આપણા જ્યોતિષ શાસ્ત્ર (Astrology) અનુસાર ગ્રહો અને રાશિઓથી લઇને નંબરોની અસર (Numerology Suggestions) પણ ભાગ્ય પર બરાબર પડે છે. તમારી જન્મ તારીખ (Birth Date) પરથી પણ તમારા માટે ક્યો દિવસ, રંગ અને નંબર શુભ રહેશે તે તમે જાણી શકો છો.

નંબર 1: આજે તમે અન્યના ટેકાથી જ નિર્ધારિત ઉદ્દેશ્ય પ્રાપ્ત કરી શકો છો, તેથી મદદ માંગો. મોટાભાગની સમસ્યાઓનું નિરાકરણ થવા જઈ રહ્યું છે. નવી વસ્તુનું પ્લાનિંગ કરવામાં નવી જગ્યા, પદ, મિત્ર અથવા વ્યવસાયમાં નવું રોકાણ, નવી નોકરી, નવું ઘર સહિતનામાં વિલંબનો સામનો કરવો પડે. સંપત્તિની બાબતોમાં અને પૈસાના લાભ દેખાય છે, એ પણ વિવાદો વિના. મેડિકલ પ્રેક્ટિશનર્સ પાસે આજે ખાસ નવી ઓફર છે. ખેતી અને શિક્ષણ ઉદ્યોગને નફો થતો જણાય છે.

મુખ્ય કલર: ભૂરો

લકી દિવસ: શુક્રવાર

લકી નંબર: 6

દાન: આશ્રમમાં ભોજનનું દાન કરો

નંબર 2: વર્ક કરવાના ટેબલ પર વાંસનો છોડ મુકો. આજે ખુલ્લા પુસ્તકની જેમ વર્તન કરવાથી દૂર રહો. લોકો તમારી નિર્દોષતાનો અને વધુ પડતા સહાયક સ્વભાવનો લાભ લેશે. જેથી તમારે ક્યારેક ના કહેતા શીખવાની જરૂર છે. લોકો તમારી નિર્દોષતાનો દુરૂપયોગ કરવાનો પ્રયાસ કરશે, જેથી બુદ્ધિપૂર્વક કામ કરો. એક્સપોર્ટ ઇમ્પોર્ટ, ડોક્ટર્સ, એન્જિનિયર્સ, બ્રોકર્સ, ટ્રાવેલ એજન્સીઓ અને પાર્ટનરશિપ કંપનીઓને સફળતા મળે. જીવનસાથી અથવા સાથીદારો તરફથી ભાવનાત્મક આઘાત મળી શકે છે.

મુખ્ય રંગ: વાદળી

લકી દિવસ: સોમવાર

લકી નંબર: 2

દાન: આશ્રમમાં ખાંડનું દાન કરો

નંબર 3: આજે સાંજે તમારા ગુરુની સમક્ષ દીપ પ્રગટાવો. તમારા મિત્રોના ઇરાદાઓનું અનુમાન કરી શકાય તે માટે આજે કામના સ્થળે જજમેન્ટલ બનો. ક્રિએટિવ વિચારો અને જાદુઈ વાણી ઓફિસે તમારા બોસ અને ઘરે પરિવારને આકર્ષિત કરશે. તમે બધી પરિસ્થિતિઓમાં કામ કરવા માટે ફ્લેક્ષીબલ બનશો. તમારા માટે સફળતા બહુ દૂર નથી. પૈસા સંભાળતી વખતે તમારે સાવચેત રહેવું જોઈએ. સર્જનાત્મક ક્ષેત્ર અને જાહેર ક્ષેત્ર સાથે સંકળાયેલા લોકોને ખ્યાતિ મળશે. સ્પોર્ટ કોચ વિજય મેળવશે અને પૈસાનો પુરસ્કાર મેળવશે. બાંધકામ અને કૃષિ ક્ષેત્રે રોકાણ માટે સારો સમય છે. સવારે કપાળે ચંદનનું તિલક કરો.

મુખ્ય કલર: નારંગી અને ભૂરો

લકી દિવસ: ગુરુવાર

લકી નંબર: 3 અને 9

દાન: ગરીબોને સૂર્યમુખીનું તેલ દાન કરો.

નંબર 4: બિઝનેસમાં પ્લાનિંગમાં ગ્રોથ થશે. આજે અડધા દિવસ બાદ ફાયદો થવાની શક્યતા છે, તેથી સરકારી નોકરીઓ અને રાજકારણમાં રહેલા લોકોએ પોતાના લક્ષ્ય તરફ સતત કામ કરવું જોઈએ. ઉચ્ચ હોદ્દા પર રહેલા લોકો વધુને વધુ વૃદ્ધિ પામે. નાણાંકીય બાબતના પ્લાનિંગ કોઈ સાથે શેર કરશો નહીં. સરકારી નોકરીમાં રસ ધરાવતા છાત્રોએ સરકારી નોકરી માટે અરજી કરવી જ જોઇએ. લીલા પાંદડાવાળા શાકભાજીનું દાન નસીબને બળવાન બનાવવામાં મદદ કરશે. સ્પોર્ટસમેનનો આર્થિક લાભ દેખાય છે અને પ્રદર્શન માટે તમારી પ્રશંસા પણ કરવામાં આવશે. વ્યસ્તતાના કારણે આજે પરિવાર અને મિત્ર સાથે સમય પસાર કરવો મુશ્કેલ હશે, તેથી તેમની ફરિયાદો શાંતિથી સાંભળો. આજે દાન કરવું આવશ્યક છે.

મુખ્ય કલર: વાદળી

લકી દિવસ: મંગળવાર

લકી નંબર: 9

દાન: ભિક્ષુકોને ફૂટવેરનું દાન કરો

નંબર 5: રાજકારણમાં કામ કરતા લોકોએ સફળતા અને સંતોષ મેળવવા માટે તમારે આજે સખત મહેનત કરવાની જરૂર છે. પાર્ટનરને પ્રપોઝ કરવા માટે આદર્શ દિવસ છે. મશીનરી ખરીદવા, સંપત્તિ વેચવા, સત્તાવાર દસ્તાવેજો પર સહી કરવા તેમજ સફર માટે બહાર જવા માટે ઉત્તમ દિવસ છે. ન્યુઝ એન્કર, એક્ટર્સ, હેન્ડીક્રાફ્ટ આર્ટિસ્ટ, એન્જિનિયર્સને તમામ ખૂણેથી સરાહના મળે. આજે ભોગવિલાસને ટાળો, કારણ કે તે તમને દુશ્મનો દ્વારા ફસાવવાની ટ્રિક હોઈ શકે છે. નેતૃત્વની ભૂમિકાથી આસપાસના ઘણાને ફાયદો થશે, તેથી રમતગમતના કોચે નવા પડકારોનો સામનો કરવા માટે તૈયાર રહેવું જોઈએ. રાજકારણીઓએ ભવિષ્યના લાભ માટે અત્યારે જોખમ લેવાનો સારો દિવસ છે.

મુખ્ય કલર: ટીલ

લકી દિવસ: બુધવાર

લકી નંબર: 5

દાન: આશ્રમમાં મીઠું દાન કરો

નંબર 6: આજનો દિવસ વૈભવ-વિલાસ અને તકોથી ભરેલો છે. જો તમારું કામ વેચાણ, ખોરાક, માર્કેટિંગ, વેપાર, વિતરણ, સંરક્ષણ, એરલાઇન્સ, જવેલરી, સૌંદર્ય પ્રસાધનો અને ઘરના સુશોભનના ક્ષેત્રમાં હોય તો દિવસ સુખદ પરિણામો લાવશે. આજે તમારા સપના પૂરા કરવા માટે તૈયાર રહો, કારણ કે આજે સમય તમારા કર્મની સાથે છે. આજે તમને તમામ પ્રકારના લાભ મળશે. પારિવારિક સ્નેહ અને સહયોગ સમૃદ્ધિ લાવશે. આજનો દિવસ વૈભવવિલાસમાં પસાર થશે.

મુખ્ય કલર: આસમાની

લકી દિવસ: શુક્રવાર

લકી નંબર: 6 અને 9

દાન: ગરીબોને દહીંનું દાન કરો

નંબર 7: આજે કેતુ પૂજા કરો. આજે પર્સમાં તાંબાના સિક્કા રાખવાનું ભૂલશો નહીં. આજે જૂની સંપત્તિ દ્વારા આર્થિક વૃદ્ધિના રસ્તા છે. ટૂંક સમયમાં સંબંધો, પરફોર્મન્સ અને નાણાકીય વૃદ્ધિમાં લાભ મળશે. આજે વ્યવસાયમાં સંબંધીઓ અને મિત્રોથી સાવચેત રહેવું. સ્પોર્ટ્સમેને વધુ વિવાદ ટાળવા માટે સ્પર્ધકોથી દૂર રહેવું. વિજાતીય પાત્ર ભાગ્યને બળવાન કરવામાં મદદ કરશે. ભગવાનના આશીર્વાદ મેળવવા માટે ભગવાન શિવ અને કેતુની વિધિ કરવી જોઇએ.

મુખ્ય કલર: પીળો

લકી દિવસ: સોમવાર

લકી નંબર: 7

દાન: અનાથાશ્રમમાં કપડાં દાન કરો

નંબર 8: આજનો દિવસ સેલ્ફ ડ્રાઈવ કરવાનું ટાળો. તમારા મનને આરામ આપો અને વિચારવાનું બંધ કરો. બધું બરાબર થઈ જશે. તમારી આસપાસના બધા લોકો તમારા વફાદાર અનુયાયીઓ છે. જેથી નેતૃત્વ લેવાનો સમય છે. આરોગ્યની કાળજી લેવાની જરૂર છે. પરિવાર અને સંબંધીઓ સાથે સમય વિતાવશો. દાન આપવાથી જાદુઈ પરિણામ મળશે. ગાર્ડનની આસપાસ થોડો સમય વિતાવો. તમારે આજે શક્ય તેટલા જાહેર કાર્યક્રમોમાં ભાગ લેવો જોઈએ અને સંબોધન કરવું.

મુખ્ય કલર: જાંબલી

લકી દિવસ: શુક્રવાર

લકી નંબર: 6

દાન: ગરીબોને મીઠાવાળા ખોરાકનું દાન કરો

નંબર 9: આજે કાંડા ફરતે લાલ દોરો પહેરવો. આજનો દિવસ ગપશપ, વાંચન, આયોજન, હીલિંગ આર્ટ, કસરત, ઘરકામ, ઘરેલુ કાર્યોને પરિપૂર્ણ કરવા, પાર્ટીનું આયોજન કરવા, સામાજિક કાર્ય કરવા, શેરોના વેપારમાં વધુ પસાર થશે. ડર્મેટોલોજિસ્ટ્સ, ઓડિટર્સ, સાયન્ટિસ્ટ્સ સર્જન, રાજકારણીઓ અને સ્પોર્ટ્સમેનને રિવોર્ડ અને ઓળખ મળશે. આજનો દિવસ આનંદ, ઊર્જા અને ઉત્સાહથી ભરપૂર છે. તમારા ઉદ્દેશ્ય તરફ દિશામાં ચેનલાઇઝ કરવા માટે આ દિવસનો ઉપયોગ કરો. આજે નાણાંકીય પ્લાનિંગ અને પ્રોપર્ટી રજિસ્ટ્રેશન થવાની સંભાવના છે.

મુખ્ય કલર: લાલ અને વાદળી

લકી દિવસ: મંગળવાર

લકી નંબર: 9

દાન: મંદિરમાં કાચી હળદરનું દાન કરો

17મી ઓગસ્ટે જન્મેલ પ્રખ્યાત લોકો: સચિન, એસ શંકર, મુહમ્મદ શાહ, નિધિ અગ્રવાલ, વાય વેણુગોપાલ રેડ્ડી.

Numerology Suggestions 17 August: ભવિષ્યના લાભ માટે અત્યારે જોખમ લેવાનો સારો દિવસ, જાણો શું કહે છે અંકશાસ્ત્ર?

ORACLE SPEAKS 17 August : આ રાશિના જાતકોની કોઇ રસપ્રદ વ્યક્તિ સાથે થઇ શકે છે મુલાકાત, જાણો આજનું રાશિફળ

મુનાફ બકાલી, રાજકોટ: રાજકોટ (Rajkot)માં દિનપ્રતિદિન અસામાજીક તત્વોનો આતંક (Rajkot Crime) વધતો જોવા મળી રહ્યો છે. કોટડાસાંગાણી તાલુકાના પડવલા ગામે ચારણ કન્યા સાથે પ્રેમ લગ્ન (love marriage) કરનાર પરપ્રાંતીય યુવાન પિયુષ પર યુવતીના નજીકના સગાઓએ ધોકા પાઈપ વડે હુમલો કરી બેરહેમીથી માર મારી મોત (Murder) ને ઘાટ ઉતારી દીધો હતો અને યુવતીને ઉપાડી ગયાની ઘટના પોલીસ ચોપડે નોંધાતા ખળભળાટ મચી જવા પામ્યો છે. ઓનર કિલીંગની આ ઘટના અંગે પોલીસે ત્વરીત કાર્યવાહી કરી અપહરણનો ભોગ બનેલી યુવતીને મુક્ત કરાવી ત્રણ આરોપીઓને સકંજામાં લઈ સઘન પુછપરછ હાથ ધરી છે.

પોલીસ ફરિયાદમાં જણાવ્યા પ્રમાણે ફરિયાદી મુળ ઉત્તર પ્રદેશના વતની છે. અને રાજકોટ નજીક ત્રણ વર્ષ પહેલા શાપર વેરાવળ શાંતિધામમાં રહેતા હોય અને મજુરી કામ કરતા હોય આ વખતે શાંતિધામમાં રહેતી એક કુંવર નામની યુવતી સાથે ફરિયાદીના પુત્ર મરણજનાર પિયુષની આંખ મળી જતા બન્ને શાપર વેરાવળથી નાશી જઈ રાજસ્થાન અને ત્યાંથી ઉત્તર પ્રદેશ જતા રહ્યા હતા. ત્યાર બાદ પોલીસમાં ફરિયાદ થતા શાપર વેરાવળ પોલીસે પિયુષની ધરપકડ કરી હતી. 9 માસ પિયુષ જેલમાં રહ્યા બાદ જામીન પર છુટીને આવ્યા બાદ યુવતીના સગાસબંધી અને પરિવારજનોને આ પ્રેમલગ્ન મંજુર ન હોવાથી પોતાની પત્ની કુંવરને સાથે લઈ પોતાના વતન ઉત્તર પ્રદેશ રહેવા જતો રહ્યો હતો.

આ પણ વાંચો- સાંબરકાંઠા જિલ્લામાં મેઘ તાંડવ, હિંમતનગરનું હુંજ ગામ બેટમાં ફેરવાયું

ત્રણ દિવસ પહેલા પિયુષ તેની પત્ની કુંવર અને એક પુત્ર સાથે પડવલા ગામે માતા-પિતા અને બહેનો પાસે રાખડી બંધાવવા અને મળવા માટે ઉત્તર પ્રદેશથી આવ્યો હતો. જેની જાણ ચારણના પરિવારજનોને થતા કુંવરની માતા નાથીબેન, ભાઈ કરણ 9 તારીખે મળવા માટે આવ્યા હતા. આ વખતે માતા અને પુત્રએ પ્રેમ લગ્ન કરનાર અલયને મોબાઈલ ફોન ગીફ્ટ આપ્યો હતો. ત્યાર બાદ બીજા દિવસે તારીખ 10 ઓગસ્ટના દિવસે ફરી વખત અલય ઉર્ફે કુંવરનો ભાઈ કરણ, કાનો સહિત ત્રણ શખ્સો ફરી વખત એક્ટીવા લઈ મળવા માટે આવ્યા હતા. એક કલાક સુધી બહેન પાસે રહ્યા બાદ બન્ને ભાઈઓ જતા રહ્યા હતા.

આ પણ વાંચો-અમદાવાદમાં મેટ્રો રેલ પ્રોજેકટના કામમાં બેદરકારી, લોખંડનો પિલર નમી પડ્યો

જોકે ગઈકાલે સવારે ફરિયાદીનો પુત્ર પિયુષ, તેની પત્ની અલય ઓફિસમાં બેઠા હતા ત્યારે સવારના સમયે અલ્ટ્રોકારમાં ચારણના મામા, માસીનો દીકરો સહિતના શખ્સો ધસી આવ્યા હતા અને સીધા જ ઓફિસમાં ઘુસી પિયુષને આડેધડ ધોકા-પાઈપ વડે માર મારવા લાગ્યા હતા. આ વખતે ફરિયાદી અને તેની પુત્રી આરતી બચાવવા જતા તેમના પર પણ હુમલો કરી ઓફિસની બાર જ તેમને રોકી દેવામાં આવ્યા હતા. પિયુષને બેરહેમીથી માર માર્યા બાદ આરોપીઓ અલય ઉર્ફે કુંવરનું અલ્ટો કારમાં અપહરણ કરી નાસી ગયા હતા. બીજી બાજુ ગંભીર રીતે ઘવાયેલા પિયુષને 108 મારફત સારવાર અર્થે રાજકોટની સિવિલ હોસ્પિટલમાં ખસેડવામાં આવતા તેનું સારવાર દરમિયાન મૃત્યુ નિપજ્યું હતું.

આ બનાવની જાણ થતા શાપર-વેરાવળના પોલીસ અને LCB નો કાફલો ઘટના સ્થળે દોડી આવ્યો હતો અને ઓનર કિલીંગની આ ઘટનાને ધ્યાને લઈ મોડી રાત સુધી કોમ્બીંગ કરી અપહરણનો ભોગ બનેલી અલય ઉર્ફે કુંવરને છેડાવી હતી. અને આરોપી વિહળ આલા માલાણી, રાદેવ જેહળ માલાણી અને સિનો વિભાભાઈ વાલાની અટકાયત કરી વિશેષ તપાસ હાથ ધરી હતી. પોલીસે ત્રણેય આરોપીઓને ઝડપી લેતા પોતે આચરેલા ગુનાહિત કૃત્યના કારણે અફસોસ પણ થઈ રહ્યો હોવાનું પોલીસ સૂત્રો દ્વારા જાણવા મળી રહ્યું છે. હાલ તો પોલીસ આરોપીઓના રિમાન્ડ મેળવી સમગ્ર બનાવનું રિકન્સ્ટ્રક્ટ કરવાની કામગીરી કરશે. હત્યાના બનાવથી 3 પરીવાર વિખેરાયા છે. એક પરીવારે પોતાનો દિકરો ગુમાવ્યો, મૃતકની પત્નીએ પોતાનો પતિ ગુમાવ્યો અને હત્યા કરનાર લોકો જેલમાં જવાથી તેમનો પરીવાર પણ નોધારો બન્યો છે.

Rajkot Crime: રાજકોટમાં રુવાંટા ઉભો કરી દે તેવો હત્યાનો કિસ્સો, દીકરી સાથે પ્રેમલગ્ન કરનાર યુવકની હત્યા

ઈંડા એક એવું ફૂડ છે, જેનાથી આરોગ્યને અનેક ફાયદાઓ થઈ શકે છે. નાશ્તાથી લઈને લંચમાં ઘણા લોકો ઈંડા ખાવાનું પસંદ કરે છે. પ્રોટીનથી ભરપુર હોવાની સાથે સાથે ઈંડા શરીરને ફિટ રાખવામાં પણ મદદ કરે છે. ઈંડાથી આમલેટ સહિત અનેક પ્રકારની અલગ અલગ વાનગી બનાવવામાં આવે છે. મોટાભાગના લોકોને ઈંડા બાફીને ખાવાનું પસંદ હોય છે. ઈંડાને બાફીને ખાવા ખૂબ જ સરળ છે. અનેક લોકો સવારે નાશ્તામાં ચાની સાથે બાફેલા ઈંડાનું સેવન કરે છે. પરંતુ ચા અને બાફેલા ઈંડા સાથે ખાવા તે આરોગ્ય માટે ખૂબ જ ખતરનાક છે.

બાફેલા ઈંડા ખાવાના અનેક ફાયદા છે અને તે પ્રોટીન મેળવવાનો એક સારો સ્ત્રોત છે. ઈંડામાં ફોલેટ, વિટામીન B5, B12, B2 ,D, ફોસ્ફરસ, સેલેનિયમ જેવા પોષકતત્વ રહેલા છે. ઈંડા શારીરિક, માનસિક સ્વાસ્થ્ય, ત્વચા અને વાળને સ્વસ્થ રાખવામાં મહત્વની ભૂમિકા ભજવે છે.

બાફેલા ઈંડાનું સેવન કરવાથી શરીરના વિકાસને પ્રોત્સાહન મળે છે. બાફેલા ઈંડામાં ભરપૂર માત્રામાં કેલ્શિયમ હોય છે, જેનાથી હાડકાને કેલ્શિયમ મળે છે અને હાડકા મજબૂત બને છે. ઈંડાથી મેટાબોલિઝમ વધવાથી વજન કંટ્રોલમાં પણ રહે છે.

આ પણ વાંચો: Health: તહેવારની સિઝનમાં ફૂડ પોઇઝનિંગનું વધી જશે જોખમ, જાણો શું કરવું શું ન કરવું?

જર્નલ ઓફ ન્યુટ્રીશનની એક સ્ટડીમાં જણાવવામાં આવ્યું છે કે, ઈંડા સાથે ચા પીવાથી ઈંડાથી મળતા પ્રોટીનની માત્રા 17 ટકા સુધી ઓછી થઈ જાય છે. ચામાં પોલીફેનોલ્સ નામના યૌગિક હોય છે, જે ઈંડામાં પ્રોટીનને બાંધી શકે છે, જેનાથી તમને પ્રોટીનને અવશોષિત કરી શકતા નથી. આ કારણોસર શરીરમાં પ્રોટીનની કમી થઈ શકે છે, જેનાથી શરીરમાં ગંભીર બિમારી ઉત્પન્ન થઈ શકે છે.
ઈંડા અને ચાનું સેવન સાથે શા માટે ન કરવું જોઈએ
ઈંડા પચવામાં ખૂબ જ ભારે હોય છે, તેની સાથે ચાનું સેવન કરવામાં આવે તો પાચન પ્રક્રિયા પર અસર થાય છે. ચામાં ટેનિન હોય છે. ઈંડાની સાથે કોઈપણ ટેનિન યુક્ત ફૂડનું સેવન કરવાથી પાચન પ્રક્રિયા પર અસર થાય છે. જેના કારણે ભોજન યોગ્ય રીતે પચી શકતું નથી અને શરીરમાં ફેટ તરીકે જમા થવા લાગે છે. આ કારણોસર ગેસ, અપચો, બ્લોટિંગ જેવી પેટ સંબંધિત સમસ્યા થવા લાગે છે. ઘણીવાર માથામાં દુખાવો, ઉલ્ટી અને છાતીમાં બળતરા જેવી સમસ્યાનો પણ થાય છે. આ કારણોસર ચા અને ઈંડાનું સાથે સેવન ન કરવું જોઈએ. ઈંડાનું સેવન કર્યાની 30 મિનિટ બાદ તમે ચાનું સેવન કરી શકો છો.
કબજિયાત
ચા અને ઈંડા એક એવું કોમ્બિનેશન છે, જે અનેક લોકો પસંદ હોય છે. આ કોમ્બિનેશનના કારણે કબજિયાતની સમસ્યા થઈ શકે છે અને શરીરમે ખૂબ જ નુકસાન થઈ શકે છે.
ત્વચા, વાળ અને નખની સમસ્યા
પ્રોટીનની ઊણપને કારણે ત્વચા, વાળ અને નખ પર અસર થઈ શકે છે. આ તમામ અંગ પ્રોટીનથી બનેલા હોય છે. આ કારણોસર જો શરીરમાં પ્રોટીનની ઊણપ સર્જાય તો ત્વચા પર લાલાશ પડવા લાગે, નખ તૂટવા લાગે છે, વાળ પતલા થઈ જાય છે અને વાળનો રંગ ફીકા થવા જેવી અનેક સમસ્યા થાય છે.
માંસપેશીઓને તકલીફ
શરીરમાં માંસપેશીઓ મોટાભાગે પ્રોટીનથી બનેલી હોય છે. જો તમારા શરીરમાં પ્રોટીનની ઊણપ છે, તો તમારી માંસપેશીઓમાં નબળાઈ આવી શકે છે. માંસપેશીઓ તકલીફ થાય તો તે શરીરમાં પ્રોટીન ના હોવાનો સંકેત આપે છે.
હાડકાં નબળા પડી શકે છે
શરીરને યોગ્ય માત્રામાં પ્રોટીન ના મળવાને કારણે હાડકા પણ નબળા પડી શકે છે. હાડકાને મજબૂત રાખવામાં પ્રોટીન મહત્વનો ભાગ ભજવે છે. પર્યાપ્ત માત્રામાં પ્રોટીન ના મળવાને કારણે હાડકા નબળા પડી શકે છે અને ફ્રેક્ચર થવાનું જોખમ રહે છે.
ઈન્ફેક્શનનું જોખમ વધી શકે છે
પ્રોટીનની ઊણપને કારણે રોગ પ્રતિકારક શક્તિ પર અસર થાય છે. ઈમ્યૂન પાવર નબળો પડી જવાથી શરીરની કોઈપણ પ્રકારના ઈન્ફેક્શન સામે લડવા માટે ક્ષમતા ઓછી થઈ શકે છે.

આ પણ વાંચો: કોલેસ્ટ્રોલ લેવલને કંટ્રોલ કરે છે આલ્કોહોલ? શું તમે પણ આ ગેરસમજનો શિકાર થયા છો? જાણો હકીકત
ફેટી લીવરનું જોખમ
ચા સાથે ઈંડા ખાવાથી શરીરમાં પ્રોટીનની ઊણપ થઈ શકે છે, જેના કારણે ફેટી લીવરનું જોખમ વધી શકે છે. જો તમે લીવર સહિત અન્ય અંગોને સ્વસ્થ અને મજબૂત બનાવવા ઈચ્છો છો, તો ચા સાથે બાફેલા ઈંડાનું સેવન ના કરવું જોઈએ.

જો સવારે ચા સાથે આ વસ્તુ ખાતા હોવ તો થઈ જાઓ સાવધાન! નહીં થશે ગંભીર નુકસાન

તાઇપે: અમેરિકી પ્રતિનિધિ સભાની અધ્યક્ષ નેન્સી પેલોસીની તાઇવાન યાત્રા બાદ ઊભા થયેલા વિવાદના બહાને ચીન તેની 'કેરિયર કિલર' મિસાઇલોના વધુ પરીક્ષણ કરવાની તૈયારીમાં છે. એક યુદ્ધ રણનીતિ નિષ્ણાંતે આ જાણકારી આપી છે. હેરી કાઝિયાનિસે કહ્યું કે, ચીનની DF21-D અને DF-26D (ડોંગ ફેંગ અથવા ઇસ્ટ વિંડ) એન્ટી-શિપ બેલિસ્ટિક મિસાઇલો સંભવિત રીતે અમેરિકી નૌસેના અને ખાસ કરીને તેના એરક્રાફ્ટ કેરિયરને 'ઘણું નુકસાન' પહોંચાડી શકે છે.

અમેરિકી મીડિયાની જાણકારી રાખનારા કાઝિયાનિસને રાષ્ટ્રીય સુરક્ષાના મુદ્દાઓ, ખાસ કરીને ચીનની સેનાના આધુનિકરણના નિષ્ણાત મનાય છે. 'દુષ્ટ રાજ્ય યોજના'ના અધ્યક્ષ કાઝિયનિસે હાલમાં જ ચેતવણી આપી હતી કે, પર્લ હાર્બલ પર વધુ એક હુમાલનું કારણ ચીન બની શકે છે. તેમનું માનવું છે કે, ચીનની વધતી શક્તિ તણાવનું કારણ બનશે. કેમ કે, તે પોતાની સરખામણીએ ઘટી રહેલા અમેરિકા સાથે સંઘર્ષ કરશે અને આનાથી ત્રીજું વિશ્વ યુદ્ધ શરૂ થઇ શકે છે.

આ પણ વાંચો: બાબા વેંગાએ 2022 માટે કરેલી 6 આગાહીઓમાંથી 2 સાચી પડી, જાણો શું કહ્યું છે તેમણે?

કાઝિયાનિસ વિચારે છે કે, ચીન વિરુદ્ધ તાઇવાનને બીજા વિશ્વ યુદ્ધ દરમિયાન ઉપયોગમાં લેવાયેલા હથિયારો સાથે લડવું પડશે અને એટલે જ તેણે રાષ્ટ્રને સેનાના આધુનિકરણ કરવાની હાકલ કરી છે. કાઝિયાનિસે 14 ઓગસ્ટે એક બ્રિટિશ ટેબ્લોઇડ એક્સપ્રેસને જણાવ્યું કે, ચીન પાસે ડોંગફેંગ મિસાઇલોની સંખ્યા એટલી વધારે છે કે અમેરિકી નૌસેના દ્વારા તે તમામને નષ્ટ કરવાની 'સંભાવના ઘણી ઓછી' છે.

પેલોસીની યાત્રા અંગે કાઝિયાનિસે કહ્યું કે, મને લાગે છે કે આપણે ઘણા વધુ મિસાઇલ પરીક્ષણો જોવા જઇ રહ્યા છે. તેમણે ચીન માટે DF21-D અને DF-26D મિસાઇલો વિશે જણાવ્યું હતું. આ મિસાઇલોને ઘણા નિષ્ણાતો 'કેરિયર કિલર મિસાઇલ' અથવા 'નેવી કિલર મિસાઇલ' કહે છે. તેમણે કહ્યું કે, આ મિસાઇલો ખાસ કરીને ચીનીઓ દ્વારા બનાવવામાં આવી હતી. આથી જો તાઇવાનને લઇને યુદ્ધની સ્થિતિ પેદા થાય અને અમેરિકી નૌસેના ચીનના તટથી 500 મીલ (805 કિલોમીટર)ના વિસ્તારમાં આવે છે તો તેમને ઘણું નુકસાન સહન કરવું પડશે.

વર્લ્ડ વોર 3ના ભણકારા! ભડકેલું ચીન 'કિલર' મિસાઇલોનું કરશે પરીક્ષણ

અમદાવાદ

સુરત

વડોદરા

રાજકોટ

ગાંધીનગર

ભાવનગર

જામનગર

જુનાગઢ

કચ્છ - ભુજ

મહેસાણા

પંચમહાલ

આણંદ

વલસાડ

સાબરકાંઠા

બનાસકાંઠા

અમરેલી

સુરેન્દ્રનગર

પોરબંદર

ભરૂચ

આ રાશિના જાતકોની કોઇ રસપ્રદ વ્યક્તિ સાથે થઇ શકે છે મુલાકાત, જાણો આજનું રાશિફળ

સાંબરકાંઠા જિલ્લામાં મેઘ તાંડવ, હિંમતનગરનું હુંજ ગામ બેટમાં ફેરવાયું, હાથીમતી નદી ઓવરફ્લો

નર્મદા ડેમના 23 દરવાજા ખોલાયા, ડેમમાંથી 4.95 લાખ ક્યુસેક પાણી છોડાયું

ભવિષ્યના લાભ માટે અત્યારે જોખમ લેવાનો સારો દિવસ, જાણો શું કહે છે અંકશાસ્ત્ર?

રાજકોટમાં રુવાંટા ઉભો કરી દે તેવો હત્યાનો કિસ્સો, દીકરી સાથે પ્રેમલગ્ન કરનાર યુવકની હત્યા

જો સવારે ચા સાથે આ વસ્તુ ખાતા હોવ તો થઈ જાઓ સાવધાન!

હરિદ્વાર

તમારો જિલ્લો પસંદ કરો

જિલ્લો

હરિદ્વાર

આ માપદંડ સાથે મેળ ખાતી કોઈ વાર્તાઓ મળી નથી

તાજેતરના સમાચાર