Dhuleti Photos: વલસાડના તિથલ દરિયા કિનારે લોકોએ રંગોની છોળો ઉડાવી ઉજવ્યો રંગોત્સવ

ભરતસિંહ વાઢેર, વલસાડ: વાપી સહિત સમગ્ર વલસાડ જિલ્લામાં (Valsad News) હોળી ધુળેટીના પર્વની (Holi Dhuleti festival) ધામધૂમપૂર્વક ઉજવણી કરવામાં આવી હતી. જિલ્લામાં આજે ઠેર-ઠેર લોકોએ એકબીજાને રંગ લગાવી અને ધૂળેટીના પર્વની શુભેચ્છા પાઠવી હતી જોકે વલસાડના તિથલ દરિયા (tithal) કિનારે આજ નો માહોલ અલગ હતો. તિથલના દરિયા કિનારે (Tithal Beach) દર વર્ષની જેમ આ વખતે પણ મોટી સંખ્યામાં પર્યટકો અને સ્થાનિક લોકો પરિવાર સાથે ધુળેટી મનાવવા ઉમટી પડ્યા હતા.

મહત્વપૂર્ણ  છે કે છેલ્લા બે વર્ષથી કોરોનાને કારણે તિથલનો દરિયાકનારો ધૂળેટીના પર્વ દરમિયાન બંધ રહેતો હતો. પરંતુ આ વખતે ધૂળેટીના પર્વ દરમિયાન પણ દરિયાકિનારો ખુલ્લો રાખવામાં આવ્યા હોવાથી મોટી સંખ્યામાં પર્યટકો અને સ્થાનિક લોકો પરિવાર સાથે ધુળેટીના પર્વની ઉજવણી કરવા પહોંચ્યા હતા.

રંગોના આ પર્વની ઉજવણી માટે દૂર-દૂરથી લોકો પરિવાર સાથે પહોંચ્યા હતા. અને એકબીજાને રંગોની છોળો ઉડાડી અને ધુળેટીની શુભેચ્છાઓ પાઠવી હતી. તિથલનો દરિયાકનારો રાજ્યનો જાણીતું પર્યટન સ્થળ છે. દર વર્ષે ધૂળેટીના પર્વ મનાવવા તિથલના દરિયા કિનારે મોટી સંખ્યામાં લોકો ઊમટે છે.

આ વખતે પણ ગુજરાતભરની સાથે પડોશી રાજ્ય મહારાષ્ટ્રમાંથી પણ મોટી સંખ્યામાં પર્યટકો પરિવાર સાથે ધુળેટીના પર્વની ઉજવણી કરવા પહોંચ્યા હતા. એકબીજાને રંગબેરંગી કલર લગાવી અને રંગોના પર્વની શુભેચ્છાઓ પાઠવી હતી.

ઉલ્લેખનીય છે કે કોરોના વાયરસના પ્રકોપના કારણે ગુજરાતમાં હોળી અને ધૂળેટીના તહેવારો ઉજાવવા ઉપર પ્રતિબંધ હતો. જોકે, આ વખતે એકદમ નહીવત કોરોના કેસો વચ્ચે લોકોએ ધૂમધામથી ઉજવી હતી.