દમણથી દારૂ ભરી સુરત જઈ રહેલું દંપતી ઝડપાયું, પોલીસને ચકમો આપવા ઘડ્યો હતો 'માસ્ટર પ્લાન'

ભરતસિંહ વાઢેર, વલસાડ : ગાંધીના ગુજરાતમાં દારૂબંધીનો  (Gujarat Liquor Ban) કડક અમલ થતો હોવાના સરકાર દ્વારા  દાવા થઈ રહ્યા છે. જો કે તેમ છતાં હજુ પણ રાજ્યમાં પોલીસના હાથે રોજ લાખો રૂપિયાનો દારૂ (Liquor) ઝડપાય છે. કોરોનાના કપરા (Coronavirus Times) કાળમાં પણ બૂટલેગરો (Bootlegger)  બેફામ બન્યા છે. ત્યારે રાજ્ય ના છેવાડે આવેલ વલસાડ (Valsad) ની લોકલ ક્રાઇમ (LCB) બ્રાન્ચ દ્વારા 2 નવીનક્કોર મોઘીદાટ લકઝૂરીયસ  કારમાંથી લાખો રૂપિયાની કિંમતના  વિદેશી દારૂની  હેરાફેરી નો પર્દાફાશ કર્યો છે. સુરતના હજીરાના એક દંપતી સહીત  કુલ 4  બૂટલેગરોની ધરપકડ કરાઈ છે.

રાજ્યના છેવાડે આવેલ વલસાડ જિલ્લા એલસીબી પોલીસને મળેલી બાતમીને આધારે એલસીબી પોલીસની ટીમ   અમદાવાદ-મુંબઈ નેશનલ હાઈવે પર વોચમાં હતી. એ દરમિયાન જ  પોલીસને મળેલી  બાતમીવાળી  2 કાર  પસાર થઈ રહી હતી. એમાં સઘન  તપાસ કરતા કારમાંથી વિદેશી દારૂની વિવિધ બ્રાન્ડની અનેક બોટલો મળી આવી હતી.

આ કારચાલકને પોલીસ સ્ટેશન લાવી તપાસ કરતા. કારમાં થી અંદાજે 2.41લાખના  કિંમતનો વિદેશી દારૂ  મળી આવ્યો હતો. વલસાડ પોલીસે  આ બંને ગુન્હામાં 22.41 લાખ રૂપિયાનો મુદામાલ ઝડપી પડ્યો છે. તેમજ  કારચાલક આરોપી સુનિલ પટેલ ,માયા પટેલ તેમજ ધવલ પટેલ અને મહેશ પટેલની દારૂની હેરાફેરી ના ગુનામાં ધરપકડ કરી તેમને વિરુદ્ધ કાયદેસરની કાર્યવાહી હાથ ધરી છે.

કોરોનાના કારણે દમણ અને વલસાડની બોર્ડર પર  સઘન ચેકીંગ હાથ ધરાઈ રહ્યું છે ,ત્યારે રાજ્યમાં વિદેશી દારૂના મોં માગ્યા દામ મળી રહે છે. જેથી બૂટલેગરો પોલીસને ચકમો આપવા કઈ પણ હદે જઈ  રહયા છે. આ વખતે પણ બૂટલેગરો એ  વલસાડ પોલીસની આંખ માં ધૂળ નાખવા  દારૂની તસ્કરી માટે લાખો  રૂપિયા ની  નવીનક્કોર એમજી હેક્ટર કાર નો ઉપયોગ કર્યો હતો અને કારમાં ચોર ખાના પણ બનાવ્યા હતા.

આમ પ્રથમ નજરે એક સારા ઘર નું દંપંતી પરિવાર કાર લઇ ને ફરવા નીકળ્યું હોય તેવું પોલીસમાને અને  કાર માં વિશેષ  ચેકીંગ ન થાય તે પ્રકારની મોડ્સ ઓપરેન્ડી નો પ્લાન હતો. જોકે વલસાડ પોલીસની સતર્કતા અને બાતમીના આધારે બંને કાર ઝડપાતા  બૂટલેગરોનો પ્રયાસ નિષ્ફળ નીવડ્યો છે.

તો જે કાર માં થી લાખો રૂપિયાનો  દારૂ મળી આવ્યો છે.વિદેશી દારૂની હેરાફેરી અને  ધંધામાં મોટી  કમાણીને કારણે રીઢા બૂટલેગરો રોજ અવનવી  તરકીબો અપનાવી રહયા છે. ત્યારે આરોપી  સુનિલ પટેલ  તો પોતાની પત્ની  સાથે  પહેલાં દમણના દરિયા કિનારે  પીકનીક માણી  અને બાદ માં મોંઘી કારમાં પત્ની સાથે  દારૂની હેરાફેરી કરવા જતા હવે ભરાઈ ગયો છે

આ દંપતી  હવે માલામાલ તો થયા નથી પરંતુ દંપતી  ને જેલ ની હવા ખાવાનો વારો જરૂર થી આવ્યો છે. અને લાખો  રૂપિયા ની કાર પણ ખોવાનો વારો આવ્યો છે. (વલસાડ ડીવાયએસપી શર્મા)