Iraq Sand Storm PHOTOS: ઇરાકમાં રેતના તોફાને મચાવી તબાહી, 4 હજાર લોકો હોસ્પિટલમાં

ઇરાકમાં રેતના તોફાને ભારે તબાહી મચાવી છે. સમગ્ર દેશને જાણે હચમચાવી દીધો છે. સોમવારથી શરૂ થયેલા આ તોફાનથી લોકોને શ્વાસ લેવામાં પણ ભારે મુશ્કેલી પડી રહી છે. હજારો લોકોને આ શ્વાસની સમસ્યાને પગલે હોસ્પિટલમાં પણ દાખલ કરાયા છે. (ફોટો સાભાર AFP)

ઇરાકમાં એપ્રિલ માસ બાદ આ આઠમી વખત વાવાઝોડાનો કહેર જોવા મળ્યો છે. મે માસના પ્રારંભે આવેલા રેતીલા તોફાનમાં એક શખ્સનું મોત પણ નીપજ્યું હતું. એવું સામે આવ્યું હતું કે રેતીલા તોફાનને લીધે આ શખ્સને શ્વાસ લેવામાં તકલીફ થઇ હતી. રેતીલા આ તોફાનને પગલે 5 હજાર જેટલા લોકોને શ્વાસની તકલીફ થઇ હતી. આ પરિસ્થિતિને પગલે અહીંની સ્કૂલો, અરપોર્ટ સહિત ઓફિસો બંધ કરી દેવાઇ હતી. (ફોટા સાભાર AFP)

રિપોર્ટ્સ અનુસાર સોમવારે  આવેલું રેતનું તોફાન એટલું ભયંકર હતું કે રાજધાની બગદાદ ધૂળથી જાણે ઢંકાઇ ગયું. રેતના આ તોફાનથી ઇરાકના અન્ય શહેરોમાં પણ ભારે અસર થઇ હતી. દક્ષિણ ઇરાકના શિયા બહુલ નજફ અને ઉત્તરી કુર્દમાં પણ જનજીવન ભારે અસરગ્રસ્ત બન્યું હતું. (ફોટો સાભાર AFP)

રેતના આ તોફાનને પગલે અહીંની ઇમારતો, ઘરો અને વાહનો પર ધૂળનું જાણે આવરણ પથરાઇ ગયું હતું. (ફોટો સાભાર AFP)

રેતના તોફાનને પગલે જનજીવન અસરગ્રસ્ત થતાં સત્તાધીશોએ રાજધાની બગદાદ સહિત દેશના 18 પ્રાંતમાંથી 7 માં સરકારી કચેરીઓ બંધ કરવાનો આદેશ આપ્યો હતો. (ફોટો સાભાર AFP)

રેતના તોફાનથી વૃધ્ધ અને અસ્થમાના દર્દીઓની હાલત કફોડી બની હતી. આવા લોકોને શ્વાસ લેવામાં ભારે તકલીફનો અનુભવ થયો હતો. આ સ્થિતિને જોતાં સરકારે હોસ્પિટલો ચાલુ રાખવાના આદેશ આપ્યા હતા. (ફોટો સાભાર AFP)

ઇરાકના આરોગ્ય મંત્રાલયના એક પ્રવક્તા સૈફ અલ બદ્રએ જાણકારી આપતાં કહ્યું કે, 4 હજાર જેટલા લોકોને વિવિધ હોસ્પિટલોમાં દાખલ કરવામાં આવ્યા છે અને ઘણા લોકોને આઇસીયૂમાં રાખવામાં આવ્યા છે. (ફોટો સાભાર AFP)

ઇરાકમાં ઘણીવાર રેતનું તોફાન આવતું રહે છે અને એ માટે તંત્ર પણ એલર્ટ હોય છે. (ફોટો સાભાર AFP)