મદુરાઈ: તમિલનાડુના સત્તાધારી દ્રવિડ મુનેત્ર કઝગમ (DMK)ના સાંસદ અને ભૂતપૂર્વ કેન્દ્રીય મંત્રી ટીઆર બાલુએ એક વિવાદાસ્પદ નિવેદનમાં શનિવારે કહ્યું કે તેમણે વિકાસ સંબંધિત પ્રોજેક્ટ પૂર્ણ કરવા માટે અનેક પ્રસંગોએ ધાર્મિક વિશ્વાસો સાથે સમાધાન કર્યું છે. મદુરાઈમાં સેતુસમુદ્રમ પ્રોજેક્ટના સમર્થનમાં એક જાહેર સભામાં બોલતા ડીએમકે નેતાએ પ્રોજેક્ટ માટેના તેમના પ્રયત્નો વિશે વાત કરી હતી.

ટીઆર બાલુએ કહ્યું, ‘મારા મતવિસ્તારમાં ગ્રાન્ડ સદર્ન ટ્રંક રોડ (જીએસટી) પર સરસ્વતી મંદિર, લક્ષ્મી મંદિર અને પાર્વતી મંદિર તોડી પાડવામાં આવ્યા હતા. મેં ફક્ત આ ત્રણ મંદિરો તોડ્યા છે. હું જાણું છું કે મને મત નહીં મળે, પણ હું એ પણ જાણું છું કે મને કેવી રીતે મત મળશે. મારા સમર્થકોએ મને ચેતવણી પણ આપી હતી કે જો મંદિરો તોડવામાં આવશે તો મને મત નહીં મળે. પણ મેં તેને કહ્યું કે બીજો કોઈ રસ્તો નથી.’

આ પણ વાંચો: શેફાલી વર્માએ રચ્યો મહેન્દ્ર સિંહ ધોની જેવો ઈતિહાસ, 16 વર્ષ પછી એ જ સંયોગ

ડીએમકે સાંસદે કહ્યું,‘મેં મંદિરની જરૂરિયાત જણાવી. મેં વધુ સારી સુવિધાઓ સાથે વધુ સારા મંદિરો બનાવ્યા. આ રીતે ઘણી જગ્યાએ મેં ધાર્મિક માન્યતાઓને પરિપૂર્ણ કરીને વધુ પ્રોજેક્ટ પૂરા કર્યા. DMK સાંસદ બાલુએ સેતુસમુદ્રમ શિપિંગ કેનાલ પ્રોજેક્ટને અટકાવવા માટે કેન્દ્રની ભારતીય જનતા પાર્ટી (BJP) સરકારની ટીકા કરી હતી. તેમણે કહ્યું કે કેન્દ્રનો પ્રોજેક્ટ રોકવાનો નિર્ણય રસ્તાની વચ્ચે અચાનક ટ્રેનને રોકવા જેવો છે’.

બાલુએ કેન્દ્ર સરકાર પર આરોપ લગાવ્યો

બાલુએ આરોપ લગાવ્યો કે વૈજ્ઞાનિક અથવા તર્કસંગત વિચારસરણી લાગુ કરવાને બદલે કેન્દ્ર સરકાર ધાર્મિક કારણોસર પ્રોજેક્ટને અટકાવી રહી છે. તેમણે દાવો કર્યો કે આ પ્રોજેક્ટથી હવે દર વર્ષે 750 કરોડ રૂપિયાનો ફાયદો થશે.

તમિલનાડુ ભાજપના વડા કે અન્નામલાઈએ ટીઆર બાલુના ભાષણનો વીડિયો શેર કર્યો હતો.

અન્નામલાઈએ ટ્વિટર પર કહ્યું, 'DMKના લોકો 100 વર્ષ જૂના હિંદુ મંદિરોને તોડીને ગર્વ અનુભવે છે. આ જ કારણ છે કે અમે હિંદુ રિલિજિયસ એન્ડ ચેરિટેબલ એન્ડોમેન્ટ્સ ડિપાર્ટમેન્ટ (HR&amp;amp;CE)ને વિસર્જન કરવા માંગીએ છીએ અને મંદિરોને સરકારની પકડમાંથી મુક્ત કરવા માંગીએ છીએ.

ડીએમકે નેતાનું વિવાદાસ્પદ નિવેદન- મેં જ ત્રણ મંદિરો તોડ્યા, ખબર હતી કે વોટ નહીં મળે

ભુવનેશ્વરઃ ઓડિશાના ઝારસુગુડા જિલ્લામાં આસિસ્ટન્ટ સબ-ઇન્સ્પેક્ટર ઑફ પોલીસ (ASI) ગોપાલ દાસે રવિવારે રાજ્યના આરોગ્ય અને પરિવાર કલ્યાણ મંત્રી નબ કિશોર દાસને ગોળી મારી દીધી હતી. દાસ પર ગોળીબાર કર્યા પછી બીજુ જનતા દળના સમર્થકોએ એએસઆઈ પર હુમલો કરવાનો પ્રયાસ કર્યો હતો. પરંતુ મદદનીશ સબ-ઈન્સ્પેક્ટર ઑફ પોલીસ (એએસઆઈ) ગોપાલ દાસને પોલીસકર્મીઓ દ્વારા કસ્ટડીમાં લેવામાં આવ્યા હતા. ઘટનાના વીડિયોમાં (એટેક વીડિયો) બીજુ જનતા દળનો એક સમર્થક રિવોલ્વર સાથે જોવા મળ્યો હતો. બાદમાં પોલીસે રિવોલ્વર પોતાના કબજામાં લીધી હતી.

ઈન્સ્પેક્ટર જનરલ દીપક કુમાર ઉત્તરે જણાવ્યું કે, મદદનીશ પોલીસ સબ ઈન્સ્પેક્ટર (ASI) ગોપાલ દાસે મંત્રીને તેમની સર્વિસ ગનથી ગોળી મારી. તેણે કહ્યું હતુ કે, ‘શૂટઆઉટ પછી આરોપીએ સ્થાનિક IIC પ્રદ્યુમન સ્વેનને ગોળી મારવાનો પ્રયાસ કર્યો. પરંતુ તે ભાગી છૂટ્યો હતો.’ ગોળી વાગ્યા બાદ દાસને સારવાર માટે ભુવનેશ્વરની એપોલો હોસ્પિટલમાં લઈ જવામાં આવ્યા હતા. જ્યાં સારવાર દરમિયાન તેણે દમ તોડી દીધો હતો. દાસની છાતીમાં બે ગોળી વાગી હતી. સુરક્ષામાં ક્ષતિ કેમ થઈ તે જાણવા માટે ઉચ્ચ સ્તરીય તપાસના આદેશ આપવામાં આવ્યા છે.

Visuals of Odisha Police busted the accused Police ASI Gopal Das who fired on State health minister Naba Das.@Bharat24Liv pic.twitter.com/9dnBjFXwlc
— Satish Kumar Dash&amp;#x1f1ee;&amp;#x1f1f3; (@JournoSatish) January 29, 2023

ઘટનાની નિંદા કરતા ઓડિશાના મુખ્યમંત્રી નવીન પટનાયકે કહ્યુ હતુ કે, 'માનનીય મંત્રી નબ દાસ પર હુમલાની દુર્ભાગ્યપૂર્ણ ઘટનાથી હું આઘાતમાં છું. હું તેના પર થયેલા હુમલાની સખત નિંદા કરું છું. હું તેના ઝડપી સ્વસ્થ થવાની પ્રાર્થના કરું છું.


કેવી રીતે બની ઘટના?
આ ઘટના જિલ્લાના બ્રજરાજનગર શહેરમાં બપોરે એક વાગ્યાની આસપાસ જ્યારે દાસ એક સભામાં ભાગ લેવા જઈ રહ્યા હતા ત્યારે આ ઘટના બની હતી. આસિસ્ટન્ટ સબ ઈન્સ્પેક્ટર ઓફ પોલીસ (ASI) ગોપાલ દાસે મંત્રી પર ફાયરિંગ કર્યું હતું. ઘટનાના એક વીડિયોમાં મંત્રી દાસ બેભાન અને છાતીમાંથી લોહી નીકળતા જોવા મળે છે. વીડિયોમાં સ્થાનિક લોકો મંત્રીને ઉઠાવીને કારની આગળની સીટ પર બેસાડવાનો પ્રયાસ કરતા જોવા મળે છે. ASIની ધરપકડ કરીને કસ્ટડીમાં લેવામાં આવ્યો છે. તેની પાસેથી મળી આવેલું હથિયાર જપ્ત કરીને તેની પૂછપરછ કરવામાં આવી રહી છે. સૂત્રોએ જણાવ્યું હતુ કે, હુમલા પાછળનો હેતુ હજુ સ્પષ્ટ થયો નથી.

Odisha Minister Attack: ઓડિશાના મંત્રી નબ દાસને ગોળી મારનાર ASIની પોલીસે કેવી રીતે ધરપકડ કરી, જુઓ વીડિયો

અતુલ જોશી, મોરબી: મોરબીના વાંકાનેર તાલુકામાં આવેલ માટેલ ધામ ભક્તિ અને આસ્થાનું અનેરૂ પ્રતીક છે. જ્યાં મા ખોડિયારના બેસણા છે વિશ્વભરમાંથી લોકો ત્યાં દર્શનાર્થે આવે છે. અને તેઓની મનોકામના પૂર્ણ થતા ભક્તિભાવ સાથે માતાજીની સ્તુતિ કરે છે જેમા ગઈકાલે તારીખ 29 જાન્યુઆરી મહા સુદ આઠમ નવા દિવસે મા ખોડીયારના જન્મદિવસ નિમિતે ભક્તોએ પણ માટેલ ધામ ખાતે મોડી રાત્રીના જઈને દર્શન કરી કેક કાપ્યો છે.
મા ખોડિયારનું સાચુ નામ જાનબાઈ
મોરબી જીલ્લામાં વાંકાનેર તાલુકા માં માટેલ ગામ આવેલું છે. જ્યાં મા ખોડિયાર સહિત આવળ, બીજબાઈ અને સહિતના ત્રણ બહેનોના બેસણા છે. આ સિવાય જોગર, તોગર, ગોલાઈ, સોસાઈ લોકવાયકા પ્રમાણે મા ખોડિયાર ભાવનગરના રાજપરા ગામેથી માટેલ ધામ 750 વર્ષ પહેલાં પધાર્યા હતાં. તેમજ મા ખોડિયારનું સાચુ નામ જાનબાઈ હતું. તેઓ ભાવનગર જીલ્લાના વલભીપુર પાસેના રોહિશાળાના મૂળ વતની હતા. ખોડિયાર માતાજીના માતાનું નામ દેવલબા અને પિતાનું નામ મોમણિયા ચારણ હતું.
એકના એક ભાઈને ઝેરી સર્પે દંશ આપ્યો
મામણિયા ચારણએ શિવભક્તિ કરી અને વાજીયા મેણું ભાગવા માટે ઉપાસના કરી જેમાં ભગવાન શિવે પ્રસન્ન થઈ મામણિયા ચારણને પાતાળ લોકની નગદેવતાની સાત પુત્રી અને એક પુત્ર જન્મ લેશે તેવું વરદાન આપ્યું અને દેવલબા મહસુંદ આઠમના દિવસે આઠ પારણા મુકતા આઠ દીકરી અને એક પુત્રથી ભરાઈ ગયા. જેમાં સાત બહેનોના એકના એક ભાઈને ઝેરી સર્પે દંશ આપ્યો. જેમાં સૂર્ય ઉગે એ પહેલાથી પાતાળ રાજા પાસેથી અમૃત કુંભ લઈને આવે તો ભાઈનો જીવ બચી જાય આથી જાનબાઈ આ અમૃત કુંભ લેવા ગયા અને આવતા આવતા સૂર્ય ડૂબવા નો સમય થઈ ગયો ત્યાં બીજા બહેન આવળમાં બોલ્યા કે જાનબાઈ ખોડાઈ તો નથી ગયાને ત્યાં જાનબાઈ કુંભ લઈને ઘરમાં પ્રવેશતાની સાથે જ જાનબાઈનો પગ ખોડાઈ ગયો ત્યાંથી જાનબાઈનું નામ ખોડિયાર પડ્યું હતું.
અમૃત કુંભથી ભાઈ મેરખિયાનો જીવ બચી ગયો
મગરની સવારી કરી આવેલા ખોડિયાર માતાજીના અમૃત કુંભથી ભાઈ મેરખિયાનો જીવ બચી ગયો હતો. મા ખોડિયાર માટેલ ધામે વિશ્વમાંથી કરોડો અને લાખો શ્રદ્ધાળુઓ આવે છે. જ્યાં ચૈત્રી અને આસો નવરાત્રી અને અષાઢીબીજ ધામ ધૂમથી ઉજવાય છે. તેમજ માટેલ મંદિરમાં આવેલ ત્રિશુલ દર વર્ષે એક ઇંચ જેટલું વધે છે. સાથે જ માટેલ મંદિરમાં આવેલ વરખડીનું વૃક્ષ પણ મા ખોડીયારની પ્રતીતિ કરાવે છે. માટેલ ગામે આવેલ માટેલિયો ધરો પણ લોકોમાં આસ્થા અને શ્રદ્ધાનું અનેરું પ્રતીક સમાન આધુનિક યુગમાં ગણવામા આવે છે જેમાં આ માટેલિયા ઘરમાં ક્યારેય પાણી ખૂટતું નથી અને તળિયું પણ દેખાતું નથી.
માટેલિયા ઘરમાં ક્યારેય પાણી ખૂટતું નથી
આ સાથે સાથે આ જ ધરાનું પાણી આખું માટેલ ગામ પીવે છે, જેને ગાળ્યા વિના જ પીવાનું હોય છે. જો ધરાનું પાણી ગાળવામાં આવે તો તેમાં જીવાત થઈ જાય છે. લોકવાયકા પ્રમાણે આ માટેલિયા ધરામાં માતાજીનું સોનાનું મંદિર આવેલું છે અને સોનાંની નથડી પહેરેલ મહાકાય મગર તેની રક્ષા કરે છે. આ ધરાની લોકવાયકાથી પ્રભાવિત થઈને એક સમયના મુગલ બાદશાહે નવ હજાર નવસો નવ્વાણું કોષ (પાણી કાઢવાના મશીનો) મૂકી ધરામાંથી પાણી ઉલેચી નાખ્યું હતું બાદમાં સોનાના મંદિરનું ઉપરનું શીખરનું એક ઈંડુ દેખાતા જ ખોડિયાર માતાજીએ તેના ભાણેજને બોલાવતાનની સાથે જ ભર ઉનાળે પાણીનો ધસમસતો પ્રવાહ આવ્યો હતો અને ધરામાં પાછું છલોછલ પાણી ભરી તમામ કોષ પાણીમાં તણાઇ ગયા હતા.
એક માનતાથી લોકોની મનોકામના પૂર્ણ થાય છે
માટેલ ધામે ખોડિયાર માતાજીએ અનેક ભાવિ ભક્તોને ડોશીમા બનીને દર્શન આપ્યાના પરચા હાલ બોલે છે. વિશ્વના ખૂણે ખૂણેથી લોકો માટેલ ધામે આવ્યા વિના રહેતા નથી માટેલિયા ધરામાં. માતાજીના વાહન મગરના પણ વાર તહેવારે ભાગ્યશાળી ભક્તોને થાય છે. સાથે જ એક માનતાથી લોકોની મનોકામના પૂર્ણ થાય છે જેના લીધે લોકો ચાલીને, દંડવત પ્રણામ કરીને જુદી જુદી પ્રકારે માનતાઓ કરવા પણ આવે છે. જેથી આજદિન સુધી માટેલ ધામેથી કોઈ ખાલી હાથે પાછું ગયુ નથી.
સવારની 05:30 વાગ્યે મંગલા આરતી થાય છે
માટેલ ધામમાં બહારથી આવતા શ્રદ્ધાળુઓ માટે એક રૂપિયો પણ લીધા વિના ચોવીસ કલાક ભોજનની અને રહેવા માટેની વિશાળ વ્યવસ્થા કરવામાં આવી છે. આ તમામ વહીવટ માટેલ ધામ ટ્રસ્ટ દ્વારા કરવામાં આવે છે. સાથે જ માટેલની ગૌ શાળામાં 160 જેટલી ગાયો પણ રાખવામાં આવી છે જેમાં તમામ દૂધ ભક્તો ને જ આપવામાં આવે છે. મોરબી ના માટેલ ધામે મા ખોડિયારની સવારની 05:30 વાગ્યે મંગલા આરતી અને સાંજે 7 વાગ્યે સંધ્યા આરતી થાય છે. જેમાં ચોખા ઘીની લાપસીની પ્રસાદી માતાજીને ધરાવવામાં આવે છે. રોજના 1500 થી 2000 લોકો દર્શનાર્થે આવે છે અને ભોજન કરે છે. મા ખોડિયાર અને માટેલ ધરાને પણ પ્રસાદી સ્વરૂપે લઈને અને ધન્યતા અનુભવે છે ત્યારે આજે ખોડીયાર માતાજીના જન્મદિવસ પર ભક્તોમાં પણ ઉત્સાહ અને હર્ષની લાગણી જોવા મળી હતી જેને લીધે ભક્તો મોડી રાત્રિથી જ દર્શનાર્થે આવવા માંડ્યા હતા.

આજે ખોડિયાર જયંતીઃ વાંચો ખોડિયર ધામ માટેલનો ઇતિહાસ અને માતાજીના અનેકવિધ પરચા

નવી દિલ્હીઃ રશિયા અને યુક્રેન વચ્ચે ચાલી રહેલા યુદ્ધમાં સામાન્ય લોકોનું જીવન ખરાબ રીતે પ્રભાવિત થયું છે. આના અનેક ઉદાહરણો સામે આવતા રહે છે. આ એપિસોડમાં વધુ એક નવો કિસ્સો સામે આવ્યો છે. જેમાં 5 યુવકો રશિયાથી ભાગી ગયા હતા અને છેલ્લા 5 મહિનાથી દક્ષિણ કોરિયાના ઇન્ટરનેશનલ એરપોર્ટ પર છુપાયેલા હતા. પાંચેય યુવકો છેલ્લા 5 મહિનાથી માત્ર એક જ વાર ભોજન લેતા હતા. આ પાંચેય લોકો સપ્ટેમ્બર 2022માં જ્યારે રશિયાએ યુદ્ધ લડવા માટે સામાન્ય લોકોને સેનામાં મોકલવાનું શરૂ કર્યું, ત્યારે તેઓ કોઈક રીતે દક્ષિણ કોરિયા પહોંચવામાં સફળ થયા.
તેમને શરણાર્થી તરીકે સ્વીકારવાનો ઈનકાર
બીજી તરફ દક્ષિણ કોરિયાના ન્યાય મંત્રાલયે આ યુવાનોને શરણાર્થી તરીકે સ્વીકારવાની ના કહી દીધી છે. ન્યાય મંત્રાલયે જણાવ્યું હતું કે, આ યુવાનોની અરજીઓ ફગાવી દેવામાં આવી નથી. કારણ કે, તેઓએ એકત્રીકરણમાં ભાગ લેવાનો ઇનકાર કર્યો હતો. તેમની શરતો વિશે બોલતા તેમના વકીલ લી જોંગ-ચાને સીએનએનને કહ્યું, ‘તેમને દિવસમાં એક જ વાર ભોજન આપવામાં આવે છે અને બાકીનો સમય તેઓ બ્રેડ અને પાણી પર જીવે છે.’

આ પણ વાંચોઃ ઓરિસ્સાના આરોગ્ય મંત્રી નબ કિશોર દાસનું નિધન
યુવાનો પાસે આરોગ્યની સુવિધા ઓછી
તેમણે કહ્યું કે, પુરુષો સ્નાન કરી શકે છે પરંતુ તેમણે કપડાં હાથથી ધોવા પડે છે. આ સાથે તે પણ જણાવવામાં આવ્યું હતું કે, એરપોર્ટ પર હાજર હોય ત્યાં સુધી માત્ર પ્રસ્થાન અને ડ્યુટી ફ્રી એરિયા સુધી મર્યાદિત જગ્યામાં જ રહેવા મળે છે. તેમના વકીલે જણાવ્યું હતું કે, તે પાંચ યુવાનો પાસે ખૂબ જ ઓછી તબીબી સુવિધાઓ છે અને માનસિક સ્વાસ્થ્ય સંભાળ માટે કોઈ વ્યવસ્થા નથી, જે ખૂબ જ મહત્વપૂર્ણ છે. ઓક્ટોબર મહિનામાં ત્રણ યુવકો આવ્યા હતા. જ્યારે બે યુવકો નવેમ્બર માસમાં આવ્યા હતા.


મોબિલાઇઝેશનનો રશિયામાં ઉગ્ર વિરોધ
આમ જોવા જઈએ તો, યુક્રેન સામે લડવા માટે રશિયન નાગરિકોના આંશિક એકત્રીકરણને કારણે ખૂબ જ વિરોધ થયો હતો અને સામુહિક હિજરત કરવાનો વખત આવી ગયો હતો. ઘણાં લોકોએ દેશ છોડીને ભાગવાનો પ્રયાસ પણ કર્યો. CNN દ્વારા અહેવાલના આંકડા અનુસાર, 20 લાખથી વધુ લોકો જ્યોર્જિયા અને કઝાકિસ્તાનમાં ભાગી ગયા.

રશિયાના 5 લોકોની દર્દનાક કહાણી: 5 મહિનાથી એરપોર્ટને બનાવ્યું ઘર, દિવસમાં એક જ વાર જમે છે!

મુકુંદ મોકરીયા, દેવભૂમિ દ્વારકા: દ્વારકાની પાવન ભૂમિમાં ભથાણ ચોક વિસ્તારમાં બીમાર, અકસ્માતગ્રસ્ત ગૌ વંશની સેવાર્થે શ્રીદ્વારકાધીશ ગૌ હોસ્પિટલ અને ગૌશાળા ટ્રસ્ટનો મહામહિમ રાજ્યપાલ આચાર્ય દેવવ્રતજીની વર્ચ્યુઅલ ઉપસ્થિતિમાં પ્રારંભ કરવામાં આવ્યો હતો. રાજ્યપાલ આચાર્ય દેવવ્રતજીએ કહ્યું હતું કે, ‘ગાયને વધુ ઉપયોગી અને મૂલ્યવાન બનાવવા તેની નસલ સુધારણા માટે પ્રયોગો અને પ્રયત્નો કરવા પડશે. વાછરડાને બદલે વાછરડી જન્મે એ માટે સેક્સ સૉર્ટેડ સીમેન ટેકનોલોજી અપનાવવી પડશે અને દેશી ગાય અનિવાર્ય હોવાથી વધુને વધુ ખેડૂતોએ પ્રાકૃતિક કૃષિ પદ્ધતિ અપનાવવી પડશે. દ્વારકામાં અતિ આધુનિક શ્રી દ્વારકાધીશ ગૌ હોસ્પિટલ અને ગૌશાળાનું વર્ચ્યુઅલી ઉદઘાટન કરતાં રાજ્યપાલ શ્રી આચાર્ય દેવવ્રતજીએ દાનવીરો અને ગૌ સેવકોને આ ઉમદા સેવા કાર્ય માટે અભિનંદન આપ્યા હતા.’

રાજ્યપાલ આચાર્ય દેવવ્રતજીનું વર્ચ્યુઅલી સંબોધન

રાજ્યપાલ આચાર્ય દેવવ્રતજીએ સમારોહમાં વર્ચ્યુઅલી સંબોધન કરતાં કહ્યું હતું કે, ગુજરાત ધર્માત્મા અને ભલા લોકોની ભૂમિ છે, એટલે અહીં ઠેર ઠેર ગૌશાળા અને પાંજરાપોળ છે, જ્યાં ગૌસેવકો-યુવાનો પોતાના વડીલોની, મા-બાપની સેવા કરતા હોય એવા ભાવથી પશુઓની સેવા કરે છે. ગાયોની સારવાર માટે હાઇડ્રોલિક લિફ્ટિંગ સાધનો, એમ્બ્યુલન્સ અને એરકન્ડિશન્ડ શેડની સુવિધા ધરાવતી અતિ આધુનિક દ્વારકાધીશ ગૌ હોસ્પિટલની પ્રશંસા કરતાં તેમણે કહ્યું કે, ‘અંગ ભંગ થયેલી, વૃદ્ધ અને અશક્ત ગાયોને ગૌશાળા-પાંજરાપોળમાં રાખીએ સાથોસાથ ગાયો વિશેષ લાભકારી બને એ માટે તેની નસલ સુધારવા પ્રયત્નો પણ કરીએ. જેમ મા-બાપને પણ કમાઉ દીકરો વધારે ગમે તેમ ગાય પણ વધારે દૂધ આપતી થશે તો તેનું મૂલ્ય ચોક્કસ વધશે.’

આ પણ વાંચો: 22 વર્ષથી હત્યાના ગુનામાં નસતા ફરતા આરોપીની સુરત PCB પોલીસે કરી ધરપકડ
રાજ્યપાલ ગૌ સેવાની વાત કરી
ઉલ્લેખનીય છે કે, દરેક પાંજરાપોળમાં એક શાખા એવી હોય જ્યાં ગાયની બ્રીડ સુધારવા પ્રયત્નો અને પ્રયોગો થતા હોય. આજકાલ ખેતી ટ્રેક્ટર આધારિત થઈ ગઈ છે, બળદોનો ઉપયોગ રહ્યો નથી એટલે તે બિનવારસી ફરે છે. પાંજરાપોળ-ગૌશાળામાં પણ બળદોની સંખ્યા વધુ હોય છે. આ સમસ્યાનો ઉકેલ લાવવા પશુપાલકોએ એમ્બ્રિયો કલ્ચર અને સેક્સ સૉર્ટેડ સીમેન ટેકનોલોજીનો ઉપયોગ કરવો પડશે. એમ કહીને રાજ્યપાલ આચાર્ય દેવવ્રતજીએ કહ્યું હતું કે, આ ટેકનોલોજીના ઉપયોગથી વાછરડીનો જન્મદર વધશે. વાછરડીયો વધુ જન્મશે, એટલું જ નહીં એની નસલ પણ વધુ ઉન્નત થશે.

આ પણ વાંચો: સુરતમાં એક દલાલ કરોડો રુપિયાના હીરા લઈ ભાગી ગયો, પોલીસે સુરેન્દ્રનગરથી કરી ધરપકડ
ગાય માતાતો શ્રીકૃષ્ણને પણ બહુ પ્રિય છે
આ તકે દ્વારકાના ધારાસભ્ય પબુભા માણેકે જણાવ્યું હતું કે, ‘ભગવાન દ્વારકાધીશની પવિત્ર ભૂમિ પર આજે ગૌ-ધન માટે દ્વારકાધીશ ગૌ હોસ્પિટલનો શુભારંભ કરવામાં આવેલ છે. દ્વારકાની પાવન ભૂમિ પર દરેક કાર્ય ભગવાન દ્વારકાધીશના આશીર્વાદથી થાય છે ત્યારે ગાય માતાતો શ્રીકૃષ્ણને પણ બહુ પ્રિય છે. જિલ્લા કલેકટરશ્રી એમ. એ.પંડ્યાએ પ્રાસંગિક ઉદબોધન કરતાં જણાવ્યું હતું કે, ‘આપણે ભૂતકાળમાં જોઈએ તો જેમની પાસે ગૌધન વધુ હતું તે વ્યક્તિની ગણના ધનિક વ્યક્તિમાં થતી હતી. ટેકનોલોજીના યુગમાં ગૌધન વિસરાતું ગયું હતું. પરંતુ આજની યુવા પેઢી ગૌધનનાં રક્ષણ માટે તત્પર છે. સ્વાસ્થ્ય, શુદ્ધતા અને સાત્વિકતા માટે ગૌધન ઘણું જ ઉપયોગી છે.  આજે આપણે સૌ સંકલ્પ લઈએ કે, ગૌમાતાના ઉછેરમાં યોગદાન આપીશું.’

અશ્વિન ગુરુજીએ જણાવ્યું હતું કે, ‘ભારતીય સંસ્કૃતિમાં ગાય માતાનું અનેરું સ્થાન છે. ભારતીય સંસ્કૃતિ એ ગૌ-ગંગા પર આધારિત સંસ્કૃતિ છે. ગાય માતા પોતે ઘાસ ખાઈને દૂધ રૂપી અમૃત આપણે સૌને પ્રદાન કરે છે. તો આપણું પણ પરમ કર્તવ્ય છે કે, આપણે સૌએ ગાય માતાનું રક્ષણ તથા સંવર્ધન કરવું જોઈએ અને યથાયોગ્ય સેવા કરવી જોઈએ.’

દ્વારકામાં અતિ આધુનિક દ્વારકાધીશ ગૌ હોસ્પિટલ અને ગૌશાળાનો રાજ્યપાલની વર્ચ્યુઅલ ઉપસ્થિતિમાં શુભારંભ

અમદાવાદ

સુરત

વડોદરા

રાજકોટ

ગાંધીનગર

ભાવનગર

જામનગર

જુનાગઢ

કચ્છ - ભુજ

મહેસાણા

પંચમહાલ

આણંદ

વલસાડ

સાબરકાંઠા

બનાસકાંઠા

અમરેલી

સુરેન્દ્રનગર

પોરબંદર

ભરૂચ

The traditional 'Halwa ceremony' was on Thursday (January 26) held in the North Block, marking the final stage of the Budget preparation process for the Union Budget 2023-24. The ceremony was held in the presence of Finance Minister Nirmala Sitharaman and Union Ministers of State for Finance Pankaj Chaudhary and Bhagwat Kisanrao Karad.

Halwa Ceremony Held To Mark Final Stage of Budget Preparation Process

Ahead of Budget 2023, the economic survey will also be tabled on Tuesday, January 31. The Economic Survey of India broadly covers the state of the Indian economy, fiscal developments and monetary management, and external sectors.

Economic Survey 2023 to be Presented on January 31

Finance Minister Nirmala Sitharaman's Union Budget 2023 team consists of TV Somanathan, Ajay Seth, Tuhin Kanta Pandey, Sanjay Malhotra, Vivek Joshi and V Anantha Nageswaran. 

Budget 2023 Team: TV Somanathan, Ajay Seth Part of FM's Squad Preparing Budget Document

Union Budget 2023-24, which will be presented on February 1 by Finance Minister Nirmala Sitharaman, will be delivered in paperless form, like the previous two Budgets, the finance ministry said on Wednesday. The Budget 2023 documents will be available on mobile apps.

Budget 2023 to be Available in Paperless Form on Union Budget App

The Union Budget 2023 will be presented on February 1, 2023. Finance Minister Nirmala Sitharaman will deliver the Budget Speech in Parliament on Wednesday. This will be her fifth Budget Speech.

FM Nirmala Sitharaman to Present Union Budget 2023 on Wednesday, February 1 

News18 Gujarati

ahmedabad raju-gendi

નવસારી

કચ્છ

ગીર સોમનાથ

મહીસાગર

રોહિત શર્માએ ટીમ ઈન્ડિયા માટે સૌથી વધુ T20 મેચ રમી, કોહલી-ધોની પણ ટોપ 5માં

આ 7 વસ્તુઓ ઠંડીમાં સ્કિનની અનેક સમસ્યાઓને કરી દે છે છૂમંતર

બ્રોકરેજ હાઉસે આપી સલાહ, આ બેંકિંગ શેર્સ આપી શકે 35% વળતર; ખરીદી લો

આ યુવકની અનોખી સફર, 140 દિવસમાં 20 રાજ્યના ગામડા ખૂંદી નાખ્યા

DMK નેતાનું વિવાદાસ્પદ નિવેદન- મેં જ ત્રણ મંદિરો તોડ્યા, ખબર હતી કે વોટ નહીં મળે

ઓડિશાના મંત્રી નબ દાસને ગોળી મારનાર ASIની પોલીસે કેવી રીતે ધરપકડ કરી, જુઓ વીડિયો

અમદાવાદ : બૂટલેગર રાજુ ગેંડીના પુત્રના આતંકનો CCTV Video, વેપારીને માર્યો ઢોર માર

તમારો જિલ્લો પસંદ કરો

ahmedabad raju gendi

All News

અમદાવાદ : બૂટલેગર રાજુ ગેંડીના પુત્રના આતંકનો CCTV Video, વેપારીને માર્યો ઢોર માર

તાજેતરના સમાચાર