Vivo U10 નું અપગ્રેડ મૉડલ આ મહિને ભારતમાં લૉન્ચ થઈ રહ્યું છે. આ વીવો U20 હશે. થોડા મહિના પહેલા ચીની સ્માર્ટફોન કંપનીએ ભારતમાં યુ શ્રેણીનો પ્રથમ સ્માર્ટફોન વીવો યુ 10 લોૉન્ચ કર્યો હતો. હવે વિવોએ પુષ્ટિ આપી છે કે નવો વિવો U20 ભારતમાં 22 નવેમ્બરના રોજ સત્તાવાર રીતે લૉન્ચ કરવામાં આવશે. વીવો યુ 20 માટે લૉન્ચની તારીખની પુષ્ટિ આપવા સાથે કંપનીએ તેની ડિઝાઇન અને કેટલીક વિશિષ્ટતાઓ પણ જાહેર કરી છે.
વેબસાઇટ ઈન્ડિયા ટુડે ટેકને સૂત્રો પાસેથી માહિતી પ્રાપ્ત થઈ છે કે આ આગામી સ્માર્ટફોન વીવો યુ 20 માં 18 ડબ્લ્યુ ફાસ્ટ ચાર્જિંગ સપોર્ટ સાથે 5000 એમએએચની બેટરી મળશે. 18 ડબ્લ્યુ ફાસ્ટ ચાર્જર બૉક્સ સાથે ઉપલબ્ધ હશે.
આ ઉપરાંત આ ફોનમાં ક્વાલકોમ સ્નેપડ્રેગન 675 એઆઈઈ પ્રોસેસર Vivo U20 માં મળશે. આવી સ્થિતિમાં વીવો યુ 20 કંપનીનો ત્રીજો સ્માર્ટફોન હશે, જે આ ક્વાલકોમ સ્નેપડ્રેગન પ્રોસેસર સાથે આવશે. આ ઉપરાંત અન્ય બે સ્માર્ટફોન વિવો વી 17 પ્રો અને વીવો વી 15 પ્રો છે. કંપનીએ એ પણ જાહેર કર્યું છે કે આવનારી વીવો U20માં ગ્રેડિએન્ટ ડિઝાઇન મળશે.
રિલીઝ કરેલી તસવીર મુજબ, વિવો યુ 20ના ફ્રન્ટમાં વૉટરડ્રોપ નોચ, પાતળા બેઝલ્સ અને ટ્રિપલ કેમેરા સેટઅપ મળશે. હાલમાં કંપનીએ કૅમેરાની વિશિષ્ટતાઓને રજૂ કરી નથી. ટીઝર ફોટાથી સ્પષ્ટ થઈ ગયું છે કે તેમાં પાછળના માઉન્ટ ફિંગરપ્રિન્ટ સેન્સર આપવામાં આવશે.
