Facebook Group: આ ફેસબુક ગ્રુપમાં મહિલાઓ 'ડર્ટી સિક્રેટ' શેર કરે છે! પુરુષો સાથેની વાતો એકબીજાને કહે છે

યુકે અને યુએસમાં ઘણા લોકો ઓનલાઇન ડેટિંગમાં સક્રિય છે. આવી સ્થિતિમાં મહિલાઓએ અહીં ફેસબુક પર ‘Are We Dating The Same Guy’ નામનું સિક્રેટ ગ્રુપ બનાવ્યું છે. આ સિક્રેટ ફેસબુક ગ્રુપમાં મહિલાઓ પુરુષો વિશેના રિવ્યૂ શેર કરે છે. Dazedના અહેવાલ મુજબ, આ પ્રકારનું પહેલું ગ્રુપ ગયા વર્ષે માર્ચમાં ન્યૂયોર્કમાં શરૂ થયું હતું. બે મહિના પછી લંડનમાં પણ આવું જ એક ગ્રુપ બનાવવામાં આવ્યું હતું.

તાજેતરના સમયમાં લંડન ગ્રુપની સંખ્યામાં ઝડપથી વધારો થયો છે. તેમાં હવે 16 હજારથી વધુ સભ્યો છે. આ ઉપરાંત છેલ્લા કેટલાક મહિનામાં યુકેના માન્ચેસ્ટર, નોટિંગહામ અને એડિનબર્ગ જેવા વિસ્તારોમાં હાઇપરલોકલ ગ્રુપ પણ ઉભરી આવ્યા છે.

આ ગ્રુપમાં તમામ પ્રકારની મહિલાઓ છે. મહિલાઓને આ ગ્રુપમાં અનામી રીતે પોસ્ટ કરવા માટે પ્રોત્સાહિત કરવામાં આવે છે. આમાં મહિલાઓ વારંવાર ‘🚩:info in comments’ કે કોઈપણ ‘☕?’ સાથે કમેન્ટ પોસ્ટ કરે છે. પછી જો ગ્રુપમાં કોઈપણ સ્ત્રી તે પુરુષને પહેલાં મળી હોય, તો તે તેના વતી એક પોસ્ટ ત્યાં છોડી દે છે.

આ ગ્રુપમાં જોડાવવા માટે કેટલાક નિયમો પણ બનાવવામાં આવ્યા છે. નિયમો અનુસાર, અહીં કોઈપણ વ્યક્તિના દેખાવ વિશે ટિપ્પણી કરવાની મંજૂરી નથી. અભદ્ર ભાષાનો ઉપયોગ કરવા, ધમકીઓ આપવા અથવા સંવેદનશીલ માહિતી શેર કરવા અથવા ગ્રુપની પોસ્ટના સ્ક્રીનશૉટ્સ ફેલાવવા માટે પણ પ્રતિબંધિત છે.

ગ્રુપ સાથે સંકળાયેલી ઘણી મહિલાઓ માટે આ માત્ર મનોરંજનનું સાધન છે. જ્યારે ઘણી મહિલાઓ માટે આ ગ્રુપ ખૂબ જ ઉપયોગી છે. ગ્રુપ સાથે સંકળાયેલી ઘણી સ્ત્રીઓ માટે, આ ગપસપ કરતાં વધુ છે. અહીં મહિલાઓ પુરુષે કરેલી છેતરપિંડી વિશે જણાવે છે.

આ ઉપરાંત જો પુરુષે ખોટા પ્રકારના વીડિયો બનાવવાનું કહ્યું હોય તો તે અન્ય મહિલાઓને તેના વિશે જણાવે છે. આ સાથે તે કેટલાક એવા પુરૂષો વિશે જણાવે છે કે, જેમણે જાતીય સંક્રમણ પછી પણ કોન્ડોમ ન પહેરવાનું બહાનું બનાવ્યું હતું. એક મહિલાએ તે પણ જણાવ્યું હતું કે, ‘કેવી રીતે તે ગર્ભવતી થઈ તે પછી એક પુરુષે કહ્યું કે તે તેને ક્યારેય પ્રેમ કરતો નથી.’

જો કે, આવા ગ્રુપ વિશે, ગ્રુપની કેટલીક મહિલાઓનું કહેવું છે કે, આ રીતે કોઈની તસવીર શેર કરવી અથવા તેના વિશે વાત કરવી ખોટું છે. બીજી બાજુ, કેટલાક માને છે કે જો આવા ગ્રુપમાં ખોટી વ્યક્તિ વિશે માહિતી સામે આવે છે, તો કેટલીક અન્ય મહિલાઓ તેનો ભોગ બનવાથી બચી શકે છે.