વોટ્સએપ ટૂંક સમયમાં એક નવું ફિચર રજૂ કરવા જઈ રહ્યું છે. આ એક એવી સુવિધા છે જે યૂઝર્સ માટે પ્રખ્યાત છે અને તેનું નામ બૂમરેંગ છે. જે યૂઝર ઇન્સ્ટાગ્રામનો ઉપયોગ કરી રહ્યા છે તેઓને આ સુવિધા વિશે બધું જાણતા હશે. વોટ્સએપ હવે ટૂંક સમયમાં જ ઇન્સ્ટાગ્રામની આ લોકપ્રિય સુવિધાને આઇઓએસ પર લાવવાની તૈયારી કરી રહ્યું છે.
WABetaInfo એ અહેવાલ આપ્યો છે કે WhatsApp બૂમરેંગ-સ્ટાઇલ સુવિધાને આઇઓએસ પ્લેટફોર્મ પર લાવવા માટે કામ કરી રહ્યું છે. જો કે આ સુવિધા એન્ડ્રોઇડ ડિવાઇસના વોટ્સએપ પર પણ કામ કરશે.
હાલમાં ઇન્સ્ટાગ્રામ પર ઉપલબ્ધ બૂમરેંગ સુવિધા યૂઝર્સને GIFની જેમ એક વીડિયો પાછળની બાજુ અને આગળ તરફ વીડિયો લૂપ કરવાની મંજૂરી આપે છે. વાબીટિન્ફોએ વધુમાં જણાવ્યું હતું કે હવે વોટ્સએપ પર આ સુવિધા સાત સેકંડના વીડિયોના લૂપને પાછળની બાજુ અને આગળ જવા દેશે. જો કે હજી સુધી તે જાહેર થયું નથી કે આ સુવિધા યુઝર્સ માટે ક્યારે શરૂ થશે.
WABetaInfo એ તાજેતરમાં અહેવાલ આપ્યો છે કે કંપની યુનિવર્સલ વિન્ડોઝ પ્લેટફોર્મ (UWP) એપ્લિકેશન પર કામ કરી રહી છે. તેની સાથે મલ્ટી-પ્લેટફોર્મ સિસ્ટમ પણ રજૂ કરવામાં આવશે, જેથી તમારો ફોન બંધ હોય ત્યારે પણ વેબ પર WhatsApp ચલાવી શકાય.
વેબ પર WhatsAppનો ઉપયોગ કરવા માટે ફોનમાં ઇન્ટરનેટની જરૂર છે. જ્યારે ફોન થોડો દૂર રહેવાથી ઇન્ટરનેટ ધીમું થઇ જાય છે. પરંતુ હવે તે ખૂબ જ જલ્દીથી છૂટકારો મેળવશે. એટલે કે જો ફોનમાં ઇન્ટરનેટ નથી, તો પણ WhatsApp વેબનો ઉપયોગ કરી શકાય છે.
