WhatsApp પર મેસેજ 'Forward' કરો છો તો આ નવા ફિચર વિશે જરુર જાણો, થયો છે ફેરફાર

વોટસએપે ભારતમાં તેની નવી સુવિધા ‘Frequently Forwaded’ રોલઆઉટ કરી છે. આ સુવિધાની મદદથી યૂઝર્સ જાણી શકશે કે તેમને મોકલવામાં આવેલા મેસેજને કેટલી વખત મોકલવામાં આવ્યો છે. વોટ્સએપનું આ ફિચર તે મેસેજ સાથે દેખાશે, જેને 5 કરતા વધારે વાર ફોરવર્ડ કરવામાં આવ્યું છે.

રિપોર્ટ અનુસાર જ્યારે કોઈ યૂઝર પહેલેથી જ કોઇ મસેજને ફોરવર્ડ કરે છે તો વોટ્સએપ તેને એક નોટિફિકેશન મોકલશે. તેમા લખેલું હશે કે ‘This message will be marked as forwarded many times’. એટલે કે આ જે પણ મેસેજ સેન્ડ કરશે તેના પર ‘Frequently Forwarded’ નું લેબલ હશે.

ટેક્સ્ટ મેસેજની સાથે આ નવું અપડેટ વોટ્સએપમાં ફોટો, વીડિયો અને ઓડિયો ફાઇલ માટે પણ હશે. એટલે કે ફોટો, વીડિયો અને ઓડિયો ફાઇલ પણ જો પાંચ વખતથી વધારે ફોરવર્ડ કરવામાં આવે છે તો તેના પર ‘frequently forwarded’નું લેબલ આવશે. વોટસ્એપનું કહેવું છે કે આ ફિચરમાં એ નહીં બતાવવામાં આવે કે કોઇપણ મેસેજ કેટલી વખત ફોરવર્ડ કરવામાં આવ્યો છે. કારણકે સાચો નંબર એન્ડ ટૂ એન્ડ એન્ક્રિપ્ટ થાય છે.

એવું કહેવામાં આવી રહ્યું છે કે આ લેટેસ્ટ અપડેટ બનાવટી સમાચાર અને અફવાઓ અટકાવવા માટે રજૂ કરવામાં આવ્યું છે. આ સુવિધાનું પરીક્ષણ આ વર્ષે માર્ચથી કરવામાં આવી રહ્યું હતું, જેની માહિતી WABetaInfo દ્વારા પહેલેથી જ આપવામાં આવી છે. વેબીટિંફોએ ટ્વીટ સાથે ફોટો પણ શેર કર્યો છે, જેમા જોઈ શકાય છે કે આ સુવિધા કેવી રીતે કાર્ય કરશે

WABetaInfo એ તાજેતરમાં અહેવાલ આપ્યો છે કે WhatsApp યુનિવર્સલ વિન્ડોઝ પ્લેટફોર્મ (UWP) એપ્લિકેશન પર કામ કરી રહ્યું છે. તેની સાથે મલ્ટિ-પ્લેટફોર્મ સિસ્ટમ પણ રજૂ કરવામાં આવશે, જેથી તમારો ફોન બંધ હોય ત્યારે પણ WhatsApp ચલાવી શકાય.

WABetaInfo એ કહ્યું કે આ નવી સિસ્ટમ સાથે યૂઝર્સ એક સાથે અનેક ઉપકરણો પર એક જ એકાઉન્ટમાં લોગીન કરી શકશે. નવું WhatApp UWPથી સરળ બનશે. આ સાથે યૂઝર્સોના મેન એકાઉન્ટ આઇપેડ પર આઇફોનથી અનઇન્સ્ટોલ કર્યા વિના ચલાવી શકાય છે. ઉપરાંત, એકાઉન્ટ Android અને iOS ઉપકરણો પર ચલાવી શકાય છે. આ ઉપરાંત જો ફોનમાં ઇન્ટરનેટ ન હોય તો પણ વેબ પર વોટ્સએપ યુડબ્લ્યુપી એપ્લિકેશનનો ઉપયોગ કરી શકાય છે.