WhatsApp પર ફોટા/વીડિયો કરો છો ફોરવર્ડ? તો તમારા માટે આવ્યું છે આ નવું ફીચર, જુઓ તસવીરમાં વિગતો

WhatsAppએ iOS માટે નવું સ્થિર અપડેટ 22.23.77 રજૂ કર્યું છે. આ અપડેટમાં યુઝર્સને ફોરવર્ડ મીડિયા પર કેપ્શન લખવાની સુવિધા મળશે. WABetaInfo તરફથી મળેલી માહિતી અનુસાર, જ્યારે પણ iOS યુઝર્સ ફોટો, વીડિયો, GIF અથવા ડોક્યુમેન્ટ્સ શેર કરશે, ત્યારે તેમને તેના પર કૅપ્શન લખવાની સુવિધા મળશે.

પ્રાપ્ત માહિતી અનુસાર, આ ફીચરનો ઉપયોગ કરવા માટે યુઝરને વર્ઝન 22.23.77 થી અપડેટ કરવું પડશે. પરંતુ કેટલાક નસીબદાર વપરાશકર્તાઓ 22.23.76 અપડેટમાં પણ આ સુવિધા જોઈ રહ્યા છે. જો કે, WB એ રિપોર્ટમાં એમ પણ કહ્યું છે કે જો કોઈ યુઝર એપમાં આ ફીચર જોઈ શકતા નથી, તો તેણે આગામી અપડેટની રાહ જોવી જોઈએ.

હાલમાં, જ્યારે પણ આપણે કોઈપણ મીડિયા ફાઈલ, ફોટો, વિડિયો ફોરવર્ડ કરીએ છીએ, ત્યારે ફોરવર્ડ બટન દબાવતાની સાથે જ તે ચેટમાં મોકલવામાં આવે છે, પરંતુ આ ફીચરની રજૂઆત બાદ યુઝરને કેપ્શન લખવાનો વિકલ્પ મળશે.

WB એ આ સુવિધા ખરેખર કેવી રીતે કામ કરશે તે બતાવવા માટે એક સ્ક્રીનશૉટ પણ શેર કર્યો છે. તે જોઈ શકાય છે કે જો તમે કેપ્શન સાથે ફોટો અથવા વિડિયો ફોરવર્ડ કરવા માંગતા નથી, તો તમને તેમાં ડિસમિસ બટન મળશે, જેથી તમે કેપ્શનને દૂર કરી શકો.

જણાવ્યા મુજબ, આ કૅપ્શન ફીચર માત્ર ફોટા માટે જ નથી પણ વીડિયો, GIF અને કોઈપણ દસ્તાવેજ માટે પણ છે. આ ઉપરાંત, એવું પણ કહેવામાં આવ્યું છે કે કૅપ્શન્સ સાથે ફોરવર્ડ મીડિયા પણ એન્ડ-ટુ-એન્ડ એન્ક્રિપ્ટેડ હશે.