નવી દિલ્હી: કેન્દ્રીય તપાસ એજન્સી EDએ ચીન સમર્થિત ઘણી કંપનીઓ સામે મોટી કાર્યવાહી હાથ ધરી છે. અનેક સ્થળોએ સર્ચ ઓપરેશન હાથ ધરતા EDએ 9 કંપનીઓના બેંક ખાતા સહિત 9 કરોડ 82 લાખ રૂપિયા ફ્રીઝ કરી દીધા હતા. જણાવી દઈએ કે, હવે આ ચીની સંબંધિત કંપનીઓ તે પૈસાનો ઉપયોગ કરી શકશે નહીં. ચીન સંબંધિત કંપનીઓ ભારતની અંદર પોતાની આર્થિક વ્યવસ્થા સાથે જોડાયેલી કંપનીઓનું નેટવર્ક ફેલાવીને એક મોટા ષડયંત્ર માટે નેટવર્ક બનાવવાનો પ્રયાસ કરી રહી હતી, પરંતુ તપાસ એજન્સી EDએ આ મામલે મોટો ખુલાસો કર્યો અને જણાવ્યું કે, બિટકોઈન અને તેના બદલામાં કેવી રીતે અન્ય ક્રિપ્ટોકરન્સીમાં રોકાણ કરવા માટે, તેઓને મોટો નફો મેળવવાની લાલચ આપવામાં આવી રહી હતી.

આ પણ વાંચો: અફવા કે હકીકત: ચીનના રાષ્ટ્રપતિ શી જિનપીંગને કરાયા નજરકેદ?, તખ્તાપલટની થવા લાગી ચર્ચા

આ મામલાના શરૂઆતની તપાસમાં એ વાત પણ સામે આવી છે કે, ચીન સંબંધિત ઘણી કંપનીઓ ભારતની આર્થિક વ્યવસ્થા પર ગંદી નજર રાખી રહી છે, પરંતુ તે તમામ બાબતો પર તપાસ એજન્સી વધુ કાળજીપૂર્વક તપાસ કરી રહી છે. કેન્દ્રીય તપાસ એજન્સીઓ દ્વારા જે કંપનીઓ વિરુદ્ધ કાર્યવાહી કરવામાં આવી છે અને તપાસ દરમિયાન કોના નામ સામે આવ્યા છે, તે નીચે મુજબ છે.

-Comein Network Technology Private Limited

- Mobicred Technology Private Limited

- Magic Data Technology Private Limited

- Baitu Technology Private Limited

- Aliyeye Network Technology India Pvt Ltd

-Wecash Technology Private Limited

-Larting Private Limited

- Magic Bird Technology Private Limited

- Acepearl Services Private Limited

ભારતની અંદર ચીનની અપ્રત્યક્ષ ઘૂસણખોરી:

એજન્સી EDએ ગયા વર્ષે 8 ઑક્ટોબર 2021ના રોજ આ કેસનો કબજો લીધો હતો અને મની લોન્ડરિંગ એક્ટ હેઠળ તપાસ શરૂ કરી હતી. આ કેસ નાગાલેન્ડની રાજધાની કોહિમા સ્થિત સાયબર ક્રાઈમ બ્રાન્ચમાં નોંધવામાં આવ્યો હતો. નોંધાયેલી FIRમાં HPZ ટોકન નામની મોબાઈલ એપ અને તેની સાથે જોડાયેલી ઘણી કંપનીઓની માહિતી સામે આવી છે. બિટકોઈન અને અન્ય ક્રિપ્ટોકરન્સીમાં રોકાણ કરવાના બદલામાં મોટો નફો આપવાની લાલચ આપવામાં આવી રહી હતી. નાગાલેન્ડ જેવા રાજ્યોમાંથી તે ચીની સંબંધિત કંપનીઓના પ્રારંભિક નેટવર્કની શરૂઆત પણ પ્રશ્નો અને તપાસના રડાર પર છે, કારણ કે નાગાલેન્ડ અથવા તેની આસપાસના રાજ્યો ચીનના સરહદી વિસ્તાર સાથે જોડાયેલા છે. આથી આ કેસમાં થનારી વધુ તપાસમાં ટૂંક સમયમાં અન્ય ઘણા ખુલાસા થઈ શકે છે.



જો કે, તપાસ એજન્સી ED દ્વારા આ ચીન સંબંધિત કંપનીઓ સાથે લાગું પડતા કેસોમાં કાર્યવાહી દરમિયાન, ઘણા બેંક ખાતાઓમાં લગભગ 56 કરોડ 49 લાખ રૂપિયાની રકમ ફ્રીઝ કરવામાં આવી છે. EDની ટીમ દ્વારા 14 સપ્ટેમ્બર 2022ના રોજ પણ સર્ચ ઓપરેશન હાથ ધરવામાં આવ્યું હતું અને તે દરમિયાન કાર્યવાહી કરતી વખતે લગભગ 46 કરોડ 67 લાખ રૂપિયા રોકી દેવામાં આવ્યા હતા. હાલ આ મામલે વધુ તપાસ ચાલી રહી છે.

ED Freeze Bank Account : ચીનના નિયંત્રણ હેઠળની 9 કંપનીઓના ખાતા ફ્રીઝ કરાયા

ભાવનગર: વડાપ્રધાન આજે સુરતમાં કાર્યક્રમો પતાવીને ભાવનગર ખાતે આવ્યા છે. તેઓ ભાવનગરમાં સવા કલાક રોકાશે. જે દરમિયાન રોડ શો કરવામાં આવી રહ્યો છે. આ સાથે ભાવનગરમાં પણ જાહેરસભા સંબોધશે. વડાપ્રધાનના હસ્તે સીએનજી ટર્મિનલ સહિતના 6.50 હજાર કરોડના કામના લોકાર્પણ અને ખાતમૂહુર્ત કરાશે.

વડાપ્રધાન નરેન્દ્ર મોદી પહેલા ભાવનગર એરપોર્ટ ખાતે આવશે. એરપોર્ટથી મહિલા કોલેજ સુધી રોડ શોનું આયોજન કરવામાં આવ્યુ છે. તેઓ જવાહર મેદાન ખાતે સ્ટેજ પર પહોંચી જશે અને ત્યારબાદ લોકાર્પણ અને ખાતમૂહુર્તના કાર્યક્રમ યોજાશે. આ કાર્યક્રમમાં વડાપ્રધાન જનસભા સંબોધશે અને ત્યારબાદ તેઓ એરપોર્ટ જવા રવાના થશે. તેમ સરકારી સુત્રોએ જણાવ્યુ છે.

આ કાર્યક્રમની છેલ્લા પંદર દિવસથી ભાવનગરમાં તૈયારીઓ ચાલતી હતી અને હાલ તમામ તૈયારીઓ પૂર્ણ કરી દેવામાં આવી છે. હાલ સરકારી તંત્ર વડાપ્રધાનના કાર્યક્રમને લઈ સજ્જ થઈ ગયુ છે અને કાર્યક્રમમાં તેમજ સુરક્ષામાં ચુક ના રહે તેવા પ્રયાસ હાથ ધરવામાં આવ્યા છે.

આ પણ વાંચો : પીએમ મોદીએ કર્યા સુરતના જમણના વખાણ

મહેમાનો અને આવનાર જનમેદનીને બેસવા માટે કુલ 8 લાખ ચોરસ ફુટમાં ડોમ બાંધવામાં આવ્યો છે. જેમાં 6,50,000 ફૂટનો મુખ્ય જર્મન ડોમ અને તેની બાજુની બંને સાઇડમાં કુલ 1,50,000 ચો.ફુટમાં બીજા ડોમની વ્યવસ્થા કરવામાં આવી છે. લોકો માટે ડોમમાં 1800 પંખા, 60 એલ.ઇ.ડી. લગાવવામાં આવી છે. જેથી બેઠા બેઠા જ લોકો જોઇ શકે. આ એલ.ઇ.ડી. સ્ક્રિન પણ મોટા લગાવવામાં આવ્યાં છે. આ ઉપરાંત ટેન્ટ કુલરની પણ વ્યવસ્થા કરવામાં આવી છે. જવાહર મેદાનના કુલ 24,74,000 ચો.ફુટમાં બેસવા, પાણી, સેનિટેશન અને પાર્કિંગ સહિતની વ્યવસ્થાઓ ઉભી કરવામાં આવી છે.

&amp;nbsp;

PM Modi Gujarat Visit: સુરત બાદ ભાવનગરમાં પીએમ મોદીનો મેગા શો, લોકોમાં થનગનાટ

લાઇફ સ્ટાઇલ ડેસ્ક: તમે પણ ઘરમાં વધેલી રોટલીને ફેંકી દો છો? જો હા તો હવે તમારે ફેંકવાની જરૂર નથી. વધેલી રોટલીમાંથી આ રીતે ચેવડો બનાવો છો અને સવારમાં ચા-કોફી સાથે ખાઓ છો તો બહુ મજા આવે છે. આ ચેવડો થોડો ખાવાથી પણ પેટ ભરાઇ જાય છે. વધેલી રોટલીમાંથી બનેલો આ ચેવડો તમે મહેમાનોંને પણ ડીશમાં મુકો છો તો કંઇક અલગ અને નવું લાગે છે. તો જાણો ઘરે કેવી રીતે બનાવશો આ ટેસ્ટી ચેવડો. આ ચેવડો બનાવવામાં તમને બહુ મહેનત પડતી નથી અને સરળતાથી બની જાય છે.
સામગ્રી
વધેલી રોટલી

તલ

તેલ

મીઠા લીમડાના પાન

આ પણ વાંચો: કલોંજીનું આ પાણી પીવાથી સડસડાટ ઉતરી જાય છે વજન 

લાલ મરચું

હળદર

મીઠું

બૂરું ખાંડ

લીલા મરચાં

કાજુ

દ્રાક્ષ
બનાવવાની રીત
વધેલી રોટલીમાંથી ચેવડો બનાવવા માટે સૌ પ્રથમ એક મોટી ડિશમાં વધેલી રોટલી લો અને એના કટકા કરી લો. આ કટકા તમારે બહુ ઝીણાં અને મોટા કરવાના નથી. હવે એક પેન લો અને એમાં તેલ ગરમ કરવા માટે મુકો. તેલ ગરમ થઇ જાય એટલે એમાં કાજુ, દ્રાક્ષ અને બદામ નાંખો. ત્યારબાદ આમાં મીઠા લીમડાના પાન અને લીલા મરચા નાંખો. એક સેકન્ડ રહીને તમે તલ નાંખો અને આ બધી વસ્તુને એક વાર હલાવી દો. ત્યારબાદ આમાં રોટલીના કટકા એડ કરો. હવે આ રોટલીમાં મરચું, મીઠું અને હળદરનો મસાલો કરો. ત્યારબાદ આ રોટલીને હવે ક્રિસ્પી થવા દો. રોટલી ક્રિસ્પી થઇ જાય એટલે એમાં બૂરું ખાંડ નાંખો અને આ બધુ બરાબર મિક્સ કરી લો.

આ પણ વાંચો: શરીરમાં આ ફેરફાર થાય તો દોડો ડોક્ટર પાસે નહીં તો..

આ બધી જ પ્રોસેસ થઇ જાય પછી ચેવડા પર ચાટ મસાલો નાંખો અને તરત ગેસ બંધ કરી દો. તો તૈયાર છે વધેલી રોટલીમાંથી ટેસ્ટી ચેવડો. આ ચેવડો ખાવાની બહુ જ મજા આવે છે.

ખાસ રાખો આ ધ્યાન
આ ચેવડો બનાવતી વખતે બૂરું ખાંડ સૌથી છેલ્લે નાંખો. આ ચેવડામાં મોટાભાગના લોકો ચાટ મસાલો નાંખતા હોતા નથી. પરંતુ જો તમે ચાટ મસાલો નાંખો છો તો ટેસ્ટ સારો આવે છે અને ખાવાની પણ મજા આવે છે. ચાટ મસાલો નાંખીને તમારે તરત જ ગેસ બંધ કરી દેવાનો છે. તો ચા સાથે આ ચેવડો ખાવાની મજા માણો.

વધેલી રોટલીને ફેંક્યા વગર આ રીતે ઘરે બનાવો ક્રિસ્પી ચેવડો, ચા સાથે ખાવાની મજા આવશે

મુંબઈ : બિગ બોસના ઘરમાં મહિનાઓ સુધી તમારા ગુસ્સાને કાબૂમાં રાખવો માત્ર મુશ્કેલ જ નથી, અશક્ય પણ છે. અહીં રોજ નવા ઝઘડા થાય છે. બિગ બોસ 8માં મહાભારત ફેમ દુર્યોધન પણ ગુસ્સે થયો હતો અને તેઓએ આર્યન બબ્બર સાથે મારામારી કરી હતી. તેના પછી દુર્યોધનને શો માંથી આઉટ કર્યો હતો.

આ એક શબ્દ 'બિગ બોસ'માં હજારો વાર્તાઓ છુપાયેલી છે. બિગ બોસ એ ટેલિવિઝન શો છે જ્યાં બધું શક્ય છે. ક્યારેક શોમાં આવેલા સ્પર્ધકો પ્રેમમાં પડ્યા હશે, તો ક્યારેક ઘરમાં મહાભારત શરૂ થાય છે. બિગ બોસનું ઘર એટલે ફુલ ઓન ડ્રામા. કદાચ તેથી જ લોકો આ શો જોવા માટે ઉત્સુક છે. હવે જ્યારે બિગ બોસના ઘરમાં લડાઈ-ઝઘડાની વાત આવે છે, ત્યારે તેઓને તે કિસ્સો પણ યાદ આવે છે જ્યારે મહાભારત ફેમ પુનીત ઇસારને શોમાંથી બહાર ફેંકી દેવામાં આવ્યો હતો.

આ પણ વાંચો : મુંબઈની સૌથી મોંઘી બિલ્ડિંગમાં રહે છે કિયારા અડવાણી, જુઓ એક્ટ્રેસના લક્ઝુરિયસ ઘરના ફોટોઝ

બિગ બોસમાં હિંસક બન્યો હતો પુનીત

પુનીત ઇસાર તેના દબંગ વ્યક્તિત્વ માટે જાણીતા છે. તે ઘણીવાર બોલિવૂડ ફિલ્મોમાં વિલનની ભૂમિકા ભજવતો જોવા મળ્યો છે. પરંતુ ખરી લોકપ્રિયતા તેમને મહાભારત શો દ્વારા મળી હતી. મહાભારતમાં પુનીતે દુર્યોધનનો રોલ કર્યો હતો. આ રોલ પુનીતના વ્યક્તિત્વ પર એકદમ ફિટ બેઠો અને તે લોકપ્રિય બન્યો. મહાભારત અને ફિલ્મોમાં કામ કર્યા બાદ પુનીત ઈસારે બિગ બોસ 8માં ભાગ લીધો હતો.

પુનીત બિગ બોસના ઘરમાં સાચા ટ્રેક પર ચાલી રહ્યો હતો. પરંતુ એક લક્ઝરી ટાસ્ક દરમિયાન તેનો ગુસ્સો સાતમા આસમાને પહોંચી ગયો હતો. આ ટાસ્કમાં પુનીત એટલો ગુસ્સે થયો કે તે આર્ય બબ્બર સાથે હિંસક બની ગયો. જો કે, બિગ બોસના કોન્ટ્રાક્ટમાં પહેલાથી જ લખેલું હોય છે કે ઘરની અંદર બળનો ઉપયોગ કરવાની મનાઈ છે. પરંતુ ઘણા સ્પર્ધકો ટાસ્ક દરમિયાન આ નિયમ ભૂલી જાય છે. કેટલી વાર સ્પર્ધકો ઉત્તેજનામાં હોશ ગુમાવે છે અને ઝપાઝપીમાં પડે છે. પુનીત ઇસાર સાથે પણ એવું જ થયું. આ ટાસ્કમાં પુનીતે પોતાના ગુસ્સા પર કાબુ ન રહ્યો અને આર્યન બબ્બરને ઉઠાવી પટકાવ્યો.



શોમાંથી બહાર કાઢવામાં આવ્યા હતા

બિગ બોસના ઘરમાં હિંસક થવું એ ગુનો છે અને તેના માટે સજા પણ આપવામાં આવે છે. તેથી જ પુનીત ઈસારને પણ સજા થઈ. પુનીતને બળનો ઉપયોગ કરવા બદલ બહાર કરવામાં આવ્યો હતો. પુનીતના જવાને કારણે તેની ખાસ મિત્ર અને બિગ બોસ વિનર ગૌતમી ગુલાટીને મોટો આંચકો લાગ્યો હતો. જો કે, થોડા દિવસો પછી, પુનીત ફરીથી શોમાં પાછો ફર્યો. પરંતુ ફરી પાછા આવ્યા બાદ પણ તે શોની ટ્રોફી જીતી શક્યો નહોતો.

પુનીત સિવાય કેઆરકે અને પૂજા મિશ્રા જેવા ઘણા નામો આ લિસ્ટમાં સામેલ છે જેમાં અફસાના ખાન, અલી કુલી મિર્ઝા, કુશાલ ટંડનનો સમાવેશ થાય છે. જેમને પોતાના ખરાબ વર્તનને કારણે શોમાંથી બહાર થવું પડ્યું હતું.

બિગ બોસે 'મહાભારત ફેમ દુર્યોધન'ને ઘરમાંથી બહાર કર્યો, જાણો શું છે કારણ?

ગુવાહાટી: આસામના ધુબરી જિલ્લામાં બ્રહ્મપુત્રા નદીમાં ગુરુવારે લગભગ 30 લોકોને લઈને જતી એક હોડી પલટી ગઈ હતી. આ ઘટનામાં અનેક લોકો ડૂબ્યા હોવાની માહિતી સામે આવી રહી છે. ધુબરીના ડેપ્યુટી કમિશનર અંબામુથન એમપીએ જણાવ્યું કે, 6-7 લોકો હજુ પણ ગુમ છે.

રેસ્ક્યૂ ટીમ દ્વારા બચાવ કામગીરી:

અધિકારીઓએ જણાવ્યું હતું કે, હાલ રાહત અને બચાવ કાર્ય શરૂ કરવામાં આવ્યું છે. આ ઘટનામાં ધુબરી ઝોનલ ઓફિસર સંજુ દાસ પણ ગુમ છે. આસામ સ્ટેટ ડિઝાસ્ટર મેનેજમેન્ટ ઓથોરિટીના ચીફ એક્ઝિક્યુટિવ ઓફિસર જ્ઞાનેન્દ્ર દેવ ત્રિપાઠીના જણાવ્યા અનુસાર, રેસ્ક્યૂ ટીમે નદીમાં બચાવ કામગીરી શરૂ કરી દીધી છે.



આ અકસ્માત અંગે માહિતી આપતાં જ્ઞાનેન્દ્ર દેવ ત્રિપાઠીએ જણાવ્યું કે, ધુબરી-ફુલબારી પુલ પાસે એક નાની ચેનલ છે. ટીમ લાકડાની બોટ પર ચેનલ પાર કરી રહી હતી, ત્યારે તે કોઈ વસ્તુ સાથે અથડાઈ અને પલટી ગઈ હતી. બોટમાં લગભગ 30 લોકો સવાર હતા, જેમાંથી ઘણા ધુબરી સર્કલ ઓફિસના કર્મીઓ હતા. કેટલાક લોકો કે, જેઓ તરવાનું જાણતા હતા તેઓને બચાવી લેવામાં આવ્યા હતા. તેમણે કહ્યું કે, રાજ્ય ડિઝાસ્ટર રિસ્પોન્સ ફોર્સ, નેશનલ ડિઝાસ્ટર રિસ્પોન્સ ફોર્સ અને બોર્ડર સિક્યુરિટી ફોર્સની ટીમોને શોધ અને બચાવ કામગીરી માટે તૈનાત કરવામાં આવી છે.

boat capsizes: બ્રહ્મપુત્રા નદીમાં 30 લોકોને લઈને જતી હોડીએ પલટી મારી, અનેક લોકો લાપતા

અમદાવાદ

સુરત

વડોદરા

રાજકોટ

ગાંધીનગર

ભાવનગર

જામનગર

જુનાગઢ

કચ્છ - ભુજ

મહેસાણા

પંચમહાલ

આણંદ

વલસાડ

સાબરકાંઠા

બનાસકાંઠા

અમરેલી

સુરેન્દ્રનગર

પોરબંદર

ભરૂચ

News18 Gujarati

australiya

મુંબઈની સૌથી મોંઘી બિલ્ડિંગમાં રહે છે કિયારા અડવાણી, જુઓ લક્ઝુરિયર ઘરના ફોટોઝ

વિશ્વની 5 સૌથી મોટી બેંક લૂંટ કે જેમાં અબજો રૂપિયાની થઈ લૂંટ

ધનતેરસ પર શનિદેવ બદલશે ચાલ, આ 5 રાશિઓની ચમકી જશે કિસ્મત, થઇ જશે માલામાલ

સુરત બાદ ભાવનગરમાં પીએમ મોદીનો મેગા શો, લોકોમાં થનગનાટ

વધેલી રોટલીને ફેંક્યા વગર આ રીતે ઘરે બનાવો રોટલીનો ટેસ્ટી ચેવડો

બ્રહ્મપુત્રા નદીમાં 30 લોકોને લઈને જતી હોડીએ મારી પલટી, અનેક લોકો લાપતા

Chanakya Niti: પુરુષોએ ખાસ મિત્રને પણ આ 5 વાતો ન જણાવવી જોઇએ, ભોગવવું પડશે આખું જીવન

australiya

તમારો જિલ્લો પસંદ કરો

જિલ્લો

australiya

આ માપદંડ સાથે મેળ ખાતી કોઈ વાર્તાઓ મળી નથી

તાજેતરના સમાચાર