Valsad Accident: વલસાડના પારડી નજીક વિચિત્ર અકસ્માત, એક સાથે 9 કારો એકબીજા સાથે અથડાઇ

ભરતસિંહ વાઢેર, વલસાડ: વલસાડ જિલ્લાના પારડી નજીક નેશનલ હાઇવે પર એક વિચિત્ર અકસ્માત સર્જાયો હતો. જેમાં એક સાથે 9 કારો એકબીજા સાથે અથડાઈ હતી.આ ઘટનામાં કારમાં સવાર પાંચ લોકોને ઈજા થઈ હતી. જોકે કોઇ જાનહાનિ નહીં થતાં લોકોએ હાશકારો અનુભવ્યો હતો. પરંતુ ઘટનાને કારણે થોડા સમય સુધી અમદાવાદ-મુંબઈ નેશનલ હાઇવે પર ટ્રાફિક જામના દ્રશ્યો સર્જાયા હતા.

બનાવની વિગત મુજબ, વલસાડ જિલ્લાના પારડી નજીક અમદાવાદ-મુંબઈ નેશનલ હાઈવે સુરત તરફથી વાપી તરફ આવી રહેલી એક કાર અને ટેમ્પો એકબીજા સાથે અથડાતાં અકસ્માત સર્જાયો હતો.

પ્રથમ બે વાહનો અથડાયા બાદ પાછળથી હાઈવે પર પુરઝડપે આવતી અન્ય  8 કારો પણ એકબીજા સાથે આગળ પાછળ અથડાઈ હતી. આમ અમદાવાદ-મુંબઈ નેશનલ હાઈવે પર એક સાથે 9 નો અકસ્માત સર્જાતા થોડા સમય સુધી હાઇવે પર ટ્રાફિક જામના દ્રશ્યો સર્જાયા હતા.

આ બનાવમાં પાંચ લોકોને ઈજા થઈ હતી. જોકે કોઇ જાનહાનિ નહીં થતા લોકોએ હાશકારો અનુભવ્યો હતો. બનાવની જાણ થતા જ પારડી પોલીસની ટીમ તાત્કાલિક સ્થળ પર પહોંચી હતી.

પારડી પોલીસ પહોચતા જ ક્રેનની મદદથી અકસ્માતગ્રસ્ત વાહનોને હાઇવે પરથી હટાવી અને ટ્રાફીકને પૂર્વવત્ કરવામાં આવ્યો હતો. આમ અમદાવાદ-મુંબઈ નેશનલ હાઈવે પર એક સાથે 9 કારો વચ્ચે અકસ્માત સર્જાતા વાહનોને નુકસાન થયું હતું.