હવે બદલાઈ જશે WhatsApp, આવી રહ્યું છે નવું ફીચર

ઇન્સ્ટન્ટ મેસેજિંગ સર્વિસમાં રોજેરોજ નવા ફીચર્સ આવી રહ્યા છે. હાલમાં જ વોટ્સએપે પોતાના વેબ આધારિત પ્લેટફોર્મમાં ફેરફાર કરવાનો નિર્ણય કર્યો હતો અને ગ્રુપ સ્ટીકર જેવા ફીચરને લાવવાની તૈયારીમાં હતું પરંતુ હવે નવા રિપોર્ટ મુજબ કંપની યૂઝર્સ માટે એવું ફીચર લઈને આવી રહ્યું છે જેનાથી તેઓ વોટ્સએપની થીમ બદલી શકશે.

WABetainfoના રિપોર્ટ મુજબ, કંપની કસ્ટમ થીમ પર કામ કરી રહી છે જેને WhatsAppમાં આપવામાં આવશે.

આ ઉપરાંત શરૂઆતમાં કંપની મલ્ટિપલ થીમ્સ લઈને આવશે જેને યૂઝ કરી શકાશે. નોંધનીય છે કે અત્યાર સુધી યૂઝર્સ માત્ર WhatsAppમાં ચેટના બેકગ્રાઉન્ડ ઇમેજ બદલી શકતા હતા.

આ રિપોર્ટમાં કહેવામાં આવ્યું છે કે, આશા છે કે WhatsApp કદાચ થીમ કસ્ટમાઇઝેશન કે મલ્ટિપલ થીમ્સ લઈને આવશે.

એટલે યૂઝર્સ થીમને પોતાના મુજબ કસ્ટમાઇઝ પણ કરી શકે છે. રિપોર્ટ મુજબ, આ થીમની સાથે-સાથે ડાર્ક મોડ પણ આવી શકે છે. જોકે, હજુ સુધી એ સ્પષ્ટ નથી કે ક્યાં સુધી આ ફીચર આવશે.

આ ઉપરાંત કંપની iPhone યૂઝર્સ માટે એક ખાસ ફીચર લાવવાની તૈયારીમાં છે. તેમાં iPhone X કે તેનાથી ઉપરના યૂઝર WhatsAppના માધ્યમથી મેમોજી મોકલી શકશે. મૂળે, મેમોજી એક પ્રકારનું એનીમેશનવાળું ઈમોજી હોય છે જે ઓગ્મેન્ટેડ રિયાલિટી આધારિત છે.

તેમાં યૂઝર પોતાનો Avtar બનાવીને Animoji તરીકે સેન્ડ કરી શકે છે. હાલ સ્પષ્ટ નથી કે તે WhatsApp પર સ્ટીકર્સ તરીકે મોકલી શકાશે કે પછી તેનું GIF બનાવી શકાશે.