ઊંડા સમુદ્રમાંથી મળ્યું 1200 વર્ષ જૂનું મંદિર અને રત્નોથી ભરેલી હોડી

ઈજિપ્તની સભ્યતા અને સંસ્કૃતિ દુનિયામાં સૌથી પ્રાચીન માનવામાં આવે છે. અહીં સમયાંતરે ખોદાણ દરમિયાન એવી કલાકૃતિઓ મળી છે જે હજારો વર્ષ જૂની હતી. તેનાથી ત્યાંની સૌથી પ્રાચીનતમ સભ્યતા વિશે દુનિયાને જાણકારી મળે છે. હાલમાં ઊંડા સમુદ્રમાં એક રહસ્યમગી મંદિર મળી આવ્યું છે. આ મંદિર વિશે કહેવામાં આવી રહ્યું છે કે લગભગ 1200 વર્ષ જૂનું છે. મંદિરની સાથે જ ખજાનો ભરેલી હોડી પણ મળી છે, જેની કિંમત કરોડોમાં છે.

મળતી જાણકારી મુજબ, મંદિર હેરાક્લિઓન શહેરના ઉત્તર ભાગમાં મળ્યું છે, જેને ઈજિપ્તનું ખોવાયેલું શહેર એટાલાંટિસ કહેવામાં આવે છે. તેની શોધ કરનારા પુરાતત્વવિદો મુજબ, પ્રાચીન સમયમાં હેરાક્લિઓનને મંદિરોનું શહેર કહેવામાં આવતું હતું. પરંતુ લગભગ હજાર વર્ષ પહેલા આવેલી સુનામીના કારણે આ શહેર પાણીમાં ડૂબી ગયું.

અમર ઉજાલા ડોટ કોમ મુજબ, ઊંડા સમુદ્રમાં અનેક પ્રાચીન ઈમારતો અને માટીના વાસણ પણ મળ્યા છે, જે લગભગ 2000 વર્ષ જૂના છે. ઈજિપ્ત અને યૂરોપના પુરાતત્વવિદોએ મળીને આ અનોખી શોધ કરી છે.

છેલ્લા 15 વર્ષોમાં અહીં સમુદ્રથી ડાઇવર્સે 64 પ્રાચીન હોડી, સોનાના સિક્કાના ખજાના, 16 ફુટ ઊંચી મૂર્તિઓ અને વિશાળ મંદિરના અવશેષોને શોધ્યા છે.

મળતી જાણકારી મુજબ, મંદિરની સાથોસાથ અહીં સમુદ્રમાં કેટલીક હોડીઓ પણ મળી છે. જેમાં તાંબાના સિક્કા અને જ્વેલરી ખડકાયેલી છે. આ સિક્કા રાજા ટોલમી દ્વિતીયના કાર્યકાળ એટલે કે ત્રીજી સદીના છે.