Redmi K20ની કિંમતનો થયો ખુલાસો, આ તારીખથી થશે વેચાણ

શિયોમીના બે દમદાર સ્માર્ટફોન્સને લઇને વધુ એક ખુલાસો થયો છે. કંપનીએ Redmi K20 અને K20 Proને ફ્લિપકાર્ટ પર લિસ્ટ કરી દીધો છો. આનો અર્થ એ થયો કે રેડમી કે20 સીરીઝના આ બન્ને ફ્લિપકાર્ટ એક્સક્લૂસિવ હશે એટલે કે તેનો સેલ ફ્લિપકાર્ટથી શરુ થશે. આ બન્ને ફોન ઘણા સમયથી ચર્ચમાં છે, પરંતુ તેના લોન્ચિંગ તારીખની કોઇ ચર્ચા થઇ ન હતી.

શિયોમી ઇન્ડિયાના હેટ મનુ જૈને ટ્વીટ કર્યું હતું કે આ બંને ફોન 17 જુલાઈથી લોન્ચ કરવામાં આવશે. એવું કહેવાય છે કે કંપની 17 મી જુલાઈએ રેડમી કે 20 પ્રોના માર્વેલ હીરોઝ લિમિટેડ એડિશન પરથી પણ પડદો ઉઠાવી શકે છે.

ભારતમાં કિંમત- તાજેતરમાં આ બે ફોનની ભારતીય કિંમતો પણ લીક થઈ ગઈ છે. iGyaan ના એક અહેવાલ મુજબ, ભારતમાં રેડમી કે 20 પ્રો ની કિંમત 24,999 રુપિયા હશે. આ કિંમત આ ફોનનાં 6 જીબી / 64 જીબીની છે. 6 જીબી / 128 જીબીની કિંમત 25,999 રૂપિયા રાખવામાં આવશે.

8 જીબી / 128 જીબી મોડેલની 27,999 રૂપિયા કિંમતે હોવાનું સામે આવ્યું છે. ટોપ વેરિયેન્ટ 8 જીબી / 256 જીબીની કિંમત 29,999 રૂપિયા થશે. રેડમી કે 20 ની કિંમત 20,000 રુપિયા સ્પૉટ થઇ છે.

Redmi K20 માં સ્નૈપડ્રૈગન 730 પ્રોસેસર અને Redmi K20 Pro માં સ્નૈપડ્રૈગન 855 પ્રોસેસર છે.

ચીનમાં ખૂબ પસંદ કરવામાં આવ્યો છે K20 સીરીઝ

શિયોમીએ પહેલેથી જ ચીનમાં બંને K20 સીરીઝના સ્માર્ટફોન લોન્ચ કર્યા છે. કંપનીએ કહ્યું હતું કે આ શ્રેણીના ફોને એક મહિનામાં 10 લાખ ફોનનો આંકડો પાર કરી દીધો છે. શિયોમીના પ્રવક્તા ડોનવંગ સુંગે ટ્વિટ કર્યું, ‘Mi ફેન્સ માટે શુભ સમાચાર. પહેલા મહિનામાં રેડમી કે 20 સીરીઝના સ્માર્ટફોન્સે 10 લાખ વેચ્યા છે.

શિયોમી તેમના પાંચ વર્ષ પૂર્ણ થવા પર ઉજવણી કરશે.