Tataની આ કારો પર મળી રહ્યું છે ભારે ડિસ્કાઉન્ટ, પ્રથમ વખત CNG મોડલ પર બમ્પર છૂટ

ટાટા હેરિયરને એક્સચેન્જ બોનસ તરીકે કુલ રૂ. 40,000નું ડિસ્કાઉન્ટ મળી રહ્યું છે. આ સિવાય 5,000 રૂપિયાનું કોર્પોરેટ ડિસ્કાઉન્ટ છે. આ ડિસ્કાઉન્ટ Harrier SUVના તમામ વેરિઅન્ટ પર ઉપલબ્ધ છે. આ SUV 2.0-લિટર ડીઝલ એન્જિન સાથે આવે છે.

Tata Safari પર એક્સચેન્જ બોનસ તરીકે રૂ. 40,000નું ડિસ્કાઉન્ટ મળી રહ્યું છે. જો કે, કાર નિર્માતા આના પર કોઈ કોર્પોરેટ ડિસ્કાઉન્ટ ઓફર કરી રહી નથી. ઉપરાંત, હેરિયરની જેમ, ટાટા સફારીના તમામ વેરિયન્ટ્સ પણ તેનો લાભ મેળવે છે.

ટાટા મોટર્સ પ્રથમ વખત Tigor CNG વેરિઅન્ટ પર લાભો ઓફર કરી રહી છે. Tata Tigor CNG પર 15,000 રૂપિયાનું રોકડ ડિસ્કાઉન્ટ અને 10,000 રૂપિયાનું એક્સચેન્જ બોનસ મળી રહ્યું છે. Tigor CNG 1.2-લિટર એન્જિન દ્વારા સંચાલિત છે જે મેન્યુઅલ ગિયરબોક્સ સાથે જોડાયેલ 69 bhp અને 95 Nm ટોર્ક બનાવે છે.

Tata Tigorના તમામ વેરિયન્ટ પર 20,000 રૂપિયાનું ડિસ્કાઉન્ટ મળી રહ્યું છે. આમાં એક્સચેન્જ બોનસ તરીકે રૂ. 10,000 અને રૂ. 10,000નું રોકડ ડિસ્કાઉન્ટ સામેલ છે. ટાટા ટિગોર પેટ્રોલ સીએનજી વેરિઅન્ટની જેમ જ 1.2-લિટર એન્જિન દ્વારા સંચાલિત છે પરંતુ તે 84 Bhp અને 113 Nm ટોર્ક વિકસાવે છે.

Tata Tiago હેચબેક પર 10,000 રૂપિયાનું રોકડ ડિસ્કાઉન્ટ અને 10,000 રૂપિયાનું એક્સચેન્જ બોનસ મળી રહ્યું છે. આના પર કુલ ડિસ્કાઉન્ટ 20,000 રૂપિયા સુધી જાય છે. કેટલીક ડીલરશિપ હેચબેક પર રૂ. 3,000નું વધારાનું કોર્પોરેટ ડિસ્કાઉન્ટ પણ ઓફર કરે છે. જો કે, ટિગોરથી વિપરીત, ટિયાગોના CNG વેરિઅન્ટ પર કોઈ ડિસ્કાઉન્ટ નથી.