કોરોનાની દહેશત વચ્ચે વલસાડમાં કોલેજની ફ્રેશર પાર્ટીમાં વિદ્યાર્થીઓ ગરબે ગુમ્યા, covid-19 guidelineના ધજાગરા

ભરતસિંહ વાઢેર, વલસાડ: વલસાડની કોલેજમાં યોજાયેલ  ફ્રેશર પાર્ટીમાં મોટી સંખ્યામાં વિદ્યાર્થીઓ એકઠા થયા હતા. જેથી કોવિડ 19 ની તમામ ગાઇડ લાઇનના (covid-19 guideline) ધજાગરા ઉડતા જોવા મળ્યા હતા. વિદ્યાર્થી સંગઠન એબીવીપી (ABVP) દ્વારા વલસાડની કોલેજમાં (valsad college) ત્રણ કોલેજની એક  સાથે ફ્રેશર પાર્ટી (Fresher's party) યોજવામાં આવી હતી. આ ફ્રેશર પાર્ટીમાં 1000થી વધારે વિદ્યાર્થીઓ એકઠા થયા હતા. જોકે મોટી સંખ્યામાં વિદ્યાર્થીઓ એકઠા થયા હોવા છતાં પણ આયોજકો દ્વારા કોવિદ 19ની ગાઇડ લાઇનનો કોઈપણ રીતનું પાલન કરવામાં આવ્યું ન હતું. આથી મોટાભાગના વિદ્યાર્થીઓ માસ્ક વિના જોવા મળ્યા હતા. અને સમગ્ર કાર્યક્રમમાં સોશિયલ ડિસ્ટન્સ પણ જળવાયુ ન હતું. વલસાડની આ કોલેજમાં  યોજાયેલ આ ફ્રેશર પાર્ટીમાં ચિક્કાર ભીડના વીડિયો સોશિયલ મીડિયામાં વાયરલ થતાં. સમગ્ર મામલો ચર્ચાનું કેન્દ્ર બન્યો હતો.

બનાવની વિગત મુજબ abvp દ્વારા વલસાડની શાહ એન એચ કોમર્સ કોલેજ, બી કે એમ સાયન્સ કોલેજ અને જે.પી.શ્રોફ આર્ટસ  કોલેજ આમ આ ત્રણેય કોલેજનું સંયુક્ત ફ્રેશર્સ પાર્ટીનું આયોજન કરવામાં આવ્યું હતું. આ પાર્ટીના  આયોજન  માટે  કોઈપણ જાતની પરવાનગી લેવામાં આવી ન હતી.

અને મોટી સંખ્યામાં વિદ્યાર્થીઓને એકઠા કરવામાં આવ્યા હતા. અને ડી.જે.ના તાલે વિદ્યાર્થીઓ ભીડમાં ગરબે રમમ્યા હતા.આ સાથે જ એક બંધ હોલમાં પણ કાર્યક્રમનું આયોજન કરવામાં આવ્યું હતું.. જેમાં પણ ચિક્કાર ભીડ જામી હતી અને હોલ માં પણ કોવીડ 19 ના તમામ નિયમોના ધજાગરા ઉડતા જોવા મળ્યા હતા.

આમ abvp દ્વારા યોજાયેલી આ ફ્રેશર પાર્ટીમાં તમામ નિયમો જાણે નેવે મૂકવામાં આવ્યા હતા. એક બાજુ સરકાર ,સ્થાનિક  તંત્ર અને  આરોગ્ય વિભાગ એક એક વ્યક્તિ વ્યક્તિ  ગાઈડલાઈન નું પાલન કરે તેવા આગ્રહ સાથે કડક નિયમોનો અમલ કરવામાં  આવે છે.

અને જાહેર રસ્તાઓ પર  એકલદોકલ વ્યક્તી  કોઈ નિયમનો ભંગ કરે કે માસ્ક ના  પહેરે તો પણ દંડ ફટકારવામાં આવે છે.. આમ તંત્ર દ્વારા આવા કડક કાર્યવાહી કરવામાં આવતી હોવા  છતાં. પણ આ  કાર્યક્રમના આયોજકો દ્વારા ગંભીર બેદરકારી દાખવી અને વિદ્યાર્થીઓની ભીડ એકઠી કરવામાં આવી હતી.. અને કોઈ પણ  ગાઈડલાઈન નું પાલન કર્યા વિના જ કાર્યક્રમોનું આયોજન થયું હતું.

આથી આ વીડિયો સોશિયલ મીડિયામાં વાયરલ થતાં મુદ્દો ચર્ચાનું કેન્દ્ર બન્યો હતો. જોકે આ કાર્યક્રમના આયોજકો એવા વિદ્યાર્થી સંગઠનના હોદ્દેદારો કે કોલેજના સંચાલકો આ બાબતે કઈ કહેવા તૈયાર ન હતા.

પરંતુ કોરોનાની ત્રીજી લહેર દસ્તક વાગી રહી છે. એવા સમયે જ વલસાડની કોલેજમાં જોવા મળેલા આ બેદરકારીભર્યા દ્રશ્ય જાણે સામે ચાલીને જ કોરોના ને આમંત્રણ આપી રહ્યા હોય તેમ લાગી રહ્યું હતું.