Gujarat Rains: વલસાડમાં આભ ફાટ્યું, ઉમરગામમાં બે કલાકમાં સવા 8 ઈંચ, વાપીમાં સવા 6 ઈંચ વરસાદ

વલસાડ : દક્ષિણ ગુજરાતમાં (South gujarat) મેઘરાજા (Rains) મહેરબાન થયા છે. આજે વહેલી સવારથી જ દક્ષિણ ગુજરાતના વલસાડ, (Valsad) વાપી (Vapi), ઉમરગામ (Umargam), ધરમપુરમાં ધોધમાર વરસાડ (Gujarat Rains) પડ્યો. વરસાદની તોફાની ઈનિંગમાં ચારેકોર જળભરાના દૃશ્યો સામે આવ્યા હતા. ચોમાસાની આ તોફાની બેટિંગમાં વલસાડમાં આભ ફાટ્યુ છે. વલસાડમાં બે કલાકમાં સવા 8 ઈંચ વરસાદ ખાબક્યો છે.

વલસાડ-વાપીમાં અનેક વિસ્તારો પાણીમાં ગરકાવ થઈ ગયા છે. વલસાડમાં ચોવીસ કલાકથી ધોધમાર વરસાડ પડ્યો છે. જો જિલ્લાના વરસાદની વાત કરવામાં આવે તો વલસાડમાં ઉમરગામમાં બે કલાકમાં સવા 8 ઈંચ વરસાદ ખાબક્યો છે. જ્યારે વાપીમાં બે કલાકમાં સવા 6 ઈંચ વરસાદ ખાબક્યો છે.

છેલ્લા ચાર કલાકમાં વલસાડ શહેરમાં બે કલાકમાં 4 ઈંચથી વધુ વરસાદ ખાબક્યો છે જ્યારે ધરમપુરમાં 3 ઈંચ વરસાદ ખાબક્યો છે. મૂશળધાર વરસાદના કારણે અનેક વિસ્તારોમાં જળબંબાકારની સ્થિતિ સર્જાઈ છે.

વલસાડ જિલ્લાના જીવાદોરી સમાન મધુવન ડેમમાં જિલ્લા અને ઉપરવાસમાં વરસાદના કારમે વરસાદની આવક થઈ છે. મધવુન ડેમમાં દર કલાકે 11.000 ક્યુસેક પાણીની આવક થઈ રહી હોવાના અહેવાલો પ્રાપ્ત થયા છે. જોકે, જિલ્લામાં ગઈકાલ રાતથી જ વરસાદ પડ્યો છે.

જ્યારે દક્ષિણ ગુજરાતમાં નવસારીમાં પણ ગઈકાલ રાતથી ભારે વરસાદ પડ્યો છે. જેના કારણે મીંઢોળા નદીમાં પાણીનું સ્તર વધી ગયું હતું તેના કારણે ગણદેવી અને બીલીમોરાને જોડતા પૂલ પર પાણી ફરી વળ્યા હતા.

નવસારીમાં ગણતરીના કલાકોમાં 4 ઈંચથી વધુ વરસાદ ખાબક્યો હતો. ગઈકાલે સાંજથી નવસારી જિલ્લાના ગણદેવી શહેરમાં સૌથી વધુ વરસાદ પડ્યો છે. જ્યારે બીલીમોરાથી લઈને ગણદેવી શહેર ની વચ્ચે રસ્તા પર પાણી ફરી વળ્યા છે.

મેઘરાજા ગઈકાલે મોડી રાતથી જ દક્ષિણ ગુજરાતમાં ધમાકેદાર બેટિંગ બોલાવી રહ્યા છે ત્યારે જ વરસાદની સૌ કોઈ આતુરતાપૂર્વક રાહ જોઈ રહ્યા હતા તેનું પુન: આગમન થયું છે જોકે, આ વરસાદના કારણે કેટલાક નીચાણવાળા વિસ્તારમાં જળભરાવના દૃશ્યો પણ સર્જાયા છે.