WhatsApp પર આવી રહ્યું છે ખાસ ફીચર! બદલાશે વોઇસ મેસેજ મોકલવાનો અંદાજ

ફેસબુકના(Facebook) પ્લેટફોર્મ્સ વ્હોટ્સએપ(WhatsApp) મેસેન્જર અને ઇન્સ્ટાગ્રામ(Instagram)ના મોટાભાગના ફીચર્સ લગભગ એકસમાન છે. ત્યારે મળતી માહિતી અનુસાર, હવે કંપની ઇન્સ્ટાગ્રામનું એક ખાસ ફીચર વ્હોટ્સેપમાં સામેલ કરવાની તૈયારી કરી રહ્યું છે. WAbetainfoના રિપોર્ટ અનુસાર, વ્હોટ્સએપ પોતાના વોઇસ મેસેજિંગ ફીચરમાં વેવફોર્મની ટેસ્ટિંગ કરી રહ્યું છે. ઉલ્લેખનીય છે કે, WAbetainfo એ વ્હોટ્સએપ પર આવનારા નવા અને આગામી ફીચર્સને ટેસ્ટ કરવાનું કામ કરે છે. ઇન્સ્ટાગ્રામમાં વેવફોર્મ ફીચર પહેલાથી જ ઉપલબ્ધ છે, જેમાં વોઇસ રેકોર્ડ કરતી વખતે રિયલ ટાઈમ વેવફોર્મ્સની જાણ થઇ જાય છે.

ઇન્સ્ટાગ્રામમાં યુઝરને વોઇસ રેકોર્ડિંગ સેન્ડ કરતા પહેલાં, તેને રોકીને ચેક કરવા માટેનો ઓપ્શન પણ મળે છે. જે હજી સુધી વ્હોટ્સેપમાં નથી આવ્યો. ત્યારે હવે યુઝર્સ વ્હોટ્સેપમાં પણ તેને જલ્દી જ યુઝ કરી શકશે.

WABetaInfo મુજબ, વ્હોટ્સએપનું આ ફીચર ટેસ્ટિંગ માટે બીટા વર્ઝનના યુઝર્સ માટે ઉપલબ્ધ હશે. વ્હોટ્સએપે તાજેતરમાં જ એક ફીચર લોન્ચ કર્યું છે. જેની મદદથી યુઝર્સ કોઈ વોઇસ મેસેજને ફાસ્ટ સ્પીડથી પણ સાંભળી શકે છે.

વ્હોટ્સએપના જણાવ્યા અનુસાર, યુઝર આ ફીચર દ્વારા કોઈપણ વોઇસ મેસેજને 1x, 1.5x અને 2xની સ્પીડથી સાંભળી શકશે. આ ફીચર ભારતમાં લોન્ચ થઇ ચૂક્યું છે અને નવા અપડેટ સાથે લેટલાંક સ્માર્ટફોન્સમાં તે ઉપલબ્ધ છે.

Multi-Device સપોર્ટ પણ આવી રહ્યું છે- મહત્વનું છે કે, વ્હપ્ટ્સેપ પર વધુ એક Multi-Device સપોર્ટ ફીચર પણ શામેલ થવા જઈ રહ્યું છે. જેનો ઉપયોગ કરીને યુઝર પોતાના એક જ વ્હોટ્સએપ એકાઉન્ટનો ઉપયોગ કરીને એકસાથે 4 ડિવાઇસમાં ચલાવી શકશે. જોકે, આ ફીચર આવ્યા બાદ કોઈ એક ડિવાઇસ પર લોગઈન કરવાથી બાકીના બધા જ ડિવાઇસ પર લોગઈનનો મેસેજ પહોંચી જશે.