જાણો કોણ હતી તે મહિલા જે વાઘા બોર્ડર પર IAF પાયલટ અભિનંદનની સાથે દેખાઇ?

ભારતીય વાયુસેનાનાં વિંગ કમાંડર અભિનંદન વર્ઘમાન શુક્રવારે રાતે વાઘા બોર્ડરથી ભારત પરત આવી ગયા. અભિનંદનનની વતન વાપસીની તસવીરો દરેકનાં મનમાં લાંબા સમય સુધી તાજા રહેશે. તે વખતે ઘણાં લોકોનાં મનમાં એક સવાલ પણ હતો કે અભિનંદર જ્યારે વાઘા બોર્ડરથી પાછા ફરી રહ્યાં હતાં ત્યારે તેમની બાજુમાં રહેલી મહિલા કોણ હતી. પહેલા તો લોકોએ કહ્યું કે તે મહિલા તેમની પત્ની છે. પરંતુ થોડી વારમાં તે પાકિસ્તાન પાછી જતી રહી.

હકીકતમાં તે મહિલા પાકિસ્તાનનાં વિદેશ મંત્રાલયમાં ભારતીય મામલાનાં વિભાગની ડાયરેક્ટર ડોક્ટર ફારિહા બુગતી હતાં. ફારિહા એફએસપી અધિકારી છે. જે ભારતનાં આઈએફએસ અધિકારી સમકક્ષ હોય છે. તેઓ વિદેશ મંત્રાલયમાં ભારત સાથે જોડાયેલા મામલાઓની પ્રભારી છે.

નોંધનીય છે કે પાકિસ્તાનની જેલમાં બંધ કુલભૂષણ જાધવના કેસને સંભાળનાર મુખ્ય પાકિસ્તાન અધિકારીઓમાંથી એક છે. જાધવ પર ભારતીય જાસૂસ હોવાનો આરોપ મૂકાયો છે. ગયા વર્ષે ઇસ્લામાબાદમાં જાધવના માતા અને પત્ની વચ્ચે મુલાકાત કરાવામાં આવી હતી તે દરમ્યાન પણ ડો.ફારિહા બુગતી હાજર હતા.

ભારતીય વાયુસેનાના વિંગ કમાન્ડર અભિનંદન વર્ધમાન શુક્રવાર રાતે પાકિસ્તાનથી વાઘા બોર્ડર દ્વારા ભારત પરત ફર્યા. અટારી વાઘા બોર્ડર ક્રોસ કરતાં જ તેમને વાયુસેનાના હેલીકોપ્ટરથી દિલ્હી લાવવામાં આવ્યા. વાયુસેનાના નિયમ મુજબ શનિવારે વિંગ કમાન્ડરને ડીબ્રિફિંગ અને બગ સ્કેનિંગમાંથી પસાર થવું પડશે.

ભારતીય વાયુસેનાનાં વિંગ કમાંડર અભિનંદનનાં આવવાથી ભારતભરમાં જશ્નનો માહોલ હતો.

અભિનંદનને આવકારતા ભારતીયો.