવામાં આવ્યો છે. જોકે, Ives પ્રમાણભૂત iPhone 14ની કિંમતમાં કોઈ ફેરફારનું સૂચન કરતું નથી. રિપોર્ટ અનુસાર, iPhone 14ના બેઝ 128GB વેરિઅન્ટની શરૂઆતની કિંમત $799 હોઈ શકે છે. નોંધનીય છે કે iPhone 13ની કિંમત પણ એટલી જ હતી.

આ પણ વાંચો - Samsung સ્માર્ટફોનની કિંમતોમાં કરી રહ્યું છે સતત ઘટાડો, આ 5 સ્માર્ટફોન થયા સાવ સસ્તા

iPhone 14 Proના ફીચર્સ
બીજી તરફ, iPhone 14 Pro મોડલમાં તેમના પાછલા પેઢીના મોડલ કરતાં વધુ સ્ટોરેજ સુવિધા હોઈ શકે છે. તે નવી A16 બાયોનિક ચિપ, નવું 48MP મુખ્ય કૅમેરા સેન્સર, પિલ-આકારના કૅમેરા કટઆઉટ સાથે નવી ડિસ્પ્લે ડિઝાઇન અને ઑલવેઝ ઑન ડિસ્પ્લે માટે સપોર્ટ મેળવી શકે છે. આઇફોન 14 પ્રો અને પ્રો મેક્સ વેરિઅન્ટ્સ આ વર્ષે ખરેખર નવા મોડલ હશે.

આ પણ વાંચો - Moto S30 Pro સ્નેપડ્રેગન 888 પ્લસ સાથે થયો લોન્ચ, જાણો કિંમત અને ફિચર્સ

iPhone 14 Max કિંમત
રિપોર્ટ અનુસાર, iPhone 14 Max, જે સ્ટાન્ડર્ડ મોડલનું મોટું વેરિઅન્ટ છે. તેમાં 6.7-ઇંચ ડિસ્પ્લે અને લાંબી બેટરી હોઈ શકે છે, પરંતુ અન્ય તમામ સુવિધાઓ સમાન રહેશે. iPhone 14 Max ની શરૂઆતની કિંમત લગભગ $899 હોવાની ધારણા છે, જે iPhone 14 અને iPhone 14 Pro વચ્ચેના અંતરને દૂર કરશે.

iPhone 14 Pro મોડલની કિંમત થઈ જાહેર, જૂના મોડલ કરતાં થોડું મોંઘું હશે ડિવાઈઝ

Krishna Janmashtami 2022: ભગવાન શ્રીકૃષ્ણના જન્મોત્સવની ઉજવણીની તૈયારીઓ શરૂ થઈ ગઈ છે. વૃંદાવન સહિત ભગવાન કૃષ્ણના તમામ મંદિરોમાં સજાવટ અને પેઈન્ટિંગનું કામ શરૂ થઈ ગયું છે. સાથે જ ઠાકોરજીના નવા કપડા સીલાઈ અને તેમાં ઝરીનું કામ થઈ રહ્યું છે. વૃંદાવનમાં કાલે 19મી ઓગસ્ટે ઠાકોરજીની જન્મજયંતિ (Janmashtami 2022) ઉજવવામાં આવશે. ઉલ્લેખનીય છે કે ભગવાન કૃષ્ણ રાજકુમાર વાસુદેવ અને દેવકીના આઠમા પુત્ર છે. કંસે ભગવાન કૃષ્ણના જન્મની સાથે જ તેમના છ ભાઈઓને મારી નાંખ્યા હતા. આજે આપણે અહીં એ જ ભાઈઓ અંગે ચર્ચા કરીશું.

યદુ વંશમાં મહારાજા ઉગ્રસેનનો એક નાનો ભાઈ દેવક હતો. કંસ મહારાજા ઉગ્રસેનના પુત્ર હતા, જ્યારે દેવકી દેવકની પુત્રી હતી. કંસ તેની પિતરાઈ બહેન રાજકુમારી દેવકીને ખૂબ પ્રેમ કરતો હતો. તેણીએ પોતે દેવકીના લગ્ન યાદવ રાજકુમાર વાસુદેવ સાથે ધામધૂમથી કર્યા હતા. લગ્ન પછી વિદાય વખતે પોતે પોતાની બહેનને સાસરે લઈ જવા રથ ચલાવી મહેલમાંથી બહાર નીકળ્યા જ હતા કે આકાશવાણી સંભળાઈ. જેમાં કહેવામાં આવ્યું હતું કે તે જે બહેનને આટલા પ્રેમથી વિદાય આપી રહ્યો છે, તે જ બહેનના આઠમા પુત્ર દ્વારા તેની હત્યા કરવામાં આવશે.

આ પણ વાંચો- Budh Gochar 2022: 21 ઓગસ્ટનાં બુધનું ગોચર 3 રાશિઓ માટે છે અશુભ, તેમનાં ખરાબ દિવસો શરૂ

આકાશવાણીનો અવાજ સાંભળીને કંસ એટલો ગભરાઈ ગયો કે તેણે તરત જ વાસુદેવ અને દેવકીની ધરપકડ કરીને જેલમાં ધકેલી દીધા. ત્યાં તેણે નક્કી કર્યું કે તે વસુદેવ દેવકીના તમામ પુત્રોનો જન્મ થતાં જ મારી નાંખશે. આ તેને અજર અને અમર બનાવશે.

આ પણ વાંચો- સૂર્યનું સિંહ રાશિમાં ગોચર: આ 3 રાશિઓની બદલાશે કિસ્મત, સૂર્યદેવનાં આશીર્વાદથી આવશે સારા દિવસો

દેવકીએ નવ બાળકોને જન્મ આપ્યો

કંસના કારાગારમાં રહેલા વાસુદેવ અને દેવકીએ કુલ નવ બાળકોને જન્મ આપ્યો હતો. જેમાંથી સાત બાળકોનો જન્મ જેલમાં જ થયો હતો. આ છ બાળકોમાંથી કીર્તિમાન, સુશેણ, ભદ્રસેન, ઋજુ, સમ્માર્દન અને ભદ્રને કંસ દ્વારા જન્મતાની સાથે જ પથ્થર પર પટકીને મારી નાંખવામાં આવ્યા હતા. તો સાતમા ગર્ભને બદલી દેવાયું હતું. આ બાળકનો જન્મ ગોકુળમાં રહેતા વસુદેવની પ્રથમ પત્ની રોહિણીના ગર્ભથી થયો હતો. ગર્ભ સંકર્ષણને કારણે આ બાળકનું નામ સંકર્ષણ રાખવામાં આવ્યું હતું, જેને બલદાઉ અથવા બલરામ તરીકે પણ ઓળખવામાં આવે છે. તો આઠમા બાળક તરીકે ભગવાન કૃષ્ણ સ્વયં જેલમાં દેવકીના ગર્ભમાંથી જન્મ્યા હતા. કંસના કારાગારમાંથી દેવકી બહાર આવ્યા પછી નવમા બાળકનો જન્મ થયો હતો. આ બાળક એક છોકરી હતી. જે સુભદ્રા કહેવાઈ હતી.

&amp;nbsp;

Krishna Janmashtami 2022: જાણો ભગવાન શ્રીકૃષ્ણના ભાઈઓના નામ, જેમને કંસે જેલમાં મારી નાંખ્યા હતા

અમદાવાદ : બનાસકાંઠા જિલ્લામાં ભારે વરસાદ (Banaskatha Heavy Rain) થી ડીસા નજીકના ખેંટવા ગામ (Khentve Village Rain) માં પાણી ભરાયા છે. ગામમાં અંદર જવાના તમામ માર્ગો પર પાણી ભરાતા ગામ સંપર્ક વિહોણું બન્યું છે. ન્યૂઝ 18 ગુજરાતીની ટીમ વરસાદની સમગ્ર સ્થિતિ અંગે માહિતી મેળવવા ખેંટવા ગામે પહોંચી છે. ત્યારે આ ખેંટવા ગામમાં જ્યાં જુઓ ત્યાં પાણી જ પાણીનું સામ્રાજ્ય જોવા મળી રહ્યું છે. જાણે આ ગામ ટાપુ પર વસેલું હોય તેવા દ્રશ્યો જોવા મળ્યા હતા. આ ગામમાં ચાલીને જવાય તેવી સ્થિતિ ન હતી. જેથી ટ્રેક્ટર બેસીને ગામમાં અમારી ટીમને જવું પડ્યું. હાલ જળભરાવના કારણે આ ગામ સંપર્ક વિહોણું થયું છે.

હાલ ગ્રામજનો ભારે હાલાકીનો સામનો કરી રહ્યા છે. ત્યારે ટ્રેક્ટરમાં બેસી ન્યૂઝ18 ગુજરાતીની ટીમ ગામમાં જઈ રહી હતી ત્યારે ત્યાંના સ્થાનિકે અમારી ટીમને ગામ લોકોને થઈ રહેલી મુશ્કેલી અંગે વાત કરી, તો તેમણે કહ્યું 2015 અને 2017ની યાદ અપાવી દીધી.

જો આ ગામમાં મેડિકલ ઇમરજન્સી આવે તો આ ખેંટવા ગામના 3000 લોકો પાસે બહાર જવાનો એક જ સહારો છે, એ છે ટ્રેક્ટર. કુદરતના કહેર સામે ગામના સરપંચે પણ કહ્યું અમારી પરિસ્થિતિ ખુબ ખરાબ છે. જો મેડિકલ ઈમરજન્સી આવી તો સ્થિતિ વકરી શકે છે.

ગામનું એક ફળિયું બાકી નથી જયાં પાણી ઘુસ્યું ના હોય, આ ગામના રોડ તો દેખાતા જ નથી. ત્યારે ટ્રેક્ટર પર આગળ વધતા વધતા ન્યૂઝ18 ટીમ આ ગામની શાળાએ પહોંચી તો ત્યાં પણ પાણીનું સામ્રાજ્ય જોવા મળ્યું. આખી શાળા પાણીમાં ગરકાવ થઈ ગઈ. જળભરાવના કારણે ગામ વિદ્યાર્થીઓને રજા આપવામાં આવી છે. પાણીનો પ્રવાહમાં આ ગામમાં એવો આવ્યો કો ઘરવખરી બહાર તણાઈને આવી ગઈ. પાણીના પ્રવાહમાં ગેસની બોટલ બહાર તણાઈને આવી ગઈ હતી. આ ગામના પશુપાલકોએ બે દિવસથી દૂધ મંડળીમાં દૂધ ભરાવી શક્યા નથી

ખેંટવા ગામમાં પરિસ્થિતિ ખુબ વિકટ છે. ત્યારે ન્યૂઝ18 ગુજરાતીની ટીમ આ ગામાં આગળ વધી તો વરસાદે સર્જેલી તારાજીનો વધુ એક પુરાવો સામે આવ્યો. અમે એક એવા ફળિયામાં પહોંચ્યા જયાં પશુઓ પણ પાણીમાં રહેવા મજબૂર છે. ઘર-વખરી પાણીમાં ગરકાવ છે. જ્યા જુઓ ત્યાં જમીન નહીં પણ જળ દેખાય છે. જે અનાજ ખાવા માટે અને જીવન ચલાવવા માટે વાવ્યું હતું તે પાણીમાં ગરકાવ થઈ ગયુ. અનાજ પલળી ગયું, ખાવા માટે કઈ નથી. પશુઓને પણ જે ખવડાવવાનું એ બધું જ પલળી ગયું છે. આ પરિવારમાં પાણી સામે લાચાર જોવા મળી રહ્યા છે. ત્યારે લોકો કહી રહ્યા છે ખમૈયા કરો મેઘરાજા

તો ભીલડીના ખતરોમાં 3 ફૂટ જેટલા પાણી ભરાયા છે. ખેતરોમાં પાણી ભરાતાં મગફળી,એરંડા તથા જુવારના પાકને નુક્સાન થયું છે. જેના કારણે ખેડૂતોને આર્થિક નુકસાન ભોગવવાનો વારો આવ્યો છે. ભીલડીના ગોગામઢ, પંચવટી સોસાયટી, ગાયત્રી સોસાયટીમાં 3 ફૂટ જેટલા પાણી ભરાયા છે. હાલ પણ ભીલડીની અનેક સોસાયટીઓ પાણીમાં ગરકાવ છે. ત્યારે ભીલડીની પંચવટી સોસાયટીમાં સતત 2 દિવસથી જળભરાવ જોવા મળતા ગામ લોકોમાં રોગચાળો ફાટી નિકળવાની દહેશત સર્જાઇ છે.

બનાસકાંઠામાં પર મેઘો કઈ રીતે આફત બનીને વરસ્યો છે, તે આ રિપોર્ટ પરથી સમજી શકાય છે. તબાહી અને બર્બાદી કેટલી છે જેનો પુરાવો એટલે કાંકરેજનું ખોડા ગામ. ભારે વરસાદ બાદ ખોડા ગામ પાણીમાં ગરકાવ થયું. ગામમાં જ્યાં જુઓ ત્યાં પાણી જ પાણી જોવા મળી રહ્યું છે. ખોડા ગામનું એકપણ ફળ્યું પાણીની આફતથી બચી શક્યું નથી. ઘરોમાં પણ વરસાદી પાણી ભરાતા ઘરવખરીને મોટા પ્રમાણમાં નુકસાન થયું. નીચાણવાળા વિસ્તાોરમાં ઘૂંટણસમા પાણી ભરાયા છે. ગામમાં રોડ તો દેખાઈ જ નથી રહ્યા. અતિભારે વરસાદના કારણે ગામનું જીવન અસ્તવ્યસ્ત થઈ ગયું છે. પાણી વચ્ચે જિંદગી જીવવા આ ગામના લોકો મજબૂર થાય છે.

આ બાજુ પાણીના ધસમસતા પ્રવાહે બનાસકાંઠા કેટલાય રસ્તાને હતા નહોતા કરી નાખ્યા. રોડ ધોવાઈ જતાં જોખમી બન્યા છે. અતિભારે વરસાદના કારણે નેશનલ હાઈવે પર ડાંગીયા ગામ પાસે રોડ પર પાણી ભરાયાં. દાંતીવાડા તરફ જતો રોડ પાણીમાં ધોવાઈ ગયો. રોડની એક તરફનો ભાગ પાણીના ધસમસતા પ્રવાહમાં તણાઈ ગયો. ચંડીસરથી દાંતીવાડા તરફ ડાંગીયા ગામ નજીક રોડ ધોવાઈ જતાં રસ્તો જોખમી બન્યો છે. બીજીબાજુ ઝેરડા ગામનું તળાવ ઓવરફ્લો થતાં નીચાણવાળા વિસ્તારો માટે આફત આવી છે. ઝેરડા તળાવ ઓવરફ્લો થતા કાંઠા વિસ્તારના કેટલાય ગામોમાં ફફડાટ ફેલાયો છે. જેનાલ અંડર બ્રિજ બંધ થતા વાહન વ્યવહાર ખોરવાયો છે. તો લડબી નદીમાં ભારે વહેણથી રસ્તાના ટૂકડે ટૂકડા થઈ ગયા. લડબી નદીમાં પાણીનો પ્રવાહ વઘતા 7 ગામનો સંપર્ક તૂટ્યો છે. આ વિસ્તારમાં વરસાદ એવો વરસ્યો છે કે જેનાલ સહિત તેની આસપાસના 6 ગામ વરસાદી પાણીના કારણે ડૂબમાં આવી ગયા છે.

ઉત્તર ગુજરાતના ડેમની સ્થિતિ અંગે વાત કરીએ તો. બનાસકાંઠામાં ભારે વરસાદના કારણે જળાશયોમાં નવા નીર આવ્યા છે. દાંતીવાડા ડેમમાં 78 હજાર 240 ક્યુસેક પાણીની આવક થઈ છે. સીપુ ડેમમાં હાલ 14 હજાર 410 ક્યુસેક પાણીની આવક થઈ છે. મોકેશ્વર ડેમમાં હાલ 2 હજાર 94 ક્યુસેક પાણીની આવક થઈ છે.

જો અરવલ્લી જિલ્લાની વાત કરીએ તો, અરવલ્લી જિલ્લાનો મેશ્વો ડેમ ઓવરફ્લો થયો છે. મધ્યરાત્રિએ સપાટી પરથી 2 સેમી ઉપર પાણી વહી રહ્યું છે. વેસ્ટ વિયર ડેમનું પાણી મેશ્વો નદીમાં વહ્યુંસ જેના પગલે નીચાણવાળા 21 ગામોને એલર્ટ કરાયા છે. શામળાજી સહિતના નદી કાંઠાના વિસ્તારો સતર્ક કરવામાં આવ્યા છે.

આ બાજુ મહેસાણા જીલ્લાના બહુચરાજી તાલુકાના ખાંભેલ ગામમાં વરસાદી પાણી ઘુસ્યા છે. ખેતરોમાંથી પાણી ગામમાં ઘુસ્યા છે. ખાંભેલને જોડતા રસ્તા પર પાણી ભરાતા વાહનચાલકો પરેશાન થયા છે. ખાંભેલ ગામમાં ઢીંચણ સમાં પાણી ઘુસ્યા, ખેતરોમાં પાણી ઓવરફ્લો થતા પાણી ગામમાં ઘુસ્યા, કાયમી સમસ્યા હોવા છતાં યોગ્ય કોઈ નિકાલ ના થતા લોકો પરેશાન.

આ પણ વાંચો - બનાસકાંઠામાં વરસાદી તબાહી! કેટલાક ગામ પાણીમાં ડૂબ્યા તો કેટલાક ગામ સંપર્ક વિહોણા બન્યા 

તો ધરોઈ ડેમ માંથી પાણી છોડાતા સાબરમતી નદી બે કાંઠે વહેતી થઈ. નદી કિનારાના ગામડાઓ ને એલર્ટ કરાયા છે. સપ્તેશ્વર મહાદેવ મંદિર અડધુ પાણીમાં ગરકાવ થઈ ગયું છે. લોકો પાણી નિહાળવા ઉમટ્યા હતા.

North Gujarat Rain Update : બનાસકાંઠાના હાલ બેહાલ, અરવલ્લી મેશ્વો ડેમ ઓવરફ્લો

Horoscope, kal nu RashiBhavishya, Rashifal for 19 August 2022: તમામ રાશિના જાતકો (zodiac sings) માટે આજનો દિવસ કેવો રહેશે. એ કાલે 19 August 2022 દૈનિક રાશિફળમાં (kal nu Rashifal) જાણવા મળશે. કયા રાશિના જાતકો માટે કાલનો દિવસ શુભ રહે કે કયા રાશિના જાતકો માટે દિવસ મુશ્કેલી ભર્યો રહેશે? (kal nu RashiBhavishya).
મેષ રાશિફળ (Aries):
ગણેશજી કહે છે, આજે તમારા માટે ખુશી અને શાંતિનો દિવસ રહેશે. મિત્રો અને પરિવાર સાથે મનોરંજન માટે પર્યટક સ્થળોની મુલાકાત લેવાની તક મળશે. વધુ ખર્ચાને કારણે પૈસા સંબંધિત સમસ્યાઓ ઊભી થઈ શકે છે. બાળકની જીદને લીધે બજેટમાં સમસ્યા થઈ શકે છે.
વૃષભ રાશિફળ (Taurus):
ગણેશજી કહે છે, આજે ફળદાયક દિવસ હોવાથી તમને શારીરિક અગવડતાનો અનુભવ થઈ શકે છે. હવામાન સતત બદલાતું રહે છે, તમારા સ્વાસ્થ્યનું ધ્યાન રાખો. કાર્યસ્થળ પર વધારે કામના ભારણથી થાક રહી શકે છે. અનિયંત્રિત ગુસ્સાને ટાળવો. આજે નવા કાર્યો શરૂ કરશો નહીં અને કોઈને ઉધાર આપશો નહીં.
મિથુન રાશિફળ (Gemini):
ગણેશજી કહે છે, આજે તમારો દિવસ સાધારણ લાભકારક રહેશે. વધારે મહેનતને લીધે તમે થાક અનુભવો છો. સરકારી કામમાં ભાગદોડ પછી સફળતા મળશે. વ્યાવસાયિક પ્રવૃત્તિઓમાં વ્યસ્તતાને લીધે પરિવારની અવગણના કરવી પડી શકે છે. થોડી મહેનતથી તમને વધુ સફળતા મળશે. આજે આત્મવિશ્વાસ વધારે રહેશે.
કર્ક રાશિફળ (Cancer):
ગણેશજી કહે છે, આજે તમને મિશ્ર પરિણામ મળશે. સવારથી તમે શારીરિક થાક અને નબળાઇનો અનુભવ કરશો, જે આળસમાં વધારો કરશે. કાર્યમાં પણ આજનો દિવસ સામાન્ય રહેશે. નફો મેળવવા માટે તમારે વધુ મહેનત કરવી પડી શકે છે. સામાજિક કાર્યોમાં પ્રશંસા મળશે.
સિંહ રાશિફળ (Leo):
ગણેશજી કહે છે, તમારા માટે આજનો દિવસ મહેનતનો રહેશે. સખત મહેનત બાદ પણ કામમાં મોડું થતા નિરાશા વધી શકે છે. દિવસનો મોટાભાગનો સમય અશાંત રહેશે. નાની બાબતમાં ઘરે ઝઘડો થઈ શકે છે, તેથી શાંત રહો. મનમાં નકારાત્મકતાને લીધે ઘણી વખત મૂંઝવણની સ્થિતિ રહેશે.
કન્યા રાશિફળ (Virgo):
ગણેશજી કહે છે, કોઈપણ પ્રકારનું જોખમ લેવા માટે સમય સારો છે. જો તમે રોકાણ અથવા રિયલ એસ્ટેટની ડીલ કરવાનું વિચારી રહ્યા છો તો આગળ ચર્ચા કરો. સારા ખોરાક અને વાહનથી આનંદ મળશે. જાહેર જીવન સારું રહેશે. મનમાં પ્રવાસના વિચારો આવશે.
તુલા રાશિફળ (Libra):
ગણેશજી કહે છે, જો તમારા પૈસા કોઈ યોજના અથવા યોગ્ય રોકાણ માટે ખર્ચ કરવામાં આવી રહ્યા છે તો તે વધુ સારું છે, અત્યારે તમારે પૈસા જ્યાં છે ત્યાં રાખવા જોઈએ. તમારે કામ માટે વધુ દોડવું પડી શકે છે. ધંધામાં પૈસાના આગમનને કારણે થાક ભૂલી જશો. સ્વાસ્થ્ય સારું રહેશે, પરંતુ તમારે તમારા મનને કાબૂમાં રાખવું પડશે.
વૃશ્ચિક રાશિફળ (Scorpio):
ગણેશજી કહે છે, આજનો દિવસ તમારા માટે અયોગ્ય દિવસ રહેશે, જ્યાં તમને લાભની અપેક્ષા રહેશે ત્યાંથી નિરાશા મળશે. બપોર સુધીમાં કોઈ દુષ્ટતાનો ભય મનમાં રહેશે. આજે વધુ પડતા ગુસ્સાને કારણે બિનજરૂરી વિવાદની સંભાવના રહેશે. કેટલીક ગેરસમજને લીધે પ્રિયજનો સાથે અસ્પષ્ટતા થઈ શકે છે.
ધન રાશિફળ (Sagittarius):
ગણેશજી કહે છે, આજનો દિવસ શાંતિપૂર્ણ રહેશે. આધ્યાત્મિકતામાં વિશેષ રુચિ રહેશે. પૂજા અને સત્સંગનું આયોજન કરશો. તમે કોઈ શુભ ધાર્મિક યાત્રા પર પણ જઈ શકો છો. અધૂરા કાર્યો પૂરા થવામાં વિલંબને કારણે તમે નિરાશ થશો, પરંતુ પ્રયત્ન કરતા રહો, થોડીક મહેનત કર્યા પછી તમને સફળતા મળી શકે છે.
મકર રાશિફળ (Capricorn):
ગણેશજી કહે છે, આજનો દિવસ તમારા માટે પણ શુભ રહેશે. ઘરે સુખ-શાંતિ રહેશે. તમે દિવસભર શારીરિક અને માનસિક રીતે ફીટ રહેશો. જૂના રોગમાં સુધારણાથી રાહત મળશે. કાર્યક્ષેત્રે ઓછો સમય આપશો, નવા પ્રયોગોમાં પણ રસ બતાવશો. સહકારી વાતાવરણને કારણે જરૂરી કામ સમયસર પૂર્ણ થશે.
કુંભ રાશિફળ (Aquarius):
ગણેશજી કહે છે, કાર્યમાં ઇચ્છિત સફળતા પ્રાપ્ત કરવામાં તમને આનંદ થશે, પરંતુ સરકારી કામ કરવા માટે આજનો દિવસ સારો નથી, મુશ્કેલીઓ વધી શકે છે. ઘર અને બહાર મુશ્કેલી મુક્ત વાતાવરણ બનાવવામાં રાહત મળશે. સબંધીઓ તરફથી લાભની તક મળશે.
મીન રાશિફળ (Pisces):
ગણેશજી કહે છે, આજનો દિવસ તમારા માટે અનુકૂળ રહેશે. દિવસભર શારીરિક અને માનસિક ઉર્જા રહેશે. તમારું સામાજિક વર્તન સારુ રહેશે અને દિવસના પહેલા ભાગમાં તમારા બધા કામ સરળતાથી થઈ જશે પરંતુ તમારે લાભ માટે રાહ જોવી પડી શકે છે. પૈસા વિશે કોઈની સાથે દલીલ પણ થઈ શકે છે.

Horoscope 19 August : તમામ રાશિના જાતકોનો જન્માષ્ઠમીનો દિવસ કેવો રહેશે?  વાંચો કાલનું રાશિફળ

અમદાવાદ

સુરત

વડોદરા

રાજકોટ

ગાંધીનગર

ભાવનગર

જામનગર

જુનાગઢ

કચ્છ - ભુજ

મહેસાણા

પંચમહાલ

આણંદ

વલસાડ

સાબરકાંઠા

બનાસકાંઠા

અમરેલી

સુરેન્દ્રનગર

પોરબંદર

ભરૂચ

મલાઈકાની ઓરેન્જ કલરના શોર્ટ સ્ટનિંગ ડ્રેસમાં બોલ્ડ તસવીર વાયરલ

અમદાવાદના આર્ટ ગેલરી ખાતે સૌથી મોંધી પિચવાઈને પ્રદર્શનમાં મુકાઈ,આ સદીની છે કળા

Zodiac Signs: કન્યા રાશિ માટે આ 4 રાશિનાં પાર્ટનર છે બેડરૂમમાં છે એકદમ પરફેક્ટ

રાજકોટમાં યોજાશે આર્મી ભરતી મેળો, જાણો વિગતવાર માહિતી

iPhone 14 Pro મોડલની કિંમત જાહેર, જૂના મોડલ કરતાં મોંઘું હશે ડિવાઈઝ

જાણો ભગવાન શ્રીકૃષ્ણના ભાઈઓના નામ, જેમને કંસે જેલમાં મારી નાંખ્યા હતા

તમામ રાશિના જાતકોનો જન્માષ્ઠમીનો દિવસ કેવો રહેશે?  વાંચો કાલનું રાશિફળ

સોનાના ભાવ ઘટી શકે છે, Gold Price ઘટે તે માટે સોના-ચાદીની કસ્ટમ ડ્યૂટીમાં ઘટાડાની જાહેરાત

દુશ્મનોના દાંત ખાટા કરવા માટે રક્ષા બજેટ પર વિશેષ ભાર,રૂપિયા  4.78 લાખ કરોડની ફાળવણી

Union Budget 2021 : નાણામંત્રીએ ક્યા ક્ષેત્રને કેટલા રૂપિયા ફાળવ્યા, કોને શુું મળ્યું?

Union Budget 2021 : બજેટમાં ઉપયોગમાં લેવાતા 'નાણાકીય શબ્દો'ની સમજ

budget-news

તમારો જિલ્લો પસંદ કરો

જિલ્લો

budget news

budget news - ના સમાચાર

સોનાના ભાવ ઘટી શકે છે, Gold Price ઘટે તે માટે સોના-ચાદીની કસ્ટમ ડ્યૂટીમાં ઘટાડાની જાહેરાત

દુશ્મનોના દાંત ખાટા કરવા માટે રક્ષા બજેટ પર વિશેષ ભાર,રૂપિયા 4.78 લાખ કરોડની ફાળવણી

Union Budget 2021 : નાણામંત્રીએ ક્યા ક્ષેત્રને કેટલા રૂપિયા ફાળવ્યા, કોને શુું મળ્યું?

Union Budget 2021 : બજેટમાં ઉપયોગમાં લેવાતા 'નાણાકીય શબ્દો'ની સમજ

તાજેતરના સમાચાર