આ ચીની એક્ટ્રેસે કર્યું છે મોટું કારસ્તાન, ભરવો પડશે 13 કરોડ ડોલરનો દંડ

ચીનની પ્રખ્યાત એક્ટર જેકી ચેન પછી બીજા નંબર ઉપર પ્રસિદ્ધ વ્યક્તિત્વ ધરાવતી એક્ટ્રેસ ફેન બિંગબિંગ અને તેની કંપની ઉપર ટેક્સ ચોરીનો આરોપ લાગ્યો છે. તેની ઉપર 13 કરોડ ડોલર ભરપાઇ કરવાનું કહ્યું છે.

ફેન બિંગબિંગ છેલ્લા ત્રણ મહિનાથી લોકોની નજરથી ગાયબ છે. તેના ઉપર ટેક્સ ચોરીના આરોપ સર દંડ લાગ્યો હોવાની પણ ખબર સામે આવી રહી છ. તેના ઉપર આ આરોપ થોડા સમય પહેલા જ લાગ્યો હતો. જૂનથી જ બિંગબિંગ પબ્લિકમાં નજર આવતી નથી. તેના સોશિયલ મીડિયા એકાઉન્ટ ઉપર પણ કોઇ અપડેટ નથી. તેમની આ પ્રકારે ગાયબ થઇ જવાની ઘટનાએ દુનિયા ભરમાં છવાઇ રહી છે.

ચીનની સત્તાવાર વેબસાઇટ શિન્હુઆએ ટેક્સ ઓથોરિટીના હવાલાથી જણાવ્યું છે કે બિંગબિંગને કરોડો યુઆનના ટેક્સ અને દંડ ભરવાનો આદેશ કરવામાં આવ્યો છે. તેમને ટેક્સ ચોરી અને અન્ય મામલાઓમાં આશરે 89 કરોડ 20 લાખ યુઆન ભરવાનો આદેશ કરવામાં આવ્યો છે. જો દંડ નહીં ભરે તો આખો મામલો પોલીસને સોંપવામાં આવશે.

દંડ ભરવાની ખબર સામે આવ્યા પછી ચીની સોશિયલ મીડિયા વીબો ઉપર બિંગબિંગે માફી માંગતા લખ્યું હતું કે તે ચીની લોકોથી માફી માંગે છે. તેમને આ સજા મંજૂર છે.

ચીની મીડિયામાં હજી પણ એ જાણી શકાયું નથી કે તે ક્યાં છે પરંતુ માનવામાં આવી રહ્યું છે કે, તેના એજન્ટને તપાસમાં અડચણ કરવાના આરોપમાં પોલીસે કસ્ટડીમાં રાખ્યો છે.

ફેન બિંગબિંગ ચીનની અનેક મોટી ફિલ્મો અને ટીવી શોમાં નજર આવી ચુકી છે. તે આંતરરાષ્ટ્રીય સ્તર ઉપર પણ પ્રખ્યાત છે. તેણે એક્સમેન સિરિઝની ડેજ ઓફ ફ્યુચર પાસ્ચમાં બ્લિંગ રોલ કર્યો હતો.