WhatsApp એ રજૂ કર્યું જાદુઈ ફીચર, યૂઝર્સ હવે ઈન્ટરનેટ વગર પણ કરી શકશે ચેટ, રહેશે ફૂલ પ્રાઈવસી

ઈન્સ્ટન્ટ મેસેજિંગ એપ WhatsApp એક નવું ફીચર લઈને આવ્યું છે, જેની મદદથી યુઝર્સ ઈન્ટરનેટ કનેક્શન વગર પણ ચેટ કરી શકશે. કંપનીએ ટ્વીટ કરીને આ ફીચર વિશે જાણકારી આપી છે. કંપનીએ તેના ટ્વીટમાં લખ્યું છે કે તે યુઝર્સના ફ્રી અને પ્રાઈવેટ કોમ્યુનિકેશનના અધિકાર માટે લડત ચાલુ રાખશે. આ માટે વોટ્સએપે એક ફીચર રોલ આઉટ કર્યું છે જે ઈન્ટરનેટ બ્લોક થવા પર પ્રોક્સી સર્વર્સ સાથે કનેક્ટ થાય છે. આના દ્વારા યુઝર્સ ઇન્ટરનેટ વગર ચેટ કરી શકશે. ઉપરાંત, પ્રોક્સી સર્વરથી મોકલેલા અને પ્રાપ્ત થયેલા તમામ સંદેશાઓ એન્ડ-ટુ-એન્ડ એન્ક્રિપ્ટેડ હશે.

દરમિયાન, કંપનીએ વૈશ્વિક સમુદાયને ઈરાનમાં માનવાધિકારના શોષણ અંગે આગળ આવવા કહ્યું છે. વોટ્સએપે વૈશ્વિક સમુદાયને અપીલ કરી છે કે તેઓ ઈરાનના લોકોની મદદ માટે આગળ આવે. વોટ્સએપે આ માટે પ્રોક્સી આપવાનું કહ્યું છે જેથી ઈરાનના લોકો કોઈપણ અવરોધ વિના જોડાયેલા રહી શકે.

વોટ્સએપે આગળ લખ્યું કે જો તમારા દેશમાં વોટ્સએપ બ્લોક છે, તો તમે તમારા મિત્રો અને પરિવાર સાથે જોડાયેલા રહેવા માટે પ્રોક્સીનો ઉપયોગ કરી શકો છો. પ્રોક્સી સર્વર દ્વારા મોકલવામાં આવતા તમામ સંદેશાઓ પણ એન્ડ-ટુ-એન્ડ એન્ક્રિપ્ટેડ હશે અને આ સંદેશાઓ સંપૂર્ણપણે સુરક્ષિત હશે.

પ્રોક્સી ક્રિએટની લિંક કરી શેર<br />કંપનીએ કહ્યું કે જો ઈન્ટરનેટ બંધ થવાને કારણે યુઝર્સને વોટ્સએપથી કનેક્ટ કરવામાં મુશ્કેલી આવી રહી છે તો તેઓ સ્વયંસેવકો અને સંસ્થાઓના સર્વરનો ઉપયોગ કરી શકે છે અને વિશ્વભરના વોટ્સએપ યુઝર્સ સાથે જોડાયેલા રહી શકે છે. આ સિવાય WhatsApp એ એવા યૂઝર્સ માટે પ્રોક્સી બનાવવા માટે એક લિંક પણ શેર કરી છે જેઓ તેમના મિત્રો અને પરિવારની મદદ કરવા માગે છે.

સુવિધા લોકો માટે થશે ઉપયોગી<br />કંપનીએ કહ્યું કે અમે ઈચ્છીએ છીએ કે 2023માં ઈન્ટરનેટ શટડાઉન ક્યારેય ન થાય. જેમ આપણે ઈરાનમાં મહિનાઓથી જોઈ રહ્યા છીએ. તે લોકોને તેમના માનવ અધિકારોથી વંચિત રાખે છે અને લોકોને તાત્કાલિક મદદ મેળવવાથી અટકાવે છે. જો કે, જો આ શટડાઉન ચાલુ રહે છે, તો અમે આશા રાખીએ છીએ કે આ સોલ્યુશન સુરક્ષિત અને વિશ્વસનીય સંચારની જરૂરિયાતવાળા લોકોને મદદ કરશે.

પ્રોક્સી સર્વર શું છે<br />પ્રોક્સી સર્વર એ એક કોમ્પ્યુટર સિસ્ટમ સોફ્ટવેર છે જે યુઝરની ઓળખ છતી કર્યા વગર ઈન્ટરનેટ પરથી કોઈપણ વેબસાઈટને એક્સેસ કરી શકે છે. તે ક્લાઈન્ટ અને ઈન્ટરનેટ વચ્ચે એજન્ટ તરીકે કામ કરે છે. જ્યારે કોઈ યુઝર પ્રોક્સી સર્વર દ્વારા વેબસાઈટ એક્સેસ કરે છે, ત્યારે પ્રોક્સી સર્વર પહેલા યુઝરની રિક્વેસ્ટ સાથે વેબસાઈટ એક્સેસ કરે છે અને પછી યુઝરની રિક્વેસ્ટ મુજબ યુઝરને માહિતી પાછી બતાવે છે.