દક્ષિણ કોરિયન ટેકનોલોજી કંપની સેમસંગ તેમનો પહેલો ફોલ્ડેબલ ડિસ્પ્લે ધરાવતો સ્માર્ટફોન ભારતમાં લોન્ચ કરવા જઇ રહી છે. તે વૈશ્વિક સ્તરે પહેલેથી જ લોન્ચ કરવામાં આવ્યો હતો, પરંતુ સમીક્ષા એકમની કેટલીક સમસ્યાઓના કારણે આ ફોનની રજૂઆત મોકૂફ રાખવામાં આવી હતી.
સેમસંગે હવે પુષ્ટિ કરી છે કે આ સ્માર્ટફોન સપ્ટેમ્બરમાં લોન્ચ થશે. શરૂઆતમાં તેને ભારત સહિત કેટલાક દેશોમાં જ શરૂ કરવામાં આવશે. જેમા ભારતમાં પણ હશે.
સેમસંગ ઇન્ડિયાની વેબસાઇટ પર Galaxy Foldને રજૂ કરવામાં આવ્યો છે. એવી પણ અપેક્ષા રાખવામાં આવે છે કે આ સ્માર્ટફોન ભારતમાં જલ્દી આવી રહ્યો છે.
ગેલેક્સી એસ 10 લોન્ચ દરમિયાન સેમસંગ મોબાઇલના વડા ડીજે કોહે પણ પુષ્ટિ કરી હતી કે ગેલેક્સી ફોલ્ડ ભારતમાં લોન્ચ થશે. કંપનીએ ગ્લોબલ રિવ્યુ યુનિટ્સમાં સમસ્યા બાદ તેને યોગ્ય કરવા માટે ફોનને હોલ્ડ પર રાખ્યો છે. હવે આખરે કંપનીએ એક નિવેદનમાં કહ્યું છે કે તે સપ્ટેમ્બરમાં રજૂ કરવામાં આવશે.
હાલમાં સેમસંગ શરૂઆતમાં આ સ્માર્ટફોનના 10 લાખ યુનિટ વિશ્વ માટે બનાવશે. માંગને ધ્યાનમાં રાખીને વધુ એકમો બનાવવામાં આવશે. ભારતમાં આવ્યાંપ છી આ સ્માર્ટફોનનું ઉત્પાદન વધારી શકાય છે.
ગેલેક્સી ફોલ્ડના ભાવની વાત કરીએ તો, યુએસમાં તેની કિંમત 1980 યુએસ ડોલર છે, જે રૂપિયામાં જોઇએ તો 1.40 લાખ રૂપિયા થાય છે. ભારતમાં તે પ્રારંભિક કિંમત 1.20 લાખ રૂપિયામાં મળી શકે છે. હ્યુવેઇએ પણ ભારતમાં તેના ફોલ્ડેબલ ડિસ્પ્લે વાળા સ્માર્ટફોનના લોન્ચિંગને મુલતવી રાખ્યું છે અને તે ક્યારે લોન્ચ થશે તે જોવું રસપ્રદ રહેશે.
