વાપી: રેલવે સ્ટેશનની નજીક જ ભળ ભળ બળવા લાગ્યું કેમિકલથી ભરેલું ટેન્કર અને પછી...

ભરતસિંહ વાઢેર, ઉદવાડા: વલસાડ જિલ્લાના ઉદવાડા રેલવે ફાટક નજીક કેમિકલ ભરેલા ટેન્કરમાં અચાનક આગ લાગી હતી. જેને કારણે દોડધામ મચી ગઈ હતી. ટેન્કરમાં અત્યંત જ્વલનશીલ કેમિકલ ભરેલું હતું. આથી આગ વિકરાળ બની હતી. પરંતુ ઘટનાની જાણ થતા જ વાપી, વલસાડ અને પારડીના ફાયર ફાઈટર તાત્કાલિક સ્થળ પર પહોંચી ગયા હતા.

જોકે કલાકોની જહેમત બાદ આગ પર કાબુ મેળવવામાં સફળતા મળી હતી. આ ઘટનામાં કોઈને ઈજા કે જાનહાની  થઈ ન હતી. પરંતુ આગ લાગવાનું કારણ જાણી શકાયું નથી.

બનાવની વિગત મુજબ વલસાડ જિલ્લાના ઉદવાડા રેલવે ફાટક નજીક હજીરાથી  જ્વલન્સીલ કેમિકલ ભરેલું એક ટેન્કર દમણ તરફ જઈ રહ્યું હતું. એ વખતે ઉદવાડા રેલવે ફાટક બંધ હોવાથી ટેન્કર રેલવે ફાટક પર ઉભું હતું. એ વખતે જ અચાનક ટેન્કરમાં આગ લાગી ગઈ હતી. આગ લાગતા જ આખું ટેન્કર ભડકે બળ્યું હતું. આથી આસપાસના વિસ્તારોના લોકોના જીવ તાળવે ચોટ્યા હતા.

બનાવની જાણ થતાં જ વાપી અને  પારડી અને વલસાડના ફાયર ફાઈટરની ટીમો તાત્કાલિક સ્થળ પર પહોંચી હતી. આમ ચાર ફાયર  ફાઈટરની ટીમ સ્થળ પર પહોંચી અને આગ પર કાબુ મેળવવા પ્રયાસ કર્યા હતા. આખરે બે કલાકની ભારે જહેમત બાદ આગ પર કાબુ મેળવવામાં સફળતા મળી હતી.

આ ઘટનામાં કોઈને ઈજા કે જાનહાની નહિ થતા લોકોએ હાશકારો અનુભવ્યો હતો. પરંતુ આગ લાગવાનું કારણ હજુ સુધી જાણી શકાયું નથી. ટેન્કર  રેલવે ફાટક પર જ ઉભું હતું આથી ટ્રેક પરથી પસાર થતી ટ્રેનોને પણ અસર થવાની શક્યતા હતી.

પરંતુ  ભારે જહેમત  બાદ આગ પર કાબુ મેળવવામાં સફળતા મળી હતી. આ ઘટનામાં રેલ વ્યવહાર ને કોઈ અસર થઈ ન હતી.