Twitter પર આવ્યું નવું ફીચર, હવે કોઈપણ ઈવેન્ટ દરમિયાન સરળતાથી કરી શકશો ટ્વીટ, જાણો કેવી રીતે કરશો ઉપયોગ

ટ્વિટર પર આ નવા ફીચરને લાઈવ કરતા પહેલા એલોન મસ્કએ પોતે યુઝર્સને તેના વિશે જાણકારી આપી હતી. મસ્કે ટ્વીટ કર્યું કે લાઇવ ટ્વીટીંગ ફીચર હવે પ્લેટફોર્મ પર એક્ટિવ છે.

ટ્વિટર પર 'લાઇવ ટ્વિટિંગ' ફિચર દ્વારા, વપરાશકર્તાઓ ટ્વિટર પર ચાલી રહેલી ઇવેન્ટ દરમિયાન સરળતાથી ટ્વિટ કરી શકશે. ઉપરાંત, વપરાશકર્તાઓ ઇવેન્ટની મધ્યમાં તેમના ટ્વિટ થ્રેડને ઉમેરી શકે છે અને દૃશ્યો મેળવી શકે છે.

એલન મસ્ક માઇક્રો-બ્લોગિંગ સાઇટ પર કન્ટેન્ટમાં ફેરફાર અંગે યુઝર્સની સલાહ પણ માંગી રહ્યા છે. ઘણા યુઝર્સે ટ્વિટર પર કેરેક્ટર લિમિટ, વર્ચ્યુઅલ જેલ અને ફ્રી સ્પીચ અંગે વિવિધ સૂચનો આપ્યા છે. રાઈટર મેટ ટેબ્બી આ લાઈવ ટ્વીટીંગ ફીચરનો ઉપયોગ કરનાર પ્રથમ ટ્વિટર યુઝર બની ગયા છે.

ટ્વિટર પર એક વપરાશકર્તાએ એલોન મસ્કને વર્ચ્યુઅલ જેલ બનાવવાની સલાહ આપી છે. જો કોઈ યુઝર્સે કંપનીની પોલિસી કે નિયમોનો ભંગ કર્યો હોય તો તે લોકોની પ્રોફાઈલ પર જેલ આઈકોન આવી જશે અને તેઓ ટ્વિટરની વર્ચ્યુઅલ જેલમાં ગયા પછી ટ્વીટ કરી શકશે નહીં, તેમજ અન્ય કોઈ ટ્વીટ પર લાઈક કે કોમેન્ટ પણ કરી શકશે નહીં.

એક યુઝરે મસ્કને ટ્વિટરની કેરેક્ટર લિમિટ વધારીને 1,000 કરવાનું સૂચન કર્યું, જેના પર મસ્કે કહ્યું કે તે અમારી યાદીમાં છે, તેના પર વિચાર કરવામાં આવશે.