Silvassa News: કમકમાટી ભરી ઘટના! મશીનમાં આવી જ તાં કામદારનુ મોત, cctv video viral

ભરતસિંહ વાઢેર, સેલવાસ: રાજ્યના પડોશમાં આવેલા સંઘપ્રદેશ દાદરાનગર હવેલીના (Dadaranagar Haveli) નરોલી (Naroli) અધોગિક વિસ્તારમાં એક કંપનીમાં મશીનમાં આવી જતા એક કામદારનું કમકમાટીભર્યું મોત નિપજ્યું છે. કંપનીની અંદર કામદારો કામ કરી રહ્યા હતા. ત્યારે બનેલી આ ઘટનાના જીવંત દ્રશ્યો કંપનીમાં લગાવેલા સીસીટીવી કેમેરામાં કેદ થઇ ગયા હતા. અને આ ઘટનાનો સીસીટીવી વીડિયો (CCTV Video) અત્યારે સોશિયલ મીડિયામાં વાયરલ (social media) થઈ રહ્યો છે. ઘટનાની જાણ થતાં જ દાદરા નગર હવેલી પોલીસની ટીમ  સ્થળ પર પહોંચી હતી. અને કંપનીમાં તપાસ કરી જરૂરી કાર્યવાહી હાથ ધરી છે.

બનાવની વિગત મુજબ દાદરા નગરહવેલીનાં નરોલી વિસ્તારમાં આવેલા શ્રુતિ  એન્ટરપ્રાઇઝ નામની ધાગા  બનાવતી કંપનીમાં કામદારો કામ કરી રહ્યા હતા. એ વખતે મૂળ ઉત્તર પ્રદેશના બાંદા જિલ્લાના 19 વર્ષીય ગોલુ ઉર્ફે વિરેન સીંગ નામનો એક કામદાર પોતાના સાથી કામદારો સાથે મશીનમાં રોજિંદુ કામ કરી રહ્યો હતો.

એ વખતે જ  અચાનક જ તે મશીનમાં ખેચાઇ  ગયો હતો. અને પળભરમાં જ કામદાર નો પગ મશીનમાં ખેચાઇ અને  ફસાઇ ગયો હતો.. દ્રશ્ય જોતા સાથી કામદારોમાં પણ દોડધામ મચી ગઇ હતી. જો કે કમનસીબે થોડા સમય બાદ કામદારનું ઘટનાસ્થળ પર જ કમકમાટી ભર્યું  મોત નિપજયુ હતુ.

જોકે કંપનીમાં કામ કરતી વખતે કામદારના થયેલા મોતના જીવંત દ્રશ્યો કંપનીમાં લગાવેલા એક સીસીટીવી કેમેરામાં કેદ થઇ ગયા હતા..આ  સીસીટીવી વીડિયો  અત્યારે સોશિયલ મીડિયામાં વાયરલ થઇ રહ્યો છે. બનાવની જાણ થતા જ દાદરાનગર હવેલીના પોલીસના ઉચ્ચ અધિકારીઓ પણ સ્થળ પર પહોંચી અને તપાસ હાથ ધરી હતી.

પોલીસે કંપનીમાં પહોંચી બનાવ અંગે કંપની સંચાલકો અને સાથી કામદારો ની પૂછપરછ કરી અને જરૂરી કાર્યવાહી હાથ ધરી છે..મહત્વપૂર્ણ  છે કે આ અગાઉ પણ કંપનીઓમાં કામ કરતી વખતે કામદારોની સુરક્ષા પ્રત્યે દાખવવામાં આવતી બેદરકારીના લીધે અનેક વખત કામદારોના અકસ્માતે જીવ ગયા હોવાના અનેક વખત બનાવો બની ચૂક્યા છે.

ત્યારે આ વખતે પણ કોઈપણ જાતની સુરક્ષા સાધનો વિના કંપનીમાં કામ કરી રહેલા કામદારના થયેલા દર્દનાક મોત ની આ  ઘટનાને પગલે સમગ્ર પ્રદેશમાં ચકચાર મચી ગઇ છે. જોકે દાદરા નગર હવેલી પોલીસે આ અંગે જરૂરી કાર્યવાહી હાથ ધરી છે.