electric vehicle subsidy : ઇલેક્ટ્રિક સાઇકલ પર કેટલી મળી રહી સબસિડી? ખરીદતા પહેલા જાણીલો આ 5 મહત્વની બાબતો

electric vehicle subsidy : સબસિડી તમામ ઇલેક્ટ્રિક સાયકલ માટે નથી. દિલ્હી સરકારે ચાર કંપનીઓની 11 ઇલેક્ટ્રિક સાયકલ મોડલને મંજૂરી આપી છે, જે અત્યાર સુધી સબસિડી માટે પાત્ર છે. જો કે આવનારા સમયમાં આ સંખ્યામાં વધારો થવાની સંભાવના છે. તેમાં Hero Lectro E-Cycle, Nexzoo Mobility Limited, Strider Cycle Private Limited અને Motorvolt Mobility Private Limited જેવી કંપનીઓના મોડલનો સમાવેશ થાય છે.

દિલ્હી સરકાર પ્રથમ 10,000 ખરીદદારોને ₹5,500 ની સબસિડી આપી રહી છે, જેઓ 11 ઇલેક્ટ્રિક સાયકલ મોડલમાંથી કોઈપણ પસંદ કરે છે. પ્રથમ 1,000 ખરીદદારો દિલ્હી EV નીતિ હેઠળ રૂ. 2,000 ની વધારાની સબસિડી પણ મેળવી શકે છે.

સબસિડી પહેલાં સરકાર દ્વારા મંજૂર કરાયેલ ઇલેક્ટ્રિક સાયકલ મોડલની કિંમત ₹31,000 થી ₹55,000 સુધીની છે. સબસિડીનો લાભ લેવા માટે, સરકારે એક ઓનલાઈન પોર્ટલ ખોલ્યું છે જેના પર ડીલરો પાત્ર ખરીદદારોની વિગતો દાખલ કરી શકે છે. પોર્ટલના ઉદઘાટનના પ્રથમ દિવસે બુધવારે બે ખરીદદારોની વિગતો અપલોડ કરવામાં આવી હતી, જ્યારે મંજૂર સૂચિમાંથી 20 થી વધુ ઇલેક્ટ્રિક સાયકલ વેચવામાં આવી હતી.

દિલ્હી સરકારનું કહેવું છે કે, સબસિડીની રકમ જમા કરવામાં ખરીદદારની માહિતી અપલોડ કરવાની તારીખથી પાંચ દિવસનો સમય લાગશે. સબસિડી ગ્રાહકના આધાર લિંક્ડ બેંક ખાતામાં જમા થશે.

ઈલેક્ટ્રિક સાઈકલમાં રજિસ્ટ્રેશન પ્લેટ નથી હોતી, દિલ્હી સરકારનો ટ્રાન્સપોર્ટ ડિપાર્ટમેન્ટ વેચાતી દરેક ઈલેક્ટ્રિક સાઈકલ સાથે એક યુનિક નંબર જોડશે. વેપારીએ પોર્ટલ પર અન્ય વિગતો સાથે આ નંબર અપલોડ કરવાનો રહેશે.