TikTokનું નવું ફીચર WhatsApp યૂઝર્સ માટે બની શકે છે માથાનો દુખાવો!

TikTokના યૂઝર્સમાં સતત વધારો થઈ રહ્યો છે. TikTokના વીડિયોના કારણે અનેક પ્રકારની દુર્ઘટના પણ સામે આવી રહી છે. યંગ જનરેશનમાં તેનો ક્રેઝ વધતો જઈ રહ્યો છે. તેને જોતાં TikTok એક નવું ફીચર લઈને આવી રહ્યું છે. તેનાથી WhatsAppના યૂઝર્સને પરેશાનીનો સામનો કરવો પડી શકે છે.

મૂળે, મીડિયા રિપોર્ટ્સ મુજબ, TikTok એક નવા ફીચરનું ટેસ્ટિંગ કરી રહ્યા છે. આ ફીચરમાં TikTokના વીડિયોને સીધો WhatsApp કોન્ટેક્ટ્સમાં મોકલી શકાશે. અત્યાર સુધી આ પ્રકારનું ફીચર નહોતું. જોકે, અત્યાર સુધી એપનું શેર ફીચર યૂઝ કરીને TikTok યૂઝર્સ WhatsApp કે બીજા મેસેન્જર પર વીડિયો શેર કરી શકે છે, પરંતુ આ ફીચર TikTok યૂઝર્સનું કામ સરળ કરી દેશે.

તેનો અર્થ એ થયો કે જો તમે TikTokનો ઉપયોગ નથી કરતા અને આપના મિત્ર યૂઝ કરે છે તો તમે તૈયાર થઈ જાઓ હવે આપને WhatsApp પર TikTok વીડિયોનું પૂર આવવાનું છે. જોકે, હજુ આ ફીચરનું ટેસ્ટિંગ ચાલી રહ્યું છે, પરંતુ ટૂંક સમયમાં આ ફીચરને TikTok એપમાં આપવામાં આવી શકે છે.

TikTokમાં થશે આ ફેરફાર : રિવર્સ-એન્જિનિયરિંગના એક્સપર્ટ જેન માનચુન વોંગે હાલમાં જ ટ્વિટ કરી જણાવ્યું કે નવા ફીચરમાં ગ્રિડ-સ્ટાઇલ લેઆઉટ, એક એકાઉન્ટ સ્વીચર અને એક Discover પેજની સાથે અનેક સુવિધાઓ આપવામાં આવશે.

>>> ટિકટોક પોતાની એપમાં યૂઝર્સ માટે એક ડેડિકેટેડ બટન આપવાનું છે જે યૂઝર્સને આ એપ પર એન્ટરટેનિંગ કોન્ટેન્ટને એક્સપ્લોર કરવામાં મદદ કરશે.

TikTok કેવી રીતે કામ કરે છે? TikTok એક સોશિયલ મીડિયા એપ છે. તેના દ્વારા સ્માર્ટફોન યૂઝર નાના-નાના વીડિયો બનાવે છે અને શેર કરે છે. તેની ખાસ વાત એ છે કે તેની પર યૂઝર પોતાના અવાજમાં વીડિયો નથી મૂકી શકતો. તેને બસ પોતાના હોઠ હલાવવાના હોય છે એટલે કે લિપીસિંક કરવાનું હોય છે. તેની પર વીડિયો અવધિની લિમિટ 15 સેકન્ડ છે.