શું તમને ખબર છે? આ દેશમાં FREEમાં કરી શકો છો અભ્યાસ!

આજ-કાલ દરેકની એવી ઈચ્છા હોય છે કે, વિદેશમાં અભ્યાસ કરવા મળે, પરંતુ પૈસાની અછતે દરેકનું સપનું પુરૂ નથી થઈ શકતુ. પરંતુ તમારે આવું કરવાની કોઈ જરૂરત નથી, કારણ કે દુનિયામાં એવા કેટલાક દેશ છે જેભારત સહિત અન્ય દેશમાંથી આવતા વિદ્યાર્થીઓને ફ્રીમાં અભ્યાસ કરાવે છે. આ સિવાય કેટલાક એવા દેશ પણ છે જેમાં ઉચ્છ અભ્યાસ માટેની ફી નહીં બરાબર છે. આજે તમને એવી કોલેજ-યુનિવર્સિટી વિશે જણાવીશું, જ્યાં તમે બહું ઓછી ફીમાં લગભગ મફતમાં અભ્યાસ કરી શકો છો.

જર્મની: સૌથી સારા શિક્ષણ મામલે જર્મની સૌથી શ્રેષ્ઠ ગણવામાં આવે છે. અહીં કોઈ પણ સરકારી વિશ્વવિદ્યાલયમાં કોઈ પણ પ્રકારની ટ્યુશન ફી નથી લેવામાં આવતી. પછી તે જર્મનીનો વિદ્યાર્થી હોય કે, બહારના દેશનો. જોકે, તમારે એડમિનિસ્ટ્રેશન ફી આપવી પડશે, જે લગભગ વર્ષની માત્ર 11 હજારથી 19 હજાર રૂપિયા હોય છે.

નોર્વે: આ દેશમાં ગેજ્યુએટ, પોસ્ટ ગ્રેજ્યુએટ અને ડોક્ટરેટ પ્રોગ્રામ એકદમ ફ્રી છે. જોકે તમારે એક શર્ત પુરી કરવી પડશે. શર્તને તમને નોર્વેની ભાષા આવડતી હોવી જોઈએ. જો તમારે અહીં ફ્રીમાં અભ્યાસ કરવો હોય તો તમે નોર્વેની ભાષા શીખી લો.

સ્વીડન: સ્વીડનમાં ગ્રેજ્યુએટ અને પોસ્ટ ગ્રેજ્યુએટ પ્રોગ્રામ માટે યુરોપિય ઈકોનોમીક એરિયાના વિદ્યાર્થીઓ પાસેથી કોઈ ફી નથી લેવામાં આવતી. ભારત જેવા દેશ આમાં નથી, જોકે અહીં પીએચડી તમામ લોકો માટે ફ્રી છે. એટલું જ નહી અહીં પીએચડી કરનારને સરકાર તરફથી દર મહિને કેટલાક રૂપિયા પણ મળે છે.

ફિનલેન્ડ: આ દેશ કોઈ પણ દેશના નાગરિક પાસેથી ફી નથી લતો, પરંતુ હવે તે નિયમમાં બદલાવ કરવા જઈ રહ્યો છે. આ દેશ પણ યુરોપિયન ઈકોનોમિક એરિયાના બહારના વિદ્યાર્થી પાસેથી હવે ફી વસુલશે. પરંતુ જો તમે અહીંની ભાષા શીખી લો તો તમારી ફી નહીં ચુકવવી પડે.

ઓસ્ટ્રિયા: અહીં યુરોપિયન યૂનિયનના વિદ્યાર્થીઓ માટે અભ્યાસ ફ્રીમાં છે. પરંતુ સારી વાત એ છે કે, અહીં ફી બહુ ઓછી છે. ભારતીય રૂપિયા પ્રમાણે જોઈએ તો લગભગ વર્ષની 55 હજાર રૂપિયા જ ફી છે.