ગુજરાત વિધાનસભા ચૂંટણીની તૈયારીઓ રાજ્યભરમાં તમામ પક્ષો દ્વારા જોરશોરથી કરવામાં આવી રહી છે. ગુજરાતમાં દિગ્ગજ નેતાઓના આટાંફેરા તે વાત તરફ સીધો ઇશારો કરે છે કે કોઇ પણ ઘડીએ ચૂંટણી કમિશન ગુજરાતમાં ઇલેક્શન જાહેર કરી શકે છે. તેવામાં દરેક પક્ષ અને પાર્ટીના નેતાઓ ભાજપ શાસિત રાજ્ય પર હાથ જમાવવા એડી ચોટીનું જોર લગાવી રહ્યા છે.

ગુજરાતમાં પાટીદારોના મત પર આમ આદમીની મજબૂત પકડ ભાજપ અને કોંગ્રેસના શ્વાસ અધ્ધર કરી રહી છે. આ વખતે ગુજરાતમાં ત્રિપાંખીયો જંગ જામે તો નવાઇની વાત ન કહી શકાય. હાલ દિલ્હીના મુખ્યમંત્રી અરજવિંદ કેજરીવાલ પણ આમ આદમી પાર્ટીને ગુજરાતમાં જીત અપાવવા માટે નેતાઓને જવાબદારીઓ આપવાનું શરૂ કરી ચૂક્યા છે.

ગુજરાતના આમ આદમી પાર્ટીના પ્રદેશ પ્રભારી અને દિલ્હીમાં આમ આદમી પાર્ટીના ધારાસભ્ય ગુલાબસિંહ યાદવના ખભા પર ચૂંટણીની રણનીતિ ઘડવાની મોટી જવાબદારી મૂકી છે. નજીકના ભવિષ્યમાં યોજાનાર વિધાનસભા ચૂંટણીના દ્રષ્ટિકોણથી લોકોએ દરેક પાર્ટી નેતા વિશે નાની મોટી વાતથી અવગત હોવું આવશ્યક છે, તેથી આજે અમે તમને આપના પ્રદેશ ચૂંટણી પ્રભારી ગુલાબસિંહ યાદવ વિશે તમામ નાની મોટી વાતો જણાવવા જઇ રહ્યા છીએ.

કોણ છે ગુલાબસિંહ યાદવ?

ગુલાબસિંહ યાદવનો જન્મ 30 ઓક્ટોબર, 1978માં રાષ્ટ્રીય રાજધાની દિલ્હીમાં થયો હતો. તેમના પિતાનું નામ રાજપાલ સિંહ છે. ગુલાબસિંહ યાદવે નેશનલ ઇન્સ્ટિટ્યૂટ ઑફ ઓપન સ્કૂલિંગમાં પોતાની શિક્ષા લીધી હતી અને તેઓ બારમા ધોરણ સુધી ભણેલા છે. ગુલાબ સિંહ યાદવ બે ટર્મ (2015-2020) માટે ધારાસભ્ય છે. તેઓ મટિયાલા મતવિસ્તારનું પ્રતિનિધિત્વ કરે છે અને આમ આદમી પાર્ટીના સભ્ય છે.

વર્ષ 2015માં યોજાયેલ દિલ્હી વિધાનસભા ચૂંટણીમાં તેઓ આમ આદમી પાર્ટીના ઉમેદવાર તરીકે મટિયાલા બેઠક પરથી ચૂંટણી લડ્યા અને 1,27,665 વોટની જંગી બહુમતિ સાથે જીત મેળવી ભાજપના ઉમેદવાર રાજેશ ગેહલોતને હાર આપી હતી. જ્યારે વર્ષ 2020માં પણ ગુલાબસિંહે મટિયાલા બેઠક પરથી 1,39,010 મતો સાથે જંગી બહુમતિ મેળવીને ફરી એકવાર ભાજપના ઉમેદવાર રાજેશ ગેહલોતને માત આપી હતી.

આમ આદમી પાર્ટીની નજર હવે ગુજરાત અને હિમાચલ પ્રદેશ પર છે. જેના પગલે ગત માર્ચ મહિનામાં જ પાર્ટી દ્વારા દિલ્હીના ધારાસભ્ય ગુલાબસિંહ યાદવને ગુજરાતના ચૂંટણી પ્રભારી નિયુક્ત કરવામાં આવ્યા હતા. આ જાહેરાત સાથે જ ગુલાબસિંહ ગુજરાતમાં પણ જાણીતો ચહેરો બની રહ્યા છે. જોકે, રાજ્યસભા ઉમેદવાર ડો. સંદિપ પાઠકને આમ આદમી પાર્ટીના ગુજરાત પ્રભારી તરીકે નિયુક્ત કરાયા છે.

વસૂલીના કેસમાં લેવાયા હતા હિરાસતમાં

વર્ષ 2016માં ઓક્ટોબર માસમાં દિલ્હીની એક અદાલતે આમ આદમી પાર્ટીના ધારાસભ્ય અને પાર્ટીના ગુજરાત આપના પ્રભારી ગુલાબ સિંહ યાદવને ખંડણીના કેસમાં 14 દિવસની ન્યાયિક કસ્ટડીમાં મોકલી દીધા હતા. યાદવની ગુજરાતમાં ધરપકડ કરવામાં આવી હતી અને તેને ટ્રાન્ઝિટ રિમાન્ડ પર દિલ્હી લાવવામાં આવ્યા હતા.

પોલીસે એમ કહીને દિલ્હીના મટિયાલાના ધારાસભ્ય ગુલાબ સિંહ યાદવની પાંચ દિવસની કસ્ટડી માંગી હતી કે ધારાસભ્યની પૂછપરછ કરવી પડશે, કારણ કે તે માને છે કે સંગઠિત ખંડણી ગેંગ કાર્યરત છે. 13 સપ્ટેમ્બર, 2016ના રોજ બિંદાપુર પોલીસ સ્ટેશનમાં આઈપીસીની કલમ 384 હેઠળ કેસ નોંધવામાં આવ્યો હતો. ત્યાર પછી કથિત રીતે તપાસમાં સામેલ ન થવા બદલ ધારાસભ્ય વિરુદ્ધ 14 ઓક્ટોબરે બિનજામીનપાત્ર વોરંટ જારી કરવામાં આવ્યું હતું.

એટલું જ નહીં, તેમના પર દિલ્હીના વિવિધ પોલીસ સ્ટેશનમાં વિવિધ ગુનાઓ હેઠળ અંદાજે 11 એફઆઇઆર નોંધવામાં આવી છે. જ્યારે અત્યાર સુધીમાં તેઓ 57000થી વધુ રૂપિયાનો દંડ ભરી ચૂક્યા છે.

ગુલાબસિંહના વિપક્ષ પર ધારદાર નિવેદનો ‘ભાજપ સરકાર જ લીક છે’

ગુલાબસિંહ યાદવ પોતાના નિવેદનો અને વિપક્ષ પર પ્રહારોને લઇને ઘણી વખત મીડિયામાં હેડલાઇન બનતા રહે છે. ગુજરાતમાં જ્યારે કોંગ્રેસ નેતા કૈલાશ ગઢવી, પૂજા શર્મા, એચ કે ડાબી સહિતના નેતાઓ પોતાના સમર્થકો સાથે કોંગ્રેસમાં સામેલ થયા હતા. ત્યારે ગુજરાત સરકાર પર કટાક્ષ કરતા ગુલાબસિંહે કહ્યું હતું કે, ભાજપ 27 વર્ષથી સત્તામાં છે, પરંતુ આજે આ સરકાર 7મા ધોરણના પેપરને પણ સુરક્ષિત રાખી શકતી નથી અને આજે ગુજરાતમાં પેપર લીક થવું સામાન્ય બની ગયું છે કારણ કે ભાજપ સરકાર જ લીક થયેલ છે. આ લીકેજને ફક્ત આમ આદમી પાર્ટી જ રોકી શકશે.

‘આપની વિચારધારા સાથે સહમત નેતાઓનું પક્ષમાં સ્વાગત’

ગુલાબ સિંહે કહ્યું કે, ભાજપ અને કોંગ્રેસ અથવા અન્ય કોઈપણ પક્ષમાં કામ કરતા દરેક નેતા અને કાર્યકર, જેમની વિચારધારા આમ આદમી પાર્ટી સાથે સુસંગત છે, તે બધા ભાઈઓ, મિત્રો, સાથીઓ જેઓ દેશભક્તિનો, પ્રામાણિકતા, માનવતાની વિચારધારા ધરાવે છે, તેમને પાર્ટીમાં જોડાવા ખુલ્લું આમંત્રણ છે.

‘પાટીલની વ્હાઇટ કોલર ગુંડા અને બુટલેગરની છાપ છે’

ગત 11 મેના રોજ દિલ્હીના સીએમ અને આપના સુપ્રીમ અરવિંદ કેજરીવાલના ગુજરાત આગમનની તૈયારીઓ અંગે માહિતી આપવા યોજેલ પત્રકાર પરીષદમાં ગુલાબસિંહ યાદવે ભાજપ પ્રદેશ અધ્યક્ષ સીઆર પાટીલે આપેલા મહાઠગ વાળા નિવેદન અંગે જડબાતોડ જવાબ આપીને સૌને વિચારમાં મૂકી દીધા હતા. ગુલાબસિંહે કહ્યું કે, ભાજપ પ્રદેશ અધ્યક્ષ પાટીલની વ્હાઇટ કોલર ગુંડા અને બુટલેગરની છાપ છે. ભાજપ દ્વારા રાજ્યમાં ‘આપ’ને દબાવવાનો પ્રયાસ કરાઈ રહ્યો છે. પણ આપ કાર્યકરો છેલ્લા શ્વાસ સુધી લડશે.

કરોડોની સંપત્તિના માલિક છે ગુલાબસિંહ

વર્ષ 2020માં ચૂંટણી માટે ગુલાબસિંહ યાદવે આપેલ એફિડેવિટમાં તેમનની પ્રોપર્ટી અંગે ખુલાસો કર્યો હતો. જે અનુસાર, તેમણે પોતાના હાથમાં કેશ રૂ. 42,750 અને તેમની પત્નીના હાથમાં કેશ રૂ.22,400 દર્શાવ્યા હતા. જ્યારે તેમના બેંક એકાઉન્ટમાં ક્લોઝિંગ બેલેન્સ રૂ. 75,658.91 હતા.

ગુલાબસિંહ પાસે એક ટોયોટા ઇનોવા છે, જેની કિંમત અંદાજે રૂ.રૂ. 12,18,316 છે. જ્યારે અન્ય એક કાર મહિન્દ્રા બોલેરો છે, જેની અંદાજીત કિંમત રૂ. 7,69,557 છે. આ સિવાય તેમની પાસે 157.629 ગ્રામ સોનું અને ચાંદી છે, જેની હાલ માર્કેટ વેલ્યૂ અંદાજે રૂ. 3,85,000 છે. જ્યારે તેમની પત્ની પાસે 100 ગ્રામ સોનું અને ચાંદી છે, જેની હાલ માર્કેટ વેલ્યૂ અંદાજીત રૂ. 3,85,000 છે. ગુલાબસિંહ પાસે અંદાજીત 1.5 એકર જમીન છે, જેની હાલ માર્કેટ વેલ્યૂ લગભગ રૂ. 5,00,00,000 છે.

ગુજરાત વિધાનસભા ચૂંટણી 2022 અંગે મહત્વના સમાચાર જાણવા નીચે આપેલી બેઠકોના નામ ઉપર કરો ક્લિક

| મહેમદાબાદ | વિસનગર  | મહેસાણા  | વડગામ  | અંજાર  |  વાવ  | દાહોદ  | દ્વારકા  |  વિજાપુર  | વલસાડ | સિધ્ધપુર  | ઘાટલોડિયા  | કડી  |  બાપુનગર  |  અમરેલી  |  સુરત પશ્વિમ  |  જસદણ  |  રાજકોટ દક્ષિણ  | નડિયાદ | | સોજિત્રા |  ખંભાત | ગઢડા  | બોરસદ |  આંકલાવ | આણંદ | ઉમરેઠ | માતર | પેટલાદ |   મહુધા  | કપડવંજ | ઠાસરા | કોડીનાર  | લાઠી  | સાવરકુંડલા |  ગારિયાધાર  | મહુવા |  પાલિતાણા | ઓલપાડ | ઉમરગામ|ચોર્યાસી|  વાઘોડિયા | ભાવનગર ગ્રામ્ય | પાદરા | કરજણ | છોટાઉદેપુર | સંખેડા | ડભોઈ | નાંદોદ | ભાવનગર પૂર્વ | જંબુસર | રાવપુુરા | વાઘરા |સાવલી | દેવગઢબારિયા | ઝાલોદ |હાલોલ | બાલાસિનોર | વાંસદા | નિઝર | ગણદેવી | ધરમપુર | વ્યારા | પારડી | લીમખેડા | સંતરામપુરા |  મહુવા એસટી | માંગરોળ એસટી | જલાલપોર | રાજુલા | ગરબાડા | વરાછા | વટવા | કામરેજ | ધંધૂકા | ભુજ | ગોધરા | પાવી | જેતપુર | વડોદરા  | કાલોલ | દેદિયાપાડા  | અંકલેશ્વર | ડાંગ| 

&amp;nbsp;

&amp;nbsp;

&amp;nbsp;

Gujarat election: ધારદાર વાક પ્રહાર માટે જાણીતા છે ગુલાબસિંહ યાદવ, AAP તરફથી સંભાળશે ગુજરાતમાં ચૂંટણીનો મોરચો

Bihar News: નકલી પોલીસ પકડાઈ તે વાત ઘણી વાર સાંભળી હશે, પણ બિહારમાંથી આ વખતે આખું પોલીસ સ્ટેશન જ નકલી હોવાની ઘટના સામે આવી છે. (Bihar crime News) આ નકલી પોલીસ સ્ટેશન બાંકા વિસ્તારમાં છેલ્લા 8 મહિનાથી એક્ટિવ હતું અને લોકો પાસેથી પૈસા પડાવાતા હતા. (Bizzarre News) આશ્ચર્યની વાત એ છે, જિલ્લા મથકમાં ચાલતા આ નકલી પોલીસ સ્ટેશન વિશે કોઈને જાણ જ નહોતી. આ નકલી પોલીસ સ્ટેશન બાંકા શહેરના એક ખાનગી ગેસ્ટ હાઉસમાં ચાલતું હતું. (Bihar fake police station News)

આ અંગે બાંકા પોલીસ સ્ટેશને જણાવ્યું કે, એક ગુપ્ત માહિતીના આધારે પોલીસ એક ગુનેગારને પકડવા ગઈ હતી. જ્યારે દરોડો પાડીને પોલીસ સ્ટેશન પરત ફરી રહ્યો હતો, તે જ સમયે બાંકા ગેસ્ટ હાઉસની સામેના રસ્તા પર એક અજાણી મહિલા અને એક યુવક પોલીસ ડ્રેસમાં દેખાયા. શંકાના આધારે તેમની પૂછપરછ કરવામાં આવતા નકલી પોલીસ સ્ટેશનનો આખો ખેલ સામે આવ્યો હતો. એસએચઓએ જણાવ્યું કે ધરપકડ કરાયેલ મહિલા અનિતા બિહાર પોલીસના ડ્રેસમાં હતી. અને પોતાને પોલીસ ઓફિસર બતાવી રહી હતી. તેની પાસેથી એક ગેરકાયદેસર પિસ્તોલ પણ મળી આવી હતી. જ્યારે ધરપકડ કરાયેલા બીજા આરોપીનું નામ આકાશ કુમાર છે. તે પોતાને પોલીસ સ્ટેશનનો ચોકીદાર જણાવતો હતો. ધરપકડ કરાયેલી અનિતા બાંકા જિલ્લાના ફુલ્લીડુમરના દુધાઘાટિયાની રહેવાસી છે. તેણે કહ્યું કે ફુલ્લીડુમરના ભોલા યાદવે ઈન્સ્પેક્ટરની ભરતી કરી તેને બાંકાની આ ઓફિસમાં પોસ્ટ કરી હતી.

પોતાના કામ વિશે અનીતાએ જણાવ્યું કે જ્યાં પણ સરકારી મકાનો બંધાતા હતા ત્યાં તે તપાસ કરવા જતી. તેમજ અન્ય આરોપી આકાકહ્યું કે, તેણે ભોલા યાદવને 70 હજાર રૂપિયા આપી નકલી પોલીસ સ્ટેશનમાં ચોકીદારની નોકરી મેળવી હતી. એસએચઓના જણાવ્યા અનુસાર આ ઓફિસના તમામ કર્મચારીઓને પોલીસ યુનિફોર્મ અને ગેરકાયદેસર પિસ્તોલ પૂરા પાડવામાં મુખ્ય ગેંગસ્ટર તરીકે ફુલ્લીડુમરના ભોલા યાદવનું નામ સામે આવી રહ્યું છે.

આ પણ વાંચો: સાવલી ડ્રગ્સ કેસમાં ATS દ્વારા કરાયો મોટો ખુલાસો, આ રીતે ચાર લોકો બનાવતા હતા ડ્રગ્સ

આ બાબતની પુષ્ટિ કરતા એસપી ડૉ. સત્ય પ્રકાશે જણાવ્યું કે આ નકલી ટોળકી 'પટના સ્કોર્ટ ટીમ'ના નામે બાંકામાં ઓફિસ ચલાવતી હતી. અહીંથી પોલીસ વર્દીમાં કેટલાક શંકાસ્પદ લોકોની ધરપકડ કરવામાં આવી છે. આ નકલી પોલીસ સ્ટેશનમાંથી કેટલાક દસ્તાવેજો સાથે બિહાર પોલીસનો યુનિફોર્મ, બેચ અને અન્ય વસ્તુઓ જપ્ત કરવામાં આવી છે. એસપીના જણાવ્યા અનુસાર, આ ગેંગ સાથે સંકળાયેલા લોકો ગ્રામીણ વિસ્તારના લોકોને પોલીસની નોકરીનું વચન આપીને છેતરતા હતા. આ મામલે હાલ વધુમાં તપાસ ચાલી રહી છે. હાલમાં બાંકા પોલીસે આ મામલે આગળની કાર્યવાહી શરૂ કરીને એફઆઈઆર નોંધવાની તૈયારી કરી છે.

OMG : બિહારમાં આખે-આખુ નકલી પોલીસ સ્ટેશન ઝડપાયું, બોલો -8 મહિનાથી ચાલી રહ્યું હતું

ગુજરાત વિધાનસભાની ચૂંટણીની તારીખોની ભલે જાહેરાત ન કરવામાં આવી હોય, તે છતાં પણ દરેક પક્ષ દ્વારા ચૂંટણીની પૂરજોશમાં તૈયારીઓ કરવામાં આવી રહી છે. ચૂંટણીનુ કાઉન્ટડાઉન શરૂ થઈ ગયું છે અને તેવામાં દરેક પાર્ટીના નામી નેતાઓ અને મંત્રીઓ પણ પોતાની પાર્ટીના પ્રચાર પ્રસાર માટે મેદાનમાં કુદી પડ્યા છે. છેલ્લા ઘણા લાંબા સમયથી ગુજરાતમાં ભારતીય જનતા પાર્ટીનુ એકહથ્થુ શાસન રહ્યું છે અને આ વખતે ગુજરાત વિધાનસભા 2022ની ચૂંટણીમાં પણ ભાજપ સત્તા જાળવા રાખવા માટે તમામ પ્રયત્નો કરી રહી છે.

આ અંતર્ગત દરેકને પોતપોતાની જવાબદારીઓ સોંપી દેવામાં આવી છે. આવામાં જનતાને પ્રચાર પ્રસાર કરતા દરેક વિશે માહિતી હોય તે જરૂરી બની રહે છે. આજે અમે આપને પ્રદેશ ભાજપના મંત્રી પ્રદિપસિંહ વાઘેલા વિશે જાણકારી આપીશું.

પ્રદિપસિંહ વાઘેલા ભારતીય જનતા પાર્ટીના પ્રદેશ મહામંત્રી છે. ભારતીય જનતા પાર્ટી અને ગુજરાતના રાજકારણમાં પ્રદિપસિંહ વાઘેલાનુ નામ કોઈની માટે નવું નથી. પ્રદિપસિંહ વાઘેલાના પિતાનું નામ નરેન્દ્રસિંહ વાઘેલા છે. હાલ પ્રદિપસિંહ ભાજપ પ્રદેશ મહામંત્રીનો હોદ્દો સંભાળી રહ્યાં છે અને અમદાવાદના બોપલ ખાતે રહે છે. પ્રદિપસિંહના શરૂઆતી જીવનની વાત કરીએ તો પહેલેથી જ તેમનામાં નેતાગીરીના ગુણ હતા તેમ કહેવામાં કશું જ ખોટું નથી. તેમણે પોતાનો પ્રાથમિક અને માધ્યમિક અભ્યાસ ધંધુકાથી કર્યો હતો.

વર્ષ 1998-2003 દરમ્યાન તે રાજપૂત બોય્ઝ હેસ્ટેલમાં જીએસ અને ક્લાસ રિપ્રેઝન્ટેટિવ પણ રહી ચુક્યા હતા. આ સિવાય પણ તેમના શરૂઆતી જીવનમાં ડોકીયુ કરીએ તો તેઓ સ્પોર્ટ્સમાં પણ એક્ટિવ રહેતા હતા. વર્ષ 1997 અને 1998માં ધોરણ 11મા તેઓ રાજ્ય કક્ષાની એથ્લેટિક્સમાં 400m સ્પ્રિન્ટમાં બીજા ક્રમે રહ્યા હતા. આ સાથે જ તે કોલેજ વોલીબોલ ટીમના અંડર 19 ટીમનું પ્રતિનિધિત્વ કરી ચુક્યા છે.

આવી રીતે શરૂ થઈ રાજકીય કારકિર્દી

શાળાના દિવસોથી જ પ્રદિપસિંહમાં નેતાગીરીના ગુણો જોવા મળતા હતા. જો કે કોલેજમાં આવ્યા બાદ તે આમાં વધુ સક્રિય બન્યા હતા. વર્ષ 2003માં જ્યારે તે પોસ્ટ ગ્રેજ્યુએશનનો અભ્યાસ કરી રહ્યા હતા, તે સમયે તે ગુજરાત યુનિવર્સિટીમાં સેનેટના સભ્ય રહ્યા હતા. આ બાદ વર્ષ 2003-04માં અમદાવાદ એબીવીપીમાં જીલ્લા સંયોજક તરીકે કાર્ય કરી ચુક્યા છે. અહીં તેમની કામગીરી ખૂબ જ સારી રહી, જેને જોતા વર્ષ 2005-06માં તેમને એબીવીપીમાં કચ્છ જીલ્લાના ઓર્ગેનાઈઝેશ સેક્રેટરી (ફુલ ટાઈમ)ના પદ પર નિયુક્ત કરવામાં આવ્યા હતા.

આપણામાંથી મોટાભાગના લોકો જાણે છે કે જે વિદ્યાર્થીઓ સક્રિય રાજકારણમાં આવવા માંગે છે, તે અભ્યાસના દિવસોથી જ આ પ્રકારે સેનેટ કે યુથ ગ્રુપમાં સક્રિય રહેતા હોય છે અને પોતાની કામગીરીથી સક્રિય રાજકારણમાં જંપલાવતા હોય છે. આવું જ કંઈક પ્રદિપસિંહ જાડેજા સાથે પણ બન્યું. કચ્છમાં એબીવીપીના ઓર્ગેનાઈઝેશન સેક્રેટરી તરીકે કાર્યરત હતા.

તે દરમ્યાન જ 2006-07માં તેમને BJYMમાં એક્ઝિક્યુટિવ કાઉન્સિલ મેમ્બર, કચ્છ પ્રભારી બનાવવામાં આવ્યા. આ બાદ 2 વર્ષ સુધી આ પદ પર કાર્યરત રહ્યા બાદ વર્ષ 2008-10 દરમ્યાન બનાસકાંઠા ડિસ્ટ્રીક્ટ, કચ્છ ડિસ્ટ્રિક્ટ, જામનગર, ખેડામાં પ્રભારી બનાવવામાં આવ્યા. આ પછી વર્ષ 1857માં ભારતીય સ્વતંત્રતા લડતની 150મી વર્ષગાંઠના ભાગ રૂપે યોજાયેલી &quot;ક્રાંતિગાથા યાત્રા&quot;ના પ્રભારી બનાવવામાં આવ્યા હતા. આ બાદ વર્ષ 2009માં &quot;વિસ્તારક યોજના&quot; ના પ્રભારી તરીકે તેમને નિયુક્ત કરવામાં આવ્યા.

શરૂઆતી દિવસોથી ભારતીય જનતા પાર્ટીમાં સક્રિય રહ્યાં અને તેમની સરાહનીય કામગીરી અને બુદ્ધિ કૌશલ્યને જોતા 19 એપ્રિલ, 2010માં તેમને BJYMના ગુજરાત રાજ્યના પ્રમુખ બનાવવામાં આવ્યા. પ્રદિપસિંહ વાઘેલાના નેતૃત્વ અને માર્ગદર્શન હેઠળ BJYMના મહત્વના કાર્યક્રમોનું આયોજન કરવામાં આવ્યું હતું. જણાવી દઈએ કે પ્રદિપસિંહ વાઘેલા અને ગુજરાતના અન્ય 3 વરિષ્ઠ BJYM કાર્યકર્તાઓએ જ લાલ ચોક J&amp;amp;K પહોંચી 26મી જાન્યુઆરી, 2011ના રોજ સવારે 10.45 વાગ્યે ત્રિરંગો લહેરાવ્યો હતો.

તાજેતરમાં જ પ્રદિપસિંહ વાઘેલાની આગેવાની હેઠળ કિસાન હિત યાત્રાનુ આયોજન કરવામાં આવ્યું હતું. દરેક પગલે તેમની બુદ્ધિમત્તા અને આવડતને કારણે તે બીજેપી માટે ખૂબ જ લાભદાયી સાબિત થયા. વર્ષ 2006થી 2016 સુધી અલગ અલગ મોરચે તેમની કાર્યક્ષમતા અને કાર્યપ્રણાલીથી પ્રભાવિત થઈને 10 ઓગસ્ટ, 2016ના રોજ તેમને ભારતીય જનતા પાર્ટી મહામંત્રી તરીકેનો પદભાર સોંપવામાં આવ્યો હતો અને હાલ પણ તે પક્ષમાં આ પદનો કાર્યભાર સંભાળી રહ્યાં છે.

જણાવી દઈએ કે બકરાણાના વતની પ્રદિપસિંહ વાઘેલા સૌથા નાની વયના પ્રદેશ મહામંત્રી તરીકે નિયુક્ત થયા છે. આ સાથે જ નવેમ્બર, 2020માં ગુજરાત ભાજપ તરફથી તેમને રાષ્ટ્રીય સ્તરે મહત્વની જવાબદારી આપવામાં આવી હતી.  પ્રદેશ ભાજપના મંત્રી પ્રદીપસિંહ વાઘેલાને GHMCની ચૂંટણી માટે સહપ્રભારીની જવાબદારી સોંપવામાં આવી હતી. ગુજરાત ભાજપના પ્રભારી ભૂપેન્દ્ર યાદવની આગેવાની માં ભાજપે 3 સહપ્રભારીઓની નિયુક્તિ કરવામાં આવી હતી જેમાં પ્રદિપસિંહ વાઘેલાને સામેલ  કરવામાં આવ્યા હતા.

આવા રહ્યાં છે તેમના ચર્ચિત નિવેદનો

ગુજરાત વિધાનસભા ચૂંટણીને લઈને હવે કાઉન્ટડાઉન શરૂ થઈ ગયું છે, તેવામાં રાજસ્થાનના સંયમ લોઢાએ બીજેપી પર કોંગ્રેસના ધારાસભ્યોને તોડવાનો આરોપ લગાવ્યો છે. ત્યારે આ વાતનો વળતો જવાબ આપતા પ્રદિપસિંહે કહ્યું હતું કે, કોંગ્રેસ જ પોતે પોતાના ધારાસભ્યોને સાચવી શકતી નથી. તેથી જ કોંગ્રેસના ધારાસભ્યો પક્ષ પલટો કરે છે. હાલ દેશમાં ભાજપ એકમાત્ર વિશ્વાસપાત્ર પક્ષ છે તેથી ધારાસભ્યો ભાજપમાં જોડાય છે. તેમના આ વળતા જવાબ બાદ ફરથી આક્ષેપ પ્રતિઆક્ષેપોનો દોર શરૂ થયો છે.

આ સાથે જ તેમના પર વિપક્ષના ધારાસભ્યોને લાલચ આપવાના અને ખરીદવાના પ્રયત્નો કરવાના પણ આક્ષેપ લગાવવામાં આવ્યા છે. આ સાથે જ ટ્વિટ કરતા પ્રહાર કરવામાં આવ્યો હતો કે હવે જ્યારે ચૂંટણીની સીઝન આવી છે, ત્યારે શું ફરી એકવાર પક્ષપલટાનો દોર જોવા મળશે. આ સિવાય પણ જો વાત કરવામાં આવે તો પહેલેથી ભાજપ પર ચૂંટણી ટાણે ધારાસભ્યો ખરીદવાનો આક્ષેપ લાગતો જ આવ્યો છે.

ગુજરાત વિધાનસભા 2022માં તેમની ભૂમિકા

ગુજરાત વિધાનસભા ચૂંટણીમાં પક્ષના પ્રચાર માટે પ્રદેશ અધ્યક્ષ સહિત તમામ લોકો હવે ખડે પગે થઈ ગયા છે. ત્યારે તાજેતરમાં જ સી. આર પાટિલ દ્વારા વર્ચ્યુલ સંબોધન કરવામાં આવ્યું હતું. તે દરમ્યાન મહામંત્રી અને મહાનગર પ્રભારી પ્રદિપસિંહ વાઘેલાએ પણ સરસપુર- રખિયાલ- કબીર મંદિર અને સરસપુર પોળ ખાતે હાજર રહીને કાર્યકર્તાઓને માર્ગદર્શન આપ્યું. આ સિવાય પણ તે પક્ષના પ્રચાર અને ચૂંટણીલક્ષી જાહેરાતો માટે પણ કાર્યરત જોવા મળે છે.

&amp;nbsp;

ગુજરાત વિધાનસભા ચૂંટણી 2022 અંગે મહત્વના સમાચાર જાણવા નીચે આપેલી બેઠકોના નામ ઉપર કરો ક્લિક

| મહેમદાબાદ | વિસનગર  | મહેસાણા  | વડગામ  | અંજાર  |  વાવ  | દાહોદ  | દ્વારકા  |  વિજાપુર  | વલસાડ | સિધ્ધપુર  | ઘાટલોડિયા  | કડી  |  બાપુનગર  |  અમરેલી  |  સુરત પશ્વિમ  |  જસદણ  |  રાજકોટ દક્ષિણ  | નડિયાદ | | સોજિત્રા |  ખંભાત | ગઢડા  | બોરસદ |  આંકલાવ | આણંદ | ઉમરેઠ | માતર | પેટલાદ |   મહુધા  | કપડવંજ | ઠાસરા | કોડીનાર  | લાઠી  | સાવરકુંડલા |  ગારિયાધાર  | મહુવા |  પાલિતાણા | ઓલપાડ | ઉમરગામ|ચોર્યાસી|  વાઘોડિયા | ભાવનગર ગ્રામ્ય | પાદરા | કરજણ | છોટાઉદેપુર | સંખેડા | ડભોઈ | નાંદોદ | ભાવનગર પૂર્વ | જંબુસર | રાવપુુરા | વાઘરા |સાવલી | દેવગઢબારિયા | ઝાલોદ |હાલોલ | બાલાસિનોર | વાંસદા | નિઝર | ગણદેવી | ધરમપુર | વ્યારા | પારડી | લીમખેડા | સંતરામપુરા |  મહુવા એસટી | માંગરોળ એસટી | જલાલપોર | રાજુલા | ગરબાડા | વરાછા | વટવા | કામરેજ | ધંધૂકા | ભુજ | ગોધરા | પાવી | જેતપુર | વડોદરા  | કાલોલ | દેદિયાપાડા  | અંકલેશ્વર | ડાંગ| 

Gujarat election: પ્રદીપસિંહ વાઘેલાની 2022ની વિધાનસભા ચૂંટણીમાં કેવી રહેશે ભૂમિકા? જાણો

અમદાવાદ: ધરોઇનું પાણી સવારે 4 વાગ્યે પહોંચશે, રિવરફ્રન્ટ વોક વે બંધ, અનેક ગામો એલર્ટ

ગુજરાત વિધાનસભા 2022ની ચૂંટણી જેમ જેમ નજીક આવી રહી છે, તેમ તેમ રાજકીય ખેમાઓમાં હલચલ વધી રહી છે અને એકબાદ એક દરેક પાર્ટી તરફથી ગુજરાત વિધાનસભાની ચૂંટણીને લગતી કોઈને કોઈ ખબર સામે આવી રહી છે. આ વખતે અરવિંદ કેજરીવાલની આમ આદમી પાર્ટી પણ ગુજરાત વિધાનસભા ચૂંટણીમાં જંપલાવવા જઈ રહી છે. વર્ષ 2017ની વિધાનસભા ચૂંટણીમાં થયેલી કારમી હાર બાદ પોતાની ભૂલોથી બોધ પાઠ લઈ પાર્ટી ફરી એકવાર નવી શરૂઆત કરવા તૈયાર હોવાનું કહેવામાં આવી રહ્યું છે.

ત્યારે દરેક પક્ષને પોતાનો પગ જમાવવા જે રીતે એક મજબૂત અને જાણીતા ચહેરાની જરૂર પડતી હોય છે અને ગુજરાતમાં આ મજબૂત અને નવોદિત રાજકારણી તરીકે જાણીતા પત્રકાર અને ન્યૂઝ એન્કર ઈસુદાન ગઢવીનુ નામ આગળ મૂકવામાં આવ્યું છે. ડિસેમ્બર 2022ની વિધાનસભા ચૂંટણીમાં ભાજપને સખત લડાઈ લડવા માટે આપ અને તેના કાર્યકર્તાઓ સખત મહેનત કરી રહ્યા છે.

વરિષ્ઠ પત્રકારમાંથી AAP નેતા બનેલા ઇસુદાન ગઢવી જેઓ તેમની VTVની મહામંથન ચર્ચા દ્વારા ગુજરાતના ગ્રામીણ વિસ્તારોમાં ખૂબ લોકપ્રિય બન્યા હતા, હવે તેમના ખભે ગુજરાતમાં AAPને લોકપ્રિય બનાવવાની જવાબદારી સોંપવામાં આવી છે. આજના આર્ટિકલમાં પત્રકારિતામાંથી રાજકારણમાં નવોદિત ચહેરા ઈસુદાન ગઢવી વિશે કેટલીક જાણકારી આપીશું.

કોણ છે ઈસુદાન ગઢવી

ઈસુદાન ગઢવી ગુજરાતની પ્રજા માટે કોઈ નવું નામ નથી. પત્રકારિતાના ક્ષેત્રે તેમણે ગુજરાતની જનતામાં ખૂબ જ લોકપ્રિયતા મેળવી છે અને હવે તેમણે રાજકારણમાં ડગલુ માંડ્યું છે. ઈસુદાન ગઢવીનો જન્મ 10 જાન્યુઆરી, 1982ના દિવસે જામખંભાળીયાના પિપળીયા ખાતે થયો હતો. તેમના પિતાનું નામ ખેરાજભાઈ ગઢવી છે. તેમનો જન્મ એક સામાન્ય ચારણ પરિવારમાં થયો હતો. તેમનો પરિવાર ખેતીના વ્યવસાય સાથે જોડાયેલો છે. 40 વર્ષીય ઈસુદાન ગઢવીએ વર્ષ 2005માં ગુજરાત યુનિવર્સિટીમાંથી માસ કોમ્યુનિકેશન અને જર્નાલિઝમમાં માસ્ટર્સનો અભ્યાસ કર્યો છે. તેમની અંદાજિત માસિક આવક રૂ. 1 લાખની આસપાસ છે.

પત્રકારથી રાજકારણ સુધીની ઈસુદાનની સફર

વર્ષ 2005માં ગુજરાત યૂનિવર્સિટીમાંથી માસ કોમ્યુનિકેશન અને જર્નાલિઝમમાં અભ્યાસ કર્યા બાદ ઈસુદાન ગઢવીએ પોતાની કારકીર્દીની શરૂઆત દૂરદર્શનના યોજના કાર્યક્રમથી કરી હતી. આ બાદ તે વર્ષ 2007માં એક ખાનગી ન્યૂઝ ચેનલમાં રિપોર્ટર તરીકે કાર્યરત હતા. ઈસુદાન ઈટીવી ગુજરાતીમાં ફરજ બજાવતા હતા, ત્યારે 150 કરોડના કૌભાંડ અને ડાંગ તથા કપરાડા તાલુકામાં ગેરકાયદેસર વૃક્ષ કપાતાં હોવાનો એક રિપોર્ટ પ્રસિધ્ધ કર્યો હતો, જે બાદ ગુજરાત સરકાર એક્શનમાં આવી હતી. તેમના આ અહેવાલના પડધા ખૂબ આગળ સુધી પડ્યા અને તે ઘટનાએ ઈશુદાન ગઢવીને નીડર પત્રકાર તરીકેની ઓળખ આપી.

લગભગ 8 વર્ષ સુધી કાર્યરત રહ્યા બાદ વર્ષ 2015માં ખાનગી ચેનલના ચેનલ હેડ તરીકેનો પદભાર સંભાળ્યો અને ગુજરાતના સૌથી યુવા ચેનલહેડ બન્યા. આ બાદ તેમની ખ્યાતિની સફર પણ શરૂ થઈ. ચેનલહેડ તરીકે કાર્યભારની સાથે તેમણે પ્રાઈમટાઈમ અને લોકપ્રિય શો મહામંથનમાં એન્કરિંગની પણ શરૂઆત કરી. જ્યાં તેમણે સરકારના આગેવાનોને જનતાની પરેશાની અને મુશ્કેલીઓને લગતા તીખા સવાલો પૂછ્યા અને પ્રજા માટે ન્યાયની માંગણી કરી અને તેમની માટે અવાજ ઉઠાવ્યો. આ જ એ સમય હતો કે જ્યારે તેમને લોકો વચ્ચે ઓળખ મળી અને તેમની લોકપ્રિયતા વધતી ગઈ.

વર્ષ 2021 સુધી તેઓ ચેનલ હેડ અને એન્કર તરીકે કાર્યરત કર્યા બાદ તેમણે પત્રકારિતાને અલવિદા કહ્યું.  લગભગ 5 વર્ષના સમયગાળા દરમ્યાન ખાનગી ચેનલના એડિટર પદે ફરજ નિભાવનાર ઇસુદાન ગઢવીએ પોતાના પ્રાઇમ ટાઇમ કાર્યક્રમ મહામંથનથી ગુજરાતની જનતાના દિલ જીતી લીધા હતા.

ઈસુદાને પોતાના જીવનના 16 વર્ષ પત્રકારત્વ સાથે જોડાઈને પસાર કર્યા. જો કે વર્ષ 2021માં તેમણે ઓચિંતી જાહેરાત કરી કે હવે તેઓ પત્રકારત્વની પોતાની 16 વર્ષની કારકિર્દી છોડીને હવે નવા લક્ષ્યાંકો તરફ આગેકુચ કરવા જઈ રહ્યા છે. આ જાહેરાત કરતી વખતે કોઈ સ્પષ્ટતા કરવામાં આવી ન હતી કે તેઓ રાજકારણમાં ડગલુ માંડવા જઈ રહ્યાં છે.

પત્રકાર તરીકે કારકીર્દી છોડ્યાના જાહેરાત બાદ 14 જૂન, 2021ના રોજ ઈસુદાન ગઢવીએ આમ આદમી પાર્ટીના કન્વિનર અને દિલ્હીના મુખ્યમંત્રી અરવિંદ કેજરીવાલની હાજરીમાં આમ આદમી પાર્ટી સાથે જોડાણ કર્યું. આ સાથે જ અરવિંદ કેજરીવાલે ટ્વિટર દ્વારા પણ તેમને પાર્ટીમાં આવકાર્યા હતા. આ સાથે જ કેજરીવાલે કહ્યું હતું કે ઈસુદાન ગુજરાતના કેજરીવાલ છે.

પત્રકારિતા છોડવાન અંગે કારણ આપતા ઈસુદાને જણાવ્યું હતું કે, વર્ષોથી હું લોકોના પ્રશ્નો ઉઠાવું છું, પરંતુ ઘણી વખત તેમના પ્રશ્નોનો ઉકેલ ન આવ્યો હોય એવું બન્યું છે. મેં નક્કી કર્યું કે સમાજસેવા કરવી અને એ માટે રાજકારણમાં જોડાઈ જવાનો નિર્ણય લીધો છે. લોકોના પ્રશ્નો માટે હું બેવડી મહેનત કરીશ. પહેલાં પણ મારો હેતુ સમાજસેવાનો હતો, આજે પણ છે અને આગળ પણ રહેશે. રાજકારણ હોય અથવા પત્રકારત્વ, આપણો હેતુ સમાજસેવાનો હોવો જોઈએ.

ઈસુદાન પણ નથી વિવાદોથી દૂર

કહેવામાં આવે છે કે રાજકારણ સાથે જોડાયેલો કોઈ વ્યક્તિ જ્યાં સુધી યેનકેન પ્રકારે વિવાદોમાં ન સપડાય, ત્યાં સુધી તે સાચો રાજકારણી ન ગણી શકાય. આવું જ કંઈક નવા નવેલા રાજકારણી ઈસુદાન ગઢવી સાથે પણ બન્યું. ઈસુદાન ગઢવી જ્યારે કાર્યકર્તાઓ સાથે ભાજપ કાર્યાલય કમલમ ખાતે પેપર લીક મામલે હંગામો કરવા પહોંચ્યા તે વખતે પરિસ્થિતી વણસી ગઈ હતી.

આ બાદ એક મહિલા કાર્યકર્તા દ્વારા તેમના પર દારૂના નશામાં હોવાનો આક્ષેપ લગાવવામાં આવ્યો હતો. આ મહિલા કાર્યકર્તાએ આક્ષેપ કર્યો હતો કે ઈસુદાન દારૂના નશામાં તેમની છેડતી કરી રહ્યા હતા. આ સમગ્ર ઘટના પ્રકાશમાં આવતા ઈસુદાન ગઢવીનો લીકર ટેસ્ટ કરવામાં આવ્યો હતો, જેના પરિણામ પોઝિટિવ આવ્યા હતા. આ રિપોર્ટ બાદ ઈસુદાન ગઢવી ઈન્ફોસિટી પોલીસ સ્ટેશનમાં હાજર થયા હતા. પોલીસે સવા ચાર વાગ્યે તેમની ધરપકડ કરી હતી. જોકે, તેમને પોલીસ સ્ટેશનમાં જ જામીન મળી ગયા હતા.

આ અંગે પત્રકાર પરિષદ યોજી ઈસુદાને જણાવ્યું હતું કે ભાજપ દ્વારા તેમને અને તેમની પાર્ટીના કાર્યકર્તાઓને ફસાવવામાં આવી રહ્યા છે. તેમણે પોઝિટિવ રિપોર્ટનો સ્વિકાર કરવાનો ઈન્કાર કરતા કહ્યું કે મેં ક્યારેય દારૂ પીધો નથી. ભાજપ અમારી સામે નિમ્ન કક્ષાની રાજનીતિ કરી રહ્યું છે.

ગુજરાત વિધાનસભા ચૂંટણી 2022 અંગે મહત્વના સમાચાર જાણવા નીચે આપેલી બેઠકોના નામ ઉપર કરો ક્લિક

| મહેમદાબાદ | વિસનગર  | મહેસાણા  | વડગામ  | અંજાર  |  વાવ  | દાહોદ  | દ્વારકા  |  વિજાપુર  | વલસાડ | સિધ્ધપુર  | ઘાટલોડિયા  | કડી  |  બાપુનગર  |  અમરેલી  |  સુરત પશ્વિમ  |  જસદણ  |  રાજકોટ દક્ષિણ  | નડિયાદ | | સોજિત્રા |  ખંભાત | ગઢડા  | બોરસદ |  આંકલાવ | આણંદ | ઉમરેઠ | માતર | પેટલાદ |   મહુધા  | કપડવંજ | ઠાસરા | કોડીનાર  | લાઠી  | સાવરકુંડલા |  ગારિયાધાર  | મહુવા |  પાલિતાણા | ઓલપાડ | ઉમરગામ|ચોર્યાસી|  વાઘોડિયા | ભાવનગર ગ્રામ્ય | પાદરા | કરજણ | છોટાઉદેપુર | સંખેડા | ડભોઈ | નાંદોદ | ભાવનગર પૂર્વ | જંબુસર | રાવપુુરા | વાઘરા |સાવલી | દેવગઢબારિયા | ઝાલોદ |હાલોલ | બાલાસિનોર | વાંસદા | નિઝર | ગણદેવી | ધરમપુર | વ્યારા | પારડી | લીમખેડા | સંતરામપુરા |  મહુવા એસટી | માંગરોળ એસટી | જલાલપોર | રાજુલા | ગરબાડા | વરાછા | વટવા | કામરેજ | ધંધૂકા | ભુજ | ગોધરા | પાવી | જેતપુર | વડોદરા  | કાલોલ | દેદિયાપાડા  | અંકલેશ્વર | ડાંગ| 

Gujarat election: પત્રકારમાંથી રાજકારણી બનેલા ઈસુદાન ગઢવી બની શકશે ગુજરાતના કેજરીવાલ?

અમદાવાદ

સુરત

વડોદરા

રાજકોટ

ગાંધીનગર

ભાવનગર

જામનગર

જુનાગઢ

કચ્છ - ભુજ

મહેસાણા

પંચમહાલ

આણંદ

વલસાડ

સાબરકાંઠા

બનાસકાંઠા

અમરેલી

સુરેન્દ્રનગર

પોરબંદર

ભરૂચ

બનાસકાંઠા તબાહી! કેટલાક ગામ પાણીમાં ડૂબ્યા તો કેટલાક ગામ સંપર્ક વિહોણા બન્યા

દમણ કોસ્ટ ગાર્ડનું દિલધડક રેસ્ક્યૂ: તોફની દરિયામાં બોટ ફસાઇ, 11ને બચાવ્યા

GE: પ્રદીપસિંહ વાઘેલાની 2022ની વિધાનસભા ચૂંટણીમાં કેવી રહેશે ભૂમિકા? જાણો

GE: પત્રકારમાંથી રાજકારણી બનેલા ઈસુદાન બની શકશે ગુજરાતના કેજરીવાલ?

રાજકોટ લોકમેળાનો પ્રારંભ કરાવતાં CM, વજુભાઇ વાળા સાથે ચકડોળની મજા માણી

એનિમિયાથી પીડિત થતા દેખાય છે આ લક્ષણો, આ રીતે લોહીની ઉણપ કરો દૂર

શરીરમાં લોહીની ઊણપ હોય તો આ લક્ષણોથી પડે છે ખબર, ઉપાય માટે આટલું કરો

લીલા શાકભાજીથી લઈને સી ફૂડ એનીમિયાની સમસ્યાને કરી શકે છે દૂર, અહીં છે તેની વિસ્તૃત જાણકારી

anemia

તમારો જિલ્લો પસંદ કરો

જિલ્લો

anemia

anemia - ના સમાચાર

એનિમિયાથી પીડિત થતા દેખાય છે આ લક્ષણો, આ રીતે લોહીની ઉણપ કરો દૂર

શરીરમાં લોહીની ઊણપ હોય તો આ લક્ષણોથી પડે છે ખબર, ઉપાય માટે આટલું કરો

લીલા શાકભાજીથી લઈને સી ફૂડ એનીમિયાની સમસ્યાને કરી શકે છે દૂર, અહીં છે તેની વિસ્તૃત જાણકારી

તાજેતરના સમાચાર