WhatsAppની થર્ડ પાર્ટી એપ GB WhatsApp અને WhatsApp Plus ઉપયોગ કરવા પર વોટ્સએપ આપને ટેમ્પરરી બેન (Temporary Ban) કરી દે છે. જો એવું થાય છે તો આપને એવી એપ્સનો ઉપયોગ કરતી વખતે નોટિફિકેશન મળશે, જેમાં લખ્યું હશે ‘Your Account is temporary banned’. કંપની આવું એટલા માટે કરે છે કારણ કે બંને વોટ્સએપના ઓફિશિયલ વર્જન નથી પરંતુ થર્ડ પાર્ટી એપ્સ છે.
આ અનઓફિશિયલ એપ્સ થર્ડ પાર્ટી દ્વારા બનાવવામાં આવી છે અને તે વોટ્સએપના નિયમોનું ઉલ્લંઘન કરે છે અને વોટ્સએપ તેને સપોર્ટ નથી કરતું. જો તેને કારણે તમને પણ વોટ્સએપે ટેમ્પરરી બ્લોક કર્યા છે તો તેને આવી રીતે ફિક્સ કરો.
તે કરતાં પહેલા આ ત્રણ બાબતોનું ધ્યાન રાખો : (1) આપના ફોનમાં ઇન્ટરનેટ કનેક્ટિીવિટી ઠીક હોવી જોઈએ. (2) GMail અને ફોન નંબર એક્ટિવ હોવા જોઈએ. (3) આપના ફોનમાં કોઈ ફાઇલ મેનેજર ઇન્સ્ટોલ હોવું જોઈએ.
સ્ટેપ્સ ફોલો કરતાં પહેલા કરો આ કામ : યૂઝર્સ WhatsAppના ઓફિશિયલ એકાઉન્ટમાં સ્વિચ કરતાં પહેલા પોતાની ચેટ હિસ્ટ્રી, મલ્ટીમીડિયા કન્ટેન્ટનું ફુલ બેકઅપ લઈ લો. તેનાથી મેસેજ ઓફિશિયલ એપમાં પહેલાની જેમ રિફ્લેક્ટ થશે.
આવી રીતે લો એપની જાણકારી : સૌથી પહેલા એપ ખોલો અને More Options > Settings > Help > App infoમાં જઈને એપનું નામ જુઓ. આ નામ Whatsapp Plus કે GB Whatsapp હશે તો આ નિર્દેશોને અનુસરો.<br /><br />
GB Whatsappથી આવી રીતે કરો અસલી WhatsApp પર સ્વિચ : જો આપ જીબી વોટ્સએપનો ઉપયોગ કરી રહ્યા છો તો તેનાથી સ્વિચ કરવા માટે આ સ્ટેપ્સને ફોલો કરો. ઉલ્લેખનીય છે કે, આ સ્ટેપ્સમાં ગડબડ થતાં આપની ચેટ હિસ્ટ્રી ગાયબ થઈ શકે છે. આ પ્રોસેસમાં ગડબડ થતાં આપનો ડેટા અને ચેટ હિસ્ટ્રી ગાયબ થઈ શકે છે.
સૌથી પહેલા પોતાના પ્રતિબંધ સમયને ખતમ થવાની રાહ જુઓ. સમયસર આપને પ્રતિબંધ ખતમ થવાની જાણકારી મળી જશે. ત્યારબાદ Whatsappમાં More options > Chats > Back up chats પર ક્લિક કરો. ત્યારબાદ ફોન સેટિંગ્સથી સ્ટોરેજ અને ફાઇલ્સમાં જાઓ અને GB Whatsapp ફોલ્ડરને શોધો અને સિલેક્ટ કરો.
આ ફોલ્ડરના મળતાં તેનું નામ બદલીને 'GB Whatsapp' થી 'Whatsapp' કરી દો. હવે પ્લેસ્ટોર પર જઈને ઓફિશિયલ વોટ્સએપ ડાઉનલોડ કરી તેને ઇન્સ્ટોલ કરો. ત્યારબાદ આપનું GB Whatsappવાળો નંબર વેરિફાય કરો.
Backup Found સ્ક્રીન પર Restore > Next પર ક્લિક કરો. એવું કર્યા બાદ એકાઉન્ટમાં તમામ ચેટ પહેલાની જેમ દેખાવા લાગશે અને તમે ઓફિશિયલ વોટ્સએપ યૂઝ કરી શકશે.
Whatsapp Plusથી આવી રીતે અસલી WhatsApp પર સ્વિચ કરો : જો તમે વોટ્સએપ પ્લસનો ઉપયોગ કરી રહ્યા છો અને આપની ચેટ હિસ્ટ્રી પહેલાથી સેવ થઈ રહી છે તો આપમેળે ઓફિશિયલ વોટ્સએપ પર ટ્રાન્સફર થઈ જશે. તમે પ્લે સ્ટોર ઓફિશિયલ વોટ્સએપ ડાઉનલોડ કરો અને ફોન નંબર વેરિફાય કરો. ત્યારબાદ તમે ઓફિશિયલ વોટ્સએપ યૂઝ કરી શકો છો.
