whatsappનું આ ફિચર વોટર્સની મદદ કરશે, જાણો તેના વિશેની ખાસ વાતો

લોકસભાની ચૂંટણીઓમાં વહેતા ખોટા સંદેશાઓ અને ફેક ન્યૂઝને અટકાવવાના ભાગરૂપે ઑનલાઇન મેસેજિંગ કંપની વૉટ્સએપ દ્વારા ફેક્ચ-ચેક સુવિધાનો પ્રારંભ કરવામાં આવ્યો છે. કંપનીએ ફેક ન્યૂઝને અટકાવવા માટે Checkpoint Tipline નામની એક સુવિધા શરૂ કરી છે. તમે આ ફિચરની મદદથી જાણી શકશો કે મેસેજ સાચો છે કે ખોટો

ફેસબુકની માલિકી ધરાવતી કંપનીએ આ ફિચરનો ભારતમાં પ્રારંભ PROTO નામના સ્ટાર્ટઅપથી કર્યો છે. આ કંપનીના માધ્યમથી ફેક ન્યૂઝનો ડેટાબેઝ તૈયાર કરવામાં આવશે. ચેકપૉઇન્ટ રિસર્ચ પ્રોજેક્ટ છે, જેને ફેસબુકની મદદથી ચલાવવામાં આવશે.

જો તમને એવું લાગે કે તમારી પાસે આવેલો મેસેજ ફૅક છે કે તો તમે તેને -9643-000-888 પર મોકલી શકો છો, PROTO વેરિફિકેશન સેન્ટર દ્વારા તેની ચકાસણી કરવામાં આવશે અને તે ફેક છે કે નહીં તેની માહિતી આપવામાં આવશે.

આ ઉપરાંત તમે ફોટો વીડિયો અથવા તો અન્ય કોઈ લિંક શેર કરશો ત્યારે પણ ચેકપોઇન્ટ ટિપલાઇન તપાસ કરી આપશે. ઉલ્લેખનીય છે કે આ સુવિધા અંગ્રેજી, હિંદી, તેલુગુ બંગાળી અને મલયાલમમાં શરૂ કરવામાં આવી છે.