યુવકે ડ્રગ્સના ઓવરડોઝથી મરી રહેલી કિશોરી સાથે બાંધ્યો શરીર સંબંધ, 34 મહિનાની જેલ

વોશિંગ્ટનઃ અમેરિકામાં મોતને ભેટી રહેલી એક 18 વર્ષની કિશોરી પર બળાત્કાર ગુજારવાના આરોપસર એક યુવાનને 34 મહિનાની જેલની સજા ફટકારવામાં આવી છે. કિશોરીએ ડ્રગ્સનો ઓવરડોઝ લઈ લીધો હતો, જેના કારણે તેણી મોતના મુખમાં ધકેલાઈ ગઈ હતી. આ સમયે તેના રૂમમાં હાજર યુવાને તેને બચાવવા માટે કોઈ પ્રયાસ કરવાને બદલે તેની સાથે શરીરસુખ માણ્યું હતું.

મળતી માહિતી પ્રમાણે અમેરિકાના બ્રાયન વરેલા નામના યુવાનને કિશોરીને ડ્રગ્સ આપવા, તેની સાથે બળાત્કાર ગુજારવા બદલ 34 મહિનાની જેલની સજા ફટકારવામાં આવી છે. કિશોરી જ્યારે ડ્રગ્સના નશામાં બેભાન બની ગઈ હતી ત્યારે બ્રાયને તેની સાથે શરીરસુખ માણીને તેની તસવીરો ક્લિક કરીને તેના મિત્રોને મોકલી હતી. આ સમયે કિશોરી અર્ધનગ્ન હાલતમાં હતી.

સુપ્રીમ કોર્ટના જજ લિન્ડા કરસેએ યુવકને સજા આપતા કહ્યું હતું કે યુવાનનો ભૂતકાળમાં કોઈ જ ગુનાહિત રેકોર્ડ રહ્યો નથી. જોકે, ન્યાયાધીશની સજા બાદ યુવતીના સંબંધીઓ અને તેમના મિત્રો ખૂબ ગુસ્સે ભરાયા હતા. તમામ લોકોએ યુવકને આકરી સજા ફટકારવાની માંગણી કરી હતી.

યુવકે તપાસ અધિકારીઓને જણાવ્યું હતું કે કિશોરી ફેબ્રુઆરીમાં વોશિગ્ટનના મરથા લેક ખાતે આવેલા એક મોબાઇલ હાઉસમાં પાર્ટી માટે આવી હતી. અહીં તેણીએ ડ્રગ્સ લીધું હતું જે બાદમાં તે બેભાન થઈ ગઈ હતી. જોકે, કિશોરી બેભાન થયા બાદ યુવકે મદદ માટે પોલીસને જાણ કરી ન હતી અને કિશોરીની અર્ધનગ્ન હાલતમાં તસવીરો ક્લિક કરીને તેમને મિત્રોને મોકલી હતી.

આ તસવીર પર યુવકના એક ફ્રેન્ડે કોમેન્ટ કરી હતી કે, "ભાઈ તે આ કિશોરીને મારી નાખી છે." જોકે, બ્રાયને તેના પર કોઈ ટિપ્પણી કરી ન હતી અને સામે જવાબ આપ્યો હતો કે, "હું ટાઈમ પાસે માટે તેની સાથે શરીર સંબંધ બાંધી રહ્યો હતો."

મોતને ભેટી રહેલી કિશોરી પર બળાત્કાર ગુજાર્યા બાદ યુવક વીડિયો ગેમ રમવા લાગ્યો હતો અને બાદમાં ઊંઘી ગયો હતો. સવારે યુવક ઉઠ્યો ત્યારે કિશોરીના મોઢા અને નાકમાંથી લોહી નીકળી રહ્યું હતું. તેનું શરીર ઠંડું પડી ગયું હતું.

બ્રાયને તેની એક મિત્ર પાસે કબૂલ કર્યું હતું કે, તેણી કિશોરી સાથે શારીરિક સંબંધ બાંધ્યો ત્યારે તે જીવતી હતી કે મૃત તેના વિશે તેનો કોઈ માહિતી નથી.