દમણ: નશામાં ધૂત બે મહિલાઓ વાઇન શોપની બહાર જ બાખડી, કર્યું ન કરવાનું કામ

ભરતસિંહ વાઢેર, વલસાડ: દમણની એક વાઇન શોપ બહાર નશામાં ધૂત બનેલી બે મહિલાઓ પૈસાની લેતી દેતી બાબતે જાહેરમાં બાખડતા મામલો ગરમાયો હતો. જાહેર રસ્તા પર નશામાં ધૂત બની બંને મહિલાઓ એકબીજાના વાળ પકડી અને જોરદાર મારામારી કરી હતી. જોકે, આ વખતે રસ્તા પરથી અનેક લોકો પસાર થઈ રહ્યા હતા. પરંતુ શરૂઆતમાં કોઈએ જાહેરમાં લડી રહેલી આ મહિલાઓને છૂટા પડાવવાની મુનાશીબ સમજ્યું ન હતું.

કેટલાક લોકો બંને મહિલાઓ વચ્ચે ચાલતી લડાઈનો વીડિયો મોબાઈલ કેમેરામાં કેદ કરતા જોવા મળ્યા હતા. જોકે, અંતે સ્થાનિક લોકોએ પોલીસને જાણ કરતા પોલીસે સ્થળ પર પહોંચી મામલો થાળે પાડ્યો હતો.

બનાવની વિગત મુજબ, થર્ટી ફર્સ્ટ અને નવા વર્ષની ઉજવણી માટે મોટી સંખ્યામાં શોખીનો દમણ પહોંચી રહ્યા છે. એવા સમયે દમણના એક વાઈન શોપની બહાર નશામાં ધૂત બે મહિલાઓએ એક બીજા સાથે જોરદાર ઉગ્ર બોલાચાલી કરી હતી. 

ત્યાર બાદ આ ઉગ્ર બોલાચાલી ઝપાઝપી અને  મારા મારીમાં પરિણમી હતી. પૈસાની લેતી દેતી બાબતે મહિલાઓ વચ્ચે શરૂ થયેલી ઉગ્ર બોલા ચાલી બાદ મહિલાઓ એકબીજાના વાળ પકડી અને જોરદાર મારા મારી પર ઉતરી આવી હતી.

જાહેર રસ્તા પર નશામાં ચકચૂર મહિલાઓ ભાન ભૂલી અને એકબીજાને માર મારતી કેમેરામાં કેદ થઈ હતી. જોકે મહિલાઓ જ્યારે એક બીજા સાથે લડી રહી હતી એ વખતે અનેક લોકો રસ્તા પરથી પસાર થઈ રહ્યા હતા. પરંતુ કોઈએ આ મહિલાઓને છૂટા પાડવાનો મુનાસીબ સમજ્યું ના હતું.

વધુમાં કેટલાક લોકોએ આ મહિલાઓની લડાઈને મોબાઈલ કેમેરામાં કેદ કરતા પણ જોવા મળ્યા હતા. આખરે લાંબા સમય સુધી આ મહિલાઓની ચાલેલી લડાઈ બાદ કેટલાક લોકોએ વચ્ચે પડી અને મામલો થાળે પાડવાનો પ્રયાસ કર્યો હતો.

તેમ છતાં મહિલાઓ છૂટી ન પડતા આખરે લોકોએ પોલીસને જાણ કરી હતી. આથી દમણ પોલીસ સ્થળ પર પહોંચી અને જાહેરમાં લડી રહેલી આ મહિલાઓને છૂટો પાડી મામલો થાળે પાડ્યો હતો. જોકે આ વાઇન શોપની બહાર નશામાં ચકચૂર થઈ લડી રહેલી આ મહિલાઓનો વીડિયો ત્યારે સોશિયલ મીડિયામાં વાઈરલ થતા બનાવ ચર્ચાનું કેન્દ્ર બન્યો છે.