વલસાડઃ જાણિતી હોસ્પિટલના કેશ કાઉન્ટરમાંથી રોકડા રૂપિયાની ચોરી, જુઓ CCTVની તસવીરો

ભરતસિંહ વાઢેર, વલસાડ: વલસાડની (Valsad news) એક જાણીતી હોસ્પિટલના કેશ કાઉન્ટરમા ચોરીની (Theft at the hospital's cash counter) ઘટનાથી સમગ્ર વિસ્તારમાં ચકચાર મચી ગઇ છે. વલસાડની જાણિતી અમિત હોસ્પિટલના (Amit hospital) કેસ કાઉન્ટર માં થયેલી ચોરીનો live cctv વીડિયો અત્યારે સોશિયલ મીડિયામાં (social media) વાયરલ થઈ રહ્યો છે.આમ હોસ્પિટલમાંથી થયેલી ચોરીની જાણ કરતા પોલીસે પણ સીસીટીવી ફૂટેજના (CCTV footage) આધારે ચોર સુધી પહોંચવા તપાસ હાથ ધરી છે.

બનાવની વિગત પ્રમાણે  વલસાડના મધ્યમાં આવેલી જાણીતી અમિત હોસ્પિટલના કેશ કાઉન્ટર માં રાખવામાં આવેલા રૂપિયા 10 હજાર  જેટલી રોકડ રકમની ચોરી થઇ હોવાની હોસ્પિટલ દ્વારા પોલીસને જાણ કરવામાં આવી છે. હોસ્પિટલના કેશ કાઉન્ટર માથી થયેલી ચોરીના લાઈવ દ્રશ્યો સાથે નો વીડિયો પણ પોલીસને સુપરત કર્યો છે.

આથી પોલીસે પણ આ મામલે તપાસ હાથ ધરી છે. સીસીટીવીમાં  દેખાતા દૃશ્ય મુજબ હોસ્પિટલના કેશ કાઉન્ટર આજુબાજુ એક યુવક દેખાઈ રહ્યો છે. કેશ કાઉન્ટર પર હોસ્પિટલ નો કોઈ સ્ટાફ હાજર નહીં હોવાથી મોકો જોઈએ તેને કેસ કાઉન્ટરમાં હાથ સાફ કરી અને કેશ કાઉન્ટરમાં રાખેલી રૂપિયા 10 હજાર  જેટલી રોકડ રકમની ચોરી કરી બિલ્લી પગે ગણતરીની મિનિટમાં જ ત્યાંથી  ફરાર થઈ ગયો હતો.

જોકે ત્યાર બાદ હોસ્પિટલના  સ્ટાફને હોસ્પિટલના કેશ કાઉન્ટરમાંથી  રોકડ રકમની ચોરી થઇ હોવાની જાણ થતા સીસીટીવી ચેક કરવામાં આવ્યા હતા. જેમાં કેશ કાઉન્ટરમા  થયેલી ચોરી ના લાઈવ દ્રશ્યો સીસીટીવીમાં જોવા મળ્યા હતા.

આથી હોસ્પિટલ દ્વારા  મામલાને ગંભીરતાથી લઇ  ચોરને પકડવા સીસીટીવી ફૂટેજ સાથે પોલીસ સ્ટેશનમાં રજૂઆત કરી છે.. આથી પોલીસે પણ અમિત હોસ્પિટલના કેશ કાઉન્ટરમા થયેલી રૂપિયા 10 હજારની ચોરી અરજી  અંગે હોસ્પિટલના સીસીટીવી ફૂટેજના આધારે આરોપી સુધી પહોંચવા તપાસ તેજ કરી છે.