WhatsApp બ્લોક કરી નાખે છે યૂઝરનું એકાઉન્ટ, તમે પણ ન કરો આવી ભૂલ

શું તમે જાણો છો કે જો વોટ્સએપની કેટલીક શરતોનું પાલન કરવામાં આવતું નથી, તો એકાઉન્ટ બ્લોક કરવામાં આવે છે. વોટ્સએપના નિયમમાં લખેલું છે કે વોટ્સએપ થર્ડ પાર્ટી એપ, GB WhatsApp અને WhatsApp Plus ઉપયોગ કરવા પર વોટ્સએપ તમને થોડા સમય માટે બ્લોક કરી નાખે છે. તો તમે પણ આ બે એપ્લિકેશનમાંથી કોઈપણ એપ્લિકેશનનો ઉપયોગ કરો છો, તો સાવચેત રહો.

વોટ્સએપના FAQ પેઇઝ પર આપવામાં આવેલી માહિતી અનુસાર, કંપની આવું એટલે કરે છે કારણ કે આ બંને થર્ડ પાર્ટી એપ્સ છે, વોટ્સએપનું ઓફિશિયલ વર્ઝન નથી. આ બિનસત્તાવાર એપ્લિકેશન થર્ડ પાર્ટી દ્વારા બનાવવામાં આવે છે અને તે WhatsAppના નિયમોનું ઉલ્લંઘન કરે છે અને વોટ્સએપ તેમનું સમર્થન કરતું નથી.

કંપનીએ ફ્રીકવન્સ પૂછવામાં આવતા પ્રશ્નો વિભાગમાં લખ્યું છે કે જો કોઈ યૂઝરની એપ્લિકેશનમાં ‘Temporarily banned’ નો મેસેજ આવે છે તો તેનો મતલબ યૂઝર ઓફિશિયલ વોટ્સએપની જગ્યાએ અનસપોર્ટેડ વર્ઝનનો ઉપયોગ કરી રહ્યો છે.

WhatsApp Plus અને GB WhatsApp જેવી એપને ઓરિઝનલ એપ્લિકેશનથી છેડછાડ કરીને બનાવી છે. હાલ જો યૂઝર આ બન્ને એપમાં કોઇપણ એપનો ઉપયોગ કરે છે તો સરળતાથી ઓરિઝનલ વોટ્સએપમાં સ્વિચ કરી શકે છે, સ્વિચ કરવાની પૂરી જાણકારી વોટ્સએપે તેમના FAQ પેઇઝ પર આપી છે.

જો તમે એ પણ જાણવા માંગો છો કે તમે ખોટા વોટ્સએપનો ઉપયોગ કરી રહ્યા નથી ને, તો પહેલા તમારી એપ્લિકેશન ખોલો અને More Options > Settings > Help > App infoમાં જઇને એપનું નામ લખો, જો નામ વોટ્સએપ પ્લસ અથવા જીબી વોટ્સએપ છે, તો વોટ્સએપે આપેલા સ્વિચ નિર્દેશને ફોલો કરો.