વલસાડ : ચોરીછુપે બાયોડીઝલ વેચવા જોરદાર પ્લાન બનાવ્યો હતો, યુક્તિ જાણી પોલીસ પણ ચોંકી ગઈ!

ભરતસિંહ વાઢેર, વલસાડ : વલસાડ (Valsad) જિલ્લા એસ.ઓ.જી પોલીસે (Police) ફરી એક વખત વલસાડ જિલ્લામાં ચાલતા ગેરકાયદેસર બાયો ડીઝલ (Bio Diesel) વેચાણનાં રેકેટનો પર્દાફાસ કર્યો છે. આ વખતે એસઓજીની ટીમે વલસાડના ધરમપુર રોડ પરથી ગેરકાયેદસર વેચાણ થતા 750 લીટરથી વધુ બાયો ડિઝલનો જથ્થો અને અન્ય સમં મળી અંદાજે 16 લાખથી વધુના મુદ્દામાલ સાથે ત્રણ આરોપીઓને દબોચી લીધા છે. આરોપીઓ અગાઉ ચાલતો બાયો ડિઝલનો પંપ બંધ થઇ જતાં તેઓએ શોર્ટકટમાં પૈસા કમાવાનું ચાલુ જ રાખ્યું હતું.

મહત્વપૂર્ણ છે કે વલસાડ જિલ્લા પોલીસે છેલ્લા એક મહિનામાં 10 થી વધુ બાયોડીઝલના કેસ નોંધી અનેક આરોપીઓની ધરપકડ કરી લાખો રૃપિયાનો મુદ્દામાલ પણ જપ્ત કર્યો છે. જોકે વલસાડ જિલ્લામાંથી પસાર થતા અમદાવાદ મુંબઈ નેશનલ હાઈવે પરથી પસાર થતા વાહનોમાં ઇન્ડસ્ટ્રીયલ ઓઈલ કે ડુપ્લીકેટ બાયોડીઝલ બનાવી સસ્તા ભાવે આ વાહનોમાં બાયો ડીઝલ ભરવાનું  એક મસમોટું રેકેટ ચાલતું હતું.

અત્યાર સુધી પોલીસે જિલ્લા ના  અનેક વિસ્તારોમાંથી બાયોડીઝલનો રેકેટ ઝડપી પાડયા છે. જેમાં વધુ એક કિસ્સો વલસાડ ધરમપુર રોડ પર સામે આવ્યો છે. જેમાં શાંતિલાલ આહીરનામનો મુખ્ય આરોપી જે અગાઉ એસ.વી.એલ નામનો બાયો ડીઝલનો પંપ ચલાવતો હતો પરંતુ  જિલ્લામાં ચાલતા બાયો ડીઝલ પંપોને તંત્રએ  બંધ કરાવી દેતા સ્થાયી  પં ની જગ્યાએ પોતાની માલિકીની mahindra pik-up ગાડીમાં જ લોખંડની ટાંકી બનાવીને તેમાં ડીઝલનો જથ્થો ભરી અને ત્યારબાદ અમદાવાદ મુંબઈ નેશનલ હાઈવે પર થી પસાર થતા ભારે વાહનોમાં સસ્તા ભાવે બાયોડીઝલ ભરી આપવાનું રેકેટ ચલાવતો હતો.

વલસાડ એસ.ઓ.જી પોલીસ ની ટીમ ના  પીઆઇ વી બી બારડ અને પીએસઆઇ એલ.જી રાઠોડ ને કે.જે. રાઠોડ ની ટીમને મળેલી બાતમીના આધારે જ્યારે એસઓજીની ટીમે રેડ કરી ..એ વખતે પણ આરોપીઓ mahindra pik-up ગાડી માં પોતે બનાવેલા હરતા-ફરતા બાયો ડીઝલ પંપ માંથી એક ટ્રકમાં બાયો ડીઝલનો જથ્થો ભરી આપતા હતા  એ વખતે જ પોલીસે રંગેહાથ ઝડપી પાડયા હતા.

પોલીસની આ કાર્યવાહીમાં મુખ્ય આરોપી શાંતિલાલ આહીરની સાથે મયુર ગમન પવાર અને ધનાજી ભાગવત નિકમની ધરપકડ કરી સ્થળ પરથી  mahindra pik-up ગાડીમાં  ફીટ કરેલી બાયો ડીઝલ પંપની મશીનરી, એક ટ્રક સહિતના અન્ય મુદ્દામાલ મળી અંદાજે 16 લાખથી વધુનાં મુદામાલ સાથે  ત્રણેય આરોપીઓને ઝડપી  સળિયા પાછળ ધકેલી દીધા છે.

મહત્વપૂર્ણ છે કે વલસાડ જિલ્લામાં અત્યાર સુધી પોલીસે બાયો ડીઝલ નાં 10 ગુનાઓ નોધ્યા છે  .જેમાંથી કેટલાક કેસમાં આરોપીઓ ગેરકાયદેસર રીતે બાયોડીઝલ લાવી અને તેને વાહનોમાં ભરી આપતા હતા તો કેટલાક  કેસમાં બેઝ ઓઈલમાં કેમિકલ નું મિશ્રણ કરી અને તેમ તેને બાયોડીઝલ તરીકે વાહનોમાં ભરી આપતા હતા. આમ વાહનો અને પર્યાવરણને પણ નુકસાનકારક આવા ડુપ્લીકેટ  બાયોડીઝલ ના ચાલતા રેકેટના પર્દાફાશ માટે વલસાડ જિલ્લાની પોલીસ અભિયાન ચલાવી રહી છે