Photos માં જુઓ નવી Nexon EV Max ની ખૂબસૂરતી! આકર્ષક, લક્ઝરી ફીચર્સ ધરાવે છે આ SUV

Nexon EV Max ભારતીય બજારમાં Hyundai Kona અને MG ZS EV સાથે સ્પર્ધા કરશે. જો કે વેચાણના મામલામાં તે આ ઈલેક્ટ્રિક કારથી ઘણી આગળ છે. તેની શરૂઆતી કિંમત 17.74 લાખ રૂપિયા રાખવામાં આવી છે, જ્યારે તેના ટોપ મોડલની કિંમત 19.24 લાખ રૂપિયા (એક્સ-શોરૂમ) સુધી જાય છે.

Nexon EV Maxમાં Nexon EV કરતાં 30% મોટું બેટરી પેક આપવામાં આવ્યું છે. તેમાં 40.5 kWhની બેટરી છે. કંપનીનો દાવો છે કે તે સિંગલ ચાર્જ પર 437 કિમીની રેન્જ આપશે. ખાસ વાત એ છે કે મોટી બેટરી હોવા છતાં તેની બૂટ સ્પેસ ઘટી નથી, જે પહેલાની જેમ 350 લીટર પર જ છે.

Nexon EV Max માં લેધરેટ વેન્ટિલેટેડ ફ્રન્ટ સીટ્સ, એર પ્યુરીફાયર, હરમન ઇન્ફોટેનમેન્ટ, મોડ્સ માટે જ્વેલરી ડાયલ નોબ, વાયરલેસ ફોન ચાર્જર જેવા ઘણાં અડ્વાન્સડ ફીચર્સ મળે છે.

Nexon EV Max ત્રણ ડ્રાઇવ મોડ્સ સિટી, સ્પોર્ટ અને ઇકો સાથે આવે છે. આ મોડલમાં એક એક્ટિવ મોડ ડિસ્પ્લે સાથે નવું ડ્રાઇવ મોડ સિલેક્ટર આપવામાં આવ્યું છે. આ કારમાં અડ્વાન્સડ ZConnect 2.0 કનેક્ટેડ કાર ટેક્નોલોજી મળે છે, જે 48 કનેક્ટેડ કાર ફીચર્સ સાથે આવે છે.

સેફ્ટી માટે Nexon EV Maxના બધા ટાયરમાં ડિસ્ક બ્રેક, ESP, હિલ હોલ્ડ અને હિલ ડિસેન્ટ કંટ્રોલ, ડ્યુઅલ એરબેગ, ઇમરજન્સી સ્ટોપ લાઈટ, રોલ ઓવર મિટીગેશન, બ્રેક ડિસ્ક વાઈપિંગ, ISOFIX જેવા ફીચર્સ છે. Nexon EV Max મલ્ટિ-મોડ રિજનરેશન ફંક્શન સાથે આવે છે.

Nexon EV Max ઘણી હદ સુધી રેગ્યુલર મોડલ જેવું જ છે, જો કે, SUV ડેટોના ગ્રે અને પ્રિસ્ટીન વ્હાઇટ સાથે એક નવા સ્પેશિયલ ઇન્ટેન્સી-ટીલ કલરમાં આવે છે. બધા Nexon EV Max વેરિઅન્ટ્સ સ્ટાન્ડર્ડ તરીકે ડ્યુઅલ ટોન કલરમાં આવશે.

Nexon EV Max ઇલેક્ટ્રીક SUV માત્ર 9 સેકન્ડમાં 0 થી 100 kmphની ઝડપ પકડી શકે છે. Tata Electric SUV સાથે ચાર્જિંગના બે વિકલ્પ ઓફર કરે છે, સ્ટાન્ડર્ડ 3.3kWh ચાર્જર અને 7.2kWh AC ફાસ્ટ ચાર્જર. Nexon EV Maxના બેટરી પેકને કોઈપણ 50 kW DC ફાસ્ટ ચાર્જર વડે માત્ર 56 મિનિટમાં 0 થી 80 ટકા સુધી ચાર્જ કરી શકાય છે.